ⵜⵉⵖⵔⵉ ⵢⴻⵜⵜⵕⴰⵊⵓⵏ
ⵜⵉⵖⵔⵉ ⵢⴻⵜⵜⵕⴰⵊⵓⵏ, ⴷⴻⴳ ⵜⴻⵎⵙⴰⵡⵍⴰ[1], ⴷ ⵜⴰⵡⵓⵔⵉ[2] ⴰⵢ ⵢⴻⵍⵍⴰⵏ ⴷⴻⴳ ⴽⵔⴰ ⵏ ⵢⵉⵥⴻⴹⵡⴰⵏ ⵏ ⵓⵜⵉⵍⵉⴼⵓⵏ. ⵍⴻⵎⵎⴻⵔ ⴰⴷ ⵢⵉⵍⵉ ⵢⵉⵡⴻⵏ ⵢⴻⵙⵙⴰⵡⴰⵍ ⵢⴰⴳⵉ ⴷⴻⴳ ⵓⵜⵉⵍⵉⴼⵓⵏ, ⵙⴰⴽⴽⵉⵏ ⴰⴷ ⴰⵙ-ⴷ-ⵉⵖⴻⵔ ⵡⴰⵢⴻⴹ, ⵡⵉⵏ ⴰⴽⴽⴻⵏ ⵓⵎⵉ ⴷ-ⵖⵔⴰⵏ - ⵍⴻⵎⵎⴻⵔ ⴰⴷ ⵢⵉⵍⵉ ⵢⴻⵙⵙⴻⵔⵎⴻⴷ[3] ⵜⴰⵡⵓⵔⵉ ⵏ ⵜⴻⵖⵔⵉ ⵢⴻⵜⵜⵕⴰⵊⵓⵏ - ⵢⴻⵣⵎⴻⵔ ⴰⴷ ⵢⴻⵃⴱⴻⵙ ⴰⵡⴰⵍ ⴰⴽⴽⴻⴷ ⵡⵉⵏ ⵡⵓⴽⵓⴷ ⵢⴻⵙⵙⴰⵡⴰⵍ, ⴰⴷ ⴰⵙ-ⵢⴻⵔⵔ ⴰⵡⴰⵍ ⵉ ⵡⵉⵙ ⵙⵉⵏ-ⵏⵏⵉ ⴰⵢ ⴰⵙ-ⴷ-ⵢⴻⵙⵙⴰⵡⵍⴻⵏ, ⵙⴰⴽⴽⵉⵏ, ⵢⴻⵣⵎⴻⵔ ⴰⴷ ⴰⵙ-ⵢⵉⵏⵉ ⵉ ⵡⵉⵏ ⵡⵓⴽⵓⴷ ⵢⴻⵙⵙⴰⵡⴰⵍ ⵏⴻⵖ ⵡⵉⵏ ⴰⵢ ⴰⵙ-ⴷ-ⵢⴻⵖⵔⴰⵏ ⵎⴻⵍⵎⵉ ⴰⵔⴰ ⴰⵙ-ⴷ-ⵉⵄⴰⵡⴻⴷ. ⵙ ⵡⴰⵢⴰ, ⵜⵉⵖⵔⵉ ⵢⴻⵜⵜⵕⴰⵊⵓⵏ ⴷ ⵜⴰⵡⵓⵔⵉ ⴰⵢⵢⴻⵙ ⵢⵉⵡⴻⵏ ⵢⴻⵣⵎⴻⵔ ⴰⴷ ⵢⴻⵔⵔ ⴰⵡⴰⵍ ⵉ ⵙⵉⵏ ⵢⴻⵎⴷⴰⵏⴻⵏ ⵖⴻⴼ ⵜⵉⴽⴽⴻⵍⵜ, ⵡⴰⵔ ⵎⴰ ⵢⴻⵃⵡⴰⵊ ⴰⴷ ⵢⴻⵙⵄⵓ ⵙⵉⵏ ⵏ ⵡⵓⵟⵟⵓⵏⴻⵏ ⵏ ⵓⵙⴰⵡⴰⵍ ⵡⵓⵖⵓⵔ ⴰⵔⴰ ⴰⵙ-ⴷ-ⵖⵔⴻⵏ.
