Asebter amenzawi : Tameẓla gar ileqman
| Ajerriḍ 1: | Ajerriḍ 1: | ||
| − | + | Tella tuggza ɣef tɣellist d urkad n Tunes | |
| + | TUNES – Deffir lmuja n tmesbaniyin-nni ay yessenhezzen Tunes deg wussan-a ineggura, yenna-d uselway atunsi Beji Caid Essebsi, ass n laṛebɛa, deg yiwet n tinawt deg tliẓri d akken llan wid ay la yettḥakaṛen taɣellist d urkad n Tunes. | ||
| − | + | Yesteɛṛef uselway atunsi, ass n ljemɛa tameddit, d akken timesbaniyin ɣef trebbawt (baṭala) d uɛzal n kra n medden deg tmetti iban ad d-ilint, maca yenna-d d akken llan kra n yidisan umi ur teṣfi nneyya ay la yettnadin ad sqedcen tagnit-a i lfayda-nsen. | |
| − | + | « Llan yidisan umi ur zeddiget nneyya yerna ttwassnen », sqedcen timesbaniyin-a tuzrifin (carɛiyya) deg kra n temnaḍin akken ad zerɛent lxilaf, ɣef wakken ay d-yenna, yerna yenna-d d akken imdanen-a yettwassen uwehhi-nsen aserti, yerna kra seg-sen qqnen ɣer yikabaren yesɛan ttesriḥ, ma d wiyaḍ qqnen ɣer yikabaren ur yesɛin ttesriḥ. | |
| + | |||
| + | Yenna-d daɣ uselway d akken yessefk ad d-yili leḥder seg wadaf n yirebraben ɣer tmesbaniyin-a, am wakken ay d-yerna d akken llan kra n yimesfesden d yimakaren ay ifuṛsen tmesbaniyin-a akken ad gen lecɣal n tekriḍt (ɛunf), ad rẓen neɣ ad akren ayla n uwanak (dawla) neɣ n medden, dɣa d aya ay yessawḍen iduba ad d-ḥettmen agdal n tuffɣa, yerna yesmekti-d uselway d akken mazal tagnit n tuɛjilin deg lfeɛl. | ||
| + | |||
| + | Iwet-d Caid Essebsi s teqseḥ deg kra n ttawilat n yisalan ay yesmeɣren tagnit deg ussiweḍ n yisalan ɣef tegnit aydeg tella tmurt. | ||
| + | |||
| + | Deg wakud aydeg yesteɛṛef d akken timesbaniyin-a n yilemẓiyen d tuzrifin deg wayen yerzan tarebbawt d uɛzal-nsen seg yidis adamsan, yesmekti-d d akken aberriḥ n Tegrawla tatunsit netta d tilelli d nnif. | ||
| + | |||
| + | Anabaḍ (ḥukuma) amiran n Tunes yebda axeddim-nnes qrib aseggas aya, yerna yewṛet-d tagnit tadamsant d taweɛṛant aydeg tarebbawtr tḥuza azal n 700.000 n yilemẓiyen, gar-asen 300.000 seg wid ay d-yewwin igerdasen (cahadat) isdawanen, yerna ɣef waya, yessuter uselway seg unabaḍ ad d-iqeddem ahilen i lmend n ussenqes n trebbawt ɣef zik lḥal deg temnaḍin ixuṣṣen. | ||
Tasiwelt n wass 14:32, 24 Yennayer 2016
ⵜⴻⵍⵍⴰ ⵜⵓⴳⴳⵣⴰ ⵖⴻⴼ ⵜⵖⴻⵍⵍⵉⵙⵜ ⴷ ⵓⵔⴽⴰⴷ ⵏ ⵜⵓⵏⴻⵙ
ⵜⵓⵏⴻⵙ – ⴷⴻⴼⴼⵉⵔ ⵍⵎⵓⵊⴰ ⵏ ⵜⵎⴻⵙⴱⴰⵏⵉⵢⵉⵏ-ⵏⵏⵉ ⴰⵢ ⵢⴻⵙⵙⴻⵏⵀⴻⵣⵣⴻⵏ ⵜⵓⵏⴻⵙ ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴰⵜⵓⵏⵙⵉ ⴱⴻⵊⵉ ⵛⴰⵉⴷ ⴻⵙⵙⴻⴱⵙⵉ, ⴰⵙⵙ ⵏ ⵍⴰⵕⴻⴱⵄⴰ, ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴷⴻⴳ ⵜⵍⵉⵥⵔⵉ ⴷ ⴰⴽⴽⴻⵏ ⵍⵍⴰⵏ ⵡⵉⴷ ⴰⵢ ⵍⴰ ⵢⴻⵜⵜⵃⴰⴽⴰⵕⴻⵏ ⵜⴰⵖⴻⵍⵍⵉⵙⵜ ⴷ ⵓⵔⴽⴰⴷ ⵏ ⵜⵓⵏⴻⵙ.
