ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⵉⵔⵜ ⵏ ⵓⴹⴰⵔ: ⴰⴷ ⵢⴻⵜⵜⵡⴰⵎⵏⴻⵄ ⵓⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⵉⵏ ⵙⴻⴳ ⵛⵛⴻⵜⵡⴰ ⴷ ⴰⵙⴰⵡⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ (ⴼⴰⴼ) ⵜⴻⵎⵍⴰⵍ ⴰⵙⵙ ⵏ ⵙⵙⴻⴱⵜ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵎⴻⵏⵡⴰⵍⴰ ⴷⴻⴳ ⴰⵢ ⵜⴻⵄⵣⴻⵎ ⴰⴷ ⵜⴻⴳⴷⴻⵍ (ⴰⴷ ⵜⴻⵎⵏⴻⵄ) ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⵖⴻⵔ ⵜⴻⵖⵍⴰⵎⵉⵏ ⵜⵉⵎⵙⴰⴷⵓⵔⵉⵏ ⵙⴻⴳ ⵜⴻⴳⵔⴻⵙⵜ (ⵛⵛⴻⵜⵡⴰ) ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵓⵍⵖⵓ ⵏ ⵜⴼⵉⴷⵉⵕⴰⵍⵉⵜ-ⴰ.
ⵎⴰ ⴷ ⵉⵎⴰⵔⵉⵔⴻⵏ ⴰⵢ ⵢⴻⵙⵄⴰⵏ ⵍⴻⵄⵇⴷⵓⵜⴰⵜ ⴷ ⵜⴻⵖⵍⴰⵎⵉⵏ ⵜⵉⵎⵙⴰⴷⵓⵔⵉⵏ ⴰⴷ ⴽⴻⵎⵎⵍⴻⵏ ⴰⴷ ⵓⵔⴰⵔⴻⵏ ⴰⵔⵎⴰ ⴷ ⴰⵙⵎⵉ ⴰⵔⴰ ⴼⴰⴽⴻⵏ ⵍⴻⵄⵇⵓⴷⴰⵜ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵢⴻⵜⵜⵡⴰⴷⴷⴻⵎ ⵕⵕⴰⵢ-ⴰ « ⵖⴻⴼ ⵍⴵⴰⵍ ⵏ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ, ⵢⴻⵇⵇⴻⵍ ⴷ ⴰⵡⴻⵣⵖⵉ ⴰⴷ ⴷ-ⵜⵜⵡⴰⴹⴻⴱⴱⵔⴻⵏ ⵢⵉⴷⵔⵉⵎⴻⵏ ⵉⴱⴻⵕⵕⴰⵏⵉⵢⵉⵏ ⵙ ⵓⴱⵔⵉⴷ ⵏ ⵍⵇⴰⵏⵓⵏ ⵉ ⵓⵅⴻⵍⵍⴻⵚ ⵏ ⵜⵛⴻⵀⵕⵉⵢⵉⵏ, ⴰⵙⵙⵉⵍⴻⵖ ⴷ ⵜⴻⵎⵙⴻⵜⵍⴻⵍⵜ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵃⴰⵙⵙⴻⴼ ⵉⵎⵉ ⴰⵢ ⵍⵍⴰⵏ ⴷⴰⵖ ⴽⵔⴰ ⵏ « ⵢⵉⵎⴻⴳⴳⵉⵢⴻⵏ ⵏ ⵢⵉⵎⴰⵔⵉⵔⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ » ⴰⵢ ⵉⴳⴰⵏ ⵜⵉⵖⴰⵡⵙⵉⵡⵉⵏ ⵏ ⴷⵉⵔⵉ ⴷⴻⴳ ⵓⵏⵔⴰⵔ-ⴰ.
ⵙⴻⴳ ⵓⵙⴻⴳⴳⴰⵙ ⵢⴻⵣⵔⵉⵏ, ⵜⴰⴼⵉⴷⵉⵕⴰⵍⵉⵜ ⵜⴻⴼⴽⴰ ⵜⵜⴻⵙⵔⵉⵃ ⵉ ⵜⴻⵖⵍⴰⵎⵉⵏ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵜⴻⵎⵖⵓⵏⵜ 1ⵓⵜ ⴰⴽⴽⴻⵏ ⴰⴷ ⵙⵙⵉⴷⴼⴻⵏⵜ ⴰⵔⵎⴰ ⴷ 3 ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ (ⵢⵉⵍⵉ, ⵓⵇⴱⴻⵍ ⵡⴰⵢⴰ, ⵍⵍⴰⵏⵜ ⵙⵄⴰⵏⵜ ⴰⵣⵔⴻⴼ ⴰⴷ ⴷ-ⵙⵙⵉⴷⴼⴻⵏⵜ ⴽⴰⵏ ⵙⵉⵏ). ⴷ ⴰⵛⵓ ⴽⴰⵏ, ⴰⵍⴰ 2 ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⴰⵢ ⵢⴻⵜⵜⴰⵍⴰⵙⴻⵏ ⴰⴷ ⵓⵔⴰⵔⴻⵏ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵖⴻⴼ ⵜⵉⴽⴽⴻⵍⵜ.
