ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴱⴻⵢⵢⴻⴹ: ⴰⵎⵎⴰⵙ ⵏ ⵓⵙⵙⴻⵍⵎⴻⴷ ⵏ ⵢⵉⵙⵙⴻⵣⵔⵉⵢⴻⵏ ⵢⴻⵜⵜⵡⴰⵙⵙⴻⵎⵎⴰ ⵖⴻⴼ ⵛⵛⴰⵀⵉⴷ ⵎ’ⵀⴰⵎⴻⴷ ⴳⵓⴻⵜⵜⴰⴼ

ⵍⴱⴻⵢⵢⴻⴹ - ⴰⵎⵎⴰⵙ ⵏ ⵓⵙⵙⴻⵍⵎⴻⴷ ⵏ ⵢⵉⵙⵙⴻⵣⵔⵉⵢⴻⵏ ⵏ ⵍⴱⴻⵢⵢⴻⴹ ⵢⴻⵜⵜⵓⵏⴻⴼⴽ-ⴰⵙ, ⴰⵙⵙ ⵏ ⵍⴻⵜⵏⵉⵢⴻⵏ, ⵢⵉⵙⴻⵎ ⵏ ⵓⵎⴻⵖⵔⵓⵙ ⵎ’ⵀⴰⵎⴻⴷ ⴳⵓⴻⵜⵜⴰⴼ (1929-1959).

ⵜⴰⴼⴰⴳⵍⴰ ⵏ ⵓⵙⴻⵎⵎⵉ ⵢⴻⵙⵙⴻⵍⵡⵉ-ⵜⵜ ⵢⵉⵅⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵜⵉⵙ 2 (ⵡⴻⵀⵕⴰⵏ), ⴰⵊⵉⵏⵉⵕⴰⵍ ⵢⴰⵛⵉⵏⴻ ⴰⵉⴷⵧⵓⴷ, ⵙ ⵡⴻⵃⴷⴰⵕ ⵏ ⵜⵡⴰⵛⵓⵍⵜ ⵏ ⵓⵎⴻⵖⵔⵓⵙ, ⴽⵔⴰ ⵏ ⵢⴻⵎⵊⵓⵀⴰⴷ, ⵉⴼⴻⵙⵢⴰⵏⴻⵏ ⵉⵄⵍⴰⵢⴰⵏⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ) ⴷ ⵢⴻⵎⴹⴻⴱⴱⵔⴻⵏ ⵏ ⵜⵡⵉⵍⴰⵢⵜ.

ⴰⵙⴻⵎⵎⵉ ⵏ ⵜⴻⵎⵚⵓⴽⵡⵉⵏ ⵜⵉⵙⴻⵔⴷⴰⵙⵉⵢⵉⵏ ⴷⴻⴳ ⵡⴰⴽⴰⵍ ⵏ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵜⵉⵙ ⵙⵏⴰⵜ, ⴷ ⴰⴽⴻⵎⵎⴻⵍ ⴷⴻⴳ ⵡⴻⴱⵔⵉⴷ ⵏ ⵡⵉⴷ ⴰⵢ ⴷ-ⵉⴳⴰⵏ ⴰⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⴻⴷ ⵜⵎⴰⵏⴻⴳⵜ-ⵏⵏⴻⵙ , ⵢⴻⵔⵏⴰ ⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴰⵢ ⵢⴻⵍⵍⴰⵏ ⴷ ⴰⵡⵕⵉⵜ ⵏ ⵢⵉⴳⴻⵏ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ (ⴰⵍⵏ), ⵢⴻⵍⵍⴰ-ⴰⵙ-ⴷ ⵢⵉⵙⴻⵖ ⴰⴽⴽⴻⵏ ⴰⴷ ⴰⵙⴻⵏ-ⵢⴻⵔⵔ ⵜⴰⵊⵎⵉⵍⵜ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⵢⴰⵛⵉⵏⴻ ⴰⵉⴷⵧⵓⴷ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴰⵢ ⴷ-ⵢⴻⵏⵏⴰ ⴷⴻⴳ ⵜⴻⴳⵏⵉⵜ-ⴰ.

ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵜⵉⵙ ⵙⵏⴰⵜ ⵢⴻⵔⵣⴰ ⴷⴰⵖ ⵖⴻⴼ ⵓⵙⴰⵍⴰⵢ ⵏ ⵓⵎⴻⵣⵔⵓⵢ ⵏ ⵡⴰⵎⵎⴰⵙ ⵏ ⵢⵉⵙⵙⴻⵣⵔⵉⵢⴻⵏ, ⴷ ⵡⵉⵏ ⴰⵢⴷⴻⴳ ⵍⵍⴰⵏⵜ ⴰⵟⴰⵙ ⵏ ⵜⵓⴳⵏⵉⵡⵉⵏ ⴻⴷ ⵜⵜⴰⵡⵉⵍⴰⵜ ⴻⴷ ⵡⴻⵙⴳⴰⵍⴻⴼ ⵏ ⵜⴻⵖⵡⴰⵍⵜ ⵜⴰⵏⴻⵎⴳⴰⴳⵜ ⴰⵢ ⵢⴻⵜⵜⵡⴰⵙⵇⴻⴷⵛⴻⵏ ⴷⴻⴳ ⵜⴻⴳⵔⴰⵡⵍⴰ.

