|
|
| (3,726 n tisiwal tibusarin af amseqdac ur ttumlalent ara) |
| Ajerriḍ 1: |
Ajerriḍ 1: |
| − | Amazday n Nabni yefka-d kra n tifratin imi ay tenqes ssuma n upitṛul
| + | lezZAYER |
| − | | + | |
| − | LEZZAYER TAMANEƔT –Amazday n Nabni yessumer-d, ass n ttlata, kra n tsemmeskal tidamsanin d tenmettiyin ara yeǧǧen, ɣef leḥsab n wid yettekkan deg umazday-a, tadamsa tadzayrit ad terwel i lmaḍerra ara d-yekken seg unqas n ssuma n upitṛul.
| + | |
| − | | + | |
| − | Aɣawas ay d-iheyya umazday n Nabni isem-nnes « Abda » (Ad bduɣ), yerna yettwassumer-d i tallit n 2016-2018. Aɣawas-a yessumer-d umuɣ n 12 n yisenfaren yezwaren, yerna qqnen ɣer usmal n ussefti ara d-yawin nnfeɛ, aɛawed n tmuɣli deg tsertit n uɛawen deg ssumat d ussetrer n tedbelt, ɣef wakken ay d-nnan yimaslaḍen n umazday-a deg yiwen n usarag n tɣemsa.
| + | |
| − | | + | |
| − | Ɣef leḥsab n wid ay d-iheyyan aɣawas-a, lecɣal-a yessefk ad d-ilin akken ad ifak uṣerref « ameqran ur yesɛin ara nnfeɛ », yerna ad yettwabnu llsas tigawt tanagdudt tamaynut, yerna d aya akk ara ireẓmen abrid i tsemmeskal iweɛṛen ugar, am wakken ara iɣiwel lebni n yisenfaren iḥebsen.
| + | |
| − | | + | |
| − | I lmend n usseǧhed n ussefti ara d-yawin lfayda, amazday yefka azal i usseɛjel n tsemmeskal n tbankwin d bennu n « tsemmeskelt talqayant » deg wamek ay ttwaḥekment tkebbaniyin n uwanak (ddula).
| + | |
| − | | + | |
| − | Deg wayen yerzan aḥric anmetti, Nabni tessumer-d aɛawed n tmuɣli deg uɛawen deg ssuma d ussekki anmetti: « Aṭas n yidrimen inagduden ay la yettwafraqen », ɣef wakken ay d-yenna Mabrouk Laib, d amaslaḍ deg umazday n Nabni, am wakken ay d-yerna d akken tasertit n uɛawen n ssumat n yimir-a d tin ayseg d-sfaydin yimeṛkantiyen ugar n wanect ay d-sfaydin seg-s yigellilen.
| + | |
| − | | + | |
| − | « Ur d-nenni ara ad yeḥbes uɛawen n ssumat i lfayda n wid ixuṣṣen, wanag nessumer-d iḥezziben ilellamen d iqesḥanen. Nekkni nenna-d d akken yessefk idrimen inagduden ad ten-sfekren akken yelha acku fuken yidrimen ara nessexṣer », ɣef wakken ay d-yenna Abdelkrim Boudraa, aneṭṭaq n Nabni.
| + | |
| − | | + | |
| − | Amazday-a yessumer-d daɣ ad ttwawexxren kra n yisenfraren n tdumṣukiwin ur yezwaren ara am wakken ay yessefk ad tettwaḥbes tmerniwt n uṣerref ɣef usseddu n tebdelt n tmurt arma d 2018 akken ad d-tessiger tmurt idrimen ara d-iɣermen wid ay as-iṛuḥen seg unqas n ssuma n yiserɣa, am wakken ara d-yili umnekni deg umarud.
| + | |
| − | | + | |
| − | Ɣef leḥsab n Mass Boudraa, issumar-a ur d-llin ara mgal tsertit n tneflit tadamsant-tanmettit n tmurt, maca issumar-a llan-d akken tamurt ad tesɛeddi tagnit-a « taweɛṛant » war ma tella-d taluft meɣɣren.
| + | |
| − | | + | |
| − | « Ur yessefk ara ad nexdem s lḥir akken ad nessenqes seg teqseḥ n lmaḍerra ay izemren ad d-tekk seg unqas n umedxul n wayen ay tessaǧaw tmurt. Ur terri ara tmara ad d-nebdu aɣawas n cceḥḥa yerna ad neḥbes isseftiyen d yisenfaren n tneflit n tdamsa-nneɣ. Yessefk kan ad nebdu ad nesrusuy llsisan n ubeddel ara idumen », ɣef wakken ay d-yebder uṛabul ay d-iqeddmen aɣawas-a.
| + | |
| − | | + | |
| − | Iswi n uɣawas-a netta d « beddu n unewweɛ deg tdamsa s lqis alemmas, am wakken ay yessefk ad yili umarud d tedrimt n tmurt deg urkiden, yerna yessefk ad tesnerni tmurt tiɣbula timaynutin ara as-d-yessadafen idrimen. Daɣ tamurt yessefk ad tesselhu tamellilt n tsertiyin-nnes tinagdudin ».
| + | |
| − | | + | |
| − | I usbuɣer n uɣawas-a, Nabni tessers-d issumar-nnes deg udeg-nnes n Internet akken ad d-yili uskasi fell-asen, yerna teɛreḍ-d agdud s umata, imazzayen d wudusen yemgerraden akken ad ttekkin deg uskasi ɣef uɣawas-a.
| + | |
| − | | + | |
| − | Nabni d yiwet n tegrawt n uxemmem ay d-sbedden deg 2011, yerna llan deg-s, s tudet, yisdawanen, imazzayen d yineṣṣaḥen ay la yettxemmimen ɣef temsal yerzan tadamsa n tmurt.
| + | |
