ⵎⵥⴰⴱ
ⵉⵎⵙⵉⴷⴰⴳ: 32°29′14″N 3°40′53″E / 32.48722°N 3.68139°E ⵜⴰⵍⵖⴰ:ⵉⵏⴼⵧⴱⵧⵅ ⵛⵧⵓⵏⵜⵔⵢ
ⵎⵥⴰⴱ ⴷ ⵉⴳⴳⴻⵜ ⵜⵎⵓⵔⵜ (1) ⵏ ⵜⵉⵏⵉⵔⵉ ⵓⴳⴰⴼⴰ, ⵜⵓⵙ-ⴷ ⴷⵢ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ (2), ⴷⵢ ⵜⴻⴳⴷⵓⴷⴰ ⵏ ⴷⵣⴰⵢⴻⵔ. ⵣⴻⴷⵖⴻⵏ-ⵜⵜ ⴰⵜ ⵎⵥⴰⴱ ⵏⴻⵖ ⴰⵜ ⵉⵖⴻⵔⵙⴰⵏ ⵉⵍⵍⴰⵏ ⵙⵢ ⵉⵎⴰⵣⵉⵖⴻⵏ ⵉⵣⴻⵏⵏⴰⵜⴻⵏ ⵏ ⵜⴻⴼⵔⵉⵇⵜ ⵓⴳⴰⴼⴰ. ⴰⵜ ⵎⵥⴰⴱ ⵇⵇⴰⵔⴻⵏ-ⴰⵙ ⵉ ⵜⵎⵓⵔⵜ-ⵏⵙⴻⵏ "ⴰⵖⵍⴰⵏ".
ⵜⴰⵎⴷⵉⵏⵜ, ⵏⴻⵖ ⴰⵖⴻⵔⵎ ⵏ ⵜⵖⴻⵔⴷⴰⵢⵜ, ⵉⵍⵍⴰⵏ ⴷ ⵜⴰⵎⴻⵍⵖⵉⵖⵜ (3) ⵜⴰⴷⴻⴱⵍⴰⵏⵜ (4) ⵏ ⵎⵥⴰⴱ, ⵜⴻⵍⵍⴰ ⵜⵓⵙ-ⴷ ⴼⵉⴷⵉⵙ ⵏ ⵜⴻⵙⵔⴻⵟ ⵏ ⵊⴰⵔ ⵜⵉⵍⵉⵡⵉⵏ ⵉⵄⴻⴳⴳⴱⴻⵏ ⵖⴻⴼ ⵜⵎⴰⵏⴰⵖⵜ ⵜⴰⴷⵣⴰⵢⵔⵉⵜ, ⴰⵎⵎⴰⵙ ⵏ ⵡⴻⵣⴵⴻⵏ ⴰⴳⴰⴼⴰⵢ ⵏ ⵡⴻⵖⵍⴰⵏ, ⴷⴻⴳ ⵡⵓⵍ ⵏ ⵜⵎⵓⵔⵜ ⵏ ⵜⴻⵛⴱⵉⵜ. ⵉⵙⴻⵎ «ⵜⵉⵛⴱⵉⵜ / ⵜⵉⵛⴱⴻⴽⵜ ⵏⴻⵖ ⵛⵛⴻⴱⴽⴻⵜ» (5) ⵢⴻⵜⵜⵡⴰⵡⵛ-ⴰⵙ ⵓⵍⴰ ⵉ ⵜⵎⵓⵔⵜ ⵏ ⵡⴻⴹⵖⴰⵖ ⵉⵍⵍⴰⵏ ⵜⴻⴳⵣⵉ ⴰⵍ ⵉⵖⴻⵙⵙ ⵙ ⴱⴰⵏⵥⴰ ⵏ ⵉⵖⴻⵣⵔⴰⵏ ⵅⴻⵡⴹⴻⵏ ⴱⴱⵓⵏⵏⴻⴹⴻⵏ. ⵉⵖⵥⴻⵔ ⵏ ⵎⵥⴰⴱ ⵢⴻⵛⵛⴰⵜ ⴰⴱⵔⵉⴷ-ⵙ ⴷⵢ ⵜⴰⵙⵉⵍⵉ ⵏ ⵡⴻⵖⵍⴰⵏ ⵉⵣⴻⵔⵣⴻⵃⴻⵏ ⵙⵢ ⵜⵎⴰ ⵜⴰⴳⴰⴼⴰⵢⵜ ⵜⵓⵜⵔⵉⵎⵜ (6) ⴰⵍ ⵜⵎⴰ ⵜⴰⴳⴰⵍⴰⵏⵜ ⵜⴰⴳⵎⵓⴹⴰⵏⵜ (7).
ⴰⵅⵉⴽ ⴰⵢⴻⵏ ⵉⵟⵟⴼⴻⵏ ⴷⵢ ⵜⵖⴻⵔⴷⴰⵢⵜ ⵙⵢ ⵜⵎⵓⵔⴰ ⵜⵉⴹⵉⴹⴻⵏⵜⵉⵏ ⵏ ⵜⵡⵉⵍⴰⵢⵜ, ⵡⵉⴵⵉ ⴷⵉⵙⴻⵏⵜ ⴰⴽⴰⵏ ⵜⵉⵛⴱⵉⵜ : ⴰⴷ ⵏⴰⴼ ⴷⴻⵅ ⵜⵉⵙⵉⵍⴰ ⴷ ⵕⴳⵓⴳ, ⵜⵉⵜⵓⵍⴰ ⴷ ⵜⵎⴻⵜⵍⵉⵏ, ⵓⵍⴰ ⴱⴰⵜⵜⴰ ⵜⵉⵛⴱⵉⵜ ⵜⵉⵡⵉ ⵜⴰⵛⵓⵔⵜ !
(1) ⵜⴰⵎⵏⴰⴹⵜ ⵜⴰⵎⴻⵣⵔⵓⵢⴰⵏⵜ ⵜⴰⵛⴻⵜⵜⴰⵍ-ⵓⵜⵍⴰⵢⴰⵏⵜ. (2) ⵜⴰⵎⴰⵥⵍⴰⵢⵜ ⵏ ⴷⵣⴰⵢⴻⵔ. (3) ⵜⴰⵎⴰⵏⴰⵖⵜ/ⵜⴰⵣⵓⵥⵥⴻⵏⵜ. (4) ⴰⵎⵎⴰⵙ ⴰⴷⴻⴱⵍⴰⵏ. (5) ⵜⴰⵔⴰⵛⵛⴰ, ⴰⵣⴻⵟⵟⴰ. (6) ⵜⴰⴹⴻⵀⵔⴰⵡⵉⵜ. (7) ⵜⴰⵇⴻⴱⵍⵉⵜ.
