Asebter amenzawi : Tameẓla gar ileqman
| Ajerriḍ 1: | Ajerriḍ 1: | ||
| − | + | Ahil n tuccit n Yiɣlanen Yeddukklen yessaweḍ lemɛawna n Tgelda Tasaɛudit i yiṣeḥrawiyen | |
| − | + | LezZAYER – Ahil n tuccit amaḍlan n Yiɣlanen Yeddukklen yenna-d ass n ttlata dakken yessaweḍ tteɛbeyya n tuccit aydeg llan 252 n yiṭunen n tini (ttmeṛ) i yizruzaɣ iṣeḥrawiyen n Tinduf deg Ldzayer, yerna aya d aḥric seg wayen ay d-tettṣeddiq Tgelda Tasaɛudit yal aseggas i yimdanen-a. | |
| − | + | Tteɛbeyya-a tɛedda ɣef tedwant n usagen (lmerṣa) n Wehṛan deg ukatar n lemɛawna talsant, ɣef wakken ay d-yenna Wahil amaḍlan n tuccit i Tnegga n Yisalan n Ldzayer. | |
| − | + | D tikkelt tis semmuset (xemsa) aydeg ara d-yili uṣeddeq am wa i yizruzaɣ n Uneẓruf Utrim deg Ldzayer, ɣef leḥsab n uḍris-a, yerna tteɛbeyya-a teqleɛ seg usagen n Wehṛan gar 23 d 24 Yebrir deg yinegbaren ay bubben yikamyunen d uzzigen yerna tewweḍ tteɛbeyya-a 3 n wussan sakkin. | |
| − | + | Tteɛbeyya-a xebbren-d fell-as deg yiwet n tfagla deg Tmahelt tasaɛudit s uḥdaṛ n unmahal asaɛudi deg Ldzayer, Mahmoud bin Hussain Qattan, d Romain Sirois, anemhal n Wahil n tuccit amaḍlan n Ldzayer. | |
| − | « | + | « Aṣeddeq n tini tasaɛudit d taɣawsa yesɛan azal deg tuccit n wid ara d-yesfaydin seg-s deg wayyur n Remḍan yerna aya iɛawen igerdan yeqqaren deg yimaziren n Tinduf », ɣef wakken ay d-yenna Mass Sirois, ay d-yernan dakken « aɛawen-a ad yejj imezdaɣen n yimaziren ad beddlen cwiṭ tuccit deg wakud aydeg xuṣṣen yidrimen ». |
| − | + | Ahil n tuccit amaḍlan yettɛawan izruzaɣ iṣeḥrawiyen deg Ldzayer seg 1986. Deg yimaziren n yizruzaɣ iṣeḥrawiyen, afraq n tuccit sdukkulen-t d wahil n uḥaṛeb n laẓ d wahil n tuccit deg uɣerbaz i lmend n ussebɣes n leqraya n yigerdan izruzaɣ. | |
| − | + | Akk lemɛawna n Wahil n tuccit amaḍlan deg Ldzayer ttḍafarent-tt tuddsiwin tiɣelnawin d tegraɣlanin tucrikin, ɣef wakken ay d-tenna teftart-a, akken ad yettwaḍmen ad taweḍ lemɛawna ɣer win umi tettwazen. | |
| − | + | Ahil n tuccit amaḍlan d netta ay d tanegga talsant tameqrant akk ay yettḥaṛaben laẓ deg umaḍal s ufraq n tuccit deg tegnatin n lḥir, yerna txeddem d yimɣiwanen akken ad tessejhed axeddim-nnes. Yal aseggas, Ahil n tuccit amaḍlan yettɛawan ugar n 80 n yimelyunen n yimdanen deg 75 n tmura. | |
Tasiwelt n wass 12:32, 27 Mayu 2015
ⴰⵀⵉⵍ ⵏ ⵜⵓⵛⵛⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵙⵙⴰⵡⴻⴹ ⵍⴻⵎⵄⴰⵡⵏⴰ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵉ ⵢⵉⵚⴻⵃⵔⴰⵡⵉⵢⴻⵏ
ⵍⴻⵣⵣⴰⵢⴻⵔ – ⴰⵀⵉⵍ ⵏ ⵜⵓⵛⵛⵉⵜ ⴰⵎⴰⴹⵍⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴰⴽⴽⴻⵏ ⵢⴻⵙⵙⴰⵡⴻⴹ ⵜⵜⴻⵄⴱⴻⵢⵢⴰ ⵏ ⵜⵓⵛⵛⵉⵜ ⴰⵢⴷⴻⴳ ⵍⵍⴰⵏ 252 ⵏ ⵢⵉⵟⵓⵏⴻⵏ ⵏ ⵜⵉⵏⵉ (ⵜⵜⵎⴻⵕ) ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵏ ⵜⵉⵏⴷⵓⴼ ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⴰⵢⴰ ⴷ ⴰⵃⵔⵉⵛ ⵙⴻⴳ ⵡⴰⵢⴻⵏ ⴰⵢ ⴷ-ⵜⴻⵜⵜⵚⴻⴷⴷⵉⵇ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵢⴰⵍ ⴰⵙⴻⴳⴳⴰⵙ ⵉ ⵢⵉⵎⴷⴰⵏⴻⵏ-ⴰ.
