|
|
| (3,456 n tisiwal tibusarin af amseqdac ur ttumlalent ara) |
| Ajerriḍ 1: |
Ajerriḍ 1: |
| − | Yaman: Amazun n Yiɣlanen Yeddukklen deg Ṣenɛa i lmend n uḥbas n yimenɣi i uɛawen n wid yenḍerren
| + | lezZAYER |
| − | | + | |
| − | LEZZAYER – Amazun uzzig n Yiɣlanen Yeddukklen i Yaman yuweḍ ass n lḥedd ɣer Ṣenɛa akken ad ikemmel amciweṛ ɣef uḥbas n yimenɣi i lmend n uɛawen n wid yenḍerren deg tmurt-a, deg wakud deg tamsisit n tmura taɛṛabin la tettkemmil la tekkat s teqseḥ imukan deg llan yiɣewwaɣen iḥutiyen.
| + | |
| − | Agensas n Yiɣlanen Yeddukklen, Ismail Ould Cheikh Ahmed, yuweḍ taṣebḥit ɣer Ṣenɛa akken ad yeɛreḍ ad d-yerr amciweṛ ɣef uḥbas n yimenɣi deg snat-a n ledwaṛ ay d-yeqqimen seg Remḍan, akken ad ssiwḍen lemɛawna i yimezdaɣen yenḍerren.
| + | |
| − | Adiplumati-a amuriṭani iɛawed-d d akken la iɛerreḍ ad yesseqneɛ idisan akken « ad ḥebsen imenɣi ɣef zik lḥal i lmend n uɛawen n wid yenḍerren », sakkin, ad d-bdunt lemcawṛat i « ferru s ubrid n talwit n taluft-a ay yeqqlen d tawaɣit », am wakken ay d-iwekked d akken atan la yessuggut lmeǧhud akken « ferru ad d-yili d aduman » yerna ad d-qqlen akk yidisan ay terza taluft ɣer umciweṛ.
| + | |
| − | Ass n laṛebɛa, mi tfuk temlilit n Riyaḍ gar ukerwa n temhal talsanin n Yiɣlanen Yeddukklen, Stephen O’Brien, d yinemhalen n tneggiwin talsanin, Iɣlanen Yeddukklen ssulin aswir n tuɛjilt talsant ɣer 3 (d wa ay d aswir unnig akk ay d-yellan deg Yaman) i tallit n 6 n wayyuren.
| + | |
| − | Aya d « lwaǧeb fell-aɣ », ɣef wakken ay d-yenna umazun amuriṭani, yerna yessaram d akken aḥbas-a n yimenɣi i lmend n uɛawen ad d-yili uqbel tagara n Remḍan.
| + | |
| − | Mi ara yeḥbes yimenɣi, yessefk daɣ ad jebdent temlicin iman-nsent seg temdinin ay ḍḍfent. « Yessefk ad d-naf amek ara nessenqes seg lqerḥ n yimezdaɣen-a ».
| + | |
| − | Yaman ɣef yiri n uxeṣṣar==
| + | |
| − | Yaman d tamurt ay d-yettaǧwen 90% seg wučči-nnes seg uzɣar, yerna ussan-a, tamsisit taɛṛabt (yellan ddaw ṛṛay n Tgelda Tasaɛudit) tḥettem-d fell-as argul seg yidis n lebḥeṛ. Dɣa tagnit am ta tezmer ad tessiweḍ ɣer « laẓ ».
| + | |
| − | Yaman « attan ɣef yiri n laẓ », ɣef wakken ay d-yenna Ismail Ould Cheikh Ahmed.
| + | |
| − | Yenna-d d akken yessefk akk idisan ad d-afen amek ara d-yili uḥbas-a n yimenɣi.
| + | |
| − | Adiplumati-a n Yiɣlanen Yeddukklen yesmekti-d d akken 21 n yimelyunen n Yiyamaniyen ay yeḥwaǧen lemɛawna yerna aya d 80% seg yimezdaɣen akk n tmurt. 13 n yimelyunen seg-sen xuṣṣen učči, 9,4 n yimelyunen xuṣṣen aman. Nnig waya, tebda-d tawla n udengiw am wakken ay tella tugdi ad yernu waḍḍan n upulyu deg tmurt-a.