ⵢⴻⵙⵜⴻⵄⵕⴻⴼ ⵓⵙⴻⵍⵡⴰⵢ ⴰⵜⵓⵏⵙⵉ, ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ, ⴷ ⴰⴽⴽⴻⵏ ⵜⵉⵎⴻⵙⴱⴰⵏⵉⵢⵉⵏ ⵖⴻⴼ ⵜⵔⴻⴱⴱⴰⵡⵜ (ⴱⴰⵟⴰⵍⴰ) ⴷ ⵓⵄⵣⴰⵍ ⵏ ⴽⵔⴰ ⵏ ⵎⴻⴷⴷⴻⵏ ⴷⴻⴳ ⵜⵎⴻⵜⵜⵉ ⵉⴱⴰⵏ ⴰⴷ ⴷ-ⵉⵍⵉⵏⵜ, ⵎⴰⵛⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵍⴰⵏ ⴽⵔⴰ ⵏ ⵢⵉⴷⵉⵙⴰⵏ ⵓⵎⵉ ⵓⵔ ⵜⴻⵚⴼⵉ ⵏⵏⴻⵢⵢⴰ ⴰⵢ ⵍⴰ ⵢⴻⵜⵜⵏⴰⴷⵉⵏ ⴰⴷ ⵙⵇⴻⴷⵛⴻⵏ ⵜⴰⴳⵏⵉⵜ-ⴰ ⵉ ⵍⴼⴰⵢⴷⴰ-ⵏⵙⴻⵏ.
« ⵍⵍⴰⵏ ⵢⵉⴷⵉⵙⴰⵏ ⵓⵎⵉ ⵓⵔ ⵣⴻⴷⴷⵉⴳⴻⵜ ⵏⵏⴻⵢⵢⴰ ⵢⴻⵔⵏⴰ ⵜⵜⵡⴰⵙⵙⵏⴻⵏ », ⵙⵇⴻⴷⵛⴻⵏ ⵜⵉⵎⴻⵙⴱⴰⵏⵉⵢⵉⵏ-ⴰ ⵜⵓⵣⵔⵉⴼⵉⵏ (ⵛⴰⵔⵄⵉⵢⵢⴰ) ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⴰⴽⴽⴻⵏ ⴰⴷ ⵣⴻⵔⵄⴻⵏⵜ ⵍⵅⵉⵍⴰⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⴷⴰⵏⴻⵏ-ⴰ ⵢⴻⵜⵜⵡⴰⵙⵙⴻⵏ ⵓⵡⴻⵀⵀⵉ-ⵏⵙⴻⵏ ⴰⵙⴻⵔⵜⵉ, ⵢⴻⵔⵏⴰ ⴽⵔⴰ ⵙⴻⴳ-ⵙⴻⵏ ⵇⵇⵏⴻⵏ ⵖⴻⵔ ⵢⵉⴽⴰⴱⴰⵔⴻⵏ ⵢⴻⵙⵄⴰⵏ ⵜⵜⴻⵙⵔⵉⵃ, ⵎⴰ ⴷ ⵡⵉⵢⴰⴹ ⵇⵇⵏⴻⵏ ⵖⴻⵔ ⵢⵉⴽⴰⴱⴰⵔⴻⵏ ⵓⵔ ⵢⴻⵙⵄⵉⵏ ⵜⵜⴻⵙⵔⵉⵃ.
ⵢⴻⵏⵏⴰ-ⴷ ⴷⴰⵖ ⵓⵙⴻⵍⵡⴰⵢ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵍⴻⵃⴷⴻⵔ ⵙⴻⴳ ⵡⴰⴷⴰⴼ ⵏ ⵢⵉⵔⴻⴱⵔⴰⴱⴻⵏ ⵖⴻⵔ ⵜⵎⴻⵙⴱⴰⵏⵉⵢⵉⵏ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵍⵍⴰⵏ ⴽⵔⴰ ⵏ ⵢⵉⵎⴻⵙⴼⴻⵙⴷⴻⵏ ⴷ ⵢⵉⵎⴰⴽⴰⵔⴻⵏ ⴰⵢ ⵉⴼⵓⵕⵙⴻⵏ ⵜⵎⴻⵙⴱⴰⵏⵉⵢⵉⵏ-ⴰ ⴰⴽⴽⴻⵏ ⴰⴷ ⴳⴻⵏ ⵍⴻⵛⵖⴰⵍ ⵏ ⵜⴻⴽⵔⵉⴹⵜ (ⵄⵓⵏⴼ), ⴰⴷ ⵔⵥⴻⵏ ⵏⴻⵖ ⴰⴷ ⴰⴽⵔⴻⵏ ⴰⵢⵍⴰ ⵏ ⵓⵡⴰⵏⴰⴽ (ⴷⴰⵡⵍⴰ) ⵏⴻⵖ ⵏ ⵎⴻⴷⴷⴻⵏ, ⴷⵖⴰ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵉⴷⵓⴱⴰ ⴰⴷ ⴷ-ⵃⴻⵜⵜⵎⴻⵏ ⴰⴳⴷⴰⵍ ⵏ ⵜⵓⴼⴼⵖⴰ, ⵢⴻⵔⵏⴰ ⵢⴻⵙⵎⴻⴽⵜⵉ-ⴷ ⵓⵙⴻⵍⵡⴰⵢ ⴷ ⴰⴽⴽⴻⵏ ⵎⴰⵣⴰⵍ ⵜⴰⴳⵏⵉⵜ ⵏ ⵜⵓⵄⵊⵉⵍⵉⵏ ⴷⴻⴳ ⵍⴼⴻⵄⵍ.