ⵜⵜⴻⵄⴱⴻⵢⵢⴰ-ⴰ ⵜⵄⴻⴷⴷⴰ ⵖⴻⴼ ⵜⴻⴷⵡⴰⵏⵜ ⵏ ⵓⵙⴰⴳⴻⵏ (ⵍⵎⴻⵔⵚⴰ) ⵏ ⵡⴻⵀⵕⴰⵏ ⴷⴻⴳ ⵓⴽⴰⵜⴰⵔ ⵏ ⵍⴻⵎⵄⴰⵡⵏⴰ ⵜⴰⵍⵙⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵛⵛⵉⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
ⴷ ⵜⵉⴽⴽⴻⵍⵜ ⵜⵉⵙ ⵙⴻⵎⵎⵓⵙⴻⵜ (ⵅⴻⵎⵙⴰ) ⴰⵢⴷⴻⴳ ⴰⵔⴰ ⴷ-ⵢⵉⵍⵉ ⵓⵚⴻⴷⴷⴻⵇ ⴰⵎ ⵡⴰ ⵉ ⵢⵉⵣⵔⵓⵣⴰⵖ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵍⴷⵣⴰⵢⴻⵔ, ⵖⴻⴼ ⵍⴻⵃⵙⴰⴱ ⵏ ⵓⴹⵔⵉⵙ-ⴰ, ⵢⴻⵔⵏⴰ ⵜⵜⴻⵄⴱⴻⵢⵢⴰ-ⴰ ⵜⴻⵇⵍⴻⵄ ⵙⴻⴳ ⵓⵙⴰⴳⴻⵏ ⵏ ⵡⴻⵀⵕⴰⵏ ⴳⴰⵔ 23 ⴷ 24 ⵢⴻⴱⵔⵉⵔ ⴷⴻⴳ ⵢⵉⵏⴻⴳⴱⴰⵔⴻⵏ ⴰⵢ ⴱⵓⴱⴱⴻⵏ ⵢⵉⴽⴰⵎⵢⵓⵏⴻⵏ ⴷ ⵓⵣⵣⵉⴳⴻⵏ ⵢⴻⵔⵏⴰ ⵜⴻⵡⵡⴻⴹ ⵜⵜⴻⵄⴱⴻⵢⵢⴰ-ⴰ 3 ⵏ ⵡⵓⵙⵙⴰⵏ ⵙⴰⴽⴽⵉⵏ.
ⵜⵜⴻⵄⴱⴻⵢⵢⴰ-ⴰ ⵅⴻⴱⴱⵔⴻⵏ-ⴷ ⴼⴻⵍⵍ-ⴰⵙ ⴷⴻⴳ ⵢⵉⵡⴻⵜ ⵏ ⵜⴼⴰⴳⵍⴰ ⴷⴻⴳ ⵜⵎⴰⵀⴻⵍⵜ ⵜⴰⵙⴰⵄⵓⴷⵉⵜ ⵙ ⵓⵃⴷⴰⵕ ⵏ ⵓⵏⵎⴰⵀⴰⵍ ⴰⵙⴰⵄⵓⴷⵉ ⴷⴻⴳ ⵍⴷⵣⴰⵢⴻⵔ, ⵎⴰⵀⵎⵧⵓⴷ ⴱⵉⵏ ⵀⵓⵙⵙⴰⵉⵏ ⵇⴰⵜⵜⴰⵏ, ⴷ ⵔⵧⵎⴰⵉⵏ ⵙⵉⵔⵧⵉⵙ, ⴰⵏⴻⵎⵀⴰⵍ ⵏ ⵡⴰⵀⵉⵍ ⵏ ⵜⵓⵛⵛⵉⵜ ⴰⵎⴰⴹⵍⴰⵏ ⵏ ⵍⴷⵣⴰⵢⴻⵔ.
