Ẓeṛ aɣbalu n Tiɣri yettṛajun

Tiɣri yettṛajun, deg temsawla<ref>-{(fr) téléphonie}-</ref>, d tawuri<ref>-{(fr) fonction}-</ref> ay yellan deg kra n yiẓeḍwan n utilifun. Lemmer ad yili yiwen yessawal yagi deg utilifun, sakkin ad as-d-iɣer wayeḍ, win akken umi d-ɣran - lemmer ad yili yessermed<ref>-{(fr) activer}-</ref> tawuri n teɣri yettṛajun - yezmer ad yeḥbes awal akked win wukud yessawal, ad as-yerr awal i wis sin-nni ay as-d-yessawlen, sakkin, yezmer ad as-yini i win wukud yessawal neɣ win ay as-d-yeɣran melmi ara as-d-iɛawed. S waya, tiɣri yettṛajun d tawuri ayyes yiwen yezmer ad yerr awal i sin yemdanen ɣef tikkelt, war ma yeḥwaj ad yesɛu sin n wuṭṭunen n usawal wuɣur ara as-d-ɣren. 

Tiɣri yettṛajun, mi ara d-taweḍ, ɣer-s aɛeyyen umi yezmer ad isel bab n utilifun, yerna itilifunen n ufus zemren daɣen ad d-snazlen aɛeyyen n teɣri yettṛajun. 

Deg umur ameqran seg yiẓeḍwan n utilifun deg Tuṛuft, akked yisawalen n ufus n -{GSM}- ed -{UMTS}-, amdan yezmer ad yessermed tiɣri yettṛajun s ussuddes n yengalen-a: 

I ussermed: <code>*43#</code>

I ussensi: <code>#43#</code>

I ussefqed n waddad: <code>*#43#</code>

I wakken ad iẓer wemdan d acu-t waddad n umeẓlu-nni<ref>-{(fr) service}-</ref>, ad t-id-yaweḍ welɣu s taɣect, ad isel i uɛeyyen neɣ ad as-d-iban yizen deg tegdilt n utilifun-is. 

Deg yisawalen n ufus, tawuri-a tezmer ad tili d aḥric seg asefran<ref>-{(fr) menu}-</ref> n yemsektayen.

<references/>

[[Taggayt:Tatiknulujit]]