ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⴷ ⵜⵓⴽⴽⵙⴰ-ⵏⵏⴻⵙ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ – ⴰⴷ ⴷ-ⵢⵉⵍⵉ ⵓⵙⵙⴰⵏ ⵏ ⵍⴰⵕⴻⴱⵄⴰ ⴷ ⵍⴻⵅⵎⵉⵙ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⴷ ⵜⵓⴽⴽⵙⴰ-ⵏⵏⴻⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵓⵃⴷⴰⵕ ⵏ ⵢⵉⴳⴻⵏⵙⴰⵙⴻⵏ ⵏ ⵡⵓⴳⴰⵔ ⵏ 50 ⵏ ⵜⵎⵓⵔⴰ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵢⴻⵎⵎⵓⵣⵣⴳⴻⵏ (ⵢⴻⵜⵜⵅⴻⵚⵚⴻⵚⴻⵏ).

ⴰⵎⵢⴰⴳⴻⵔ-ⴰ ⴷ ⵍⴻⵣⵣⴰⵢⴻⵔ ⴰⵢ ⴷ-ⵉⴹⴻⴱⴱⵔⴻⵏ ⴰⴷ ⴷ-ⵢⵉⵍⵉ, ⵓⵍⴰ ⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴱⴻⵖⵙⴻⵏ ⴰⵙⵙⵓⴷⴷⴻⵙ-ⵏⵏⴻⵙ ⵢⴻⵔⵏⴰ ⴰⴷ ⵢⵉⵍⵉ ⴷ ⵜⴰⴳⵏⵉⵜ ⵉ ⵓⵇⴻⴷⴷⴻⵎ ⵏ ⵜⵉⴳⴰⵡⵉⵏ ⵜⵉⵎⴻⵇⵔⴰⵏⵉⵏ ⴰⵢ ⵜⴳⴰ ⵍⴻⵣⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⵟⵟⵓⵕⴼⴰ.

ⴰⵙⴰⵔⴰⴳ-ⴰ ⴰⴷ ⴷ-ⵢⵉⵍⵉ ⴷ ⴰⴽⴻⵎⵎⴻⵍ ⵏ ⵜⵉⴷⴷⵉⵜ ⴰⵢⵖⴻⴼ ⴷ-ⴹⴻⴱⴱⵔⴻⵏ ⴷⴻⴳ ⵜⵇⴰⵛⵓⵛⵜ ⵏ ⵓⵅⵅⴰⵎ ⴰⵎⴻⵍⵍⴰⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⴼⵓⵕⴰⵕ ⵢⴻⵣⵔⵉⵏ ⴷⴻⴳ ⵡⴰⵙⵀⵉⵏⴳⵜⵧⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵇⴷⴻⵛ ⵢⴻⵍⵀⴰⵏ ⵏ ⵓⵎⵄⴰⵡⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⵜⵓⴽⵔⵉⴹⵜ.

ⵍⴻⵣⵣⴰⵢⴻⵔ ⵜⴻⴱⵖⴰ ⴷⴰⵖ, ⵙ ⵓⵙⵙⵓⴷⴷⴻⵙ ⵏ ⵓⵙⴰⵔⴰⴳ-ⴰ ⴰⵎⴻⵇⵔⴰⵏ, ⴰⴷ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⵇⴰⵛⵓⵛⵜ ⵖⴻⴼ « ⵜⵉⵟⵟⵓⵕⴼⴰ ⵜⵓⴽⵔⵉⴹⵜ » ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴻⵎⵍⵉⵍⵉⵜ ⵏ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵏⴻⵡ ⵢⵧⵔⴽ.

ⴰⵙⴰⵔⴰⴳ ⵏ ⵍⴻⵣⵣⴰⵢⴻⵔ ⴰⴷ ⴷ-ⵉⵃⴰⵣ 8 ⵏ ⵜⴻⵎⵙⴰⵍ ⵜⵉⵎⴻⵇⵔⴰⵏⵉⵏ ⵢⴻⵔⵏⴰ ⵢⴰⵍ ⵜⴰⵎⵙⴰⵍⵜ ⴰⴷ ⵙⵇⴻⵔⴷⵛⴻⵏ ⴼⴻⵍⵍ-ⴰⵙ ⴷⴻⴳ ⵜⴻⵎⵍⵉⵍⵉⵜ ⵉ ⵢⵉⵎⴰⵏ-ⵏⵏⴻⵙ. ⵜⵉⵎⵙⴰⵍ-ⴰ ⴷ « ⴰⵇⴻⴷⴷⴻⵎ ⵏ ⵡⴰⵣⴰⵍ ⴷ ⴷⴷⵓⵕ ⴰⵢ ⵢⴻⵙⵄⴰ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⵜⵓⴽⵔⵉⴹⵜ ⴷ ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ », « ⴷⴷⵓⵕ ⵏ ⵍⵇⴰⵏⵓⵏ ⴷⴻⴳ ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ⵓⵍⴰ ⴷⴻⴳ ⵍⴻⵃⴱⴰⵙ » ⴷ « ⴷⴷⵓⵕ ⵏ ⵜⵙⵓⴷⴰ ⵏ ⴷⴷⵉⵏ ⴷⴻⴳ ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ».