« ⴰⵚⴻⴷⴷⴻⵇ ⵏ ⵜⵉⵏⵉ ⵜⴰⵙⴰⵄⵓⴷⵉⵜ ⴷ ⵜⴰⵖⴰⵡⵙⴰ ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⵓⵛⵛⵉⵜ ⵏ ⵡⵉⴷ ⴰⵔⴰ ⴷ-ⵢⴻⵙⴼⴰⵢⴷⵉⵏ ⵙⴻⴳ-ⵙ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ ⵢⴻⵔⵏⴰ ⴰⵢⴰ ⵉⵄⴰⵡⴻⵏ ⵉⴳⴻⵔⴷⴰⵏ ⵢⴻⵇⵇⴰⵔⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵜⵉⵏⴷⵓⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵉⵔⵧⵉⵙ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ « ⴰⵄⴰⵡⴻⵏ-ⴰ ⴰⴷ ⵢⴻⵊⵊ ⵉⵎⴻⵣⴷⴰⵖⴻⵏ ⵏ ⵢⵉⵎⴰⵣⵉⵔⴻⵏ ⴰⴷ ⴱⴻⴷⴷⵍⴻⵏ ⵛⵡⵉⵟ ⵜⵓⵛⵛⵉⵜ ⴷⴻⴳ ⵡⴰⴽⵓⴷ ⴰⵢⴷⴻⴳ ⵅⵓⵚⵚⴻⵏ ⵢⵉⴷⵔⵉⵎⴻⵏ ».
ⴰⵀⵉⵍ ⵏ ⵜⵓⵛⵛⵉⵜ ⴰⵎⴰⴹⵍⴰⵏ ⵢⴻⵜⵜⵄⴰⵡⴰⵏ ⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵙⴻⴳ 1986. ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ, ⴰⴼⵔⴰⵇ ⵏ ⵜⵓⵛⵛⵉⵜ ⵙⴷⵓⴽⴽⵓⵍⴻⵏ-ⵜ ⴷ ⵡⴰⵀⵉⵍ ⵏ ⵓⵃⴰⵕⴻⴱ ⵏ ⵍⴰⵥ ⴷ ⵡⴰⵀⵉⵍ ⵏ ⵜⵓⵛⵛⵉⵜ ⴷⴻⴳ ⵓⵖⴻⵔⴱⴰⵣ ⵉ ⵍⵎⴻⵏⴷ ⵏ ⵓⵙⵙⴻⴱⵖⴻⵙ ⵏ ⵍⴻⵇⵔⴰⵢⴰ ⵏ ⵢⵉⴳⴻⵔⴷⴰⵏ ⵉⵣⵔⵓⵣⴰⵖ.
ⴰⴽⴽ ⵍⴻⵎⵄⴰⵡⵏⴰ ⵏ ⵡⴰⵀⵉⵍ ⵏ ⵜⵓⵛⵛⵉⵜ ⴰⵎⴰⴹⵍⴰⵏ ⴷⴻⴳ ⵍⴷⵣⴰⵢⴻⵔ ⵜⵜⴹⴰⴼⴰⵔⴻⵏⵜ-ⵜⵜ ⵜⵓⴷⴷⵙⵉⵡⵉⵏ ⵜⵉⵖⴻⵍⵏⴰⵡⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵜⵓⵛⵔⵉⴽⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴼⵜⴰⵔⵜ-ⴰ, ⴰⴽⴽⴻⵏ ⴰⴷ ⵢⴻⵜⵜⵡⴰⴹⵎⴻⵏ ⴰⴷ ⵜⴰⵡⴻⴹ ⵍⴻⵎⵄⴰⵡⵏⴰ ⵖⴻⵔ ⵡⵉⵏ ⵓⵎⵉ ⵜⴻⵜⵜⵡⴰⵣⴻⵏ.
ⴰⵀⵉⵍ ⵏ ⵜⵓⵛⵛⵉⵜ ⴰⵎⴰⴹⵍⴰⵏ ⴷ ⵏⴻⵜⵜⴰ ⴰⵢ ⴷ ⵜⴰⵏⴻⴳⴳⴰ ⵜⴰⵍⵙⴰⵏⵜ ⵜⴰⵎⴻⵇⵔⴰⵏⵜ ⴰⴽⴽ ⴰⵢ ⵢⴻⵜⵜⵃⴰⵕⴰⴱⴻⵏ ⵍⴰⵥ ⴷⴻⴳ ⵓⵎⴰⴹⴰⵍ ⵙ ⵓⴼⵔⴰⵇ ⵏ ⵜⵓⵛⵛⵉⵜ ⴷⴻⴳ ⵜⴻⴳⵏⴰⵜⵉⵏ ⵏ ⵍⵃⵉⵔ, ⵢⴻⵔⵏⴰ ⵜⵅⴻⴷⴷⴻⵎ ⴷ ⵢⵉⵎⵖⵉⵡⴰⵏⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⴰⵅⴻⴷⴷⵉⵎ-ⵏⵏⴻⵙ. ⵢⴰⵍ ⴰⵙⴻⴳⴳⴰⵙ, ⴰⵀⵉⵍ ⵏ ⵜⵓⵛⵛⵉⵜ ⴰⵎⴰⴹⵍⴰⵏ ⵢⴻⵜⵜⵄⴰⵡⴰⵏ ⵓⴳⴰⵔ ⵏ 80 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴷⴰⵏⴻⵏ ⴷⴻⴳ 75 ⵏ ⵜⵎⵓⵔⴰ.
