ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵙⴻⴱⵜ, 18 ⵢⴻⴱⵔⵉⵔ 2015 1821

30.000 ⵏ ⵢⵉⴱⵓⵍⵉⵙⴻⵏ ⵉ ⵓⵙⵙⴻⴵⵀⴻⴷ ⵏ ⵢⵉⵖⴰⵍⵍⴻⵏ ⵏ ⵍⴰⵎⴰⵏ ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵉⵖⴰⵍⵍⴻⵏ ⵏ ⵍⴰⵎⴰⵏ ⵏ ⵜⵎⵓⵔⵜ ⵔⵏⴰⵏ-ⴷ ⵖⴻⵔ-ⵙⴻⵏ 30.000 ⵏ ⵢⴻⵎⵙⵓⵍⵜⴰ (ⵉⴱⵓⵍⵉⵙⴻⵏ) ⴷⴻⴳ ⵙⴻⵎⵎⵓⵙ (5) ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, ⵢⴻⵔⵏⴰ ⵉⵎⵙⵓⵍⵜⴰ-ⴰ ⴷ ⵡⵉⴷ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵢⵉⵖⴻⵔⴱⴰⵣⴻⵏ ⵢⴻⵎⴳⴻⵔⵔⴰⴷⴻⵏ ⵏ ⴷ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⵏ ⵜⴻⵎⵙⵓⵍⵜⴰ ⴷⴻⴳ ⵜⵎⵉⵡⴰ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵍⴰⵎⴰⵏ ⴰⵖⴻⵍⵏⴰⵡ.

Ɣⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, 29.876 ⵏ ⵢⴻⵎⵙⵓⵍⵜⴰ, ⴳⴰⵔ-ⴰⵙⴻⵏ 5.004 ⵏ ⵢⵉⴳⴻⵏⵙⴰⵙ ⵏ ⵜⴻⵎⵙⵓⵍⵜⴰ (257 ⵏ ⵜⵍⴰⵡⵉⵏ), 4.048 ⵏ ⵢⵉⵎⴰⵙⵡⴰⴹⴻⵏ ⵏ ⵜⴻⵎⵙⵓⵍⵜⴰ (297 ⵏ ⵜⵍⴰⵡⵉⵏ), ⴷ 20.824 ⵏ ⵢⵉⵎⴻⴳⴳⵉⵢⴻⵏ ⵏ ⵜⴻⵎⵙⵓⵍⵜⴰ (2.202 ⵏ ⵜⵍⴰⵡⵉⵏ) ⴰⵢ ⴷ-ⵢⴻⵜⵜⵡⴰⵙⵙⵉⵍⵖⴻⵏ ⴷⴻⴳ ⵜⴰⵍⵍⵉⵜ ⴳⴰⵔ 2010 ⴷ ⴽⵔⴰⴹ ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015.

ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⴰⵏⴻⵎⵀⵢⴰⵍ ⴰⵎⴰⵜⵓ ⵏ ⵍⴰⵎⴰⵏ ⴰⵖⴻⵍⵏⴰⵡ, ⵢⴻⵙⵙⴻⵍⵡⵉ 28 ⵏ ⵜⴼⴰⴳⵍⵉⵡⵉⵏ ⵏ ⵜⵓⴼⴼⵖⴰ ⵏ ⵢⴻⵎⵙⵓⵍⵜⴰ ⵉⵎⴰⵢⵏⵓⵜⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵍⴰⵎⴰⵏ ⴰⵖⴻⵍⵏⴰⵡ ⵜⴻⵜⵜⴰⴽⴼ ⴰⵣⴰⵍ ⵉ ⵓⵙⵙⵉⵍⴻⵖ ⵉⵎⵉ ⵜⴰⵡⴻⵏⵏⴰⴹⵜ ⵏ ⵜⵎⵓⵔⵜ ⴷ ⵜⵉⵏ ⵏ ⵜⵎⵓⵔⴰ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⵜⵜⵃⴻⵜⵜⵉⵎⴻⵏⵜ-ⴷ ⴰⴷ ⵢⵉⵍⵉ ⵍⴰⵎⴰⵏ ⵉⵊⴻⵀⴷⴻⵏ ⴷⴻⴳ ⵢⴰⵍ ⴰⵃⵔⵉⵛ ⵏ ⵙⵙⵔⴰⴱⴻⵙ ⵏ ⵜⴻⵎⵙⵓⵍⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ ⵓⵍⵖⵓ-ⵏⵏⵉ.

ⵉⵙⵡⵉ « ⵏⴻⵜⵜⴰ ⴷ ⴰⴱⴷⴰⴷ ⵉ ⵍⵎⴻⵏⴷ ⵏ ⵡⴰⵢⴻⵏ ⵜⴻⵃⵡⴰⵊ ⵜⵎⴻⵜⵜⵉ, ⴷ ⴰⴹⵎⴰⵏ ⵏ ⵜⴰⵍⵡⵉⵜ ⴷ ⵍⵄⴰⴼⵢⴰ ⴷ ⵓⵜⵜⴻⴽⴽⵉ ⴷⴻⴳ ⵡⴻⵙⵏⴻⵔⵏⵉ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⵜⴰⵏⵏⴰⵏⵉⵏ ⵏ ⵓⵙⵙⵉⵍⴻⵖ ⴰⵢ ⵜⵜⴹⴰⴼⴰⵔⴻⵏ ⵢⴻⵎⵙⵓⵍⵜⴰ ⵉⵎⴰⵢⵏⵓⵜⴻⵏ ⵙⴻⴳ ⵡⴰⴽⴽ ⵉⴳⵕⴰⴷⴻⵏ « ⴷ ⵍⵖⴻⵍⵍⴰ ⵏ ⵍⴻⵇⵔⴰⵢⴰ ⵜⴰⵍⵇⴰⵢⴰⵏⵜ ⴰⵢⴷⴻⴳ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵡⴰⵢⴻⵏ ⴰⵢ ⵜⴻⵃⵡⴰⵊ ⵜⴻⴳⵏⵉⵜ, ⵜⴰⵔⵔⴰⵢⵉⵏ, ⵜⵜⴰⵡⵉⵍⴰⵜ ⵏ ⵜⴻⵖⵡⴰⵍⵜ, ⴰⵙⵙⴻⴼⵇⴻⴷ ⴷ ⵓⵇⴻⵢⵢⴻⵎ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⴷ ⵓⵙⵙⴻⵜⵔⴻⵔ ⵏ ⵜⵣⴻⵎⵎⴰⵔ ⵏ ⵢⴻⵎⵙⵓⵍⵜⴰ-ⴰ ».

Ɣⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ « ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵙⴻⵔⵜⵉⵜ ⵏ ⵓⵙⵙⵉⵍⴻⵖ ⴰⵢ ⵜⴻⴹⴼⴻⵔ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵍⴰⵎⴰⵏ ⴰⵖⴻⵍⵏⴰⵡ ⵜⴻⴱⵏⴰ ⵖⴻⴼ ⵓⵙⵙⴻⵇⴷⴻⵛ ⵏ ⵜⵜⴰⵡⵉⵍⴰⵜ ⵉⵜⵔⴰⵔⴻⵏ ⵏ ⵓⵙⵙⴻⵍⵎⴻⴷ ».

ⴰⵙⵙⵉⵍⴻⵖ ⵏ ⵍⵍⵙⴰⵙ « ⵓⵔ ⴷ-ⵉⵃⵓⵣⴰ ⴰⵔⴰ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵙⵙⵉⵍⴻⵖ ⵢⴻⵜⵜⴽⴻⵎⵎⵉⵍⴻⵏ ⵏⴻⵖ ⴰⵙⵙⵉⵍⴻⵖ ⵢⴻⵎⵎⵓⵣⵣⴳⴻⵏ [ⵢⴻⵜⵅⴻⵚⵚⴻⵚⴻⵏ] ⴰⵢⴷⴻⴳ ⵍⵍⴰⵏ ⵢⴻⵎⵙⴰⵣⵡⴰⵔⴻⵏ ⵉ ⵜⵎⴻⵔⵏⵉⵡⵜ ⴷⴻⴳ ⵡⴻⴳⵕⴰⴷ ⴷ ⵓⵙⵎⴰⵍ ⵖⴻⵔ ⵜⵎⴻⵣⵣⵓⴳⵉⵏ ⵢⴻⵎⴳⴻⵔⵔⴰⴷⴻⵏ ⴰⵎ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ ⵏ ⵉⵏⵜⴻⵔⵏⴻⵜ, ⵜⴰⵎⵙⵓⵍⵜⴰ ⵜⵓⵙⵙⵏⴰⵏ ⴷ ⵜⴻⵎⵙⵓⵍⵜⴰ ⵜⴰⵜⴻⴽⵏⵉⵜ, ⴰⵙⵙⴻⴼⵇⴻⴷ ⵏ ⵜⴷⴻⵜⵜⵉⵜ ⵏ ⵍⴻⴽⵡⴰⵖⴻⴹ (ⵉⵒⴰⵙⵒⵓⵕⴻⵏ, …), ⵉⵎⴻⵏⵖⵉ ⵎⴳⴰⵍ ⵜⴻⵀⵢⵓⴼⵉⵏ ⴷ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ, … ».

ⵙⵙⴻⴱⵜ, 18 ⵢⴻⴱⵔⵉⵔ 2015 1934 ⴻⵍ ⴳⵀⴰⵣⵉ ⵢⴻⵜⵜⵡⴰⴼⵔⴻⵏ ⴷ ⴰⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵓⵙⴰⵔⴰⴳ ⴰⵄⵕⴰⴱ ⵏ ⵓⵅⴻⴷⴷⵉⵎ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⵏ ⵓⵙⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⵢⴻⵜⵜⵡⴰⴼⵔⴻⵏ ⴷ ⴰⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵜⴰⵏⴰⴱⴹⴰⵏⵜ (ⵜⴰⵃⵓⴽⵓⵎⵉⵜ) ⵏ ⵡⴻⴹⴼⴰⵔ ⵏ ⵢⵉⵅⴻⴷⴷⵉⵎⴻⵏ ⵏ ⵜⵖⵉⵎⵉⵜ ⵜⵉⵙ 42 ⵏ ⵓⵙⴰⵔⴰⴳ ⴰⵄⵕⴰⴱ ⵏ ⵓⵅⴻⴷⴷⵉⵎ ⴰⵢ ⵉⵔⴻⵥⵎⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⴽⵡⵉⵜ.

ⴰⵙⴰⵔⴰⴳ ⴰⵄⵕⴰⴱ ⵏ ⵓⵅⴻⴷⴷⵉⵎ ⴷ ⴰⵃⵔⵉⵛ ⵙⴻⴳ ⵜⵓⴷⴷⵙⴰ ⵜⴰⵄⵕⴰⴱⵜ ⵏ ⵓⵅⴻⴷⴷⵉⵎ, ⵢⴻⵔⵏⴰ ⵜⵉⵎⵎⴰⵣⵡⴻⵔⵜ (ⴰⵕⴻⵛⵛⴻⵃ) ⵏ ⵎⴰⵙⵙ ⴻⵍ ⴳⵀⴰⵣⵉ ⴰⴽⴽⴻⵏ ⴰⴷ ⵢⵉⵍⵉ ⴷ ⴰⵏⵎⴰⵣⵓⵍ ⵏ ⵓⵙⴻⵍⵡⴰⵢ ⴷⴻⴳ ⵓⵙⴰⵔⴰⴳ-ⴰ ⵜⴻⴱⴷⴻⴷ ⵖⴻⵔ ⵢⵉⴷ-ⵏⵏⴻⵙ ⵍⴻⴽⵡⵉⵜ, ⵇⴰⵟⴰⵔ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵡⴻⵖⵍⵉⴼ ⵏ ⵓⵅⴻⴷⴷⵉⵎ.