ⵉⵡⴻⵜ-ⴷ ⵛⴰⵉⴷ ⴻⵙⵙⴻⴱⵙⵉ ⵙ ⵜⴻⵇⵙⴻⵃ ⴷⴻⴳ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⵢ ⵢⴻⵙⵎⴻⵖⵔⴻⵏ ⵜⴰⴳⵏⵉⵜ ⴷⴻⴳ ⵓⵙⵙⵉⵡⴻⴹ ⵏ ⵢⵉⵙⴰⵍⴰⵏ ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⵎⵓⵔⵜ.
ⴷⴻⴳ ⵡⴰⴽⵓⴷ ⴰⵢⴷⴻⴳ ⵢⴻⵙⵜⴻⵄⵕⴻⴼ ⴷ ⴰⴽⴽⴻⵏ ⵜⵉⵎⴻⵙⴱⴰⵏⵉⵢⵉⵏ-ⴰ ⵏ ⵢⵉⵍⴻⵎⵥⵉⵢⴻⵏ ⴷ ⵜⵓⵣⵔⵉⴼⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵔⴻⴱⴱⴰⵡⵜ ⴷ ⵓⵄⵣⴰⵍ-ⵏⵙⴻⵏ ⵙⴻⴳ ⵢⵉⴷⵉⵙ ⴰⴷⴰⵎⵙⴰⵏ, ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⴱⴻⵔⵔⵉⵃ ⵏ ⵜⴻⴳⵔⴰⵡⵍⴰ ⵜⴰⵜⵓⵏⵙⵉⵜ ⵏⴻⵜⵜⴰ ⴷ ⵜⵉⵍⴻⵍⵍⵉ ⴷ ⵏⵏⵉⴼ.
ⴰⵏⴰⴱⴰⴹ (ⵃⵓⴽⵓⵎⴰ) ⴰⵎⵉⵔⴰⵏ ⵏ ⵜⵓⵏⴻⵙ ⵢⴻⴱⴷⴰ ⴰⵅⴻⴷⴷⵉⵎ-ⵏⵏⴻⵙ ⵇⵔⵉⴱ ⴰⵙⴻⴳⴳⴰⵙ ⴰⵢⴰ, ⵢⴻⵔⵏⴰ ⵢⴻⵡⵕⴻⵜ-ⴷ ⵜⴰⴳⵏⵉⵜ ⵜⴰⴷⴰⵎⵙⴰⵏⵜ ⴷ ⵜⴰⵡⴻⵄⵕⴰⵏⵜ ⴰⵢⴷⴻⴳ ⵜⴰⵔⴻⴱⴱⴰⵡⵜⵔ ⵜⵃⵓⵣⴰ ⴰⵣⴰⵍ ⵏ 700.000 ⵏ ⵢⵉⵍⴻⵎⵥⵉⵢⴻⵏ, ⴳⴰⵔ-ⴰⵙⴻⵏ 300.000 ⵙⴻⴳ ⵡⵉⴷ ⴰⵢ ⴷ-ⵢⴻⵡⵡⵉⵏ ⵉⴳⴻⵔⴷⴰⵙⴻⵏ (ⵛⴰⵀⴰⴷⴰⵜ) ⵉⵙⴷⴰⵡⴰⵏⴻⵏ, ⵢⴻⵔⵏⴰ ⵖⴻⴼ ⵡⴰⵢⴰ, ⵢⴻⵙⵙⵓⵜⴻⵔ ⵓⵙⴻⵍⵡⴰⵢ ⵙⴻⴳ ⵓⵏⴰⴱⴰⴹ ⴰⴷ ⴷ-ⵉⵇⴻⴷⴷⴻⵎ ⴰⵀⵉⵍⴻⵏ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵜⵔⴻⴱⴱⴰⵡⵜ ⵖⴻⴼ ⵣⵉⴽ ⵍⵃⴰⵍ ⴷⴻⴳ ⵜⴻⵎⵏⴰⴹⵉⵏ ⵉⵅⵓⵚⵚⴻⵏ.
