ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⴰⵎⵙⴰ

ⵍⵃⴻⴷⴷ, 05 ⵢⴻⴱⵔⵉⵔ 2015 19:43

ⴰⵙⵏⵓⵍⴼⵓ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ: ⴰⵣⴰⵍ ⵏ 75% ⵙⴻⴳ ⵢⵉⵔⴻⴹⴹⴰⵍⴻⵏ ⴰⵢ ⵔⵔⴰⵏ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⴰⵙⵙⴻⵎⵔⴻⵙ ⴻⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⵢⴻⵏⵏⴰ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⴷ ⴰⴽⴽⴻⵏ ⴰⵣⴰⵍ 75% ⵙⴻⴳ ⵢⴻⴷⵔⵉⵎⴻⵏ ⴰⵢ ⵔⴻⴹⵍⴻⵏⵜ ⵜⴱⴰⵏⴽⵉⵡⵉⵏ ⵉ ⵢⵉⵍⴻⵎⵥⵉⵢⴻⵏ ⵉ ⵡⴻⵙⵏⵓⵍⴼⵓ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⵔⵔⴰⵏ-ⵜⴻⵏ ⵢⵉⵍⴻⵎⵥⵉⵢⴻⵏ-ⴰ ⵉ ⵜⴱⴰⵏⴽⵉⵡⵉⵏ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⵏ ⵓⵙⵙⵉⵍⴻⵖ ⴷ ⵡⴻⵍⵎⵓⴷ ⴰⵎⵙⴰⴷⵓⵔ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⵉ ⵍⵎⴻⵏⴷ ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ, ⴰⵏⴻⵖⵍⴰⴼ ⵏ ⵓⵅⴻⴷⴷⵉⵎ ⵢⴻⵏⵏⴰ-ⴷ ⴷⴰⴽⴽⴻⵏ « 25% ⵙⴻⴳ ⵢⵉⵔⴻⵟⵟⴰⵍⴻⵏ ⴰⵢ ⴷ-ⵢⴻⵇⵇⵉⵎⴻⵏ ⵡⴻⵔⵄⴰⴷ ⵓⵔ ⵜ-ⵔⵔⵉⵏ ⴰⵔⴰ ⵢⵉⵎⴰⵡⵍⴰⵏ-ⵏⵏⴻⵙ ⵖⴻⴼ ⵍⵊⴰⵍ ⵏ ⵡⵓⴳⵓⵔⴻⵏ ⴰⵢ ⴷ-ⵜⵜⴻⵎⵍⵉⵍⵉⵏⵜ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⵜⵉⵏⴻⴳⴳⵓⵔⴰ-ⴰ ⵍⴰ ⴷ-ⵙⴼⴰⵢⴷⴰⵢⴻⵏⵜ ⵙⴻⴳ ⵜⵜⴰⵡⵉⵍⴰⵜ ⵏ ⵡⴻⴹⴼⴰⵔ ⴰⴽⴽⴻⵏ ⴰⴷ ⵜⴻⵏⵜ-ⵄⴰⵡⵏⴻⵏ ⴰⴷ ⴼⵔⵓⵏⵜ ⵓⴳⵓⵔⴻⵏ-ⵏⵙⴻⵏⵜ. »

95% ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴰⵢ ⴷ-ⵢⴻⵏⵏⵓⵍⴼⴰⵏ ⵙ ⵜⵜⴰⵡⵉⵍⴰⵜ ⵏ ⵓⵄⴰⵡⴻⵏ ⵏ ⵓⵙⵙⴻⵎⵔⴻⵙ (ⴰⵅⴻⴷⴷⵉⵎ) ⵔⴻⴱⵃⴻⵏⵜ ⵖⴻⴼ ⵍⵊⴰⵍ ⵏ ⵍⵎⴻⵊⵀⵓⴷ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵄⴰⵡⴻⵏ-ⴰ ⴰⴽⴽⴻⴷ ⵓⵙⵙⵉⴼⵙⴻⵙ ⵏ ⵜⵖⴰⵡⵙⵉⵡⵉⵏ ⵉ ⵢⵉⵍⴻⵎⵥⵉⵢⴻⵏ ⴷⴷⴰⵡ ⵜⵙⴻⵔⵜⵉⵜ ⵏ ⵓⵙⵙⴻⵎⵔⴻⵙ, ⴷⴻⴳ ⵡⴰⴽⵓⴷ ⴰⵢⴷⴻⴳ 5% ⵙⴻⴳ ⵜⴽⴻⴱⴱⴰⵏⵉⵢⵉⵏ-ⴰ « ⵅⴻⵚⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⴻⵍ ⴳⵀⴰⵣⵉ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ « 90.000 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴰⵔⴰ ⴷ-ⵢⴻⵏⵏⵓⵍⴼⵓⵏ ⴷⴻⴳ ⵜⴰⵍⵍⵉⵜ ⵏ 2015-2019, ⴳⴰⵔ-ⴰⵙⴻⵏⵜ 60.000 ⴷⴻⴳ ⵓⵇⴰⵍⴻⴱ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵄⴰⵡⴻⵏ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ [ⴰⵏⵙⴻⵊ] ⴻⴷ 30.000 ⴷⴻⴳ ⵓⵇⴰⵍⴻⴱ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⵏ ⵜⵔⴻⴱⴱⴰⵡⵜ [ⵛⵏⴰⵛ] ».

