|
|
| (3,910 n tisiwal tibusarin af amseqdac ur ttumlalent ara) |
| Ajerriḍ 1: |
Ajerriḍ 1: |
| − | Ass n ssebt ad d-bdunt lxeḍbat n temḥaddit: qrib ad ifak ccṛeɛ n Tbanka n Khalifa
| + | lezZAYER |
| − |
| + | |
| − | LDZAYER – Ccṛeɛ n usenduq agejdan n Tbanka n Khalifa ad d-yebdu tagara-nnes ass n ssebt, imi ara d-bdunt lxeḍbat n temḥaddit, yerna ad d-yili waya sdeffir n wacḥal n wussan ay yettunefken i tmesliwt n yimetthumen d yinagan.
| + | |
| − |
| + | |
| − | Ccṛeɛ-a yebda-d ass n 4 Mayu yezrin s tɣuri n ṛṛay n uwexxer. Deg wass wis 3, tella-d tmesliwt n umetthum agejdan, Abdelmoumene Rafik Khelifa, ay yellan iɣab deg ccṛeɛ-nni amezwaru n 2007 aydeg ay as-ḥekmen s uɣabi.
| + | |
| − |
| + | |
| − | Khelifa yettwacaṛeɛ ɣef waṭas n ttehmat, gar-asent « assebded n tegrawt i ussefsed, tukerḍa, aflas n tkellax, adɣal n lekwaɣeḍ d usseqdec n lekwaɣeḍ n tedbelt d lqanun n lkellax », yerna yenna-d umetthum-a, sdat lqaḍi Antar Menouar, dakken mi yeffeɣ seg Ldzayer deg 2003, yejja-d tagrawt-nnes « deg tegnit aydeg ur tt-xuṣṣen ara yidrimen ».
| + | |
| − |
| + | |
| − | Taɣdemt tḥuseb Khelifa mi ay xuṣṣen 3,2 n yimelyaṛen n yidinaṛen seg usenduq n Tbanka n Khalifa, maca ametthum-a yellan d ameṛkanti ameqran, yenna-d dakken asmi ay yeffeɣ, yejja tabanka-a s 97 n yimelyaṛen n yidinaṛen deg usenduq-nnes, d 7 n yimelyunen n wuṛuten ay d-tessadef tkebbanit-nnes n waffug, Khalifa Airways.
| + | |
| − |
| + | |
| − | Deg wayen yerzan adɣal deg ussebded d usseddu n Khalifa Bank, Abdelmoumene Khelifa yenkeṛ dakken yedɣel leɛqudat n ḍḍmana n tedwirt-nnes deg Ḥidṛa d tḥanut-nnes deg Ccraga, d usseqdec n yimukan-a akken ad yekseb tabanka-a, imi, ɣef leḥsab-nnes lekwaɣeḍ-a yettwadeɣlen ur sɛin ara ḍḍabeɛ-nnes.
| + | |
| − |
| + | |
| − | Seg yidis niḍen, yenna-d dakken yettunefk-as-d uzmam n tnezzut (ttjaṛa) uqbel ma yessebded-d tabanka-nnes, yerna tabanka-a werjin teffiɣ i lqanun n uḥkam n « ubeddel n yidrimen ».
| + | |
| − |
| + | |
| − | D acu kan, ametthum yesteɛṛef daɣ dakken ur ixebber ara Tabanka n Ldzayer ɣef ubeddel n uẓayer n tbanka-nnes deg Ctembeṛ n 1998, 3 kan n wayyuren seg wasmi ay tebda tbanka-a axeddim, yerna aya yella-d d tuffɣa i lqanun.
| + | |
