|
|
| (3,268 n tisiwal tibusarin af amseqdac ur ttumlalent ara) |
| Ajerriḍ 1: |
Ajerriḍ 1: |
| − | Falesṭin: Isṛayiliyen rnan snekren ccwal deg Tmesgida n Laqṣa
| + | lezZAYER |
| − |
| + | |
| − | LDZAYER – D timerwin n Yifalesṭiniyen ay ijerḥen ass n ttlata mi ɛawden ẓedmen yimsulta isṛayiliyen ɣer daxel n Tmesgida n Laqṣa, deg wakud aydeg tebda la tceɣɣeb temsalt-a amɣiwan agraɣlan ay d-iwten deg ccɣel am wa yerna iger-d tiɣri i Isṛayil akken ad teḥbes aya.
| + | |
| − |
| + | |
| − | Imhuras isṛayiliyen ɛawden ẓedmen taṣebḥit n wass n ttlata ɣef tmesgida n Laqṣa yerna usan-d s temḥaddit d tameqrant sɣur yimsulta isṛayiliyen.
| + | |
| − |
| + | |
| − | Aẓdam amezwaru yella-d ass n lḥedd, mi udfen yimsulta isṛayiliyen ɣer tmesgida n Laqṣa akken ad ḥebsen imenɣi ay inekren mi udfen kra n Wudayen imeḍḍurfa ɣer umṛaḥ n tmesgida-a yerna rẓan din sin n lemqamat.
| + | |
| − |
| + | |
| − | D aya ay yesnekren ccwal yerna tkemmel tenker ula deg temdint n Lquds yettwaḍḍfen, d ccwal aydeg ttwaḍḍfen aṭas n Yifalesṭiniyen yerna jerḥen aṭas n wiyaḍ ɣef wakken ay d-nnan kra n ttawilat n yisalan. Tiɣbula-a nnant-d dakken iɣallen n tuḍḍfa tisṛayilit sqedcen, akken nnummen, lbumbat yesseɛẓagen d lgaz n yimeṭṭawen sdaxel tmesgida, yerna jerḥen aṭas n yimẓulla, gar-asen ula d imɣaren.
| + | |
| − | | + | |
| − | Seg yidis niḍen, iserdasen isṛayiliyen nɣan yiwen n yilemẓi afalesṭini deg umazir n yizruzaɣ n Qalandia, sdat Ramallah.
| + | |
| − |
| + | |
| − | Anabaḍ afalesṭini yenna-d dakken lecɣal-a ay la tetteg Isṛayil d wid ara « yezzuɣren tamnaḍt ɣer ṭṭrad n ddin ».
| + | |
| − |
| + | |
| − | Ma d Ḥamas tenna-d dakken adaf n yimsulta isṛayiliyen ɣer tmesgida n Laqṣa d ayen ara yernun zzit i tmes.
| + | |
| − |
| + | |
| − | « Aɣref-nneɣ d tegrawin-nnes n uzbu ur ttɣimin ara kan akka sdat utɛeddi-a », ɣef wakken ay d-yenna yiwen n ulɣu n Sami Abou Zouhri, aneṭṭaq n umussu-a.
| + | |
| − |
| + | |
| − | Aneɣlaf afalesṭini n tɣawsiwin n uzɣar yessaẓer iduba isṛayiliyen yerna yenna-d dakken tirzi n yimeḍḍurfa udayen d « asmentes ».
| + | |
| − |
| + | |
| − | Assiẓer d teɣri i uḥbas n ccwal==
| + | |
| − |
| + | |
| − | Sdat urkaḍ-a n yizerfan n Yifalesṭiniyen, tadiplumatit tafalesṭinit tger-d tiɣri i umɣiwan agraɣlan akken ad d-iger iman-nnes i uḥuddu n tmagit n yimukan imqeddsen n Yinselmen d Yimasiḥiyen deg Lquds yerna ad ttwaḥerzen yimukan-a, am wakken ay d-iɛeyyen mgal « ussudey n Lquds ».
| + | |
| − |
| + | |
| − | Luṛdun yellan d taɛessast n yimukan imqeddsen n Yinselmen d Yimasiḥiyen deg Lquds, d nettat ay d tamezwarut ay yessaẓren aẓdam-a n yiɣallen isṛayuiliyen ɣef tmesgida n Laqṣa, yerna tger-d tiɣri akken ad d-yili lmeǧhud agraɣlan akken ad teḥbes Isṛayil lecɣal am wi, am wakken ay d-tenna dakken adaf ɣer yimṛaḥen n tmesgida n Laqṣa d arkaḍ ufḍiḥ n lqanun.
| + | |
| − |
| + | |
| − | Ma d Fṛansa tenna-d, s yiles n uneṭṭaq n tɣawsiwin n uzɣar, Romain Nadal, dakken tecɣeb-itt tegnit yellan deg tmesgida n Laqṣa am wakken ay d-twekked aɛewwel-nnes akken ad tesseddu lemcawṛat ɣer sdat.
| + | |
| − |
| + | |
| − | Ṭṭerk, seg yidis-nnes, tessaẓer s lǧehd arkaḍ n temsulta tisṛayilit i umkan-a imqeddes, yerna tger-d tiɣri i uḥbas n lecɣal-a yeffɣen i lqanun.
| + | |
| − |
| + | |
| − | Tamɣunt n tmura taɛṛabin, seg yidis-nnes, tessummel-d arkaḍ n yiɣallen isṛayiliyen, imhuras imeḍḍurfa d yiwen n uneɣlaf isṛayili ay yudfen ɣer umṛaḥ n tmesgida n Laqṣa, yerna twekked-d dakken Tamɣunt la tettḍafar s lqern ayen ay la iḍerrun deg temsalt-a.
| + | |
| − |
| + | |
| − | Ad d-tili temlilit n Temɣunt taɛṛabt ɣef temsalt n Laqṣa==
| + | |
| − |
| + | |
| − | Ineɣlafen n tɣawsiwin n uzɣar n Temɣunt taɛṛabt ad mlilen ass n 5 Ɣuct deg Lqahira akken ad d-ssukken tiṭ ɣef yimenɣi ay d-yellan seg melmi kan deg tmesgida n Laqṣa deg temdint n Lquds yettwaḍḍfen, ɣef wakken ay d-yenna ass n letniyen yiwen n yimḍebber afalesṭini.
| + | |
| − |
| + | |
| − | Timlilit-a n 15 n yineɣlafen aɛṛaben ad d-tessukk tiṭ ɣef « tedyanin timihawin tineggura » ay d-yellan deg Lquds yettwaḍḍfen, Isṛayil ay la irennun zzit i tmes deg temsalt n tmesgida n Laqṣa d ukemmel n ussehres, ɣef wakken ay d-yenna umestag afalesṭini agejdan Saeb Erakat deffir yiwen n umyager d uɣella n Temɣunt taɛṛabt, Nabil al-Arabi.
| + | |
| − |
| + | |
| − | Ineɣlafen ad d-ssukken tiṭ ɣef tegnit n lemcawṛat n talwit gar Yifalesṭiniyen d Yisṛayiliyen, ɣef leḥsab n yimḍebber-a afalesṭini.
| + | |
| − |
| + | |
| − | Lemcawṛat-a ḥebsent akk seg wasmi ay ɛerḍen Yiwanaken Yeddukklen ad tent-id-ssuddren deg Yebrir n 2014 d utɛeddi-nni isṛayili ɣef Ɣezza deg unebdu yezrin aydeg mmuten 2.200 n Yifalesṭiniyen.
| + | |
