ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⴷⴰⵏ ⵏ ⵓⵏⵥⵓⵍ: ⴰⴷ ⵢⴻⵜⵜⵡⴰⵙⵜⴻⵏⵢⵉ ⵓⵎⵜⴰⵡⴰ ⵏ ⵜⴰⵍⵡⵉⵜ ⵓⵇⴱⴻⵍ 17 Ɣⵓⵛⵜ
ⴰⴷⴷⵉⵙ ⴰⴱⴻⴱⴰ – ⵉⵎⴹⴻⴱⴱⵔⴻⵏ ⵏ ⵙⵓⴷⴰⵏ ⵏ ⵓⵏⵥⵓⵍ ⴰⴷ ⵙⵜⴻⵏⵢⵉⵏ ⴰⵎⵜⴰⵡⴰ ⵏ ⵜⴰⵍⵡⵉⵜ ⵓⵇⴱⴻⵍ 17 Ɣⵓⵛⵜ ⴰⴽⴽⴻⵏ ⴰⴷ ⴼⴰⴽⴻⵏ ⵟⵟⵔⴰⴷ ⴰⵖⴰⵔⵉⵎ ⴰⵢ ⴰⵙⴻⵏ-ⵢⴻⵙⵡⴰⵖⴻⵏ ⵜⴰⵎⵓⵔⵜ-ⵏⵙⴻⵏ ⵓⴳⴰⵔ ⵏ ⵓⵙⴻⴳⴳⴰⵙ ⴷ ⵓⵣⴳⴻⵏ ⴰⵢⴰ, ⵢⴻⵔⵏⴰ ⵜⴰⵍⴰⵙⵜ-ⴰ ⵏ ⵓⵙⵜⴻⵏⵢⵉ ⵏ ⵍⴻⵄⵇⴻⴷ ⴷ ⵉⴱⴷⴰⵎⵎⴰⵙⴻⵏ ⵉⴳⵔⴰⵖⵍⴰⵏⴻⵏ ⴰⵢ ⴰⵙⴻⵏ-ⵜⵜ-ⵉⴷ-ⵢⴻⵙⵙⴻⵔⵙⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.
ⵉⵎⴹⴻⴱⴱⵔⴻⵏ ⵏ ⵙⵓⴷⴰⵏ ⵏ ⵓⵏⵥⵓⵍ ⴰⵢ ⵍⴰ ⵢⴻⵜⵜⴻⵎⵛⴰⵡⴰⵕⴻⵏ ⴰⴷ ⴷⴷⵓⵏ ⴰⵙⵙ ⵏ ⵍⵊⴻⵎⵄⴰ ⵖⴻⵔ ⵜⵎⴰⵏⴻⵖⵜ ⵜⵉⵜⵢⵓⵒⵉⵜ ⴰⴽⴽⴻⵏ ⴰⴷ ⵜⴻⵏ-ⵉⴷ-ⵅⴻⴱⴱⵔⴻⵏ ⵖⴻⴼ ⵓⵙⴻⵏⴼⴰⵔ-ⴰ ⵏ ⵓⵎⵜⴰⵡⴰ.
ⴰⴷ ⴷ-ⵜⵉⵍⵉ ⴷⴰⵖ ⵜⵇⴰⵛⵓⵛⵜ ⴷⴻⴳ ⴰⴷⴷⵉⵙ ⴰⴱⴻⴱⴰ ⴷⴻⴳ 5 Ɣⵓⵛⵜ ⵉ ⵍⵎⴻⵏⴷ ⵏ ⵓⵙⵜⴻⵏⵢⵉ ⵏ ⵜⴻⴼⵜⴰⵔⵜ-ⴰ. ⴰⵟⴰⵙ ⵏ ⵜⵜⵉⵄⴰⴷⴰⵜ ⵢⴻⵛⴱⴰⵏ ⵡⴰ ⴰⵢ ⴳⴰⵏ ⵓⵇⴱⴻⵍ, ⵎⴰⵛⴰ ⵜⵜⵡⴰⵡⴻⵅⵅⵔⴻⵏ.