ⵎⴰⵙⵙ ⴻⵍ ⴳⵀⴰⵣⵉ ⴰⴷ ⵢⵉⵍⵉ ⴷ ⴰⴳⴻⵏⵙⴰⵙ ⵏ ⵍⴷⵣⴰⵢⴻⵔ ⴷⴻⴳ ⵓⵎⵢⴰⴳⴻⵔ-ⴰ ⴰⵔⴰ ⵢⴻⵇⵇⵉⵎⴻⵏ ⴰⵔⵎⴰ ⴷ 25 ⵢⴻⴱⵔⵉⵔ, ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ ⵏ ⵓⴼⴰⵔⴻⵙ (ⴰⵏⴰⴱⴰⴹ-ⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ-ⵉⵅⴻⴷⴷⴰⵎⴻⵏ) ⵏ 21 ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⴷ ⵓⵙⴻⵍⵡⴰⵢ ⵏ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵓⵅⴻⴷⴷⵉⵎ, ⴳⵓⵢ ⵔⵉⴷⴻⵔ, ⴷ ⵡⴰⵟⴰⵙ ⵏ ⵜⵓⴳⵏⵉⵡⵉⵏ (ⵛⵛⴻⵅⵚⴻⵢⵢⴰⵜ) ⵜⴰⵄⵕⴰⴱⵉⵏ ⴷ ⵜⴻⴳⵔⴰⵖⵍⴰⵏⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵡⴻⵏⵔⴰⵔ ⵏ ⵡⴻⵙⵏⴻⵔⵏⵉ ⵏ ⵜⵎⴻⵜⵜⵉ ⴷ ⵜⴷⴰⵎⵙⴰ.

ⴷⴻⴳ ⵜⵖⵉⵎⵉⵜ-ⴰ, ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵓⵕⴰⴱⵓⵍ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵓⴷⴷⵙⴰ ⵜⴰⵄⵕⴰⴱⵜ ⵏ ⵓⵅⴻⴷⴷⵉⵎ, ⴰⵀⵎⴻⴷ ⵍⵧⴽⵎⴰⵏⴻ. ⴰⵣⵡⴻⵍ ⵏ ⵓⵕⴰⴱⵓⵍ-ⴰ « ⴰⵎⵛⵉⵡⴻⵕ ⴷ ⵜⵎⴻⵜⵜⵉ: ⴰⵙⵙⴻⴼⵄⴻⵍ ⵏ ⵜⴷⵓⴽⵍⵉ ⵉ ⵍⵎⴻⵏⴷ ⵏ ⵡⴻⵙⵏⴻⵔⵏⵉ ⴷ ⵓⵙⵙⴻⵎⵔⴻⵙ », ⵢⴻⵔⵏⴰ ⴷ ⵡⵉⵏ ⴰⵢ ⴷ-ⵢⴻⵡⵡⵉⵏ ⴰⵡⴰⵍ ⵖⴻⴼ « ⴷⴷⵓⵕ ⴰⵢ ⵜⴻⵙⵄⴰ ⵜⵓⴷⴷⵙⴰ ⵜⴰⵄⵕⴰⴱⵜ ⵏ ⵓⵅⴻⴷⴷⵉⵎ ⴷⴻⴳ ⵓⵙⵙⴻⴱⴷⴻⴷ ⵏ ⵢⴻⴷⵍⴻⵙ ⵏ ⵡⴻⵎⵛⵉⵡⴻⵕ ⴷ ⵜⵎⴻⵜⵜⵉ ⴰⵎⴰ ⴷⴻⴳ ⵓⵙⵡⵉⵔ ⴰⴷⵉⴳⴰⵏ, ⴰⵎⴰ ⴷⴻⴳ ⵓⵙⵡⵉⵔ ⴰⵡⴰⵥⵉ ».

ⵡⵉⴷ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵙⴰⵔⴰⴳ-ⴰ ⴰⴷ ⴷ-ⵍⵀⵓⵏ ⴷⴰⵖ ⴷ ⵜⴻⵏⵇⵉⴹⵉⵏ ⵏⵉⴹⴻⵏ, ⵍⴰⴷⵖⴰ ⴷⴷⵓⵕ ⵏ ⵡⴻⵎⵛⵉⵡⴻⵕ ⴷ ⵜⵎⴻⵜⵜⵉ ⴷⴻⴳ ⵓⵙⵙⴻⵊⵀⴻⴷ ⵏ ⴰⵎⵎⴻⵙⵜⴻⵏ ⴰⵏⵎⴻⵜⵜⵉ (ⴹⴹⵎⴰⵏⴰ) ⴷ ⵜⵙⴻⵔⵜⵉⵢⵉⵏ ⴷ ⵜⵜⴰⵡⵉⵍⴰⵜ ⵏ ⴼⴻⵔⵔⵓ ⵏ ⵡⵓⴳⵓⵔⴻⵏ ⴰⵢ ⵙⵙⴻⵇⴷⴰⵛⴻⵏ ⴷⴻⴳ ⵓⵎⴰⴹⴰⵍ ⵉ ⵍⵎⴻⵏⴷ ⵏ ⵓⵙⵙⴻⵔⴽⴻⴷ ⵏ ⵡⴰⵙⵙⴰⵖⴻⵏ ⵏ ⵓⵅⴻⴷⴷⵉⵎ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵢⵉⵡⴻⵏ ⵏ ⵓⵕⴰⴱⵓⵍ ⵖⴻⴼ ⵜⵙⵓⴷⴷⴻⵙⵜ (ⵜⴰⵙⵜⵕⴰⵜⵉⵊⵉⵜ) ⵜⴰⵄⵕⴰⴱⵜ ⵏ ⵓⵅⴻⴱⴱⴻⵔ ⴷ ⵜⴻⵖⵡⴰⵍⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵏⴻⵔⵏⵉ ⵏ ⵜⵎⴻⵜⵜⵉ ⴷ ⵜⴷⴰⵎⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵡⴻⵖⵍⵉⴼ.

ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵙⵙ ⴻⵍ ⴳⵀⴰⵣⵉ ⴰⴷ ⴷ-ⵉⵇⴻⴷⴷⴻⵎ ⵜⵜⴻⵊⵕⵉⴱⴰ ⵏ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵛⵉⵡⴻⵕ ⴷ ⵜⵎⴻⵜⵜⵉ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⵙⴻⵔⵜⵉⵜ ⵜⴰⵏⵎⴻⵜⵜⵉⵜ-ⵜⴰⴷⴰⵎⵙⴰⵏⵜ ⵉ ⵜⵎⵓⵔⵜ, « ⴷ ⵜⵜⴻⵊⵕⵉⴱⴰ ⴰⵢⵢⴻⵙ ⵙⵜⴻⵄⵕⴼⴻⵏ ⵍⴻⵊⵏⴰⵙ ⵢⴻⵔⵏⴰ ⵜⴻⵜⵜⵡⴰⵍⵉ-ⵜⵜ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵓⵅⴻⴷⴷⵉⵎ ⴷ ⵢⵉⵡⴻⵜ ⵙⴻⴳ ⵜⵜⴻⵊⵕⵉⴱⴰⵜ ⵜⵓⵔⴱⵉⵃⵉⵏ ⴰⴽⴽ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴷⴻⴳ ⵜⵖⵉⵎⵉⵜ-ⴰ, ⴷⴰⵖ, ⴰⴷ ⵢⴻⵜⵜⵡⴰⴼⵔⴻⵏ ⵓⵏⴻⵎⵀⴰⵍ ⴰⵎⴰⵜⵓ ⴰⵎⴰⵢⵏⵓ ⵏ ⵜⵓⴷⴷⵙⴰ ⵜⴰⵄⵕⴰⴱⵜ ⵏ ⵓⵅⴻⴷⴷⵉⵎ ⴰⴽⴽⴻⵏ ⴰⴷ ⵢⴻⴹⴹⴻⴼ ⴰⵎⴽⴰⵏ-ⴰ ⴷⴻⴳ ⴽⵓⵥ (ⵕⴻⴱⵄⴰ) ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.

ⵙⵙⴻⴱⵜ, 18 ⵢⴻⴱⵔⵉⵔ 2015 1855

ⵜⵉⵒⴰⵣⴰ: 250 ⵏ ⵢⵉⵎⴰⵣⵣⴰⵍⴻⵏ ⴷⴻⴳ ⵡⴻⵣⴳⴻⵏ ⵏ ⵓⵎⴰⵔⴰⵟⵓⵏ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ ⵏ ⵜⵉⴽⵍⵉ ⴷⴻⴳ ⵃⴻⵊⵕⴻⵜ ⵏⵏⴻⵚ

ⵜⵉⵒⴰⵣⴰ – ⵓⴳⴰⵔ ⵏ 250 ⵏ ⵢⵉⵎⴰⵣⵣⴰⵍⴻⵏ, ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ, ⴰⵢ ⵢⴻⵜⵜⴻⴽⴽⴰⵏ ⴰⵙⵙ ⵏ ⵙⵙⴻⴱⵜ, ⴷⴻⴳ ⵓⵣⴳⴻⵏ ⵏ ⵓⵎⴰⵔⴰⵟⵓⵏ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ ⵏ ⵜⵉⴽⵍⵉ, ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵃⴻⵊⵕⴻⵜ ⵏⵏⴻⵚ, ⴷⴻⴳ ⵜⵡⵉⵍⴰⵢⵜ ⵏ ⵜⵉⵒⴰⵣⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵢⴻⵎⵙⵓⴷⴷⵙⴻⵏ ⵏ ⵜⴻⴷⵢⴰⵏⵜ-ⴰ.

ⵜⵉⵎⵙⵉⵣⵣⴻⵍⵜ-ⴰ ⵜⴻⵍⵍⴰ-ⴷ ⴷⴻⴳ ⵓⵎⴻⵛⵛⴰⵇ ⵏ 15 ⵏ ⵢⵉⴽⵉⵍⵓⵎⵉⵜⵔⴻⵏ, ⵜⴻⴱⴷⴰ-ⴷ ⵙⴻⴳ ⵜⴻⵎⴷⵉⵏⵜ ⵏ ⵛⴻⵔⵛⴰⵍ, ⵜⴼⵓⴽ ⴷⴻⴳ ⵓⵙⴰⵔⵉⵔ ⵏ ⵜⵖⵉⵡⴰⵏⵜ ⵏ ⵃⴻⵊⵕⴻⵜ ⵏⵏⴻⵚ ⵢⴻⵔⵏⴰ ⵜⵄⴻⴷⴷⴰ ⵖⴻⴼ ⵜⴻⵎⴷⵉⵏⵜ ⵏ ⵙⵉⴷⵉ Ɣⵉⵍⴰⵙ. ⴷ ⴰⵎⴰⵣⵣⴰⵍ ⴼⴻⵔⴰⵏⴻ ⵎⵓⵙⵜⴰⵒⵀⴰ ⴰⵢ ⵉⵔⴻⴱⵃⴻⵏ ⴷⴻⴳ-ⵙ ⵙ ⵡⴰⴽⵓⴷ ⵏ 44 ⵏ ⵜⴻⴷⵇⵉⵇⵉⵏ ⴷ 51 ⵏ ⵜⵙⵉⵏⵉⵏ.

ⴰⵎⴽⴰⵏ ⵡⵉⵙ ⵙⵉⵏ ⵏ ⵜⴻⵎⵙⵉⵣⵣⴻⵍⵜ-ⴰ ⵏ ⵓⴹⴰⵔ ⵉⵚⴰⵃ-ⴷ ⵙⴰⵎⴰⵔ ⴻⵍ ⵀⵧⵓⴰⵔⵉ ⵙ 44 ⵏ ⵜⴻⴷⵇⵉⵇⵉⵏ ⴷ 53 ⵏ ⵜⵙⵉⵏⵉⵏ, ⵎⴰ ⴷ ⴰⵎⴽⴰⵏ ⵡⵉⵙ ⴽⵔⴰⴹ ⴷ ⵡⵉⵏ ⵎⴻⵔⵣⵧⵓⴽⵉ ⵀⴰⵎⵣⴰ ⵙ 45 ⵏ ⵜⴻⴷⵇⵉⵇⵉⵏ ⴷ 10 ⵏ ⵜⵙⵉⵏⵉⵏ.

ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⴻⵎⵙⵉⵣⵣⴻⵍⵜ ⴰⵎ ⵜⴰ, ⵢⴻⵔⵏⴰ ⴷ ⴰⴳⵔⴰⵡ ⴰⵖⴻⵔⴼⴰⵏ ⵏ ⵜⵖⵉⵡⴰⵏⵜ ⵏ ⵃⴻⵊⵕⴻⵜ ⵏⵏⴻⵚ ⴰⵢ ⵜⵜ-ⵉⴷ-ⵢⴻⵙⵙⵓⴷⴷⵙⴻⵏ ⵙ ⵡⴻⵎⵄⴰⵡⴻⵏ ⴷ ⵜⵉⴷⴷⵓⴽⵍⴰ ⵏ ⵢⵉⵍⴻⵎⵥⵉⵢⴻⵏ ⵏ ⵜⴻⵎⴷⵉⵏⵜ-ⴰ. ⵉⵙⵡⵉ ⵏ ⵜⴻⵎⵙⵉⵣⵣⴻⵍⵜ-ⴰ ⴷ « ⴰⵙⵏⴻⵔⵏⵉ ⵏ ⵢⵉⵔⵎⵓⴷⴻⵏ ⵉⵏⴰⴷⴷⴰⵍⴻⵏ ⴷⴻⴳ ⵜⵖⵉⵡⴰⵏⵜ-ⴰ ⵏ ⵢⵉⵔⵉ ⵏ ⵍⴻⴱⵃⴻⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵎⵀⴰⵍ ⵏ ⵜⵓⴷⴷⵙⴰ ⵜⴰⵏⴰⴷⴷⴰⵍⵜ ⴷ ⵡⴻⵎⵙⴰⵣⵡⴰⵔ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ, ⵛⵀⴰⵧⵓⴽⵉ ⴰⵛⵀⵧⵓⵔⵉ, ⵢⴻⵛⴽⴻⵕ-ⴷ ⵜⴰⴷⵢⴰⵏⵜ-ⴰ « ⵜⵓⵔⴱⵉⵃⵜ », ⵍⴰⴷⵖⴰ ⵉⵎⵉ « ⴰⵢ ⵜⵜⴻⴽⴽⴰⵏ ⴷⴻⴳ-ⵙ ⵎⴻⴷⴷⴻⵏ ⵙ ⵡⴰⵟⴰⵙ » ⵢⴻⵔⵏⴰ ⴰⴱⵔⵉⴷ-ⵏⵏⴻⵙ ⵉⴳⴻⵔⵔⴻⵣ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « 191 ⵏ ⵢⵉⵎⴰⵣⵣⴰⵍⴻⵏ ⴰⵢ ⵢⴻⵡⵡⴹⴻⵏ ⴰⵔⵎⴰ ⴷ ⵉⵣⵉⵔⵉⴳ ⵏ ⵡⴰⵡⵡⴰⴹ ».

ⵍⵃⴻⴷⴷ, 19 ⵢⴻⴱⵔⵉⵔ 2015 1012 ⵍⴱⵓⵎⴱⴰ ⴷⴻⴳ ⴰⴼⵖⴰⵏⵉⵙⵜⴰⵏ: ⴱⴰⵏ ⴽⵉ-ⵎⵧⵧⵏ ⵉⵡⴻⵜ-ⴷ ⴷⴻⴳ « ⵜⴻⵏⵟⴰⴳⵜ-ⴰ ⵜⴰⵡⴻⵃⵛⵉⵜ »

ⵏⴻⵡ ⵢⵧⵔⴽ – ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴱⴰⵏ ⴽⵉ-ⵎⵧⵧⵏ ⵢⴻⵙⵙⴰⵥⴻⵔ (ⵉⵏⴻⴷⴷⴻⴷ) ⵙ « ⵜⴻⵇⵙⴻⵃ ⵜⴰⵎⴻⵇⵔⴰⵏⵜ » ⵜⴰⵏⵟⴰⴳⵜ-ⵏⵏⵉ ⵜⴰⵏⵖⵉⵎⴰⵏⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴻⵎⴷⵉⵏⵜ ⵏ ⵊⴰⵍⴰⵍⴰⴱⴰⴷ ⴷⴻⴳ ⵡⴻⴳⵎⵓⴹ (ⵛⵛⴻⵔⵇ) ⵏ ⴰⴼⵖⴰⵏⵉⵙⵜⴰⵏ ⴰⵢⴷⴻⴳ ⵎⵎⵓⵜⴻⵏ, ⵎⴰ ⵓⵍⴰⵛ, 33 ⵏ ⵢⴻⵎⴷⴰⵏⴻⵏ, ⵢⴻⵔⵏⴰ ⵊⴻⵔⵃⴻⵏ ⴰⵣⴰⵍ ⵏ ⵎⴻⵢⵢⴰ, ⵢⴻⵔⵏⴰ ⵉⵙⴻⵎⵎⴰ-ⴰⵙ « ⵜⴰⵏⵟⴰⴳⵜ ⵜⴰⵡⴻⵃⵛⵉⵜ ».

« ⴰⵎⴰⵔⵓ ⴰⵎⴰⵜⵓ ⵉⵡⴻⵜ-ⴷ ⵙ ⵜⴻⵇⵙⴻⵃ ⵜⴰⵎⴻⵇⵔⴰⵏⵜ ⴷⴻⴳ ⵜⴻⵏⵟⴰⴳⵜ-ⴰ ⵜⴰⵡⴻⵃⵛⵉⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵊⴰⵍⴰⵍⴰⴱⴰⴷ, ⴷⴻⴳ ⵜⴻⵎⵏⴰⴹⵜ ⵜⴰⴼⵖⴰⵏⵉⵜ ⵏ ⵏⴰⵏⴳⴰⵔⵀⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵏⴻⵟⵟⴰⵇ ⵏ ⵎⴰⵙⵙ ⴱⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⵉⵎⴹⴻⴱⴱⵔⴻⵏ ⵏ ⵓⵅⴻⴷⴷⵉⵎ-ⴰ « ⴰⴷ ⵄⴻⴷⴷⵉⵏ ⴷⵉⵏⴷⵉⵏ ⴷⴻⴳ ⵛⵛⵕⴻⵄ ».

ⵎⴰⵙⵙ ⴱⴰⵏ ⵉⵄⴻⵣⵣⴰ « ⵙⴻⴳ ⵡⵓⵍ » ⵜⵉⵡⴰⵛⵓⵍⵉⵏ ⵏ ⵡⵉⴷ ⴰⵢ ⵜⵃⵓⵣⴰ ⵜⴻⵏⵟⴰⴳⵜ-ⴰ ⴷ ⵓⵏⴰⴱⴰⴹ (ⵍⵃⵓⴽⵓⵎⴰ) ⴰⴼⵖⴰⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵡⴰⴽⴽ ⴰⴼⵖⴰⵏⵉⵢⴻⵏ ⴰⴽⴽⴻⵏ « ⴰⴷ ⵇⵇⵉⵎⴻⵏ ⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴰⴳⵉⵏ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ ⵢⴻⵙⵙⴻⵇⴷⴰⵛⴻⵏ ⵉⵖⵉⵍ ».

ⵜⴻⵍⵍⴰ-ⴷ ⵜⴻⵏⵟⴰⴳⵜ-ⴰ ⵙ ⵓⵙⵟⴻⵔⴹⴻⵇ ⵏ ⵢⵉⵡⴻⵜ ⵏ ⵍⴱⵓⵎⴱⴰ ⵙⴷⴰⵜ ⵢⵉⵡⴻⵜ ⵏ ⵜⴱⴰⵏⴽⴰ ⴷⴻⴳ ⵊⴰⵍⴰⵍⴰⴱⴰⴷ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵢ ⴷ-ⵓⵙⴰⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⴷ-ⵊⴻⴱⴷⴻⵏ ⵍⴻⵅⵍⴰⵚ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⴹⴻⴱⴱⴻⵔ ⵏ ⵜⴻⵎⵙⵓⵍⵜⴰ ⴷⴻⴳ ⵜⴻⵎⵏⴰⴹⵜ-ⴰ, ⴼⴰⵣⴰⵍ ⴰⵀⵎⴰⴷ ⵙⵀⵉⵔⵣⴰⴷ.

ⵍⵃⴻⴷⴷ, 19 ⵢⴻⴱⵔⵉⵔ 2015 0952

ⴰⵍⴳéⵔⵉⴻ ⵜéⵍéⵛⵧⵎ: ⵉⵅⴻⴷⴷⵉⵎⴻⵏ ⵏ ⵓⵟⵔⴰⵎⵡⴰⵢ ⵏ ⵎⴻⵙⵜⵖⴰⵏⴻⵎ ⵙⵇⴰⵎⴻⵏ-ⴷ ⵍⴻⵅⵚⴰⵔⴰ ⵏ 9 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ

ⵎⴻⵙⵜƔⴰⵏⴻⵎ – ⵜⴰⴽⴻⴱⴱⴰⵏⵉⵜ ⵏ ⴰⵍⴳéⵔⵉⴻ ⵜéⵍéⵛⵧⵎ ⵜⴻⵅⵚⴻⵔ, ⴷⴻⴳ ⵜⴻⵣⵡⴰⵔⴰ ⵏ 2015 ⴷⴻⴳ ⵎⴻⵙⵜⵖⴰⵏⴻⵎ, ⴰⵣⴰⵍ ⵏ 9 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵖⴻⴼ ⵍⵊⴰⵍ ⵏ ⵢⵉⵅⴻⴷⴷⵉⵎⴻⵏ ⵏ ⵓⵟⵔⴰⵎⵡⴰⵢ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⴰⵙⵙ ⵏ ⵙⵙⴻⴱⵜ ⵙⵖⵓⵔ ⵜⵎⴻⵀⵍⴰ ⵏ ⵜⵡⵉⵍⴰⵢⵜ ⵏ ⵜⴽⴻⴱⴱⴰⵏⵉⵜ-ⴰ.

ⵉⵅⴻⴷⴷⵉⵎⴻⵏ ⵏ ⵓⵀⴻⵢⵢⵉ ⵏ ⵓⴱⵔⵉⴷ ⴰⵢⵙⴻⴳ ⴰⵔⴰ ⵉⵄⴻⴷⴷⵉ ⵓⵟⵔⴰⵎⵡⴰⵢ ⵏ ⵎⴻⵙⵜⵖⴰⵏⴻⵎ ⵍⵍⴰⵏ-ⴷ ⴷ ⵙⵙⴻⴱⴱⴰ ⵉ ⵓⴳⵣⴰⵎ ⵏ ⵍⴻⵅⵢⵓⴹ ⵏ ⵉⵏⵜⴻⵔⵏⴻⵜ ⴷ ⵡⵉⴷ ⵏ ⵓⵙⴰⵡⴰⵍ ⴰⵢ ⵉⵄⴻⴷⴷⴰⵏ ⴷⴷⴰⵡ ⵜⵎⵓⵔⵜ ⴷⴻⴳ ⵡⴰⵟⴰⵙ ⵏ ⵢⵉⴳⵎⴰⵎⴻⵏ ⵏ ⵜⴻⵎⴷⵉⵏⵜ-ⴰ ⴰⵎ ⵙⴰⵍⴰⵎⴰⵏⴷⵔⴻ, ⵅⴻⵔⵔⵓⴱⴰ, ⵛⴻⵎⵎⵓⵎⴰ, ⵜⵉⵊⴷⵉⵜ ⴷ ⵡⴰⴷ ⵍⵃⴰⴷⴰⵢⴻⵇ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⴽⴻⵍⵍⴻⴼ ⵙ ⵜⴻⵖⵡⴰⵍⵜ ⵏ ⵜⵎⴻⵀⵍⴰ ⵏ ⵜⵡⵉⵍⴰⵢⵜ ⵏ ⴰⵍⴳéⵔⵉⴻ ⵜéⵍéⵛⵧⵎ.

