ⴷⵣⴰⵢⴻⵔ/ⵜⴰⵛⴰⵡⵉⵜ

ⴷⵣⴰⵢⴻⵔ ⴷ ⵜⴰⵎⵓⵔⵜ (ⴷ ⵜⵉⵛⵜ ⵏ ⵜⵎⵓⵔⵜ) ⵜⴰⵎⴻⵇⵇⵔⴰⵏⵜ, ⵜⴻⴱⴹⴰ ⵖⴻⴼ ⵙⴻⵏ ⵏ ⵢⵉⵎⵓⵔⴻⵏ ⵉⵎⴻⵇⵇⵔⴰⵏⴻⵏ (ⵉⵃⴻⵍⵍⴰⵇⴻⵏ): ⴰⵖⵉⵔ (ⵜⴰⵎⵏⴰⴹⵜ) ⵏ ⵓⴳⴰⴼⴰ ⵍⵍⴰⵏ ⴷⴻⴳ-ⵙ ⵢⵉⵣⵓⵖⴰⵔ (ⵉⴳⵎⵓⵔⴻⵏ), ⵉⴷⵓⵔⴰⵔ, ⵉⵖⴻⵣⵔⴰⵏ ⴷ ⵢⵉⵜⴻⵏⴳⴰⵕ ⵉ ⴷ-ⵢⵓⵙⵉⵏ ⵖⴻⵔ ⵢⵉⴷⵉⵙ ⵏ ⵢⵉⵍⴻⵍ ⴰⴳⵔⴰⴽⴰⵍ, ⴰⴽⴽ ⴷ ⵜⴻⵎⵏⴰⴹⵜ (ⴰⵖⵉⵔ) ⵏ ⵓⵏⵥⵓⵍ, ⵉ ⵢⴻⵟⵟⴼⴻⵏ 4 ⵏ ⵢⵉⵎⵓⵔⴻⵏ ⵖⴻⴼ 5 ⵙⴻⴳ ⵓⵛⴰⵍ ⵏ ⵜⵎⵓⵔⵜ, ⴷ ⵜⵉⵏ ⵓⵎⵉ (ⵉⵡⵓⵎⵉ) ⵇⵇⴰⵔⴻⵏ “ⵜⵉⵏⵉⵔⵉ ⵜⴰⵎⴻⵇⵇⵔⴰⵏⵜ” ⵏⴻⵖ (ⵖⴻⵏ/ⵏⵉⵖ) “ⴰⵏⴻⵥⵔⵓⴼ”

ⴰⵙⴰⵜⵓⵍ:ⴰⵍⴳⴻⵔⵉⴰ ⵔⴻⵍⵉⴻⴼ.ⵒⵏⴳ

ⵉⴷⵓⵔⴰⵔ ⵏ ⵡⴰⵟⵍⴰⵙ, ⴰⵏⴻⵥⵔⵓⴼ, ⵉⴷⵓⵔⴰⵔ ⵏ ⵓⵀⴻⴳⴳⴰⵔ

ⵉⵛⴰⵍⵍⴻⵏ

ⴷⴻⴳ ⵓⵎⵓⵔ ⵏ ⵓⴳⴰⴼⴰ ⵏ ⵜⵎⵓⵔⵜ, ⵍⵍⴰⵏ ⵙⴻⵏ ⵏ ⵢⵉⵙⵓⵔⴰ ⵏ ⵢⵉⴷⵓⵔⴰⵔ ⵉ ⵢⴻⵙⵙⵉⵖⵔⴻⵏ ⵜⴰⵎⵓⵔⵜ ⵙⴻⴳ ⵢⵉⴳⵎⵉⵔⴻⵏ ⵏ ⵎⴻⵕⵕⵓⴽ ⴰⵍⴰⵎⵉ ⴷ ⴰⵙⴰⵎⵎⴻⵔ ⵏ ⵜⵎⵓⵔⵜ, ⵖⴻⵔ ⵢⵉⴷⵉⵙ ⵏ ⵢⵉⵍⴻⵍ ⴰⴳⵔⴰⴽⴰⵍ.

ⴰⵣⵔⴰⵔ ⵏ ⵢⵉⴷⵓⵔⴰⵔ ⵏ ⵓⴳⴰⴼⴰ ⴷ ⵡⵉⵏ ⵓⵎⵉ ⵇⵇⴰⵔⴻⵏ "ⴰⵟⵍⴰⵙ ⵏ ⵓⵜⴻⵍⵍ". ⴰⵎⵓⵔ ⴰⵎⴻⵇⵇⵔⴰⵏ ⵙⴻⴳ ⵢⵉⵖⵓⵔⴰⵎ ⵏ ⴷⵣⴰⵢⴻⵔ ⵣⴳⴰⵏⵜ-ⴷ ⴷⴻⴳ ⵢⵉⵣⵓⵖⴰⵔ ⵉⵢ ⴷ-ⵢⴻⵣⴳⴰⵏ ⴳⴰⵔ ⵢⵉⴷⵓⵔⴰⵔ ⵏ ⵡⴰⵟⵍⴰⵙ ⵏ ⵓⵜⴻⵍⵍ ⴷ ⵢⵉⵍⴻⵍ ⴰⴳⵔⴰⴽⴰⵍ. (ⴰ)ⵛⴰⵍ ⵏ ⵢⵉⵣⵓⵖⴰⵔ-ⴰⵢⵉ ⵢⴻⴽⵔⵓⵥ ⵢⴻⵔⵏⵉ ⴰⵎⵓⵔ ⴰⵎⴻⵇⵇⵔⴰⵏ ⵙⴻⴳ ⵢⵉⵎⴻⵣⴷⴰⵖ ⵏ ⵜⵎⵓⵔⵜ ⴷⵉⵏ ⵉ ⵜⵜⵉⵍⵉⵏ (ⵣⴻⴷⵖⴻⵏ). ⵜⴰⵎⵏⴰⴹⵜ-ⴰ ⵏ ⵓⴳⴰⴼⴰ ⵏ ⴷⵣⴰⵢⴻⵔ ⵉ ⴷⴻⴳ ⴷⴷⵓⴽⴽⵍⴻⵏ ⵢⵉⴷⵓⵔⴰⵔ ⴷ ⵢⵉⵣⵓⵖⴰⵔ ⵇⵇⴰⵔⴻⵏ-ⴰⵙ "(ⵜⵜⴻⵍ)ⴰⵜⴻⵍⵍ", ⵢⴻⵔⵏⴰ ⵍⵍⴰⵏ ⴷⴻⴳ-ⵙ ⵢⵉⴷⵓⵔⴰⵔ ⵏ ⵡⴰⵟⵍⴰⵙ ⵏ ⵓⵜⴻⵍⵍ, ⵉⵖⴻⵣⵔⴰⵏ ⵉ ⴷ-ⵢⵓⵙⵉⵏ ⵊⴰⵔ ⵢⵉⴷⵓⵔⴰⵔ-ⴰⵢ ⴷ ⵢⵉⵣⵓⵖⴰⵔ (ⵢⵉⵃⴳⵉⵏⴻⵏ) ⴰⵎ ⵡⵉⵏ ⵏ ⵜⵎⴻⵜⵜⵉⵊⵜ, ⵢⴻⵔⵏⵉ ⵛⴰⵍ ⵉ ⵢⵓⴷⵙⴻⵏ ⵖⴻⵔ ⵢⵉⵍⴻⵍ ⴷ ⵜⴻⵡⵔⵉⵔⵉⵏ, ⵎⴰⵛⴰⵏ ⵜⵜⵉⵍⵉⵏ ⵊⴰⵔ-ⴰⵙⴻⵏⵜ ⵉⵙⵓⴽⴰⵍ (ⵉⵏⵙⵉⵡⴻⵏ, ⵉⴷⴳⴰⵏ) ⵢⵓⴷⵔⴻⵏ ⵎⴰⵏⵉ (ⴰⵏⵉ, ⵎⴰⵏⵉⴷⴰ) ⵉ ⵜⵜⵡⴰⵙⵉⵍⵉⵏ ⵢⵉⵙⵓⴳⴰⵏ.

ⴰⵙⴰⵔⵓ ⵏ ⵢⵉⴷⵓⵔⴰⵔ ⵏ ⵓⵏⵥⵓⵍ ⴷ ⵡⵉ(ⵏ) ⵓⵎⵉ ⵇⵇⴰⵔⴻⵏ "ⴰⵟⵍⴰⵙ ⵏ ⵓⵏⴻⵥⵔⵓⴼ" ⵢⴻⵔⵏⵉ ⴷ ⵢⵢⵉⴷⵉⵏ ⴰⵢ ⴷ ⵉⴷⵓⵔⴰⵔ ⵉ ⴷ-ⵢⴻⵙⴱⴻⴷⴷⴻⵏ ⵉⵊⴷⵉ ⵏ ⵓⵏⴻⵥⵔⵓⴼ ⴱⴰⵛⴰⵏ ⵓⵔ ⴷ-ⵢⴻⵜⵜⴰⵡⴻⴹ ⵛⴰ ⵖⴻⵔ ⵓⴳⴰⴼⴰ ⴰⵣⴻⴳⵣⴰⵡ ⵏ ⵜⵎⵓⵔⵜ. ⵊⴰⵔ ⵙⴻⵏ-ⴰⵢⴰ ⵏ ⵢⵉⵙⵓⵔⴰ ⵏ ⵢⵉⴷⵓⵔⴰⵔ, ⵜⴻⵍⵍⴰ ⵜⵉⵛⵜ ⵏ ⵜⴻⵎⵏⴰⴹⵜ ⴷ ⵜⴰⵎⵉⵔⴰⵡⵜ ⵏ ⵢⵉⵡⵔⵉⵔⴻⵏ ⴷ ⵢⵉⵜⴻⵏⴳⴰⵕ, ⴷ ⵜⵉⵏ ⵓⵎⵉ ⵇⵇⴰⵔⴻⵏ "ⵉⵜⴻⵏⴳⴰⵕ ⵉⵏⵉⵊⵉⵢⴻⵏ". ⵜⴰⵎⵏⴰⴹⵜ-ⴰ ⴷ ⵜⴰⵏⴻⵇⵇⴰⵔⵓⵜ ⵢⴻⵔⵏⴰ ⵍⵍⴰⵏ ⴷⵉ-ⵙ ⵢⵉⵔⵉⵖⴻⵏ (ⵢⵉⴳⴻⵍⵎⴰⵎⴻⵏ ⵏ ⵜⵉⵙⴻⵏⵜ).

ⵙⴻⵏ-ⵉⴷⵉⵏ (ⵙⴻⵏ-ⵉⵏⵉⵏ) ⵏ ⵢⵉⵙⵓⵔⴰ ⵏ ⵢⵉⴷⵓⵔⴰⵔ ⵏ ⵓⴳⴰⴼⴰ ⵏ ⵜⵎⵓⵔⵜ (ⴰⵟⵍⴰⵙ ⵏ ⵓⵜⴻⵍⵍ ⴷ ⵡⴰⵟⵍⴰⵙ ⵏ ⵓⵏⴻⵥⵔⵓⴼ) ⵜⵜⴻⵎⵍⵉⵍⴻⵏ (ⵜⵜⴻⵎⵙⴻⵍⵇⴰⵢⴻⵏ) ⴷⴻⴳ ⵓⵙⴰⵎⵎⴻⵔ ⵏ ⵜⵎⵓⵔⵜ ⵏ ⴷⵣⴰⵢⴻⵔ. ⴷⴻⴳ ⵜⴻⵎⵏⴰⴹⵜ ⵉ ⴷⴻⴳ ⵜⵜⴻⵎⵍⵉⵍⴻⵏ, (ⴰ)ⵛⴰⵍ ⴷ ⴰⵏⵉⵊⵉ (ⴰⵏⵉⵊⴰⵢ) ⴰⵎⴰ ⵖⴻⵔ ⵢⵉⴷⵉⵙ ⵏ ⵢⵉⵍⴻⵍ (ⵉⵖⵉⵔⴻⵏ ⵏ ⴵⵉⵊⴻⵍ, ⵙⴽⵉⴽⴷⴰ ⴷ ⵄⴻⵏⵏⴰⴱⴰ), ⴰⵎⴰ ⵙ ⴷⴰⴼ (ⴷⴰⵅⴻⵍ/ⵊⴰⵊ) ⵏ ⵜⵎⵓⵔⵜ (ⵇⵙⴻⵎⵟⵉⵏⴰ). ⴷⴻⴳ ⵓⵏⵥⵓⵍ ⵏ ⵜⴻⵎⵏⴰⴹⵜ-ⴰ, ⴰⴷ ⵏⴰⴼ ⴷⴰⵖ ⵉⴷⵓⵔⴰⵔ ⵏ ⵡⴰⵡⵔⴰⵙ ⴷ ⵢⵉⵍⴻⵎⵎⵓⵛⵉⵢⴻⵏ ⵉ ⵢⵓⴹⴰⵏⴻⵏ ⴷ ⴰⵎⵓⵔ ⵙⴻⴳ ⵢⵉⴷⵓⵔⴰⵔ ⵏ ⵡⴰⵟⵍⴰⵙ ⵢⴻⵔⵏⵉ ⵉⴷⵓⵔⴰⵔ-ⴰ ⵜⵜⴰⴷⴼⴻⵏ ⴰⵍ ⵢⵉⴳⵎⵉⵔⴻⵏ ⵢⴻⵍⵍⴰⵏ ⵊⴰⵔ ⴷⵣⴰⵢⴻⵔ ⴷ ⵜⵓⵏⴻⵙ. ⵉⴷⵓⵔⴰⵔ-ⴰⵢⵉ ⵙⵉ ⵣⵉⴽ ⵉ ⵍⵍⴰⵏ ⴷ ⵜⴰⵎⵏⴰⴹⵜ ⵉⵖⴻⵔ ⵢⵓⵍⵖⴰ ⴰⴷ ⵜⵜ-ⵢⴰⴷⴻⴼ ⵓⵛⴻⵏⴳⵓ.

ⴰⵏⴻⵥⵔⵓⴼ ⴷ ⵜⵉⵛⵜ ⵜⴻⵎⵏⴰⴹⵜ ⴷ ⵜⴰⵎⵉⵔⴰⵡⵜ ⵏⴻⵣⵣⴻⵀ (ⴳⵓⵜ), ⵛⵔⴰ ⵙⴻⴳ ⵜⴻⵎⵏⴰⴹⵉⵏ-ⵏⵏⴻⵙ ⵢⴻⴷⵍⴰ-ⵜⴻⵏⵜ ⵢⵉⵊⴷⵉ, ⵎⴰ ⴷ ⵜⵉⵢⵢⵉⴹ ⴷ ⵉⵥⵔⴰ ⴰⵢ ⵜⴻⵏⵜ-ⵢⴻⴼⴼⵔⴻⵏ. ⵛⵔⴰ ⵏ ⵜⴻⵎⵏⴰⴹⵉⵏ, ⴰⵙⵙ ⴷⵉ ⴰⵀⴰ ⴰⴷ ⵢⵓⵜ ⵓⵏⵥⴰⵔ (ⵜⴰⵎⴻⵜⵏⴰ), ⵔⴻⴼⴼⴷⴻⵏ-ⴷ (ⵃⴻⵎⵎⵍⴻⵏ-ⴷ/ ⵜⵜⵏⴻⴽⴽⴰⵔⴻⵏ-ⴷ ⵢⵉⵙⴰⴼⴼⴻⵏ-ⵏⵙⴻⵏⵜ. ⵜⵉⵎⵏⴰⴹⵉⵏ ⵏⵏⵉⴹⴻⵏ, ⴷⵉ-ⵙⴻⵏⵜ ⴰⵎⴰⵏ ⴰⵢ ⴷ-ⵢⴻⵔⵔⴰⴳⴻⵏ (ⴷ-ⵉⵜⵜⴻⴼⴼⵖⴻⵏ) ⵙⴻⴳ ⵡⴰⴷⴷⴰ (ⵙ ⴷⴷⴻⵡ) ⵏ ⵜⵎⵓⵕⵜ. ⵢⴻⵔⵏⵉ ⴷ ⵡⴰⵢⴰ (ⴷⴰⵢⴰ) ⴰⴽⴽ ⴰⵢ ⵢⴻⵜⵜⴻⴵⴵⴰⵏ ⴰⴷ ⵉⵍⵉⵏ ⵢⵉⵎⴻⴷⵡⴰⵏ (ⵜⵉⵍⴻⵎⵙⵉⵏ/ⵜⴰⵍⵉⵡⵉⵏ) ⴷ ⵇⵉⵞ ⵏ ⵜⵉⵣⵣⴻⵢⵣⴻⵡⵜ ⴷⵉ ⵜⴻⵎⵏⴰⴹⵉⵏ-ⴰ.