ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ

ⵍⵃⴻⴷⴷ, 05 ⵢⴻⴱⵔⵉⵔ 2015 20:06 ⵉ ⵓⵙⴻⴱⴷⴻⴷ ⵏ ⵓⵥⴻⵟⵟⴰ ⴰⴳⵔⴰⵖⵍⴰⵏ ⵏ ⵜⴻⵎⵙⴻⵜⵍⴻⵍⵜ ⴰⴽⴽ ⴷ ⵢⵉⵎⴻⵏⵖⵉ ⵏ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ

ⴰⵧⵓⵙⵙⴻⵔⴷ (ⵉⴽⴰⵍⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵙⵍⴻⵍⵍⵉⵏ) – ⵜⴰⵎⴰⴳⵍⴰ ⵜⴰⵣⵣⴰⵢⵔⵉⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵜ ⵏ ⵜⴻⵎⵙⴻⵜⵍⴻⵍⵜ (ⵍⴻⵎⵄⵉⵡⵏⴰ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⴰⵧⵓⵙⵙⴻⵔⴷ, ⵜⴳⴻⵔ-ⴷ ⵜⵉⵖⵔⵉ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵓⵥⴻⵟⵟⴰ ⴰⴳⵔⴰⵖⵍⴰⵏ ⵏ ⵜⴻⵎⵙⴻⵜⵍⴻⵍⵜ ⴰⴽⴽⴻⴷ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵜⵓⵟⵟⴼⴰ ⵜⴰⵎⴻⵕⵕⵓⴽⵉⵜ.

ⵜⵉⵎⵍⵉⵍⵉⵜ-ⴰ ⴰⵢ ⴷ-ⵢⴻⵍⵍⴰⵏ ⵖⴻⵔ ⵜⴰⵎⴰ ⵏ ⵢⵉⵅⴻⴷⴷⵉⵎⴻⵏ ⵏ ⵡⴻⵙⵡⵉⵔ ⵡⵉⵙ 7 ⵏ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ, ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⴱⴻⵢⵢⴻⵏ ⵏ ⵜⴰⵖⴻⵛⵜ ⵏ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵜⵓⵟⵟⴼⴰ ⵜⴰⵎⴻⵕⵕⵓⴽⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴰⵔⵓⵜ ⵜⴰⵎⴰⵜⵓⵜ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵜⵎⴻⵟⵟⵓⵜ ⵜⴰⵣⵣⴰⵢⵔⵉⵜ, ⵏⵧⵓⵔⵉⴰ ⵀⴰⴼⵙⵉ, ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵥⴻⵟⵟⴰ ⴰⴳⵔⴰⵖⵍⴰⵏ ⵉ ⵡⴻⴱⴷⴰⴷ ⵖⴻⵔ ⵢⵉⴷⵉⵙ ⵏ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ.

ⵎⴰⵙⵙⴰ ⵀⴰⴼⵙⵉ ⵜⵡⴻⵜ-ⴷ, ⴷⴻⴳ ⵜⴻⴳⵏⵉⵜ-ⴰ, « ⴷⴻⴳ ⵡⴻⵎⵃⴰⵇ ⴻⴷ ⵍⴱⴰⵟⴻⵍ ⴰⵢ ⴷ-ⵢⴻⵜⵜⵉⵍⵉⵏ ⵙⵖⵓⵔ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵎⴳⴰⵍ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⴽⴰⵍⵍⴻⵏ ⵢⴻⵜⵜⵡⴰⴹⴹⴼⴻⵏ ⴰⴽⴽⴻⴷ ⵡⴻⵄⴼⴰⵙ ⵢⴻⵣⴳⴰⵏ ⵢⴻⵜⵜⴻⵇⵇⴰⵍ-ⴷ ⴷⴻⴳ ⵡⴻⵏⵔⴰⵔ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⴻⵙⵙⴻⴼⴽ ⴰⴷ ⵢⴻⴳⴳⴻⵜ ⵍⵎⴻⵊⵀⵓⴷ ⴰⴳⵔⴰⵖⵍⴰⵏ ⵉ ⵍⵎⴻⵏⴷ ⵏ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵢⵉⴽⴰⵍⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵟⵟⴼⴻⵏ.

ⵙⴻⴳ ⵜⴰⵎⴰ-ⵏⵏⴻⵙ, ⴰⵡⴰⵍⵉ ⵏ ⴰⵧⵓⵙⵙⴻⵔⴷ, ⵙⴰⵍⴻⴽ ⴱⴰⴱⴰ ⵀⴰⵙⵙⴰⵏ, ⵉⵃⴻⵜⵜⴻⵜ-ⴷ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⵙⵓⴷⴷⴻⵙ ⵏ ⵜⴻⵎⵍⵉⵍⵉⵢⵉⵏ ⴰⵎ ⵜⵉ ⵉ ⵍⵎⴻⵏⴷ ⵏ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ « ⴰⴽⴽⴻⵏ ⴰⴷ ⴳⴻⵏ ⵛⵛⵖⴻⵍ-ⵏⵙⴻⵏ, ⴰⴷ ⵃⵓⴷⴷⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ, ⴰⴷ ⵃⴻⵕⵙⴻⵏ ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴰⴽⴽⴻⵏ ⴰⴷ ⵉⴼⴰⴽ ⴰⵄⴼⴰⵙ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⵓⵅⴻⵎⵎⴻⵎ ⵖⴻⴼ ⵡⴰⵎⴻⴽ ⴰⵔⴰ ⵢⴻⵜⵜⵡⴰⵃⵓⴷⴷ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⴽⴰⵍⵍⴻⵏ ⵢⴻⵜⵜⵡⴰⵟⵟⴼⴻⵏ. »

ⵉⵎⴹⴻⴱⴱⴻⵔ-ⴰ ⴰⵚⴻⵃⵔⴰⵡⵉ ⵢⴻⵛⴽⴻⵕ-ⴷ, ⵙⴻⴳ ⵜⴰⵎⴰ ⵏⵉⴹⴻⵏ, ⴰⵜⵜⴻⴽⴽⵉ ⵏ ⵜⵎⴰⴳⵍⴰ ⵜⴰⵣⵣⴰⵢⵔⵉⵜ ⴷⴻⴳ ⵜⴻⴷⵢⴰⵏⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵔⴰ « ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵖⴻⴼ ⵡⴻⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ ⴻⴷ ⵓⴼⵓⵙ ⵏ ⵍⴻⵎⵄⴰⵡⵏⴰ ⴰⵢ ⴷ-ⵢⴻⵜⵜⴰⴽⴼ ⵉ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ ⴷ ⵜⵍⴻⵍⵍⵉ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. »

ⵍⵃⴻⴷⴷ, 05 ⵢⴻⴱⵔⵉⵔ 2015 17:35 ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ ⵢⴻⴱⴷⴰ-ⴷ ⵜⵉⵔⵣⵉ-ⵏⵏⴻⵙ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ, ⵙⴰⵍⵉⵎ ⵣⴰⴰⵏⵧⵓⵏ, ⵢⴻⴱⴷⴰ-ⴷ, ⴰⵙⵙ ⵏ ⵍⵃⴻⴷⴷ, ⵜⵉⵔⵣⵉ ⵏ ⵅⴻⵎⵙⴰ ⵏ ⵡⵓⵙⵙⴰⵏ ⴷⴻⴳ ⵍⴻⵣⵣⴰⵢⴻⵔ, ⵙ ⵓⵏⴻⵄⵔⵓⴹ ⵙⵖⵓⵔ ⵓⵙⴻⵍⵡⴰⵢ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ. ⵎⴰⵙⵙ ⵣⴰⴰⵏⵧⵓⵏ ⵢⴻⵎⵎⵓⴳⴻⵔ-ⵉⵜ, ⵎⵉ ⴷ-ⵢⵓⵡⴻⴹ ⵖⴻⵔ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵀⵧⵓⴰⵔⵉ ⴱⵧⵓⵎⴷⵉⴻⵏⴻ, ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ. ⴷⴻⴳ ⵜⵖⵉⵎⵉⵜ-ⵏⵏⴻⵙ ⴷⴻⴳ ⵍⴻⵣⵣⴰⵢⴻⵔ, ⵉⵎⴹⴻⴱⴱⴻⵔ-ⴰ ⴰⴼⴰⵍⴻⵙⵟⵉⵏⵉ ⴰⴷ ⵢⴻⵎⵍⵉⵍ ⵢⴻⵔⵏⴰ ⴰⴷ ⵢⴻⵙⵙⵉⵡⴻⵍ ⴻⴷ ⵢⴻⵎⴹⴻⴱⴱⵔⴻⵏ ⵏ ⵜⵙⵓⴷⴰ ⵜⵉⵖⴻⵍⵏⴰⵡⵉⵏ ⵖⴻⴼ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ ⴻⴷ ⵜⵜⴰⵡⵉⵍⴰⵜ ⴰⵢ ⵢⴻⵙⵙⴻⴼⴽⴻⵏ ⵉ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ (ⴷⴷⵓⵍⴰ) ⴰⴼⴰⵍⴻⵙⵟⵉⵏⵉ ⵉⵎⵣⵉⵔⴻⴳ.

ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ ⴰⴷ ⵢⴻⴳ ⴷⴰⵖ ⴰⵙⴰⵔⴰⴳ ⵙ ⵓⵙⴻⵏⵜⴻⵍ ⵏ « ⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ ⵙⴷⴰⵜ ⵢⴻⵛⵇⵉⵔⵔⵡⴻⵏ. »