Asebter amenzawi : Tameẓla gar ileqman
| Ajerriḍ 1: | Ajerriḍ 1: | ||
| − | + | Assewjed i Wuraren n Rio: taɣlamt tadzayrit ur turar ara mliḥ timlilit taneggarut | |
| − | + | LEZZAYER TAMANEɣT– Texṣer teɣlamt tulimpit tadzayrit n tcirt n uḍar (ddaw 23 n yiseggasen) timlilit-nnes mgal tin n Falesṭin ass n laṛebɛa s 1 ɣer 0 deg usarir n 5-Yulyu, deg Lezzayer Tamaneɣt, yerna d aya ay yeǧǧan kra ad walin takken taɣlamt tadzayrit mazal-itt tettulles seg tumert (lfeṛḥ) n uɛeddi-nnes ɣer Wuraren Ulimpiyen. | |
| − | + | Ula ma agmuḍ n temlilit-a ur yesɛi ara azal ameqran, maca tella-d tugdi ɣef uswir n yimariren idzayriyen, ladɣa imi mazal kan kra n wayyuren akken ad bdun Wuraren Ulimpiyen. | |
| − | + | Urar n teɣlamt taɣelnawt tadzayrit ur d-iban ara deg-s uswir iǧehden yerna ur ssawḍen ara yimariren-nnes ad uraren s leḥṛaṛa-nni ayyes uraren aseggas yezrin deg Sinigal. | |
| + | |||
| + | Kra seg yimariren, seg wakken serrḥen i wurar, armi ay ssersen ula d aɛessas-nsen deg umihi (xaṭar), yernu yella-d waya acḥal d tikkelt. Imḥaddiyen ur llin ara sɛeddayen tacirt gar-asen akken yelha, yernu d aya ay yesserfan ula d asleɣmay (mudarrib). | ||
| + | |||
| + | « Tga temḥaddit aṭas n tuccḍiwin, ladɣa imi acḥal d tikkelt ay tefka tacirt i uxṣim, yerna d yiwet seg tuccḍiwin-a ay yeǧǧan axṣim ad yessidef iswi. Mazal llant tɣawsiwin ad nṣeggem deg temsalt-a », ɣef wakken ay d-yenna usleɣmay aswisi Pierre-Andre Shurman deg yiwen n usarag n tɣemsa deffir temlilit-nni. | ||
| + | |||
| + | Ṛṛay-a iwufeq-it deg-s usleɣmay afalesṭini, Said Hadj Mansour, ay yesleɣman, yagi, aṭas n teɣlamin tidzayriyin yerna yella d asemtar (mustacar) n tliẓri taɣelnawt deg temlilit-a. | ||
Tasiwelt n wass 14:32, 18 Furar 2016
ⴰⵙⵙⴻⵡⵊⴻⴷ ⵉ ⵡⵓⵔⴰⵔⴻⵏ ⵏ ⵔⵉⵧ: ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵓⵔ ⵜⵓⵔⴰⵔ ⴰⵔⴰ ⵎⵍⵉⵃ ⵜⵉⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵅⵚⴻⵔ ⵜⴻⵖⵍⴰⵎⵜ ⵜⵓⵍⵉⵎⵒⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ (ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ) ⵜⵉⵎⵍⵉⵍⵉⵜ-ⵏⵏⴻⵙ ⵎⴳⴰⵍ ⵜⵉⵏ ⵏ ⴼⴰⵍⴻⵙⵟⵉⵏ ⴰⵙⵙ ⵏ ⵍⴰⵕⴻⴱⵄⴰ ⵙ 1 ⵖⴻⵔ 0 ⴷⴻⴳ ⵓⵙⴰⵔⵉⵔ ⵏ 5-ⵢⵓⵍⵢⵓ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⴽⵔⴰ ⴰⴷ ⵡⴰⵍⵉⵏ ⵜⴰⴽⴽⴻⵏ ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵎⴰⵣⴰⵍ-ⵉⵜⵜ ⵜⴻⵜⵜⵓⵍⵍⴻⵙ ⵙⴻⴳ ⵜⵓⵎⴻⵔⵜ (ⵍⴼⴻⵕⵃ) ⵏ ⵓⵄⴻⴷⴷⵉ-ⵏⵏⴻⵙ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ.
ⵓⵍⴰ ⵎⴰ ⴰⴳⵎⵓⴹ ⵏ ⵜⴻⵎⵍⵉⵍⵉⵜ-ⴰ ⵓⵔ ⵢⴻⵙⵄⵉ ⴰⵔⴰ ⴰⵣⴰⵍ ⴰⵎⴻⵇⵔⴰⵏ, ⵎⴰⵛⴰ ⵜⴻⵍⵍⴰ-ⴷ ⵜⵓⴳⴷⵉ ⵖⴻⴼ ⵓⵙⵡⵉⵔ ⵏ ⵢⵉⵎⴰⵔⵉⵔⴻⵏ ⵉⴷⵣⴰⵢⵔⵉⵢⴻⵏ, ⵍⴰⴷⵖⴰ ⵉⵎⵉ ⵎⴰⵣⴰⵍ ⴽⴰⵏ ⴽⵔⴰ ⵏ ⵡⴰⵢⵢⵓⵔⴻⵏ ⴰⴽⴽⴻⵏ ⴰⴷ ⴱⴷⵓⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ.
