|
|
| (3,712 n tisiwal tibusarin af amseqdac ur ttumlalent ara) |
| Ajerriḍ 1: |
Ajerriḍ 1: |
| − | Aneɣlaf amenzu yerza ɣef tkebbanit tadzayrit-taspenyulit n Dulcesol deg Sig (Mɛeskeṛ)
| + | lezZAYER |
| − | | + | |
| − | MƐESKEṚ - Aneɣlaf amenzu, Abdelmalek Sellal, yerza ass n laṛebɛa ɣef tkebbanit tadzayrit-taspenyulit « Dulcesol » yemmuzzgen (yetxeṣṣeṣen) deg ussewjed n temẓidin (lḥelwa) deg temnaḍt tamgurant n Sig.
| + | |
| − | | + | |
| − | Mass Sellal yessefqed lluzin-nni n tkebbanit-a ay yeḍḍfen tajumma n 47.000 n yimitren imkuẓen (m2) yerna tebda amahil deg 2014.
| + | |
| − | | + | |
| − | Lluzin-a txeddem-d 4.000 n yiṭunen seg 12 n leṣnaf n temẓidin. Uqbel ma terẓem lluzin-a, timẓidin-a llan ttawin-tent-id seg tkebbanit tayemmat yellan deg Spenyul. Lluzin-a ay d-ilulen s ticcurka gar tkebbanit tadzayrit d tkebbanit taspenyulit tessexdam 100 n yixeddamen.
| + | |
| − | | + | |
| − | Dɣa i lmend n terzi-a, Sellal iger-d tiɣri i yimḍebbren n tkebbanit-a akken ad d-rren lwelha-nsen ɣer ussiǧew n sselɛa-nsen ɣer tmura tibeṛṛaniyin.
| + | |
| − | | + | |
| − | Mi yella din, aneɣlaf amenzu sfehmen-as-d d akken azadaɣ (lbaṭima) amezwaru n lluzin-a reẓmen-t deg Dujembeṛ n 2014, yerna takebbanit-a la tessefray ad ternu ad terẓem 4 n yizadaɣen niḍen seg-a ɣer 2020, am wakken ay tessefray ad tessaǧaw kra seg sselɛa-nnes ɣer tmura n uzɣar.
| + | |
| − | | + | |
| − | Azadaɣ n lluzin-a deg la d-ttwaxdament temẓidin yeḍḍef tajumma n 6.310 n yimitren imkuẓen (m2) yerna yesɛa lmexzen deg jemɛen tinegwa timezwura. Amur ameqran seg tnegwa-a ttwaxdament-d deg Lezzayer. Lluzin-a tesɛa daɣ aḥric i uheyyi n sselɛa i ufraq.
| + | |
| − | | + | |
| − | Takebbanit-a tebna daɣ taɣsert i ussizdeg n waman yumsen yesɛan tazmert n 100 n yimitren igasasen (m3) deg wass.
| + | |
| − | | + | |
| − | Mass Sellal ifuk tirzi-nnes ɣef Mɛeskeṛ s ussefqed n yiwet n lluzin ay d-ixeddmen lkaɣeḍ n ujellel n tkebbanit n « Algerian Kraft Paper », d tin ay d-yezgan deg temnaḍt tamgurant n Zahana.
| + | |
| − | | + | |
| − | Takebbanit-a tusligt tennulfa-d deg 1995 s ṛaselmal n 80 n yimelyunen n yidinaṛen, yerna temmuzzeg deg tculliḍin n lkaɣeḍ i yifarisen yemgerraden am usiman, amers d yisuddimen-nnes, lfaṛina, awren, tamaqqust (leɣber), učči n lmal d yifarisen ikruranen.
| + | |
| − | | + | |
| − | Lluzin-a tella txeddem-d, deg 1995, 5 n yimelyunen n tculliḍin deg useggas, sakkin tewweḍ ɣer 20 n yimelyunen deg 1996. Ma aseggas-a, tessaweḍ ɣer 170 n yimelyunen n tculliḍin, ɣef wakken ay d-sfehmen i tmagla n uneɣlaf amenzu.
| + | |
| − | | + | |
| − | Dɣa i lmend n waya, aneɣlaf amenzu yenna-d d akken awanak yewjed ad iɛawen lluzin-a d yisenfaren icuban aya yerna ttekkayen deg tneflit taɣelnawt.
| + | |
| − | | + | |
| − | I usmekti, takebbanit-a tella tesɛa yiwet kan n lluzin deg 1995, sakkin teqqel tesɛa 3 deg 1997, ma ass-a, tesɛa 4, yerna la tessefray ad ternu ad terẓem tis 5 akken ad tessiweḍ afares-nnes ɣer 270 n yimelyunen n tculliḍin i useggas.
| + | |
| − | | + | |
| − | Takebbanit-a la tessexdam, imir-a, 150 n yixeddamen, yerna la tessefray ad ternu ad d-tessidef 60 n yixeddamen niḍen aseggas ay d-yetteddun, asmi ara terẓem lluzin-nnes tis 5.
| + | |
| − | | + | |
| − | Seg yidis niḍen, takebbanit-a tessexdam 150 n yimdanen niḍen s ubrid arusrid.
| + | |