« ⵜⴰⴱⴷⴰⵎⵎⴰⵙⵜ ⵜⴻⵙⵙⵓⵎⴻⵔ-ⴷ ⴰⴷ ⴷ-ⵢⵉⵍⵉ ⵓⵎⵙⴻⴼⵀⴰⵎ ⴰⵢ ⵏⴻⵜⵜⵡⴰⵍⵉ ⴰⴷ ⵜ-ⵇⴻⴱⵍⴻⵏ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⵉ ⵍⵎⴻⵏⴷ ⵏ ⵜⴰⵍⵍⵉⵜ ⵏ ⵜⵓⴽⴽⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴻⵢⵧⵓⵎ ⵎⴻⵙⴼⵉⵏ, ⴰⵎⴻⵙⵜⴰⴳ ⵏ ⵜⵓⴷⴷⵙⴰ ⵜⴰⴳⴻⵔⵏⴰⴱⴰⴹⵜ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ (ⵉⴳⴰⴷ).
ⴰⵙⴻⵏⴼⴰⵔ ⵏ ⵓⵎⵜⴰⵡⴰ ⵉ « ⵓⵏⴰⴱⴰⴹ ⵏ ⵜⵓⴽⴽⵉⵜ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ » ⴷ ⵡⵉⵏ ⴰⵔⴰ « ⴷ-ⵢⴻⴼⴽⴻⵏ ⵜⵉⴼⵔⴰⵜ ⵉ ⵡⴰⴽⴽ ⵓⴳⵓⵔⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵜⴰⵍⵓⴼⵜ ⵏ ⵙⵓⴷⴰⵏ ⵏ ⵓⵏⵥⵓⵍ: ⵜⴰⵏⴱⴰⴹⵜ, ⴰⵙⵙⴻⴼⵔⴻⴽ ⵏ ⵜⴷⴰⵎⵙⴰ, ⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⴱⴻⴹⴹⵓ ⵏ ⵓⴷⴰⴱⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⴼⵉⵏ.
ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴱⴷⴰⵏⵜ-ⴷ ⴷⴻⴳ ⵉⵜⵢⵓⵒⵢⴰ ⴷⴻⴳ ⵡⴰⴽⵓⴷ-ⵏⵏⵉ ⴰⵢⴷⴻⴳ ⴰⵢ ⴷ-ⵢⴻⴱⴷⴰ ⵟⵟⵔⴰⴷ, ⵎⴰⵛⴰ ⴰⵔ ⴰⵙⵙ-ⴰ ⵡⴻⵔⵄⴰⴷ ⵓⵔ ⴷ-ⴳⵍⵉⵏ ⵙ ⵡⴰⵛⴻⵎⵎⴰ. ⵉⴷⵉⵙⴰⵏ ⴰⵢ ⵢⴻⵎⵅⴰⵚⴰⵎⴻⵏ ⵡⴻⵔⴵⵉⵏ ⵇⵓⴷⵔⴻⵏ ⴰⵃⴱⴰⵙ ⵏ ⵢⵉⵎⴻⵏⵖⵉ, ⵓⵍⴰ ⵎⴰ ⵙⵜⴻⵏⵢⴰⵏ 7 ⵏ ⵜⵉⴽⴽⴰⵍ ⴰⴽⴽⴻⵏ ⴰⴷ ⵃⴻⴱⵙⴻⵏ ⴰⵢⴰ ⵙⴻⴳ ⵢⴻⵏⵏⴰⵢⴻⵔ ⵏ 2014 ⴰⵔ ⴰⵙⵙ-ⴰ.
