ⵉⵔⵉⵏⴰ ⴱⵧⴽⵧⵠⴰ
Irina Georgieva Bokova (ⵜⵍⵓⵍ ⴷⴻⴳ 12 ⵢⵓⵍⵢⵓ 1952 ⴷⴻⴳ Sofia) ⴷ ⵜⴰⵙⴻⵔⵜⴰⵢⵜ[1] (politicienne) ⵜⴰⴱⵓⵍⴳⴰⵕⵉⵜ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵏⴻⵎⵀⴰⵍⵜ ⵜⴰⵎⴰⵜⵓⵜ ⵏ UNESCO ⵙⴻⴳ 2009. Bokova ⵜⴻⵍⵍⴰ ⴷ ⵜⴰⵎⴰⵙⵍⴰⴹⵜ ⴷⴻⴳ ⵡⴻⵎⵏⵉ[2] (parlement) ⵏ ⴱⵓⵍⴳⴰⵕⵢⴰ, ⵢⴻⵔⵏⴰ ⵏⴻⵜⵜⴰⵜ ⵙⴻⴳ ⵓⴽⴰⴱⴰⵔ ⴰⵏⴻⵎⵍⴰⵢ ⴰⴱⵓⵍⴳⴰⵕⵉ. ⵜⴻⵅⴷⴻⵎ ⴷ ⵜⴰⵎⴰⵣⴰⵏⵜ[3] (députée) ⴷⴻⴳ ⵡⴻⵎⵏⵉ ⵙⵏⴰⵜ ⵏ ⵜⵉⴽⴽⴰⵍ. ⵜⴻⵅⴷⴻⵎ ⴷⴰⵖ ⴷ ⵜⴰⵏⴻⵖⵍⴰⴼⵜ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷⴻⴳ ⵓⵏⴰⴱⴰⴹ[4] (gouvernement) ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ Zhan Videnov, ⴰⵎ ⵡⴰⴽⴽⴻⵏ ⴰⵢ ⵜⴻⵅⴷⴻⵎ ⴷ ⵜⴰⵏⵎⴰⵀⴰⵍⵜ[5] (ambassadrice) ⵏ ⴱⵓⵍⴳⴰⵕⵢⴰ ⴷⴻⴳ ⴼⵕⴰⵏⵙⴰ ⴻⴷ Monaco, ⴷ ⵜⴰⵏⴻⵙⵎⵉⴳⴰⵍⵜ[6] (déléguée) ⵜⵉⵎⴻⵣⴳⵉⵜ ⵏ ⴱⵓⵍⴳⴰⵕⵢⴰ ⴷⴻⴳ UNESCO, ⵢⴻⵔⵏⴰ ⴷ ⵜⴰⴳⴻⵏⵙⴰⵙⵜ[7] (représentante) ⵜⵓⴷⵎⴰⵡⴰⵏⵜ ⵏ ⵓⵙⴻⵍⵡⴰⵢ ⵏ ⴱⵓⵍⴳⴰⵕⵢⴰ ⴷⴻⴳ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵜⴻⴼⵕⴰⵏⴽⵓⴼⵓⵏⵉⵜ (2005-2009). ⴷⴻⴳ 22 ⵛⵜⴻⵎⴱⴻⵕ 2009, Bokova ⵜⴻⵙⵙⴻⵔⵙ-ⴷ ⵉⵎⴰⵏ-ⵏⵏⴻⵙ ⴷ ⵜⴰⵎⴰⵣⵡⴰⵔⵜ[8] (candidate) ⵖⴻⵔ ⵡⴻⵎⴽⴰⵏ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵏⴻⵙⵛⵧ. ⴷⴻⴳ 15 ⵛⵜⴻⵎⴱⴻⵕ ⵏ 2009, ⵉ ⵍⵎⴻⵏⴷ ⵏ ⵜⵖⵉⵎⵉⵜ ⵜⵉⵙ 35 ⵏ ⵓⵙⴰⵔⴰⴳ ⴰⵎⴰⵜⵓ, Irina Bokova ⵜⴻⵜⵜⵡⴰⴼⵔⴻⵏ ⴷ ⵜⴰⵏⴻⵎⵀⴰⵍⵜ ⵜⴰⵎⴰⵜⵓⵜ ⵏ ⵓⵏⴻⵙⵛⵧ. Bokova ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵟⵟⵓⵜ ⵜⴰⵎⴻⵣⵡⴰⵔⵓⵜ ⴰⵔⴰ ⵢⴻⵇⵇⵍⴻⵏ ⴷ ⵜⴰⵏⴻⵎⵀⴰⵍⵜ ⵏ UNESCO.
