Amseqdac:ⵉⵎⴻⴷⵢⴰⵣⴻⵏ
ⴰⵏⴻⵥⵔⵓⴼ ⵓⵜⵔⵉⵎ: ⵜⴻⵙⵙⵓⵜⴻⵔ ⵜⵓⵕⵓⴼⵜ ⴰⵙⵙⴻⵎⵖⴻⵔ ⵏ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⴷ-ⵜⴻⵍⵀⵓ ⵙ ⵢⵉⵣⴻⵔⴼⴰⵏ ⵏ ⵓⵎⴷⴰⵏ
ⴱⵔⵓⵅⴻⵍⵍⴻⵙ – ⵉⵄⴰⵡⴻⴷ-ⴷ ⵓⵎⵏⵉ (ⴱⴰⵔⵍⴰⵎⴰⵏ) ⵓⵕⵓⴼⵉ ⵉ ⵜⴻⵖⵔⵉ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵎⵖⴻⵔ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⴷ-ⵜⵃⴰⵣ ⵓⵍⴰ ⴷ ⵜⴰⵄⴻⵙⵙⴰⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵉⵎⵉ ⵜⵓⵖⴷⴰⴹⵉⵏ ⵏⵉⴹⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵃⵔⴰⵣ ⵏ ⵜⴰⵍⵡⵉⵜ ⴷⴻⴳ ⵜⵎⵓⵔⴰ ⵏⵉⴹⴻⵏ ⴷⵉⵎⴰ ⵍⴻⵀⵀⵓⵏⵜ-ⴷ ⵙ ⵜⵄⴻⵙⵙⴰⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵎⵏⵉ ⵓⵕⵓⴼⵉ ⴰⵙⵙ ⵏ ⵍⴰⵕⴻⴱⵄⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵡⵀⴻⵎ ⴰⵎⴻⴽ ⵎⵉⵏⵓⵔⵙⵧ (ⵜⵓⵖⴷⴰⴹⵜ ⵏ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ) ⴷ ⵏⴻⵜⵜⴰⵜ ⴰⵢ ⴷ « ⵜⵓⵖⴷⴰⴹⵜ ⵜⴰⵡⵃⵉⴷⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴻⴼⵔⵉⵇⵜ ⵓⵔ ⵢⴻⵙⵄⵉⵏ ⴰⵔⴰ ⵍⴻⵡⵚⴰⵢⴰ ⴰⴽⴽⴻⵏ ⴰⴷ ⵜⵄⴰⵙⵙ ⵉⵣⴻⵔⴼⴰⵏ ⵏ ⵓⵎⴷⴰⵏ », ⴷⵖⴰ ⵖⴻⴼ ⵡⴰⵢⴰ, « ⵓⵍⴰⵛ ⵜⵜⴰⵡⵉⵍ ⵉ ⵓⴽⵛⴰⴼ ⵏ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ) ».
ⴰⵎⵏⵉ ⵓⵕⵓⴼⵉ ⵢⴻⵙⵄⴻⴷⴷⴰ ⵢⵉⵡⴻⵜ ⵏ ⵜⴻⵏⵡⵉ (ⵜⴰⵄⴷⵉⵍ), ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ, ⵉ ⵓⵙⵙⵓⵎⴻⵔ ⵏ ⵓⵙⵙⴻⵎⵖⴻⵔ ⵏ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⵜⵄⴰⵙⵙ ⵢⴻⵔⵏⴰ ⴰⴷ ⵜⵃⵓⴷⴷ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷⴷⴰⵡ ⵜⵓⴹⴹⴼⴰ ⵏ ⵎⴻⵕⵕⵓⴽ. ⵜⵉⵏⵡⵉ-ⴰ ⵜⴻⵙⵙⵓⵎⴻⵔ-ⵉⵜⵜ-ⵉⴷ ⵜⴻⴳⵔⴰⵡⵜ ⵜⴰⴽⵓⵏⴼⵉⴷⵉⵕⴰⵍⵉⵜ ⵏ ⵓⵣⴻⵍⵎⴰⴹ ⴰⴷⵓⴽⵍⴰⵏ ⵓⵕⵓⴼⵉ/ⴰⵣⴻⵍⵎⴰⴹ ⴰⵣⴻⴳⵣⴰⵡ ⴰⴳⴰⴼⴰⵏ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵏⵉ ⵓⵕⵓⴼⵉ.
ⴰⵙⵙⴻⵎⵖⴻⵔ ⵏ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ ⴰⴽⴽⴻⵏ ⴰⴷ ⴷ-ⵜⵃⴰⵣ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⴰⵢⴻⵏ ⴰⴷ ⵢⴻⴵⴵⴻⵏ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴷ-ⵢⴻⵜⵜⴰⴹⴹⴰⴼ ⵉⵙⴰⵍⴰⵏ ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ ⵢⴻⵔⵏⴰ ⵙ ⵜⵖⴰⵡⵍⴰ ⵖⴻⴼ ⵜⴻⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⴰⵢⴰ ⴰⴷ ⵢⴻⵙⵙⴻⴷⵔⴻⵎ ⴷⴰⵖ ⵜⵉⵃⴻⵎⵍⵉⵡⵉⵏ ⵜⵉⵎⴻⵕⵕⵓⴽⵉⵢⵉⵏ ⵏ ⵜⴽⴻⵔⴽⴰⵙ ⵖⴻⴼ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵜⵎⵓⵔⵜ-ⴰ ⵢⴻⵜⵜⵡⴰⵟⵟⴼⴻⵏ.