ⴰⴹⵔⵉⵙ ⵏ ⵓⵎⵜⴰⵡⴰ-ⴰ ⵢⴻⴷⴷⴰ-ⴷ ⴷⴻⴳ-ⵙ ⵓⵃⵔⵉⵛ ⴷ ⴰⵎⴻⵇⵔⴰⵏ ⵏ ⵢⵉⵙⵙⵓⵎⴰⵔ ⴰⵢ ⴷ-ⵢⴻⴷⴷⴰⵏ ⴷⴻⴳ ⵢⵉⵡⴻⵏ ⵏ ⵓⵎⵜⴰⵡⴰ ⵏⵉⴹⴻⵏ ⴰⵢ ⵢⵓⴳⵉ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ ⴷ ⵓⵏⵎⴰⵣⵓⵍ-ⵏⵏⴻⵙ ⴰⵇⴱⵓⵔ ⵔⵉⴻⴽ ⵎⴰⵛⵀⴰⵔ ⴰⵢ ⵢⴻⵇⵇⵍⴻⵏ ⴷ ⵉⵎⴹⴻⴱⴱⴻⵔ ⵏ ⵢⵉⵖⴻⵡⵡⴰⵖⴻⵏ. ⵉⵎⴹⴻⴱⴱⵔⴻⵏ-ⴰ ⵓⴳⵉⵏ ⴰⵎⵜⴰⵡⴰ-ⵏⵏⵉ ⴰⵎⴻⵣⵡⴰⵔⵓ ⴰⵙⵙ ⵏ 6 ⵎⴻⵖⵔⴻⵙ, ⴷⴻⴳ ⵜⵖⵉⵎⵉⵢⵉⵏ-ⵏⵏⵉ ⵜⵉⵏⴻⴳⴳⵓⵔⴰ ⵏ ⵍⴻⵎⵛⴰⵡⵕⴰⵜ, ⴷ ⴰⵛⵓ ⴽⴰⵏ, ⴰⵎⵜⴰⵡⴰ ⵏ ⵜⵉⴽⴽⴻⵍⵜ-ⴰ ⵉⵄⴰⵡⴻⴷ ⵢⴻⴽⵜⴰⵍ ⵉⵎⵓⵔⴻⵏ ⵏ ⴱⴻⴹⴹⵓ ⵏ ⵍⴻⵃⴽⴻⵎ ⴳⴰⵔ ⵙⵉⵏ ⵏ ⵢⵉⴷⵉⵙⴰⵏ ⴰⵢ ⵢⴻⵎⵅⴰⵚⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⴽⵔⴰ ⵏ ⵜⴻⵖⴱⵓⵍⴰ.
ⴰⵅⵚⴰⵔ ⵏ ⵍⴻⵎⵛⴰⵡⵕⴰⵜ ⵏ ⵎⴻⵖⵔⴻⵙ ⵢⴻⵣⵔⵉⵏ ⵢⴻⵙⵙⴰⵡⴻⴹ ⵉⴳⴰⴷ ⴰⴽⴽⴻⵏ ⴰⴷ ⴷ-ⵢⴰⵡⵉ ⵜⵉⴷⴷⵉⵜ ⵏⵉⴹⴻⵏ ⴰⵢⴷⴻⴳ ⵜⴰⴱⴷⴰⵎⵎⴰⵙⵜ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵡⵓⴷⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵜⴷⵉⵒⵍⵓⵎⴰⵜⵉⵜ ⵜⴰⵎⴰⴹⵍⴰⵏⵜ ⴰⴽⴽⴻⵏ ⴰⴷ ⵢⵉⵎⵖⵓⵔ ⵓⵃⵕⴰⵙ ⵖⴻⴼ ⵢⵉⵎⴹⴻⴱⴱⵔⴻⵏ ⵏ ⵙⵓⴷⴰⵏ ⵏ ⵓⵏⵥⵓⵍ.
ⵜⴰⴳⵔⴰⵡⵜ-ⴰ ⵜⴰⵎⴰⵢⵏⵓⵜ ⵓⵎⵉ ⵙⴻⵎⵎⴰⵏ « ⵉⴳⴰⴷ + » ⵜⴻⴽⴽⴰⵏⵜ ⴷⴻⴳ-ⵙ 5 ⵏ ⵜⵎⵓⵔⴰ ⴰⵢ ⴷ-ⵜⵙⴻⵎⵎⴰ ⵜⴷⵓⴽⵍⵉ ⵜⴰⴼⵔⵉⵇⵉⵜ (ⵍⴷⵣⴰⵢⴻⵔ, ⵏⵉⵊⵉⵔⵢⴰ, ⵞⴰⴷ, ⵜⴰⴼⵔⵉⵇⵜ ⵏ ⵓⵏⵥⵓⵍ, ⵕⵡⴰⵏⴷⴰ) ⵢⴻⵔⵏⴰ ⵢⴰⵍ ⵢⵉⵡⴻⵜ ⵜⴻⵜⵜⴻⴽⴽⴰ ⵙⴻⴳ ⵢⵉⵡⴻⵜ ⵙⴻⴳ ⵜⴻⵎⵏⴰⴹⵉⵏ ⵜⵉⵎⴻⵇⵔⴰⵏⵉⵏ ⵏ ⵜⴻⴼⵔⵉⵇⵜ, ⴰⵎ ⵡⴰⴽⴽⴻⵏ ⴰⵢ ⵜⵜⴻⴽⴽⴰⵏ ⴷⴰⵖ ⵛⵛⵉⵏⵡⴰ, ⵜⵓⴷⴷⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵏⵓⵕⵡⵉⵊ ⴷ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ.
