Ẓeṛ aɣbalu n Asif n Mississippi

Asif n -{Mississippi}- d asif ameqran akk deg Temrikt n Ugafa. Ibeddu-d seg [[Agelmim_n_Itasca|ugelmim n -{Itasca}-]] (deg -{Minnesota}-, deg Yiwunak Yeddukklen), yerna aman-nnes ttenɣalen s anẓul <ref>-{sud جنوب}-</ref> arma d [[Abagu n Miksik]]. Isafen n -{Missouri}- ed -{Ohio}- ssenɣalen-d daɣen aman-nsen s asif-a. -{Mississippi}- ɣer-s 3.780 n yikilumitren deg teɣzef, yerna tajumma-nnes <ref>-{superficie مساحة}-</ref> tuweḍ ɣer 3,1 km<sup>2</sup> <ref>yikilumitren imkuẓen</ref>.

D anaram <ref>-{explorateur مستكشف}-</ref> -{Hernando de Soto}- ay d Uṛufi amezwaru ay yuwḍen s asif-a deg 1541. Deg 1673, Ifṛensisen -{Louis Jolliet}- ed -{Jacques Marquette}- ssaklen <ref>-{voyager سافر}-</ref> deg wasif-a yerna uwḍen armi d asif n -{Arkansas}-. Anaram afṛensis -{La Salle}- yuweḍ s adelta n wasif-a deg 1682 yerna d netta ay d Afṛensis amezwaru ay d-yesɣerten <ref>-{déclarer أعلن}-</ref> tama n -{Mississippi}- ed -{Louisiana}- d ayla n Fṛansa. D aya ay yejjan Fṛansa ad teḥkem tama n ugafa n wasif-nni. Ma d tama n wenẓul-nnes teqqel ddaw udabu n Spenyul seg 1769 d asawen. Deg 1783, Iwunak Yeddukklen rran asif n -{Mississippi}- d talast-nsen tutrimt <ref>-{occidentale غربية}-</ref>, sakkin,  deg 1803, Fṛansa tessenz akal-nnes n -{Mississippi}- ed -{Louisiana}- i Yiwunak Yeddukklen. Deg 1863, deg tallit n Wemgaru Aɣarim <ref>-{guerre civile حرب أهلية}-</ref> deg Yiwunak Yeddukklen, iɣallen imarikaniyen n Tdukli ḍḍfen tamdint n -{Vicksburg}- ay d-yezgan ɣef wasif n -{Mississippi}- yerna d aya ay ten-yejjan ad sbeɛden iɣallen Ikunfidiṛaliyen ɣef wasif-a. Ass-a, asif n -{Mississippi}- yeqqel d abrid ameqran n yiɣerruba deg Yiwunak Yeddukklen.

<references />

[[Taggayt:Asif_n_Mississippi|Asif n -{Mississippi}-]]