ⵜⵉⵎⵙⴰⵍ ⵏⵉⴹⴻⵏ ⵏⵉⵜⴻⵏⵜⵉ ⴷ « ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ, ⴰⵄⴰⵡⴻⴷ ⵏ ⵜⵓⴽⵛⵉ ⵏ ⵢⵉⵣⴻⵔⴼⴰⵏ ⴷ ⵜⵔⵉⵔⵉⵜ ⵖⴻⵔ ⵜⵎⴻⵜⵜⵉ », « ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ⴷ ⵍⵎⴻⴵⵀⵓⴷ ⵏ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⵜⵓⴽⵔⵉⴹⵜ ⵙ ⵓⵙⵙⴻⴳⵎⵉ ⴷ ⵓⵙⵎⴰⵍ ⵏ ⵜⴰⵔⵔⴰⵢⵉⵏ ⵏ ⵓⵙⵙⴻⵍⵎⴻⴷ, ⵏ ⵓⵙⵙⵉⵍⴻⵖ ⴰⵎⵙⴰⴷⵓⵔ ⴷ ⵓⵙⵙⴻⵎⵔⴻⵙ » ⴷ « ⴷⴷⵓⵕ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⵎ ⵜⵔⴻⴳⵡⴰ ⵏ ⵓⴳⴻⵏⵙⴰ ⴷ ⵜⴻⵙⴳⵉⵍⵉⵏ ⵏ ⴷⴷⵉⵏ ⴷⴻⴳ ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ».

ⴰⴷ ⴷ-ⵢⵉⵍⵉ ⴷⴰⵖ ⵓⵙⵍⴰⵙⵧ ⵖⴻⴼ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ « ⴷⴷⵓⵕ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴳ ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ » ⴷ « ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ⴷ ⵓⴽⵕⴰⵀ ⵏ ⵢⵉⴱⴻⵕⵕⴰⵏⵉⵢⴻⵏ ⴷ ⵍⵉⵙⵍⴰⵎ ».

ⵡⵉⴷ ⴰⵔⴰ ⵢⴻⵜⵜⴻⴽⴽⵉⵏ ⴰⴷ ⵏⴰⴷⵉⵏ ⵖⴻⴼ ⵡⵓⴳⵓⵔⴻⵏ ⵓⵛⵔⵉⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⵜⵡⴰⴽⴽⵙⴻⵏ ⵙⴻⴳ ⵓⴱⵔⵉⴷ ⵉ ⵍⵎⴻⵏⴷ ⵏ ⵜⵓⴽⴽⵙⴰ ⵏ ⵜⵉⵟⵟⵓⵕⴼⴰ ⴷ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⵜⵓⴽⵔⵉⴹⵜ, ⴷ ⵍⴻⵛⵖⴰⵍ ⴰⵢ ⵉⵣⴻⵎⵔⴻⵏ ⴰⴷ ⵙⵙⵉⴼⴻⵙⵙⴻⵏ ⴰⵎⵄⴰⵡⴻⵏ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏⴻⵖ ⴷⴻⴳ ⵓⵏⵎⴰⴳⴻⵔ ⴰⵎⴰⴹⵍⴰⵏ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.

ⴰⵙⴰⵔⴰⴳ-ⴰ ⵢⴻⵔⵥⴻⵎ ⵉ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵓⵏⵎⴰⴳⴻⵔ ⴰⵎⴰⴹⵍⴰⵏ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵉ ⵜⵎⵓⵔⴰ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ, ⵉ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉ ⵢⵉⴳⴻⵏⵙⴰⵙⴻⵏ ⵏ ⵜⵓⴷⴷⵙⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ-ⵢⴻⵍⵀⴰⵏ ⴷ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵉ ⵢⵉⵛⵔⵉⴽⴻⵏ ⵉⴱⴻⵕⵕⴰⵏⵉⵢⴻⵏ ⵏ ⵜⴻⵎⵏⴰⴹⵜ ⴷ ⵜⵓⴷⴷⵙⵉⵡⵉⵏ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ.

ⴰⴷ ⵃⴻⴷⵕⴻⵏ ⴷⴰⵖ ⴷⴻⴳ ⵓⵎⵢⴰⴳⴻⵔ-ⴰ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⴷ ⵢⵉⵎⴰⵣⵣⴰⵢⴻⵏ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵜⴻⵖⴷⴻⵎⵜ, ⵏ ⵜⴻⴷⵔⵉⵎⵜ, ⵏ ⵜⴻⵎⵙⵓⵍⵜⴰ, ⵏ ⵓⵙⵙⴻⴳⵎⵉ, ⵏ ⴷⴷⵉⵏ ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ ⵉ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵕⴼⴰ ⵜⵓⴽⵔⵉⴹⵜ.