ⵓⵔⴰⵔ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵓⵔ ⴷ-ⵉⴱⴰⵏ ⴰⵔⴰ ⴷⴻⴳ-ⵙ ⵓⵙⵡⵉⵔ ⵉⴵⴻⵀⴷⴻⵏ ⵢⴻⵔⵏⴰ ⵓⵔ ⵙⵙⴰⵡⴹⴻⵏ ⴰⵔⴰ ⵢⵉⵎⴰⵔⵉⵔⴻⵏ-ⵏⵏⴻⵙ ⴰⴷ ⵓⵔⴰⵔⴻⵏ ⵙ ⵍⴻⵃⵕⴰⵕⴰ-ⵏⵏⵉ ⴰⵢⵢⴻⵙ ⵓⵔⴰⵔⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ ⴷⴻⴳ ⵙⵉⵏⵉⴳⴰⵍ.
ⴽⵔⴰ ⵙⴻⴳ ⵢⵉⵎⴰⵔⵉⵔⴻⵏ, ⵙⴻⴳ ⵡⴰⴽⴽⴻⵏ ⵙⴻⵔⵔⵃⴻⵏ ⵉ ⵡⵓⵔⴰⵔ, ⴰⵔⵎⵉ ⴰⵢ ⵙⵙⴻⵔⵙⴻⵏ ⵓⵍⴰ ⴷ ⴰⵄⴻⵙⵙⴰⵙ-ⵏⵙⴻⵏ ⴷⴻⴳ ⵓⵎⵉⵀⵉ (ⵅⴰⵟⴰⵔ), ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴰⵛⵃⴰⵍ ⴷ ⵜⵉⴽⴽⴻⵍⵜ. ⵉⵎⵃⴰⴷⴷⵉⵢⴻⵏ ⵓⵔ ⵍⵍⵉⵏ ⴰⵔⴰ ⵙⵄⴻⴷⴷⴰⵢⴻⵏ ⵜⴰⵛⵉⵔⵜ ⴳⴰⵔ-ⴰⵙⴻⵏ ⴰⴽⴽⴻⵏ ⵢⴻⵍⵀⴰ, ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵙⴻⵔⴼⴰⵏ ⵓⵍⴰ ⴷ ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ).
« ⵜⴳⴰ ⵜⴻⵎⵃⴰⴷⴷⵉⵜ ⴰⵟⴰⵙ ⵏ ⵜⵓⵛⵛⴹⵉⵡⵉⵏ, ⵍⴰⴷⵖⴰ ⵉⵎⵉ ⴰⵛⵃⴰⵍ ⴷ ⵜⵉⴽⴽⴻⵍⵜ ⴰⵢ ⵜⴻⴼⴽⴰ ⵜⴰⵛⵉⵔⵜ ⵉ ⵓⵅⵚⵉⵎ, ⵢⴻⵔⵏⴰ ⴷ ⵢⵉⵡⴻⵜ ⵙⴻⴳ ⵜⵓⵛⵛⴹⵉⵡⵉⵏ-ⴰ ⴰⵢ ⵢⴻⴵⴵⴰⵏ ⴰⵅⵚⵉⵎ ⴰⴷ ⵢⴻⵙⵙⵉⴷⴻⴼ ⵉⵙⵡⵉ. ⵎⴰⵣⴰⵍ ⵍⵍⴰⵏⵜ ⵜⵖⴰⵡⵙⵉⵡⵉⵏ ⴰⴷ ⵏⵚⴻⴳⴳⴻⵎ ⴷⴻⴳ ⵜⴻⵎⵙⴰⵍⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⵍⴻⵖⵎⴰⵢ ⴰⵙⵡⵉⵙⵉ ⵒⵉⴻⵔⵔⴻ-ⴰⵏⴷⵔⴻ ⵙⵀⵓⵔⵎⴰⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ-ⵏⵏⵉ.
ⵕⵕⴰⵢ-ⴰ ⵉⵡⵓⴼⴻⵇ-ⵉⵜ ⴷⴻⴳ-ⵙ ⵓⵙⵍⴻⵖⵎⴰⵢ ⴰⴼⴰⵍⴻⵙⵟⵉⵏⵉ, ⵙⴰⵉⴷ ⵀⴰⴷⵊ ⵎⴰⵏⵙⵧⵓⵔ, ⴰⵢ ⵢⴻⵙⵍⴻⵖⵎⴰⵏ, ⵢⴰⴳⵉ, ⴰⵟⴰⵙ ⵏ ⵜⴻⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ ⵢⴻⵔⵏⴰ ⵢⴻⵍⵍⴰ ⴷ ⴰⵙⴻⵎⵜⴰⵔ (ⵎⵓⵙⵜⴰⵛⴰⵔ) ⵏ ⵜⵍⵉⵥⵔⵉ ⵜⴰⵖⴻⵍⵏⴰⵡⵜ ⴷⴻⴳ ⵜⴻⵎⵍⵉⵍⵉⵜ-ⴰ.
