ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵍⴰⵜⴰ, 28 ⵢⴻⴱⵔⵉⵔ 2015 ⵙⴻⵍⵍⴰⵍ ⴷⴻⴳ ⵜⵉⵔⵣⴰ ⵜⵓⵏⵚⵉⴱⵜ ⵖⴻⵔ ⵜⵎⵓⵔⵜ ⵏ ⵛⵛⵉⵏⵡⴰ

ⵒⵉⴽⵉⵏ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵡⵡⴻⴹ ⴰⵙⵙ ⵏ ⵜⵜⵍⴰⵜⴰ ⵜⴰⵙⴻⴱⵃⵉⵜ ⵖⴻⵔ ⵒⵉⴽⵉⵏ ⴰⴽⴽⴻⵏ ⴰⴷ ⵢⴻⵔⵣⵓ ⵜⵉⵔⵣⴰ ⵜⵓⵏⵚⵉⴱⵜ ⵏ ⴽⵓⵥ ⵡⵓⵙⵙⴰⵏ ⵉ ⵍⵎⴻⵏⴷ ⵏ ⵡⴻⵏⵛⴰⴷ ⵏ ⵍⴻⵎⵜⴻⵍ-ⵉⵙ ⴰⵛⵉⵏⵡⵉⵜ ⵍⵉ ⴽⴻⵇⵉⴰⵏⴳ.

ⴽⵔⴰ ⴰⵔⴰ ⵜⴻⴽⴽ ⵜⵉⵔⵣⴰ-ⴰ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴷ ⵉⵏⴰⴷⵉ, ⴷ ⵍⴻⵎⵜⴻⵍ-ⵉⵙ, ⵔⵏⵓ ⴷ ⵢⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⵉⵛⵉⵏⵡⴰⵜⴻⵏ, ⵉⴱⴻⵔⴷⴰⵏ ⴷ ⵡⴰⵍⵍⴰⵍⴻⵏ ⴰⵔⴰ ⵢⴻⵙⴵⴻⵀⴷⴻⵏ ⵓⴳⴰⵔ ⴰⵎⴻⴷⵀⴻⵍ ⴳⴻⵔ ⵙⵏⴰⵜ ⵜⵎⵓⵔⴰ, ⴰⵎ ⵡⴰⴽⴽⴻⵏ ⵉ ⵜⵜ-ⴳⴻⵣⵎⴻⵏ ⴷⴻⴳ ⵕⵕⴰⵢ ⵉⵖⴻⵍⵍⴰ ⵏ ⵢⵉⵡⵓⵏⴰⴽ, ⴷ ⵜⴰⵔⵓⵙⵉ ⵏ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴳⴻⵔ ⵙⵏⴰⵜ ⵜⵎⵓⵔⴰ ⴷⴻⴳ ⵓⴽⴰⵜⴰⵔ ⵏ ⵜⵉⵛⵛⵓⵔⴽⴰ ⵜⴰⵙⵜⵔⴰⵜⵉⵊⵉⵜ ⵜⴰⵎⴰⵜⵓⵜ.

ⵜⵓⵙⴰ-ⴷ ⵜⵉⵔⵣⴰ-ⴰ ⵙⴻⴳ ⴷ-ⵜⴻⴹⵔⴰ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⴻⵎⵍⵉⵍⵉⵜ ⵜⵉⵙ ⵙⴰ (7) ⵏ ⵜⴻⵙⵇⴰⵎⵓⵜ ⵜⵓⵛⵔⵉⴽⵜ ⵜⴰⵣⵣⴰⵢⵔⵉⵜ-ⵜⴰⵛⵉⵏⵡⵉⵜ ⵏ ⵓⵎⴻⴷⵀⴻⵍ ⴰⴷⴰⵎⵙⴰⵏ, ⵏ ⵜⵜⵊⴰⵔⴰ ⴷ ⵓⵜⵉⴽⵏⵉⴽⵉ.

ⴷⴻⴳ ⵜⵉⵔⵣⴰ-ⴰ, ⴰⵔⴰ ⴷ-ⵢⴻⴳⵍⵓⵏ ⵙ ⵓⵙⵜⴻⵏⵢⵉ ⵏ ⴷⴷⴻⵇⵙ ⵏ ⵢⵉⵎⵜⴰⵡⴰⵢⴻⵏ ⵏ ⵓⵎⴻⴷⵀⴻⵍ ⴷⴻⴳ ⵡⴰⵟⴰⵙ ⵏ ⵜⴰⵖⵓⵍⵉⵏ. ⵜⴻⴷⴷⴰ ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⵉⵡⴻⵜ ⵏ ⵜⵎⴰⴳⵍⴰ ⵜⴰⵎⴻⵇⵔⴰⵏⵜ ⵉⴷⴻⴳ ⵍⵍⴰⵏ ⵉⵄⴻⴳⴳⴰⵍⴻⵏ ⵏ ⵓⵏⴰⴱⴰⴹ ⴷ ⵉⵖⴻⵍⵍⴰ ⵏ ⵜⴻⵔⵎⵉⵙⵉⵏ ⵉⵇⴻⴷⴷⵛⴻⵏ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.