ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷⴷⴰⵍ 06 ⵢⴻⴱⵔⵉⵔ 2015

ⴷⴷⴰⴱⴻⵅ ⵓⴹⴰⵔ: ⵙⵍⵉⵎⴰⵏⵉ ⵢⴻⵙⵙⴻⴽⵛⴻⵎ 22 ⵏ ⵢⴻⵙⵡⴰⵏ ⴷⴻⴳ 57 ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵙⵒⵧⵔⵜⵉⵏⴳ ⵍⵉⵙⴱⵧⵏⵏⴻ

ⵎⴻⵏⵖⵉⵔ ⴰⵥⵡⴰⵔ-ⵏⵏⴻⵙ ⴷⴻⴳ ⵓⵙⵙⴻⴽⵛⴻⵎ ⵏ ⵢⴻⵙⵡⴰⵏ, ⴷ ⴰⵢⴻⵏ ⵢⴻⵔⵔⴰⵏ ⴷ ⴰⵎⴰⵔⵉⵔ ⵉⴳⴻⵔⵔⵣⴻⵏ ⴰⴽⴽ ⴷⴻⴳ ⵜⴻⵖⵍⴰⵎⵜ-ⴰ ⵏ ⵍⵉⵙⴱⵧⵏⵏⴻ ⴷⴻⴳ ⵜⴻⵍⵖⵓⵖⴰ ⵏ ⵓⵙⴻⴳⴳⴰⵙ-ⴰ, ⴰⵎⵢⵓⵔⴰⵔ-ⴰⴳⵉ ⵏ 26 ⵏ ⵢⵉⵙⴻⴳⴳⴰⵙⴻⵏ ⵢⴻⵙⵄⴻⴷⴷⴰ 9 ⵏ ⵜⵉⴽⴽⴰⵍ ⵜⴰⴽⵓⵔⵜ ⴰⴽⴽⴻⵏ ⴰⴷ ⵢⴻⴽⵛⴻⵎ ⵢⴻⵙⵡⵉ ⴷⴻⴳ 57 ⵏ ⵜⴻⵎⵍⵉⵍⵉⵢⵉⵏ ⵉ ⵢⵓⵔⴰⵔ ⴰⴽⴽ ⴷ ⵜⴻⵖⵍⴰⵎⵜ ⵏ ⵙⵒⵧⵔⵜⵉⵏⴳ.

ⵙⵍⵉⵎⴰⵏⵉ ⵢⴻⵙⵄⴰ ⴷⴰⵖ ⴰⵎⴽⴰⵏ ⵏ ⵢⴻⵎⵙⴻⴽⵛⴻⵎ ⵏ ⵢⴻⵙⵡⴰⵏ ⵉⴳⴻⵔⵔⵣⴻⵏ ⴰⴽⴽ ⴷⴻⴳ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ, ⵉⵎⵉ ⵢⴻⵙⵙⴻⴽⵛⴻⵎ 14 ⵏ ⵢⴻⵙⵡⴰⵏ ⴷⴻⴳ 36 ⵏ ⵜⴻⵎⵍⵉⵍⵉⵢⵉⵏ. ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴷ-ⵢⴻⵜⵜⵡⴰⴼⵔⴻⵏ ⴰⴷ ⵢⵓⵔⴰⵔ ⴷⴻⴳ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴻⵍⵍⴰ-ⴷ ⴷⴻⴳ 2012.

ⴰⵎⴻⵏⵟⴰⴳ-ⴰ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴷ-ⵢⵓⵙⴰⵏ ⵙⴻⴳ ⵛⵔⴱ (ⵜⴰⵎⵖⵓⵏⵜ 1, ⵍⴻⵣⵣⴰⵢⴻⵔ), ⵢⴻⴽⵛⴻⵎ ⵖⴻⵔ ⵙⵒⵧⵔⵜⵉⵏⴳ ⵍⵉⵙⴱⵧⵏⵏⴻ ⴷⴻⴳ 2013, ⴷ ⵜⵉⵏ ⵡⵓⴽⵓⴷ ⵢⴻⵙⵜⴻⵏⵢⴰ ⵍⴻⵄⵇⴻⴷ ⴰⵔⵎⴰ ⴷ 2017. ⴷⴻⴳ ⵛⵔⴱ, ⵢⴻⵙⵙⴻⴽⵛⴻⵎ 43 ⵏ ⵢⴻⵙⵡⴰⵏ ⴷⴻⴳ 122 ⵏ ⵜⴻⵎⵍⵉⵍⵉⵢⵉⵏ ⴰⵢ ⵢⵓⵔⴰⵔ ⴳⴰⵔ 2009 ⴻⴷ 2013.

ⵜⴰⵥⵡⴻⵔⵜ ⵏ ⵙⵍⵉⵎⴰⵏⵉ ⴷ ⵜⵉⵏ ⵢⴻⵊⵊⴰⵏ ⴰⵟⴰⵙ ⵏ ⵢⴻⵙⵔⵉⵔⴻⵏ ⵓⵕⵓⴼⵉⵢⴻⵏ ⴰⴷ ⵙⴻⵇⴹⴻⵏ ⵙⴻⴳ-ⵙ, ⴰⵏⴻⴳⴳⴰⵔⵓ ⴷⴻⴳ-ⵙⴻⵏ ⴷ ⵜⴰⵖⵍⴰⵎⵜ ⵏ ⵙⵛⵀⴰⵍⴽⴻ 04 ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⴱⵓⵏⴷⴻⵙⵍⵉⴳⴰ ⵏ ⵍⴰⵍⵎⴰⵏ, ⴷ ⴰⵙⵔⵉⵔ ⴰⵢ ⵉⵡⴻⵊⴷⴻⵏ ⴰⴷ ⵉⵅⴻⵍⵍⴻⵚ 12 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⴰⴽⴽⴻⵏ ⴰⴷ ⵜ-ⵉⴷ-ⵢⴻⵙⵙⴻⴽⵛⴻⵎ ⴰⴷ ⵢⵓⵔⴰⵔ ⵢⵉⴷ-ⵙ ⴰⵏⴻⴱⴷⵓ-ⴰ. ⵙⵍⵉⵎⴰⵏⵉ ⵜⵓⵖ-ⵉⵜ ⵍⵉⵙⴱⵧⵏⵏⴻ ⵙ 300.000 ⵏ ⵡⵓⵕⵓⵜⴻⵏ.