Irina Bokova
Irina Georgieva Bokova (tlul deg 12 Yulyu 1952 deg Sofia) d tasertayt[1] (politicienne) tabulgaṛit yerna d nettat ay d tanemhalt tamatut n UNESCO seg 2009. Bokova tella d tamaslaḍt deg Wemni[2] (parlement) n Bulgaṛya, yerna nettat seg Ukabar Anemlay Abulgaṛi. Texdem d tamazant[3] (députée) deg wemni snat n tikkal. Texdem daɣ d taneɣlaft n tɣawsiwin n wezɣar deg unabaḍ[4] (gouvernement) n Uneɣlaf Amezwaru Zhan Videnov, am wakken ay texdem d tanmahalt[5] (ambassadrice) n Bulgaṛya deg Fṛansa ed Monaco, d tanesmigalt[6] (déléguée) timezgit n Bulgaṛya deg UNESCO, yerna d tagensast[7] (représentante) tudmawant n uselway n Bulgaṛya deg Tuddsa tagraɣlant n tefṛankufunit (2005-2009). Deg 22 Ctembeṛ 2009, Bokova tessers-d iman-nnes d tamazwart[8] (candidate) ɣer wemkan n Unemhal Amatu n UNESCO. Deg 15 Ctembeṛ n 2009, i lmend n Tɣimit tis 35 n Usarag Amatu, Irina Bokova tettwafren d Tanemhalt Tamatut n UNESCO. Bokova d nettat ay d tameṭṭut tamezwarut ara yeqqlen d Tanemhalt n UNESCO.
