ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴰⵕⴻⴱⵄⴰ, 15 ⵢⴻⴱⵔⵉⵔ 2015 1615 ⵎⴻⵙⵙⴰⵀⴻⵍ ⴷⴻⴳ ⵎⴰⴷⵔⵉⴷ ⵉ ⵡⴻⵎⵛⵉⵡⴻⵕ ⴳⴰⵔ ⵍⴷⵣⴰⵢⴻⵔ ⴷ ⵙⵒⴻⵏⵢⵓⵍ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ ⴰⴷ ⵢⴻⵔⵣⵓ ⵖⴻⴼ ⵎⴰⴷⵔⵉⴷ ⴰⵏⴷⴰ ⴰⵔⴰ ⵢⴻⵇⵇⵉⵎ ⵙⵉⵏ ⵏ ⵡⵓⵙⵙⴰⵏ, 16 ⴷ 17 ⵢⴻⴱⵔⵉⵔ, ⵙ ⵓⵏⴻⵄⵔⵓⴹ ⵏ ⵓⵎⴰⵔⵓ ⵏ ⵓⵡⴰⵏⴰⴽ ⴰⵙⵒⴻⵏⵢⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵉⴳⵏⴰⵛⵉⵧ ⵢⴱⴰⵏⴻⵣ, ⴷⴻⴳ ⵓⵇⴰⵍⴻⴱ ⵏ “ⵡⴻⵎⵛⵉⵡⴻⵕ ⴰⵙⴻⵔⵜⵉ ⴰⵢ ⵢⴻⵏⵏⵓⵎⵎⴻⵏ ⵢⴻⵜⵜⵉⵍⵉ-ⴷ ⴳⴰⵔ ⵍⴷⵣⴰⵢⴻⵔ ⴷ ⵙⵒⴻⵏⵢⵓⵍ”.

ⴰⵡⴰⵍ ⴳⴰⵔ-ⴰⵙⴻⵏ ⴰⴷ ⴷ-ⵢⵉⵍⵉ ⵖⴻⴼ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴷ ⵜⴻⴳⵏⵉⵜ ⴷⴻⴳ ⵜⵎⵓⵔⴰ ⴰⵢ ⴷ-ⵉⵇⴻⵔⴱⴻⵏ, ⵍⴰⴷⵖⴰ ⵜⴰⵎⴰ ⵏ ⵙⵙⴰⵃⴻⵍ ⴷ ⵍⵉⴱⵢⴰ ⴷ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.

ⴷⴻⴳ ⵜⴻⵔⵣⵉ-ⵏⵏⴻⵙ ⵖⴻⴼ ⵙⵒⴻⵏⵢⵓⵍ, ⵎⴰⵙⵙ ⵎⴻⵙⵙⴰⵀⴻⵍ ⴰⴷ ⵢⴻⵙⵇⴻⵔⴷⴻⵛ ⴷ ⴽⵔⴰ ⵏ ⵢⴻⵎⴹⴻⴱⴱⵔⴻⵏ ⵉⵄⵍⴰⵢⴰⵏⴻⵏ ⵏ ⵙⵒⴻⵏⵢⵓⵍ. ⴷⴻⴳ ⵡⴰⵀⵉⵍ ⵏ ⵜⴻⵔⵣⵉ-ⴰ, ⵢⴻⵍⵍⴰ ⴷⴰⵖ ⵓⵙⴰⵔⴰⴳ ⴰⵔⴰ ⵢⴻⴳ ⵎⴰⵙⵙ ⵎⴻⵙⵙⴰⵀⴻⵍ ⴷⴻⴳ “ⵛⴰⵙⴰ ⴰⵔⴰⴱⴻ” ⵖⴻⴼ ⵜⵖⴻⵍⵍⵉⵙⵜ ⴷⴻⴳ ⵜⵎⵓⵔⴰ ⴰⵢ ⴷ-ⵉⵇⴻⵔⴱⴻⵏ, ⴰⵎ ⵡⴰⴽⴻⵏ ⴰⵔⴰ ⵢⴻⵎⵢⴰⴳⴻⵔ ⴷ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴳⵔⴰⵡⵜ ⵏ ⵓⵅⴻⵎⵎⴻⵎ ⵏ “ⴻⵍ ⵛⴰⵏⵧ” ⴰⵢ ⵢⴻⵜⵜⴳⴻⵏ ⵉⵏⴰⴷⵉⵢⴻⵏ ⵖⴻⴼ ⵜⴻⵎⵙⴰⵍ ⵜⵉⵙⵓⴷⴷⵙⴰⵏⵉⵏ ⵜⵉⴳⵔⴰⵖⵍⴰⵏⵉⵏ.

ⵍⴰⵕⴻⴱⵄⴰ, 15 ⵢⴻⴱⵔⵉⵔ 2015 1848 ⴰⵙⵙⴻⴼⵄⴻⵍ ⵏ ⵡⴰⵀⵉⵍ « ⴰⵎⴰⵏ ⵉⵉ » ⵉⵄⴻⴷⴷⴰ ⵉ 99% ⴷⴻⴳ ⵢⴻⴱⵔⵉⵔ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵓⵄⴰⵡⴻⵏ ⵏ ⵡⴻⵃⵔⵉⵛ ⵏ ⵡⴰⵎⴰⵏ ⴷ ⵓⵙⵙⵉⵣⴷⴻⴳ-ⵏⵙⴻⵏ “ⴰⵎⴰⵏ ⵉⵉ” ⴰⵢ ⴷ-ⵢⴻⵍⵍⴰⵏ ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵢⵓⵡⴻⴹ ⵖⴻⵔ 99,50% ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⴻⵖⴱⵓⵍⴰ ⵜⴰⵍⵙⴰⵏⵉⵏ, ⴰⵙⵙⵉⵍⴻⵖ ⴷ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⵉ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⵏⴰⴷⵔⵉ ⴰⵀⵎⴻⴷ.

ⴰⵙⴻⵏⴼⴰⵔ-ⴰ ⵢⴻⵍⵍⴰ-ⴷ ⴷⴻⴳ ⵓⵇⴰⵍⴻⴱ ⵏ ⵜⵉⴽⵍⵉ ⵜⴰⵎⴻⵇⵔⴰⵏⵜ ⴰⵢ ⴷ-ⵜⴻⵡⵡⵉ ⵍⴻⵣⵣⴰⵢⴻⵔ ⴷⴻⴳ ⵡⴻⵏⵔⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⴰⴷⵔⵉ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵅⴻⴷⴷⵉⵎ ⴳⴰⵔ ⵢⵉⴽⴰⵜⴰⵔⴻⵏ ⵏ ⵡⴻⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵎⴰⴳⵍⴰ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⵥⵔⴻⵏ ⵙⴰⵏⵉ ⴰⵢ ⵙⵙⴰⵡⴹⴻⵏ ⵍⴻⵛⵖⴰⵍ ⴷⴻⴳ ⵓⵙⵙⵉⵍⴻⵖ ⵏ ⵡⴰⵀⵉⵍ ⵏ « ⴰⵎⴰⵏ ⵉⵉ ».

ⴰⵀⵉⵍ-ⴰ ⵏ ⵓⵏⴻⵄⵔⵓⴹ ⴰⴷ ⵢⴻⵇⵇⵉⵎ ⴰⵔⵎⴰ ⴷ ⵛⵜⴻⵎⴱⴻⵕ 2015 ⵢⴻⵔⵏⴰ ⵢⴻⴳⵍⴰ-ⴷ ⵙ ⵡⴻⴳⵎⵓⴹ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵍⵀⵓ ⵏ ⵜⵣⴻⵎⵎⴰⵔ ⵏ ⵢⵉⵅⴻⴷⴷⴰⵎⴻⵏ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⵉⵣⴷⴻⴳ (ⵧⵏⴰ), ⵢⴻⵔⵏⴰ ⴰⵢⴰ ⵢⴻⵍⵍⴰ-ⴷ ⵙ ⵓⵙⵙⵉⵍⴻⵖ-ⵏⵙⴻⵏ ⴷⴻⴳ ⵡⴻⵏⵔⴰⵔ ⵏ ⵓⵅⴻⴷⴷⵉⵎ.

ⵜⴰⵏⴻⵎⵀⴰⵍⵜ ⵏ ⵡⴰⵀⵉⵍ ⵏ « ⴰⵎⴰⵏ ⵉⵉ » ⴰⵢ ⵉⵅⴻⴷⴷⵎⴻⵏ ⴷⴻⴳ ⵡⴻⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⵀⴰⵎⵧⵓⵛⵀⴻ ⵀⴰⵙⵙⵉⵏⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵢⴻⵜⵜⵡⴰⵄⴰⵡⴻⵏ ⵙ 40 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ, ⴳⴰⵔ-ⴰⵙⴻⵏ 30 ⵏ ⵢⵉⵎⴻⵍⵢⵓⵏⴻⵏ ⵜⵜⵓⵏⴻⴼⴽⴻⵏ-ⴷ ⵙⵖⵓⵔ ⵜⴷⵓⴽⵍⵉ ⵜⵓⵕⵓⴼⵉⵜ, ⵎⴰ ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ ⵜⴻⴼⴽⴰ-ⵜ-ⵉⴷ ⵍⴷⵣⴰⵢⴻⵔ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵡⴻⵏⵔⴰⵔ ⵏ ⵓⵅⴻⴷⴷⵉⵎ, 1031 ⵏ ⵢⵉⴽⴰⵜⴰⵔⴻⵏ ⵏ ⵡⴻⵖⵍⵉⴼ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵙⵙⵉⵍⴻⵖ ⵏ 600 ⵏ ⵡⵓⵙⵙⴰⵏ.

ⴰⵍⴷⴰⵢ ⵏ ⵜⵊⴻⵍⵍⴰⴱⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⴷⴻⴳ ⵚⵚⴻⵏⵄⴰⵜ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⴷⴻⴳ ⵜⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ ⴰⴷ ⴷ-ⵢⵉⵍⵉ ⴰⵙⵙ ⵏ 7 ⵎⴰⵢⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ. ⴰⵎⵎⴰⵙ-ⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⴷⴻⴳ ⵡⴻⵏⵔⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ.

ⴰⵣⴰⵍ ⵏ 20 ⵏ ⵢⵉⵊⴻⵏⵢⵓⵕⴻⵏ ⴰⵢ ⵉⵅⴻⴷⴷⵎⴻⵏ ⵖⴻⵔ ⵧⵏⴰ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵙⵙⵉⵍⴻⵖ ⵓⵣⵣⵉⴳ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵙⵉⵍⴻⵖ ⵏ ⵢⵉⵎⴰⵏⵓⵏⴻⵏ (ⵜⴰⵎⵓⵙⵙⵏⵉ ⵏ ⵓⵙⵙⵉⵍⴻⵖ).

ⴰⵏⴻⵖⵍⴰⴼ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴰⵣⴻⵏ ⵉⴽⴰⵜⴰⵔⴻⵏ ⴰⴽⴽⴻⵏ ⴰⴷ ⵜⵜⵡⴰⵙⵙⵉⵍⵖⴻⵏ ⴷⴻⴳ ⵜⵎⵓⵙⵙⵏⵉ ⵏ ⵓⵙⵙⴻⵍⵎⴻⴷ ⴷⴻⴳ ⵓⵇⴰⵍⴻⴱ ⵏ ⵢⴻⵙⵡⴰⵏ ⴰⵢ ⴷ-ⵙⵙⴻⴼⵔⴰⵏ ⴰⴷ ⵜⴻⵏ-ⴰⵡⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵀⴰⵎⵧⵓⵛⵀⴻ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴰⵎⴰⵙⴰⵢⵜ ⵏ ⵜⴻⵎⵀⴰⵍ ⵏ ⵜⵉⵛⵛⵓⵔⴽⴰ ⵏ ⵜⵎⴰⴳⵍⴰ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉⵃⴻⵜⵜⴻⵜ-ⴷ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⴻⵏⴼⴰⵔ-ⴰ ⵉⵎⵉ ⴰⵢ ⴷ-ⵉⴳⴰ ⴰⵙⵙⴰⵖ ⵓⵙⵔⵉⴷ ⴳⴰⵔ ⴰⵟⴰⵙ ⵏ ⵢⴻⵃⵔⵉⵛⴻⵏ ⴰⵎ ⵡⴻⵃⵔⵉⵛ ⵏ ⵜⴼⴻⵍⵍⴰⵃⵜ.

ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵜⴳⴻⵔ-ⴷ ⵜⵉⵖⵔⵉ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵚⵚⴼⴰ ⴷⴻⴳ ⵓⵙⵙⴻⴷⴷⵓ ⵏ ⵜⴻⵎⵙⴰⵍ ⵏ ⵜⴻⴷⵔⵉⵎⵜ ⴷⴻⴳ ⵓⵙⴻⵏⴼⴰⵔ ⴷ ⵡⴻⵙⵏⴻⵔⵏⵉ ⵏ ⵓⵙⵙⴻⴼⵔⴻⴽ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏⵜ ⵜⴻⵖⵍⴰⵎⵉⵏ ⵏ ⵧⵏⴰ ⴰⵢ ⴷ-ⵢⴻⵍⵀⴰⵏ ⴷ ⵓⵙⵙⵉⵍⴻⵖ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵢⴻⵙⵡⴰⵏ ⴰⵢⵖⴻⴼ ⵙⵙⴻⴼⵔⴰⵏ ⵢⴻⵔⵏⴰ ⴰⴷ ⵙⵙⴻⵍⵀⵓⵏ ⵜⴰⵖⴰⵔⴰ ⵏ ⵡⴰⵎⴰⵏ ⴰⵢ ⵢⴻⵜⵜⵡⴰⵙⵙⵉⵣⴻⴷⴳⴻⵏ