ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵃⴻⴷⴷ, 05 ⵢⴻⴱⵔⵉⵔ 2015 17:31
ⴰⵙⴻⵍⵡⴰⵢ ⴰⴱⴱⴰⵙ ⵢⴻⴳⴳⴻⵣ ⴰⴷ ⵉⵛⴰⵕⴻⵄ ⵉⵙⵕⴰⵢⵉⵍ ⵎⴰ ⵢⴻⵍⵍⴰ ⵓⵔ ⴷ-ⵜⴻⴼⴽⵉ ⴰⵔⴰ ⵉⴷⵔⵉⵎⴻⵏ ⵏ ⵍⴻⵖⵔⴰⵎⴰ
ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ) – ⴰⵙⴻⵍⵡⴰⵢ ⴰⴼⴰⵍⴻⵙⵟⵉⵏⵉ ⵎⴰⵀⵎⵧⵓⴷ ⴰⴱⴱⴰⵙ ⵢⴻⴳⴳⴻⵣ ⴰⵙⵙ ⵏ ⵍⵃⴻⴷⴷ ⴰⴷ ⵢⴻⵛⵛⴻⵜⴽⵉ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ, ⵎⴰ ⵢⴻⵍⵍⴰ ⵓⵔ ⴷ-ⵜⴻⴼⴽⵉ ⴰⵔⴰ ⵉⵙⵕⴰⵢⵉⵍ ⵉⴷⵔⵉⵎⴻⵏ ⵏ ⵍⴻⵖⵔⴰⵎⴰ ⴰⵢ ⴷ-ⵜⵊⴻⵎⵎⴻⵄ ⵉ ⵍⴼⴰⵢⴷⴰ ⵏ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ.
ⵉⵙⵕⴰⵢⵉⵍ, ⴰⵢ ⵉⵙⴻⴱⴽⴻⵏ ⵜⵍⴰⵜⴰ ⵏ ⵡⴰⵢⵢⵓⵔⴻⵏ ⴰⵢⴰ ⴰⵙⵄⴻⴷⴷⵉ ⵏ ⵢⴻⴷⵔⵉⵎⴻⵏ ⵏ ⵍⴻⵖⵔⴰⵎⴰ ⴰⴽⴽⴻⵏ ⴰⴷ ⵜⵄⴰⵇⴻⴱ ⴼⴰⵍⴻⵙⵟⵉⵏ ⵖⴻⴼ ⵓⵏⴻⴽⵛⵓⵎ-ⵏⵏⴻⵙ ⵖⴻⵔ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ, ⵜⴻⵏⵏⴰ-ⴷ, ⴷⴻⴳ ⵜⴳⴰⵔⴰ ⵏ ⵎⴻⵖⵔⴻⵙ, ⴷⴰⴽⴽⴻⵏ ⴰⴷ ⴷ-ⵜⵙⴻⵔⵔⴻⵃ ⵉ ⵜⵎⴻⵢⵢⴰⵜⵉⵏ ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴰⵢ ⴰⵙ-ⵢⴻⵜⵜⴰⵍⴰⵙ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ.
ⵉⵎⵉⵔ-ⵏⵏⵉ ⴽⴰⵏ, ⴰⵏⴰⴱⴰⴹ ⴰⴼⴰⵍⴻⵙⵟⵉⵏⵉ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷ ⵢⴰⴳⵉ ⴰⵢⴰ ⵎⴰ ⵢⴻⵍⵍⴰ ⵓⵔ ⴷ-ⵢⴻⵜⵜⴰⵟⵟⴰⴼ ⴰⵔⴰ ⴰⴽⴽ ⵉⴷⵔⵉⵎⴻⵏ ⴰⵢ ⵢⴻⵜⵜⴰⵍⴰⵙ. « ⵏⵏⴰⵏ-ⴷ ⴰⴷ ⴰⵖ-ⴷ-ⴰⵣⵏⴻⵏ ⵉⴷⵔⵉⵎⴻⵏ, ⵎⵉ ⴰⵖ-ⵜⴻⵏ-ⵉⴷ-ⵓⵣⵏⴻⵏ, ⵜⵅⵓⵚⵚ ⵜⵉⵙ ⵜⵍⴰⵜⴰ, ⴰⵢⵖⴻⵔ? », ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴱⴰⵙ ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⴷⴻⴳ ⵔⴰⵎⴰⵍⵍⴰⵀ, ⴷⴻⴳ ⵡⴻⵅⵅⴰⵎ ⵏ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⵟⵟⴼⴻⵏ.
« ⵉⵎⵉⵔ-ⴰ, ⴰⵇⵍ-ⴰⵖ ⵏⴻⵔⵏⴰ-ⴷ ⴰⴽⴰⵔⴰⵎ ⴰⵎⴰⵢⵏⵓ ⴰⵔⴰ ⵏⴻⴼⴽ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ. ⵜⴰⵎⴻⵣⵡⴰⵔⵓⵜ, ⵢⴻⵍⵍⴰ-ⴷ ⵟⵟⵔⴰⴷ-ⵏⵏⵉ (ⵏ ⵓⵏⴻⴱⴷⵓ) ⴷⴻⴳ Ɣⴻⵣⵣⴰ ⴰⴽⴽⴻⴷ ⵓⵙⵙⴻⵀⵔⴻⵙ , ⵉⵎⵉⵔ-ⴰ, ⵜⴰⵎⴻⵀⵍⴰ ⵜⴰⴼⴰⵍⴻⵙⵟⵉⵏⵉⵜ ⵍⴰ ⵜⵣⴻⵔⵔⴻⵡ ⴰⴽⴰⵔⴰⵎ-ⴰ ⴰⵎⴰⵢⵏⵓ ⴰⴽⴽⴻⵏ ⴰⴷ ⵜ-ⵉⴷ-ⵏⵇⴻⴷⴷⴻⵎ ⴷⴻⴳ ⵍⴰⵡⴰⵏ ⵉⵡⴰⵜⴰⵏ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ».
ⵙⴻⴳ-ⴰ ⴰⵔ ⵉⵎⵉⵔ-ⵏⵏⵉ, « ⵓⵔ ⵏⵇⴻⴱⴱⴻⵍ ⴰⵔⴰ ⵉⴷⵔⵉⵎⴻⵏ-ⵏⵏⵉ ⴰⵔⵎⴰ ⵔⵔⴰⵏ-ⴰⵖ-ⵜⴻⵏ-ⵉⴷ ⵎⵎⴷⴻⵏ: ⵢⴰ ⴰⴷ ⴰⵖ-ⴷ-ⴼⴽⴻⵏ ⴰⴽⴽ ⵉⴷⵔⵉⵎⴻⵏ, ⵢⴰ ⴰⴷ ⵏⴻⴷⴷⵓ ⵖⴻⵔ ⵛⵛⵕⴻⵄ ».
ⴼⴰⵍⴻⵙⵟⵉⵏ ⵜⴻⵇⵇⴻⵍ ⵙ ⵡⵓⴷⴻⵎ ⵓⵏⵚⵉⴱ ⴷ ⵜⴰⵎⴰⵙⵍⴰⴹⵜ ⵏ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⴷⴻⴳ 1 ⵢⴻⴱⵔⵉⵔ, ⵢⴻⵔⵏⴰ ⵜⵉⵎⵡⴻⴽⴽⴻⵍⵜ ⴼⴰⵜⵧⵓ ⴱⴻⵏⵙⵧⵓⴷⴰ ⵜⴻⵖⵜⴻⵙ ⴰⴷ ⴷ-ⵜⴻⵍⵀⵓ ⵙ ⵜⴰⵍⵓⴼⵜ ⵜⵉⵙⵕⴰⵢⵉⵍⵉⵜ-ⵜⴰⴼⴰⵍⴻⵙⵟⵉⵏⵉⵜ.
ⵎⴰⵛⴰ ⵡⴻⵔⵄⴰⴷ ⵓⵔ ⵜⴻⵜⵜⵡⴰⵍⴷⴻⵢ ⵓⵍⴰ ⴷ ⵢⵉⵡⴻⵜ ⵏ ⵜⵙⴻⵙⵜⴰⵏⵜ ⵜⵓⵏⵚⵉⴱⵜ ⵎⴳⴰⵍ ⵢⴻⵎⴹⴻⴱⴱⵔⴻⵏ ⵉⵙⵕⴰⵢⵉⵍⵉⵢⴻⵏ.