ⴰⵎⴻⵖⵔⵓⵙ ⵎ’ⵀⴰⵎⴻⴷ ⴳⵓⴻⵜⵜⴰⴼ, ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ ⵙⴰⵍⴰⵀ-ⴻⴷⴷⵉⵏⴻ, ⵉⵍⵓⵍ ⴷⴻⴳ 1929 ⴷⴻⴳ ⵜⴰⵎⴰ ⵏ ⵟⵟⴰⵔⴻⴼ (40 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⴻⵎⴷⵉⵏⵜ-ⴰ), ⵓⵡⵢⴻⵏ-ⵜ ⵢⴻⴼⵕⴻⵏⵙⵉⵙⴻⵏ ⴰⴷ ⵢⴻⵙⵄⴻⴷⴷⵉ ⵍⵄⴻⵙⴽⴻⵕ ⴷⴻⴳ 1947, ⴷⵉⵏ ⴰⵢ ⵢⴻⵍⵎⴻⴷ ⵜⴰⴼⵕⴻⵏⵙⵉⵙⵜ ⵢⴻⵔⵏⴰ, ⵙ ⵜⵉⵃⴻⵕⵛⵉ-ⵏⵏⴻⵙ, ⵢⴻⵙⵙⴰⵡⴻⴹ ⴰⴷ ⴷ-ⵢⴰⵡⴻⵢ ⵍⴻⴳⵕⴰⴷ ⵏ ⵓⴷⵓⴼⴻⵙⵢⴰⵏ (ⵙⵧⵓⵙ-ⵧⴼⴼⵉⵛⵉⴻⵔ), ⵙⴰⴽⴽⵉⵏ, ⵙ ⵜⵜⴻⵊⵕⵉⴱⴰ ⴷⴻⴳ ⵟⵟⵔⴰⴷ, ⵢⵓⵡⴻⵢ-ⴷ ⵍⴻⴳⵕⴰⴷ ⵏ ⵓⴼⴻⵙⵢⴰⵏ.

ⵓⵔ ⵉⵄⴻⴹⴹⴻⵍ ⴰⵔⴰ ⵉⴳⴻⵔ ⵜⴰⵎⴰⵡⵜ ⵉ ⵜⵉⴷⴻⵜ ⵏ ⵓⵙⵙⴻⵀⵔⴻⵙ (ⵛⵧⵍⵧⵏⵉⵙⴰⵜⵉⵧⵏ), ⴷ ⴰⵢⴻⵏ ⴰⵢ ⵜ-ⵢⴻⵙⵇⴻⵏⵄⴻⵏ ⴷⴰⴽⴽⴻⵏ ⵍⴷⵣⴰⵢⴻⵔ ⵢⴻⵙⵙⴻⴼⴽ ⴰⴷ ⴷ-ⵜⴻⵔⵔ ⵜⵉⵍⴻⵍⵍⵉ-ⵏⵏⴻⵙ. ⴷⴻⴳ ⵢⵓⵍⵢⵓ ⵏ 1957, ⵢⴻⴽⵛⴻⵎ ⵖⴻⵔ ⵢⵉⵖⴰⵍⵍⴻⵏ ⵏ ⵢⵉⴳⴻⵏ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ ⵢⴻⵔⵏⴰ ⵢⴻⵜⵜⴻⴽⴽⴰ ⴷⴻⴳ ⵢⵉⵎⴻⵏⵖⵉⵢⴻⵏ ⵉⵎⴻⵇⵔⴰⵏⴻⵏ, ⴰⵎ ⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⵎⴰ ⵜⵉⵙ ⵜⵍⴰⵜⴰ, ⴷⴻⴳ ⵡⴻⴷⵔⴰⵔ ⵏ ⴰⴽⵙⴻⵍ (ⵢⴻⴱⵔⵉⵔ 1958) ⴻⴷ ⵜⵧⵓⵉⵍⴰ ⵎⴻⴽⵏⴰ (ⵢⵓⵍⵢⵓ 1958).

ⴰⵎⴻⵖⵔⵓⵙ ⵎ’ⵀⴰⵎⴻⴷ ⴳⵓⴻⵜⵜⴰⴼ ⵢⴻⵖⵍⵉ ⴷⴻⴳ ⵡⴻⵏⵔⴰⵔ ⵏ ⵢⵉⵙⴻⵖ ⴷⴻⴳ ⵍⴻⵅⵔⵉⴼ ⴷⴻⴳ 1959 ⴷⴻⴳ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⵎⴰ ⵏ ⴱⴻⵏⵢⴻⴽⵀⵧⵓ (ⴷⴻⴳ ⵢⵉⴷⵓⵔⴰⵔ ⵏ ⵄⵉⵏ ⵚⵚⴻⴼⵔⴰ).

ⵜⴻⵇⵇⴻⵍ ⵜⴻⵊⵎⵉⵍⵜ ⵉ ⵜⵡⴰⵛⵓⵍⵜ-ⵏⵏⴻⵙ ⴷⴻⴳ ⵢⵉⵡⴻⵜ ⵏ ⵜⴼⴰⴳⵍⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⴳⵏⵉⵜ-ⴰ.