ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴳⴰⵢⴷ ⵙⴰⵍⴰⵀ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⴰⵍⵍⴻⵏ ⵏ ⵢⵉⴳⴻⵏ ⴰⴽⴽⴻⵏ ⴰⴷ ⴹⴻⴼⵔⴻⵏ ⴰⵎⴻⴷⵢⴰ ⵏ ⵢⵉⵔⴳⴰⵣⴻⵏ ⵏ ⵜⴻⴳⵔⴰⵡⵍⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵊⵉⵏⵉⵕⴰⵍ ⵏ ⵜⴼⴻⴽⴽⵉⵡⵉⵏ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵢⴷ ⵙⴰⵍⴰⵀ, ⵢⴻⵍⵍⴰⵏ ⴷⴰⵖ ⴷ ⴰⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴷ ⴰⵖⴻⵍⵍⴰ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵉ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⴹⴻⴼⵔⴻⵏ ⴰⵎⴻⴷⵢⴰ « ⵏ ⵢⵉⵔⴳⴰⵣⴻⵏ ⵏ ⵡⴰⵎⴱⴻⵕ » ⵢⴻⵔⵏⴰ « ⴰⴷ ⴷ-ⴼⴽⴻⵏ ⵉ ⵜⵎⵓⵔⵜ ⵙ ⵚⵚⴱⴻⵔ ».
« ⴷ ⵜⴰ ⴰⵢ ⴷ ⵜⴰⵢⵔⵉ ⵏ ⵜⵎⵓⵔⵜ ⴰⵢ ⵏⴻⵙⵄⴰ ⵏⴻⴽⴽⵏⵉ ⴷⴻⴳ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵍⵍⴰⵏ ⴷ ⴰⵡⵕⵉⵜ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴷⴷⴰⵡ ⵓⵏⵣⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⵖⴻⴼ ⴰⵄⵍⴰⵢⴰⵏ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⴰⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴷⵖⴰ ⵢⴻⵙⵙⴻⴼⴽ ⴰⴷ ⵏⴻⵔⵚⵓ ⵉⵥⵓⵔⴰⵏ, ⵢⴻⵔⵏⴰ ⴰⴷ ⵏⴻⵣⵔⴻⵄ ⴰⵣⴰⵍⴻⵏ ⴷ ⵚⵚⵉⴼⴰⵜ ⵢⴻⵍⵀⴰⵏ ⴷⴻⴳ ⵢⵉⵖⴰⵍⵍⴻⵏ-ⵏⵏⴻⵖ ⵏ ⵢⵉⴳⴻⵏ ⵙ ⵓⵙⴻⴷⴷⵓ ⵏ ⵜⴻⴱⵕⴰⵜⵜ ⵏ ⵡⴰⵎⴱⴻⵕ ⵖⴻⴼ ⵏⴻⵙⵙⴻⵃⴱⵉⴱⵉⵔ, ⴷ ⵜⵉⵏ ⴰⵢ ⵏⴻⵃⵔⴻⵣ ⵢⴻⵔⵏⴰ ⵏⴻⵙⵄⴻⴷⴷⴰⵢ-ⵉⵜⵜ ⵉ ⵜⵙⵓⵜⵡⵉⵏ ⴷ-ⵢⴻⵜⵜⴻⴷⴷⵓⵏ ⵙ ⵡⴰⴽⴽ ⴰⵢⴻⵏ ⵢⴻⵍⵀⴰⵏ ⴷ-ⵢⴻⴷⴷⴰⵏ ⴷⴻⴳ-ⵙ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⵏ ⵜⴼⴻⴽⴽⵉⵡⵉⵏ ⵏ ⵢⵉⴳⴻⵏ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵖⴻⴼ ⵓⵎⴻⵣⵔⵓⵢ ⴷ-ⵢⴻⵍⵍⴰⵏ ⵖⴻⴼ « ⵜⵙⴻⵜⵔⴰⵜⵉⵊⵉⵜ ⵏ ⵜⴻⴳⵔⴰⵡⵍⴰ ⵎⴳⴰⵍ ⵟⵟⵔⴰⴷ ⵏ ⵜⵏⴻⴼⵙⵉⵜ ⵏ ⴼⵕⴰⵏⵙⴰ ».
ⵉⵃⴻⵜⵜⴻⵜ-ⴷ ⴷⴰⵖ ⵖⴻⴼ « ⵡⴰⵣⴰⵍ ⴷ ⵓⵙⵙⴻⵃⴱⵉⴱⴻⵔ ⵉⵎⴻⵇⵔⴰⵏⴻⵏ ⵢⴻⴼⴽⴰ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵉ ⵓⵎⴻⵣⵔⵓⵢ-ⵏⵏⴻⵖ ⴰⵖⴻⵍⵏⴰⵡ ⵓⵔⴱⵉⵃ ⴷ ⵢⵉⵙⵡⵉ ⵏ ⵜⴻⵎⵍⵉⵍⵉⵜ-ⴰ ».
« ⴰⵖⵔⴻⴼ-ⵏⵏⴻⵖ ⵖⵍⴰⵢⴻⵏ, ⵢⴻⵙⵙⴰⵡⴹⴻⵏ ⴰⴷ ⴷ-ⵢⴻⵔⴱⴻⵃ ⵍⴻⵇⴷⴻⵔ-ⵏⵏⴻⵙ ⴰⵙⵎⵉ ⵉ ⵢⴻⵔⵏⴰ ⴼⵕⴰⵏⵙⴰ ⵙ ⵍⵃⵉⴼ ⴷ ⴰⵎⴻⵇⵔⴰⵏ, ⵢⴻⵙⵙⴻⴼⴽ ⴰⵙⵙ-ⴰ ⴰⴷ ⵢⴰⵔⵓ ⴰⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ-ⵏⵏⴻⵙ ⵜⴰⵣⴻⴷⴳⴰⵏⵜ, ⵜⵓⵔⴱⵉⵃⵜ, ⵙ ⵓⵙⴻⴼⵄⴻⵍ ⵏ ⵓⵙⵙⵉⵔⴻⵎ ⵏ ⵢⵉⵎⴻⵖⵔⴰⵙⴻⵏ-ⵏⵏⴻⵖ ⵏ ⵜⴻⴳⵔⴰⵡⵍⴰ, ⵡⵉⴷ ⴷ-ⵢⴻⴵⴵⴰⵏ ⴷⴻⴳ ⵡⵓⵍⴰⵡⴻⵏ-ⵏⵏⴻⵖ ⴰⵡⴰⵍ ⵏ « ⵎⴰ ⵢⴻⵍⵍⴰ ⵏⴻⵎⵎⵓⵜ ⴷ ⵉⵎⴻⵖⵔⴰⵙⴻⵏ, ⴳⴻⵜ-ⴰⵖ ⵍⴻⵇⵔⴰⵔ ⴷⴻⴳ ⵛⵛⴼⴰⵡⴰⵜ-ⵏⵡⴻⵏ » », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ.
