ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴰⵣⴰⵏⴻⵏ ⵓⵕⵓⴼⵉⵢⴻⵏ ⵙⵙⵓⵜⵔⴻⵏ ⴷⴻⴳ ⵜⵙⴻⵇⵇⴰⵎⵓⵜ ⴰⴷ ⵜⵄⴰⵡⴻⵏ ⵉⵚⴻⵃⵔⴰⵡⵉⵢⴻⵏ

ⴱⵔⵓⵅⴻⵍⵍⴻⵙ – ⵓⵣⵏⴻⵏ ⴽⵔⴰ ⵏ ⵢⵉⵎⴰⵣⴰⵏⴻⵏ (ⴱⴰⵔⵍⴰⵎⴰⵏⵉⵢⵢⵉⵏ) ⵓⵕⵓⴼⵉⵢⴻⵏ ⴰⵙⵙ ⵏ ⵍⵊⴻⵎⵄⴰ ⵜⴰⴱⵕⴰⵜ ⵉ ⵢⵉⵎⵡⴻⴽⴽⴻⵍ ⴷ-ⵢⴻⵍⵀⴰⵏ ⴷ ⵜⴰⵍⵍⴰⵍ ⵜⴰⵍⵙⴰⵏⵜ ⴷ ⵓⵙⵙⴻⴼⵔⴻⴽ ⵏ ⵜⴻⵣⵖⵉⵏⵉⵏ, ⵛⵀⵔⵉⵙⵜⵧⵙ ⵙⵜⵢⵍⵉⴰⵏⵉⴷⴻⵙ, ⴰⴽⴽⴻⵏ « ⴰⴷ ⵢⴻⴼⴽ ⵍⴻⵎⵄⴰⵡⵏⴰ ⵏ ⵜⴻⴷⵔⵉⵎⵜ ⵜⴰⵎⴰⵢⵏⵓⵜ » ⵉ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵉⵃⵓⵣⴰ ⵓⴳⴻⴼⴼⵓⵔ-ⴰ ⴰⵏⴻⴳⴳⴰⵔⵓ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⴷⴻⴳ ⵜⵉⵏⴷⵓⴼ (ⵍⴻⵣⵣⴰⵢⴻⵔ).

« ⵙ ⵢⵉⵙⴻⵎ-ⵏⵏⴻⵖ ⴷ ⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵎⵏⵉ ⵓⵕⵓⴼⵉ, ⵏⴻⵙⵙⵓⵜⵓⵔ ⵙⴻⴳ ⵜⵙⴻⵇⵇⴰⵎⵓⵜ ⵜⵓⵕⵓⴼⵉⵜ ⴰⴷ ⵜⵓⵔⴰⵔ ⴷⴷⵓⵕ ⵏ ⵜⴻⵎⴹⴻⴱⴱⴻⵔⵜ ⴷⴻⴳ ⵓⵙⵙⴻⴼⵔⴻⴽ ⵏ ⵜⴰⵍⵓⴼⵜ-ⴰ, ⵢⴻⵔⵏⴰ ⴰⴷ ⵜⴻⴼⴽ ⵍⴻⵎⵄⴰⵡⵏⴰ ⵏ ⵜⴻⴷⵔⵉⵎⵜ ⴷ ⵜⴰⵎⴰⵢⵏⵓⵜ ⵉ ⵓⵄⴰⵡⴻⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵏⴹⴻⵔⵔⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵢⴻⵔⵏⴰ ⴳⴳⵓⵏⵉⵏ ⴰⵍⴰ ⵍⴻⵎⵄⴰⵡⵏⴰ ⵜⴰⴳⵔⴰⵖⵍⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵓⵔⴰⵏ ⴷⴻⴳ ⵜⴻⴱⵕⴰⵜ-ⵏⵙⴻⵏ.