ⵓⵍⴰ ⵎⴰ ⵍⵍⴰⵏⵜ-ⴷ ⴰⵛⵃⴰⵍ ⵏ ⵜⴻⵎⵍⵉⵍⵉⵢⵉⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵜ ⴰⵢ ⴷ-ⵢⴻⵍⵀⴰⵏ ⵙ ⵍⴻⴱⵏⵉ ⵏ ⵓⵟⵔⴰⵎⵡⴰⵢ, ⵓⵍⴰ ⵎⴰ ⴼⴽⴰⵏ-ⴰⵙ ⵉ ⵜⴽⴻⴱⴱⴰⵏⵉⵜ-ⴰ ⵉⵖⴰⵡⴰⵙⴻⵏ (ⵍⴻⴱⵍⴰⵏⴰⵜ) ⵏ ⵢⵉⵥⴻⴹⵡⴰⵏ ⵏ ⵍⴻⵅⵢⵓⴹ ⵏ ⵓⵙⴰⵡⴰⵍ ⴷ ⵉⵏⵜⴻⵔⵏⴻⵜ, 11 ⵏ ⵜⵉⴽⴽⴰⵍ ⴰⵢ ⵜⵜⵡⴰⴳⴻⵣⵎⴻⵏ ⵍⴻⵅⵢⵓⴹ ⴷⴻⴳ 4 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ ⵏ 2015, ⴷⵖⴰ ⴷ ⴰⵢⴰ ⴰⵢ ⵉⴳⴻⵣⵎⴻⵏ ⴰⵙⴰⵡⴰⵍ ⵓⵙⴱⵉⴹ ⵏⴻⵖ ⵉⵏⵜⴻⵔⵏⴻⵜ ⵉ 8.250 ⵏ ⵢⵉⵎⴻⵙⵇⴻⴷⵛⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵛⵛⴻⵜⴽⴰⵏ-ⴷ ⵢⵉⵎⴻⵛⵜⵓⵔⴰ ⵉ ⴰⵍⴳéⵔⵉⴻ ⵜéⵍéⵛⵧⵎ ⵖⴻⴼ ⵢⵉⵏⴻⴳⵣⵓⵎⴻⵏ-ⴰ, ⵢⴻⵔⵏⴰ ⵉⵚⴻⴳⴳⴰⵎⴻⵏ ⵏ ⵜⴽⴻⴱⴱⴰⵏⵉⵜ ⵍⵀⴰⵏ-ⴷ ⴷ ⵓⵚⴻⴳⴳⴻⵎ-ⵏⵙⴻⵏ ⴷⴻⴳ ⴷⴷⴰⵡ ⵏ 48 ⵏ ⵜⵙⴰⵄⵜⵉⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ.

ⵜⴻⵙⵜⴻⵏⵢⴰ ⴰⵍⴳéⵔⵉⴻ ⵜéⵍéⵛⵧⵎ ⴰⵎⵜⴰⵡⴰ ⴷ ⵜⴽⴻⴱⴱⴰⵏⵉⵜ-ⴰ ⵏ ⵍⴻⴱⵏⵉ ⴰⴽⴽⴻⵏ, ⵎⵉ ⴰⵔⴰ ⵜⵚⴻⴳⴳⴻⵎ ⴰⵍⴳéⵔⵉⴻ ⵜéⵍéⵛⵧⵎ ⴰⵢⴻⵏ ⴰⵢ ⵉⵅⴻⵚⵔⴻⵏ, ⵜⴰⴽⴻⴱⴱⴰⵏⵉⵜ-ⵏⵏⵉ ⵏ ⵍⴻⴱⵏⵉ ⵏ ⵓⵟⵔⴰⵎⵡⴰⵢ ⴰⴷ ⴰⵙ-ⴷ-ⵜⴻⵖⵔⴻⵎ ⵍⴻⵅⵚⴰⵔⴰ-ⵏⵏⴻⵙ.

ⵍⵃⴻⴷⴷ, 19 ⵢⴻⴱⵔⵉⵔ 2015 1018

ⵇⵔⵉⴱ ⴰⴷ ⴷ-ⵜⴻⴼⴼⴻⵖ ⵜⵎⴰⵡⴰⵍⵜ ⴷⴻⴳ ⵙ ⵜⵓⵜⵍⴰⵢⵜ ⵏ ⵢⴻⵣⵎⵓⵍⴻⵏ ⵉ ⵢⵉⵄⴻⵥⵥⵓⴳⴻⵏ ⴷ ⵡⵉⴷ ⵉⵅⵓⵚⵚⴻⵏ ⴷⴻⴳ ⵜⵎⴻⵙⵍⵉⵡⵜ

ⵡⴰⴷ ⵙⵓⴼ – ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵜⴻⴼⴼⴻⵖ ⵜⵎⴰⵡⴰⵍⵜ ⵙ ⵜⵓⵜⵍⴰⵢⵜ ⵏ ⵢⵉⵣⵎⵓⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⵏ ⵜⵡⴰⵛⵓⵍⵜ ⴷ ⵜⴻⴳⵏⵉⵜ ⵏ ⵜⵎⴻⵟⵟⵓⵜ, ⵎⵧⵓⵏⵉⴰ ⵎⴻⵙⵍⴻⵎ, ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴰⴷ ⵙⵓⴼ.

ⴷⴻⴳ ⵢⵉⵊⵉⴼⴻⵕ ⵏ ⵜⴼⴰⴳⵍⴰ ⵏ ⵓⵔⵥⴰⵎ ⵏ ⵢⵉⵡⴻⵏ ⵏ ⵓⵖⴻⵔⴱⴰⵣ ⵉ ⵢⵉⴳⴻⵔⴷⴰⵏ ⵉⵄⴻⵥⵥⵓⴳⴻⵏ ⴷⴻⴳ ⵓⵇⴰⵍⴻⴱ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴷⴻⴳ ⵜⴰⵎⴰ-ⴰ, ⵎⴰⵙⵙⴰ ⵎⴻⵙⵍⴻⵎ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵙⵙⵓⴼⴼⴻⵖ ⵏ ⵜⵎⴰⵡⴰⵍⵜ-ⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⴻⵙⴷⵓⴽⴽⴻⵍ ⵏ ⵜⵓⵜⵍⴰⵢⵉⵏ ⵏ ⵢⴻⵣⵎⵓⵍⴻⵏ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵜⵎⵓⵔⵜ ⵖⴻⵔ ⵢⴻⵎⴷⴰⵏⴻⵏ-ⴰ ⴰⵢ ⵢⴻⵃⵡⴰⵊⴻⵏ ⵍⴻⵎⵄⴰⵡⵏⴰ ⵉⴱⴰⵏⴻⵏ.

« ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴰⵔⴰ ⴷ-ⵢⴻⵜⵜⵡⴰⵅⴷⴻⵎ ⵡⴰⵢⴰ ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⴰⵅⴻⴷⴷⵉⵎ-ⴰ ⴰⴷ ⵢⵉⵍⵉ ⴷ ⵏⴻⵜⵜⴰ ⴰⵢ ⴷ ⵍⵍⵙⴰⵙ ⴰⵡⵃⵉⴷ ⵉ ⵓⵙⵙⴻⵍⵎⴻⴷ ⴷⴻⴳ ⵡⴰⵎⵎⴰⵙⴻⵏ ⵢⴻⵎⵎⵓⵣⵣⴳⴻⵏ [ⵢⴻⵜⵅⴻⵚⵚⴻⵚⴻⵏ] ⴷⴻⴳ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ.

ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⴷⵍⵉⵙ-ⴰ ⵏ ⵓⵙⵙⴻⵍⵎⴻⴷ ⴰⴷ ⵢⴻⵔⵥⴻⵎ ⴰⴱⵔⵉⴷ ⵉ ⵓⵀⴻⵢⵢⵉ ⵏ ⵢⴻⴷⵍⵉⵙⴻⵏ ⵢⴻⵎⵎⵓⵣⵣⴳⴻⵏ ⵏⵉⴹⴻⵏ ⵉ ⵍⴼⴰⵢⴷⴰ ⵏ ⵢⴻⵎⴷⴰⵏⴻⵏ-ⴰ, ⴷ ⵉⴷⵍⵉⵙⴻⵏ ⴰⵔⴰ ⵢⴻⵔⵣⵓⵏ ⵉⵎⴻⵛⵡⴰⵕⴻⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵡⴻⵍⵎⴰⴷ-ⵏⵙⴻⵏ, ⵢⴻⵔⵏⴰ ⴰⵢⴰ ⴰⴷ ⴰⵙⴻⵏ-ⵢⴻⴹⵎⴻⵏ ⴰⴷ ⵔⴻⴱⵃⴻⵏ ⴷⴻⴳ ⵜⵓⴷⴻⵔⵜ ⴰⵎ ⵢⴻⵎⴷⴰⵏⴻⵏ ⵏⵉⴹⴻⵏ ⴰⵢ ⵉⵙⴻⵍⵍⴻⵏ.

ⴰⵖⴻⵔⴱⴰⵣ-ⴰ ⵏ ⵢⵉⴳⴻⵔⴷⴰⵏ ⵉⵄⴻⵥⵥⵓⴳⴻⵏ ⵜⴻⵔⵥⴻⵎ-ⵉⵜ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ ⴷⴻⴳ ⵓⵇⴰⵍⴻⴱ ⵏ ⵓⵙⴻⴳⴳⴰⵙ ⴰⵖⵓⵔⴱⵉⵣ 2014-2015 ⴷⴻⴳ ⵜⵖⵉⵡⴰⵏⵜ ⵏ ⵔⴳⵉⴱⴰ ⴰⵢ ⴷ-ⵢⴻⵣⴳⴰⵏ 30 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ ⵓⵜⵔⵉⵎ ⵏ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ, ⵢⴻⵔⵏⴰ ⵢⴻⵙⵄⴰ ⵓⵖⴻⵔⴱⴰⵣ-ⴰ 80 ⵏ ⵢⵉⵎⵓⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ ⵉ ⵜⵎⴰⴳⵍⴰ ⴰⵢ ⴷ-ⵢⴻⴷⴷⴰⵏ ⴷ ⵜⵏⴻⵖⵍⴰⴼⵜ.

ⵍⴻⴱⵏⵉ ⵏ ⵓⵖⴻⵔⴱⴰⵣ-ⴰ ⵢⴻⵙⵇⴰⵎ-ⴷ 120 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⴰⴷ ⵉⵍⵉⵏ ⴷⴻⴳ-ⵙ ⵢⵉⵏⴻⵍⵎⴰⴷⴻⵏ ⵉⴷⴰⵅⵍⵉⵢⴻⵏ, ⵉⵏⴻⵍⵎⴰⴷⴻⵏ ⵓⴼⴼⵉⵖⴻⵏ ⴷ ⵡⵉⴷ ⴰⵔⴰ ⵢⴻⵜⵜⴻⵜⵜⴻⵏ ⵉⵎⴻⴽⵍⵉ ⴷⵉⵏ. ⴰⵖⴻⵔⴱⴰⵣ-ⴰ ⴰⴷ ⵅⴻⴷⵎⴻⵏ ⴷⴻⴳ-ⵙ 37 ⵏ ⵢⵉⵅⴻⴷⴷⴰⵎⴻⵏ, ⴳⴰⵔ-ⴰⵙⴻⵏ 15 ⵏ ⵢⵉⵅⴻⴷⴷⴰⵎⴻⵏ ⵉⵎⴻⵣⴳⵉⵢⴻⵏ ⴷ 22 ⵏ ⵢⵉⵅⴻⴷⴷⴰⵎⴻⵏ ⴰⵔⴰ ⵉⵅⴻⴷⴷⵎⴻⵏ ⵙ ⵍⴻⵄⵇⴻⴷ ⵏ ⵜⴳⵓⵔⵉ.