|
|
| (4,139 n tisiwal tibusarin af amseqdac ur ttumlalent ara) |
| Ajerriḍ 1: |
Ajerriḍ 1: |
| − | Tamsalt n Khalifa: tikeṛṛusin n uxeddim n tbanka n Khalifa ur tent-id-rrin ara acku terwi ddeɛwa imir-nni (imetthumen)
| + | lezZAYER |
| − |
| + | |
| − | LEBLIDA – Bedden ass n ttlata deg uxxam n ccṛeɛ n tejrimin n Leblida, yikataren n yifurka yemgerraden n tegrawt n Khalifa ay yettwattehmen s « txeddaɛt s laman », yerna nnan-d dakken tikeṛṛusin n uxeddim n tegrawt-a ur d-qqilent ara ɣef ljal n tegnit « ur ibanen ara » yerna « terwi » ay yellan deg tallit-nni deg wayen yerzan azekka n tegrawt-a, uqbel ma yebda-d ufsax-nnes deg 2003.
| + | |
| − |
| + | |
| − | Anemhal n ufurk n Khalifa Graphisme et impression (KGI), Mohamed Belkebir Omar, ay yettwattehmen s txeddaɛt s laman imi ay yejmeɛ yerna yesseqdec takeṛṛust n uxeddim, yenna-d dakken « ur yeẓri ara i wanwa ara yerr takeṛṛust-nni », imi tagnit tella terwi asmi ay d-bdan wuguren n tegrawt n Khalifa, am wakken ay d-yerna dakken takeṛṛust-nni « tella d ayla n twacult n Khelifa, maci n tbanka ».
| + | |
| − |
| + | |
| − | Mi yettwatter ɣef unermis-nnes d uselway-anemhal amatu n tegrawt-a (Rafik Abdelmoumene Khelifa), Mass Mohamed Belkebir Omar (ay yellan naqal d axeddam deg Saidal, sakkin yexdem deg Khalifa isafaren), yenna-d dakken « u d-yemlal ara ula d yiwen seg twacult n Khelifa, anef ɛad Rafik Abdelmoumene s timmad-nnes ».
| + | |
| − |
| + | |
| − | « Aselway-anemhal amatu aqbur yeɣra-iyi-d snat n tikkal. Yiwet n tikkelt yumeṛ-iyi ad d-ssuffɣeɣ inazalen imeqranen i uselway n tegduda, Abdelaziz Bouteflika, yerna llan yidisan ay iɛerḍen ad ḥebsen aya », ɣef wakken ay d-yenna war ma yefka-d ismawen, yerna yessefhem-d dakken d yiwet n tɣiwant n Ɛin Ddefla ay d-yessutren assuffeɣ n yinazalen-nni i tḥemla n tefranin n 2004.
| + | |
| − |
| + | |
| − | Ametthum-a yessefhem-d dakken takebbanit n KGI d nettat ay d takebbanit tawḥidt ay yellan tesɛa ttawilat ifazen, gar-asen yiwen n yimzuɣer d ameqran, d yiwet n tmeswart tumḍint deg tallit-nni. Meziane Bentahar ay ikecmen ad yexdem deg Khalifa isafaren (Khalifa médicament) deg 2002, yenna-d dakken yeḍḍef-d tabṛat sɣur unemhal amatu n tkebbanit-a n yisafaren, Bekhti Brahim, aydeg ay t-ixebber dakken ifuk uxeddim-nnes din yerna yenna-as « ad yejmeɛ takeṛṛust n uxeddim arma banent tɣawsiwin ».
| + | |
| − |
| + | |
| − | Ametthum niḍen, Sbiri Mehdi, anemhal atekni aqbur n tkebbanit n yisafaren, yerna-d deg wawal-a, yerna yenna-d dakken terra-t tmara ad yejmeɛ yiwet n tkeṛṛust n Opel armi d 2005 anda ay tt-yerra i Temsetla taɣelnawt, acku « llant-d aṭas n ddiɛayat deg wayen yerzan tagrawt (n Khalifa) yerna ur neẓri ara wukud ara nessiwel (ɣef temsalt-a) », am wakken ay d-yenna dakken « ur iɣil ara dakken ula d takebbanit n yisafaren terza-tt temsalt n ufsax ».
| + | |
| − |
| + | |
| − | Ametthum aneggaru ay ibedden deg ccṛeɛ ass-nni d tanemhalt taqburt n Khalifa TV d Knews, Samira Bensouda, d tin ay yettwattehmen s txeddaɛt s laman imi ay tewwi yiwet n tkeṛṛust n Polo, dɣa nettat tenkeṛ ttehma-a seg lqaɛa, am wakken ay d-tenna « amek ay tezmer ad tejj ɣer-s takeṛṛust rxisen deg wakud aydeg terra nettat s timmad-nnes ttawilat ay iqeyyem llusi s luluf n yidulaṛen yerna txelleṣ-iten s yidrimen-nnes? ». Massa Bensouda tesmekti-d dakken d taneɣlaft taqburt n teɣwalt d yidles, Khalida Toumi, ay tt-id-isemman ɣer umkan-a n uxeddim, yerna d aɣlif ay yellan yettxelliṣ-itt, am wakken ay d-tenna dakken « Khalifa TV d Knews cewwlent aṭas n medden deg tallit-nni ɣef ljal n tegnit tasertit n yimir-nni, yerna snat-a n tregwa lhant-d s tukci n tugna icebḥen ugar ɣef Ldzayer ».
| + | |
| − |
| + | |
| − | « Amek armi tiyita tamezwarut tusa-d seg uzɣar? Naqal d yiwen n umazan afṛensis n uyeffus ameḍḍarfu ay d-yebdan tiyita, sakkin d targa tameṛṛukit n 2M, sakkin d taɣemsa tafṛensist uqbel ma yettwaddem wawal da deg Ldzayer », ɣef wakken ay d-tenna, am wakken ay d-terna dakken « tiɣawsiwin ur banent ara imir-nni yerna mazal ar ass-a yella wayen ur ibanen ara ɣef temsalt-a ».
| + | |
| − |
| + | |
| − | Bensouda Samira tenna-d, seg yidis niḍen, deg wayen yerzan takeṛṛust n uxeddim, dakken ur tt-tesseqdec ara, d acu kan, tella tesɛa ttesriḥ sɣur Moncef Badsi (ay d-yelhan s ufsax) akken ad tt-tejmeɛ arma ifuk ccɣel-nnes yerna terra-tt mi d-teqqel seg uzɣar.
| + | |