ⵉⵎⴰⵣⴰⵏⴻⵏ-ⴰ ⵏⵏⴰⵏ-ⴷ ⴷⴰⴽⴻⵏ « ⵜⴻⵛⵖⴻⴱ-ⵉⵜⴻⵏ ⵎⵍⵉⵃ ⵜⴻⵎⵙⴰⵍⵜ » ⵏ ⵍⴻⵅⵚⴰⵚ ⴰⵢⴷⴻⴳ ⴷⴷⵔⴻⵏ ⵢⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴼⴼⵉⵔ ⵢⵉⴳⴻⴼⵔⴰⵏ-ⵏⵏⵉ ⵉⵎⴻⵇⵔⴰⵏⴻⵏ ⴰⵢ ⵢⴻⵙⵅⴻⵚⵔⴻⵏ 5 ⵏ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⴷⴻⴳ ⵜⴻⵎⵏⴰⴹⵜ ⵏ ⵜⵉⵏⴷⵓⴼ, ⵢⴻⵔⵏⴰ ⴳⵔⴻⵏ-ⴷ ⵜⵉⵖⵔⵉ ⵉ « ⵡⵓⴳⴰⵔ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴰⴳⵔⴰⵖⵍⴰⵏ ⵖⴻⵔ ⵢⵉⴷⵉⵙ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ».

« ⵙⴻⴳ ⵍⴻⵄⴹⵉⵍ ⴰⴷ ⴷ-ⵜⵉⵍⵉ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵏⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵜⵉⵍⵉ ⵡⵓⴳⴰⵔ ⵏ ⵜⴻⵎⵙⴻⵜⵍⴻⵍⵜ ⵜⴰⴳⵔⴰⵖⵍⴰⵏⵜ ⵖⴻⵔ ⵢⵉⴷⵉⵙ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⴷⴷⵔⴻⵏ 40 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⴷⴻⴳ ⵍⴻⵣⵣⴰⵢⴻⵔ, ⴷⴻⴳ ⵜⴻⵎⵏⴰⴹⵜ ⵏ ⵜⵉⵏⴷⵓⴼ, ⴷⴻⴳ ⵓⵏⴻⵣⵡⵓ ⴰⵡⴻⵄⵕⴰⵏ ⵏ ⵓⵏⴻⵥⵔⵓⴼ (ⵚⵚⴻⵃⵔⴰ), ⵢⴻⵔⵏⴰ ⵅⵓⵚⵚⴻⵏ ⴷⴻⴳ ⵜⵖⴰⵡⵙⵉⵡⵉⵏ ⵏ ⵍⵍⵙⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵏⴻⵥⵔⵓⴼ ⴰⵎⴻⵇⵔⴰⵏ ⴷⵔⵓⵙ ⴰⵏⴷⴰ ⴰⵢ ⴷ-ⵢⴻⴽⴽⴰⵜ ⴷⴻⴳ-ⵙ ⵡⴰⵏⴻⵛⵜ-ⵏⵏⵉ ⴰⴽⴽ ⵏ ⵓⴳⴻⴼⴼⵓⵔ. ⵜⴰⴳⵏⵉⵜ-ⴰ ⵢⴻⴼⴼⵖⴻⵏ ⵉ ⵍⴻⵄⵡⴰⵢⴻⴷ ⵜⴻⴳⵍⴰ-ⴷ ⵙ « ⵜⴻⴳⵏⵉⵜ ⵏ ⵜⵓⵄⵊⵉⵍⵉⵏ », ⵢⴻⵔⵏⴰ ⵜⴻⵙⵙⴻⴷⵔⴻⵎ ⵉⵃⵔⵉⵛⴻⵏ ⵙ ⵍⴻⴽⵎⴰⵍ-ⵏⵙⴻⵏ ⵙⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⵖⴻⵏ ⴰⵢⴷⴻⴳ ⵣⴻⴷⵖⴻⵏ ⴰⵣⴰⵍ ⵏ 90.000 ⵏ ⵢⵉⵚⴻⵃⵔⴰⵡⵉⵢⴻⵏ ⵙⴻⴳ ⴳⴰⵔ ⵡⵉⴷ ⴰⵢ ⵉⵅⵓⵚⵚⴻⵏ ⴰⵟⴰⵙ ⴰⴽⴽ ⴷⴻⴳ ⵜⴻⵎⵏⴰⴹⵜ ⵜⴰⴷⵣⴰⵢⵔⵉⵜ ⵏ ⵜⵉⵏⴷⵓⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⴰⵏⴻⵏ-ⴰ.