Ẓeṛ aɣbalu n Allus n wazzun n teɣriwin

Deg yitilifunen n ufus n GSM/3GSM (UMTS), talugent n GSM tesbaday-d ingalen n ''wallus n wazzun n teɣriwin''<ref>(fr) renvoi d'appel</ref> ara d-yettwabedren swadda-a. Tilugan-a d ETSI ay ten-id-igan, ttwabnan ɣef yengalen uṛufiyen izɣen n wallus n wazzun n teɣriwin yerna cuban ingalen ay yettwasseqdacen deg umur ameqran n ''yizirigen n utilifun urkid''<ref>(fr) lignes fixes</ref> deg Tdukli Tuṛufit.

Deg yitilifunen n ufus, tawuri-a tezmer ad tili d aḥric seg asefran<ref>(fr) menu</ref> n yemsektayen.

{| class="wikitable"
!Ameẓlu<ref>(fr) service</ref> n wallus n wazzun!!width="15%"|Ssermed<ref>(fr) activer</ref>!!width="15%"|Semmet<ref>(fr) annuler</ref> & Sfeḍ uṭṭun ay yettwakelsen!!width="15%"|Semmet [&  Eǧǧ uṭṭun ay yettwakelsen]!!width="15%"|Aẓayer!!width="15%"|Ales ssermed
|-
|colspan="6" style="font-size:90%" | ''Allus n wazzun war tawtilt<ref>(fr) condition</ref>'':
|-
|akk tiɣriwin ||align=center| *21*[uṭṭun n utilifun]# ||align=center| ##21# ||align=center| #21# ||align=center| *#21# ||align=center| *21#
|-
|colspan="6" style="font-size:90%"| ''Allus n wazzun uwtil<ref>(fr) conditionnel</ref>'':
|-
|ma yettwaṭṭef ||align=center| *67*[uṭṭun n utilifun]# ||align=center| ##67# ||align=center| #67# ||align=center| *#67# ||align=center| *67#
|-
|ma ur telli tririt ||align=center| *61*[uṭṭun n utilifun]# ||align=center| ##61# ||align=center| #61# ||align=center| *#61# ||align=center| *61#
|-
|ma yella beṛṛa i yiger ||align=center| *62*[uṭṭun n utilifun]# ||align=center| ##62# ||align=center| #62# ||align=center| *#62# ||align=center| *62#
|-
|akk isɛeddiyen ||align=center| *002*[uṭṭun n utilifun]# ||align=center| ##002# ||align=center| #002# ||align=center| *#002# ||align=center| *002#
|-
|akk isɛeddiyen uwtilen ||align=center| *004*[uṭṭun n utilifun]# ||align=center| ##004# ||align=center| #004# ||align=center| *#004# ||align=center| *004#
|}

Ma yella azwir<ref>(fr) préfixe</ref> n tenzaḍt<ref>(fr) commande</ref> n wallus n wazzun netta d "**" (deg wemkan n "*" ay d-yettilin s umata), uṭṭun n utilifun ad yettwakles deg uẓeṭṭa. Lemmer, sdeffir waya, imseqdec ad yessens allus n wazzun s tenzaḍt s yiwen n "#", ad yezmer yemseqdec, sakkin, ad yales ad yessermed allus n wazzun-a s tenzaḍt n "*" war ma yella deg-s wuṭṭun n utilifun. Allus n wazzun ad yales ad yettwassermed deg wuṭṭun ay yettwakelsen deg uẓeṭṭa. Ɣef umedya, lemmer yiwen ad yesseqdec angal n beṛṛa n yiger deg tenzaḍt n wallus n wazzun: 

<code>**62*7035551212#</code>

sakkin ad yessens allus n wazzun: 

<code>#62#</code>

sakkin, ad yezmer ad yales ad yessermed allus n wazzun n beṛṛa n yiger war ma yura uṭṭun n utilifun: 

<code>*62#</code>

Mi ara tettweg tenzaḍt-a ay d-yettwabedren sufella, akk tiɣriwin ara yettwawehhin ɣer utilifun mi ara yili beṛṛa i yiger ad ttwasɛeddint ɣer 7035551212. Yezmer yemseqdec ad yessermed tawuri<ref>(fr) fonction</ref> ɣer kra n wuṭṭun ay yemgerraden ɣef wuṭṭun-nni ay yettwakelsen deg wakud aydeg ara yeǧǧ uṭṭun-nni ay yettwakelsen akken ad t-yesseqdec sakkin. Ɣef umedya, lemmer ad yeg tanzaḍt-a: 

<code>*62*7185551212#</code>

tiɣriwin ad ttwasɛeddint ɣer 7185551212 (yerna '''maci''' ɣer ''wuṭṭun ay yettwakelsen'' 7035551212).  D acu kan, lemmer ad yeg tanzaḍt niḍen: 

<code>*62#</code>

tiɣriwin ad qqlent ad ttwasɛeddayent ɣer wuṭṭun ay yettwakelsen 7035551212 (yerna '''maci''' ɣer wuṭṭun-nni n tenzaḍt n wallus n wazzun ay yettwasqedcen yagi 7185551212).

Nnig waya, deg yiẓeḍwan n GSM, am wid n T-Mobile d AT&T Mobility deg Yiwunak Yeddukklen d wakk iẓeḍwan n utilifun n ufus deg Tdukli Tuṛufit, yezmer yemseqdec ad d-yesbadu amḍan n tsinin aydeg atilifun ad yesserser uqbel ma yesɛedda tiɣri. Imseqdec yezmer ad d-yesbadu aya s tira n  "*SC*XX" uqbel "#" aneggaru mi ara yaru tanzaḍt n wallus n wazzun, aydeg "SC" d angal n tewsit n umeẓlu (11 i taɣect, 25 i yisefka, 13 i ufaks), yerna "XX" d amḍan n tsinin ay yettwaḥsaben s 5 n tsinin. Ma yella ad yettwakkes "SC" (yerna ad yili kan "**XX"), dɣa akk tiwsatin n yimeẓla ad ttwasɛeddint. Ɣef umedya, allus n wazzun n teɣri lemmer ur tettili tririt yezmer ad d-yili s: 

<code>*61*[uṭṭun n utilifun]**[tasinin]#</code>

Deg kra n yiẓeḍwan, tezmer ad tili talast n 30 n tsinin ma aṭas uqbel allus n wazzun (anamek-nnes "XX" yezmer kan ad yili 5, 10, 15, 20, 25 neɣ 30; azalen imeqranen ugar am 45 neɣ 60 d wid ara yessiwḍen tanzaḍt-nni n wallus n wazzun ad tettwagi yerna ad d-yettwazen yizen n tuccḍa).

<references/>

[[Taggayt:Tatiknulujit]]