ⵜⵉⵖⵔⵉ ⵢⴻⵜⵜⵕⴰⵊⵓⵏ, ⵎⵉ ⴰⵔⴰ ⴷ-ⵜⴰⵡⴻⴹ, ⵖⴻⵔ-ⵙ ⴰⵄⴻⵢⵢⴻⵏ ⵓⵎⵉ ⵢⴻⵣⵎⴻⵔ ⴰⴷ ⵉⵙⴻⵍ ⴱⴰⴱ ⵏ ⵓⵜⵉⵍⵉⴼⵓⵏ, ⵢⴻⵔⵏⴰ ⵉⵜⵉⵍⵉⴼⵓⵏⴻⵏ ⵏ ⵓⴼⵓⵙ ⵣⴻⵎⵔⴻⵏ ⴷⴰⵖⴻⵏ ⴰⴷ ⴷ-ⵙⵏⴰⵣⵍⴻⵏ ⴰⵄⴻⵢⵢⴻⵏ ⵏ ⵜⴻⵖⵔⵉ ⵢⴻⵜⵜⵕⴰⵊⵓⵏ.
ⴷⴻⴳ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵥⴻⴹⵡⴰⵏ ⵏ ⵓⵜⵉⵍⵉⴼⵓⵏ ⴷⴻⴳ ⵜⵓⵕⵓⴼⵜ, ⴰⴽⴽⴻⴷ ⵢⵉⵙⴰⵡⴰⵍⴻⵏ ⵏ ⵓⴼⵓⵙ ⵏ GSM ⴻⴷ UMTS, ⴰⵎⴷⴰⵏ ⵢⴻⵣⵎⴻⵔ ⴰⴷ ⵢⴻⵙⵙⴻⵔⵎⴻⴷ ⵜⵉⵖⵔⵉ ⵢⴻⵜⵜⵕⴰⵊⵓⵏ ⵙ ⵓⵙⵙⵓⴷⴷⴻⵙ ⵏ ⵢⴻⵏⴳⴰⵍⴻⵏ-ⴰ:
ⵉ ⵓⵙⵙⴻⵔⵎⴻⴷ: *43#
ⵉ ⵓⵙⵙⴻⵏⵙⵉ: #43#
ⵉ ⵓⵙⵙⴻⴼⵇⴻⴷ ⵏ ⵡⴰⴷⴷⴰⴷ: *#43#
ⵉ ⵡⴰⴽⴽⴻⵏ ⴰⴷ ⵉⵥⴻⵔ ⵡⴻⵎⴷⴰⵏ ⴷ ⴰⵛⵓ-ⵜ ⵡⴰⴷⴷⴰⴷ ⵏ ⵓⵎⴻⵥⵍⵓ-ⵏⵏⵉ[4], ⴰⴷ ⵜ-ⵉⴷ-ⵢⴰⵡⴻⴹ ⵡⴻⵍⵖⵓ ⵙ ⵜⴰⵖⴻⵛⵜ, ⴰⴷ ⵉⵙⴻⵍ ⵉ ⵓⵄⴻⵢⵢⴻⵏ ⵏⴻⵖ ⴰⴷ ⴰⵙ-ⴷ-ⵉⴱⴰⵏ ⵢⵉⵣⴻⵏ ⴷⴻⴳ ⵜⴻⴳⴷⵉⵍⵜ ⵏ ⵓⵜⵉⵍⵉⴼⵓⵏ-ⵉⵙ.
ⴷⴻⴳ ⵢⵉⵙⴰⵡⴰⵍⴻⵏ ⵏ ⵓⴼⵓⵙ, ⵜⴰⵡⵓⵔⵉ-ⴰ ⵜⴻⵣⵎⴻⵔ ⴰⴷ ⵜⵉⵍⵉ ⴷ ⴰⵃⵔⵉⵛ ⵙⴻⴳ ⴰⵙⴻⴼⵔⴰⵏ[5] ⵏ ⵢⴻⵎⵙⴻⴽⵜⴰⵢⴻⵏ.