ⴰⵏⴻⵖⵍⴰⴼ-ⴰ ⵉⵅⴻⴱⴱⴻⵔ-ⴷ ⴷⴰⴽⴽⴻⵏ ⵜⵉⴽⴻⴱⴱⴰⵏⵉⵢⵉⵏ-ⴰ ⵜⵉⵎⴻⵥⵢⴰⵏⵉⵏ ⴰⴷ ⴷ-ⵃⴰⵣⴻⵏⵜ ⴰⵟⴰⵙ ⵏ ⵚⵚⴻⵏⵄⴰⵜ ⴷ ⵜⵎⴻⵣⵣⵓⴳⵉⵏ ⴰⵢ ⵃⵡⴰⵊⴻⵏ ⵙⵙⵓⵇ ⴰⵖⴻⵍⵏⴰⵡ ⵏ ⵓⵅⴻⴷⴷⵉⵎ ⴷ ⵜⴷⴰⵎⵙⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⵙⵉⵍⴻⵖ ⴰⴽⴽⴻⵏ ⴰⴷ ⵉⵍⵉⵏ ⴷⵉⵎⴰ ⵢⵉⵅⴻⴷⴷⴰⵎⴻⵏ ⵉⵡⴰⵜⴰⵏ ⵉ ⵛⵛⵖⴻⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴰⵜⵜⴻⴽⴽⵉ ⵏ ⵢⴻⵃⵔⵉⵛⴻⵏ ⵏ ⵓⵅⴻⴷⴷⵉⵎ ⴻⴷ ⵓⵙⵙⵉⵍⴻⵖ ⴷⴻⴳ ⵓⵙⵙⴻⵊⵀⴻⴷ ⵏ ⵓⵙⵙⴻⵎⵔⴻⵙ. ⴰⵏⴻⵖⵍⴰⴼ ⵏ ⵡⴻⵃⵔⵉⵛ ⵏ ⵓⵅⴻⴷⴷⵉⵎ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵍⵍⴰⵏ ⵢⴻⵎⵜⴰⵡⴰⵢⴻⵏ-ⵉⴽⴰⵜⴰⵜⴻⵏ ⵉ ⵍⵎⴻⵏⴷ ⵏ ⵡⴻⵙⵎⴰⵍ ⵏ ⵓⵙⵙⴻⵎⵔⴻⵙ, ⵜⵜⵡⴰⵙⵜⴻⵏⵢⴰⵏ ⴻⴷ ⵡⴰⵟⴰⵙ ⵏ ⵢⴻⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⴳⴰⵔ-ⴰⵙⴻⵏ ⴰⵖⵍⵉⴼ ⵏ ⵡⴻⵍⵎⵓⴷ ⴰⵄⵍⴰⵢⴰⵏ ⴻⴷ ⵓⵏⴰⴷⵉ ⵓⵙⵙⵏⴰⵏ, ⴰⵖⵍⵉⴼ ⵏ ⵜⴻⵙⵔⴻⵇⵇⴻⵙⵜ ⴷ ⵜⴻⴽⵏⵓⵙⵙⵏⵉⵡⵉⵏ ⵏ ⵓⵙⵙⴻⵍⵖⵓ ⴻⴷ ⵜⴻⵖⵡⴰⵍⵜ, ⴰⵖⵍⵉⴼ ⵏ ⵢⴻⴷⵍⴻⵙ ⴻⴷ ⵡⵉⵏ ⵏ ⵜⴼⴻⵍⵍⴰⵃⵜ.