| + | |
| − | Yiwen n udiplumati n Useqqamu n tɣellist yenna-d d akken ma yella ur iḥebbes ara yumenɣi, yessefk ad tettwassifses tergult-nni akken ad d-ssiwḍen yiɣerruba lemɛawna i yimezdaɣen.
| + | |
| − | Aɣaws n tuɛjilin n Yiɣlanen Yeddukklen yessefray ad iɛawen s tuzwirt 11,7 n yimelyunen n Yimyamaniyen seg wid ay yenḍerren aṭas akk. Ugar n 160 n yiɣsuren n udawi ay izemren ad ɣelqen ɣef lǧal n lqella n laman d lexṣaṣ n ttawil, ɣef wakken ay d-yenna amalal n uneḍḍaq n Yiɣlanen Yeddukklen, Farhan Haq.
| + | |
| − | Deg Ɛaden, tagnit tewweḍ ɣer twaɣit: imezdaɣen xuṣṣen učči yerna ḥuzan-ten waḍḍanen am umalaṛya, atifuyid d udengiw, d aḍḍanen ay d-ibanen seg lexṣaṣ n tezdeg, yerna ur zmiren ad ttwadiwan ma xuṣṣen yisafaren.
| + | |
| − | Qesseḥ yimenɣi deg Unẓul==
| + | |
| − | Yaman yenker deg-s yimenɣi d ameqran seg wasmi ay ḍḍfen yiɣewwaɣen Iḥutiyen tamaneɣt Ṣenɛa d temnaḍin niḍen, yerna imenɣi-a yegla s tmeddurt n 2.800 n yimdanen, gar-asen 1.400 n yiɣarimen, am wakken ay jerḥen 13.000 n yigiman n yimdanen seg tgara n Meɣres ar ass-a, ɣef wakken ay d-nnan Yiɣlanen Yeddukklen.
| + | |
| − | Seg tgara n Meɣres, mmuten 858 n yiɣarimen d yimenɣan yeddan d unabaḍ am wakken ay jerḥen 6.879 n yimdanen deg Ɛaden, ɣef wakken ay d-yenna ass n ljemɛa yimḍebber adigan n tdawsa, Al-Khader Laswar.
| + | |
| − | Deg Ɛaden, tamdint tagejdant deg unẓul n tmurt, tamsisit taɛṛabt tebda-d, deg tfejrit, inṭagen igenwanen mgal yimukan anda ay llan yiɣewwaɣen, yerna mmuten 8 seg-sen, am wakken ay mmuten daɣ 6 n yiɣarimen mi d-ɣlint tmeẓdiyin ay d-wten yiɣewwaɣen mgal yigmamen n tnezduɣt n temdint-a, ɣef wakken ay d-yenna yiwen n yimḍebber adigan. Deg Lahj, 11 n yiɣewwaɣen ay yettwenɣen, ɣef leḥsab n teɣbula tiserdasiyin.
| + | |
| − | Seg yidis niḍen, yiwet n tegrawt n Uzbu tenɣa 8 n yiɣewwaɣen d 2 n yimenɣan yeddan d unabaḍ, ɣef wakken ay d-rnan.
| + | |
| − | lḥutiyen, wukud ddan yiserdasen ibedden ɣer yidis n uselway aqbur Ali Abdallah Saleh, ḍḍfen, seg Yulyu 2014, timnaḍin d timeqranin deg Yaman. Deg 26 Meɣres, Tagelda Tasaɛudit tenheṛ yiwet n temsisit taɛṛabt akken ad twet iɣewwaɣen iḥutiyen yerna ur ten-tettaǧǧa ara ad ḍḍfen tamurt s lekmal-nnes. D aselway ayamani Mass Hadi ay yessutren seg Yisaɛudiyen ad gen aya.
| + | |