« ⴷ ⵡⴰ ⵉ ⴷ ⴰⴱⵔⵉⴷ ⴰⵢ ⴷ-ⵏⵓⵖ ⵏⴻⵜⵜⴽⴻⵎⵎⵉⵍ ⵜⵉⵎⵍⵉⵍⵉⵢⵉⵏ ⴰⵎ ⵜⵉ ⴷ-ⵢⴻⵜⵜⵉⵍⵉⵏ ⵖⴻⴼ ⵓⵎⴻⵣⵔⵓⵢ, ⴷ ⵜⵉⴷ ⴷⴻⴳ ⴷ-ⵢⴻⵜⵜⵉⵍⵉ ⵓⵏⴰⴷⵉ ⴷ ⵓⵙⵙⴻⴼⵀⴻⵎ ⵏ ⴽⵔⴰ ⵏ ⵡⵓⴷⵎⴰⵡⴻⵏ ⵏ ⵜⴻⴳⵔⴰⵡⵍⴰ-ⵏⵏⴻⵖ ⵜⵓⵔⴱⵉⵃⵜ ⵏ ⵓⵙⵍⴻⵍⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⴷ ⴰⵢⴻⵏ ⵉⴱⴰⵏⴻⵏ ⴷ ⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵏ ⵓⵎⴻⵣⵔⵓⵢ ⴷ-ⵢⴻⵍⵍⴰⵏ ⴰⵙⵙ-ⴰ ⵖⴻⴼ ‘ⵜⵙⴻⵜⵕⴰⵜⵉⵊⵉⵜ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵎⴳⴰⵍ ⵟⵟⵔⴰⴷ ⵏ ⵜⵏⴻⴼⵙⵉⵜ ⵏ ⴼⵕⴰⵏⵙⴰ’ ⵜⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉⵎⵉ ⴷ-ⵜⴻⵍⵀⴰ ⵙ ⵢⵉⵡⴻⵜ ⵙⴻⴳ ⵜⴳⴻⵊⴷⴰ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴷ ⵡⵉⵏ ⵏ ⵜⵓⵟⵟⴼⴰ ⵏ ⵓⵖⵔⴻⴼ ⴷⴻⴳ ⵜⴻⴳⵔⴰⵡⵍⴰ ⴷ ⵍⵇⴰⵏⴰⵄⴰ-ⵏⵏⴻⵙ ⴷ ⴰⴽⴽⴻⵏ ⵟⵟⵔⴰⴷ-ⴰ ⴰⴷ ⵢⴻⵔⴱⴻⵃ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.
ⴷⵖⴰ ⴷⴻⴳ ⵜⴻⴳⵏⵉⵜ-ⴰ, ⵢⴻⵔⵔⴰ ⵓⵊⵉⵏⵉⵕⴰⵍ ⵏ ⵜⴼⴻⴽⴽⵉⵡⵉⵏ ⵏ ⵢⵉⴳⴻⵏ ⵜⴰⵊⵎⵉⵍⵜ ⵉ ⵍⵎⴻⵊⵀⵓⴷ ⴳⴰⵏ ⴰⴽⴽ ⵉⵙⴻⵍⵎⴰⴷⴻⵏ ⴷ ⵢⵉⵎⵏⴰⴷⵉⵢⴻⵏ ⵏ ⵓⵎⴻⵣⵔⵓⵢ ⴰⵖⴻⵍⵏⴰⵡ ⵙ ⵓⵎⴰⵜⴰ, ⴷ ⵡⵉⴷ ⴷ-ⵢⴻⵍⵀⴰⵏ ⵙ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ, ⴰⵎ ⵡⴰⴽⴽⴻⵏ ⴰⵙⴻⵏ-ⴷ-ⵉⴳⴻⵔ ⵜⵉⵖⵔⵉ ⴰⴽⴽⴻⵏ ⴰⴷ ⴼⴽⴻⵏ « ⴰⵣⴰⵍ ⴰⵎⴻⵇⵔⴰⵏ ⴰⴽⴽ ⵉ ⵓⵃⵔⵉⵛ-ⴰ ⵢⴻⵙⵄⴰⵏ ⴰⵣⴰⵍ ⴷⴻⴳ ⵛⵛⴼⴰⵡⴰⵜ-ⵏⵏⴻⵖ ⵜⴰⵖⴻⵍⵏⴰⵡⵜ ».
ⴰⵢⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ, ⵖⴻⴼ ⵡⴰⴽⴽⴻⵏ ⴷ-ⵢⴻⵙⵙⴻⴼⵀⴻⵎ, « ⵙ ⵓⵖⴻⵍⵍⴻⵜ ⵏ ⵛⵛⵀⴰⴷⴰⵜ ⵏ ⵢⵉⵎⵊⵓⵀⴰⴷ ⴷ-ⵎⴰⵣⴰⵍ ⴷⴷⵔⴻⵏ ⴳⴰⵔ-ⴰⵏⴻⵖ, ⴰⴽⴽⴻⵏ ⴰⴷ ⵜⵜⵡⴰⵔⵓⵏⵜ ⵜⴻⴷⵢⴰⵏⵉⵏ ⵢⴻⴹⵔⴰⵏ ⵙ ⵜⵉⴷⴻⵜ ⴷⴻⴳ ⵓⵎⴻⵣⵔⵓⵢ-ⵏⵏⴻⵖ ⵢⴻⵛⵛⵓⵕⴻⵏ ⴷ ⵉⵎⴻⵏⵖⵉⵢⴻⵏ ⵓⵔⴱⵉⵃⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴷ ⵉⵎⴰⵣⵣⴰⵢⴻⵏ ⴷ ⵢⵉⵏⵎⴻⵣⵔⵓⵢⴻⵏ ⵢⴻⵎⵎⵓⵣⵣⴳⴻⵏ [ⵢⴻⵜⵅⴻⵚⵚⴻⵚⴻⵏ] ⴰⵔⴰ ⵢⴰⵔⵓⵏ ⴰⵢⴰ ⵙ ⵜⴰⵔⵔⴰⵢⵜ, ⵙ ⵜⵓⵙⵙⵏⴰ ⴷ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵚⵚⴻⵏⵄⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵜⵉⵎⵍⵉⵍⵉⵜ-ⴰ ⵢⴻⵔⵥⴻⵎ-ⵉⵜⵜ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵢⵉⵎⵊⵓⵀⴰⴷ ⴷ ⵡⴰⵟⴰⵙ ⵏ ⵜⵓⴳⵏⵉⵡⵉⵏ [ⵛⵛⴻⵅⵚⴻⵢⵢⴰⵜ] ⵢⴻⵜⵜⵡⴰⵙⵙⵏⴻⵏ ⴷⴻⴳ ⵜⵎⵓⵔⵜ ⴷ ⵓⵎⴻⵣⵔⵓⵢ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴰⵖ ⵢⵉⴼⴻⵙⵢⴰⵏⴻⵏ ⵉⵄⵍⴰⵢⴰⵏⴻⵏ ⵏ ⵢⵉⴳⴻⵏ.
ⴰⵎⵢⴰⴳⴻⵔ-ⴰ ⵍⵍⴰⵏ-ⴷ ⴷⴻⴳ-ⵙ ⵢⵉⵙⴰⵔⴰⴳⴻⵏ ⴷ-ⴳⴰⵏ ⵢⵉⵙⴻⵍⵎⴰⴷⴻⵏ-ⵉⵎⵏⴰⴷⵉⵢⴻⵏ ⴷ ⵢⵉⵎⴵⵓⵀⴰⴷ ⴷ-ⵉⴼⴽⴰⵏ ⵉⵏⴰⴳⴰⵏ-ⵏⵙⴻⵏ ⵖⴻⴼ ⴽⵔⴰ ⵏ ⵜⴻⴷⵢⴰⵏⵉⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵡⴰⵍ ⴷⴻⴳ ⵢⵉⵙⴰⵔⴰⴳⴻⵏ-ⴰ ⵖⴻⴼ « ⵓⵙⵉⵡⴻⴹ ⴰⵢ ⵙⵙⴰⵡⴹⴻⵏ ⵡⴰⵙⴰⴹⴻⵏ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵔⴻⵡⵍⴻⵏ ⵉ ⵜⵅⵉⴷⴰⵙ ⵏ ⴼⵕⴰⵏⵙⴰ ⵢⴻⵔⵏⴰ ⴰⴷ ⴰⵙ-ⵙⵅⴻⵚⵔⴻⵏ ⵍⴻⵛⵖⴰⵍ-ⵏⵏⴻⵙ ⵉⵙⴻⵔⴷⴰⵙⵉⵢⴻⵏ ⵏⴻⵖ ⵡⵉⴷ ⵏ ⵜⵏⴻⴼⵙⵉⵜ ».
ⵉⵅⴻⴷⴷⵉⵎⴻⵏ ⵏ ⵜⴻⵎⵍⵉⵍⵉⵜ-ⴰ ⴱⴷⴰⵏ-ⴷ ⵙ ⵓⵙⵄⴻⴷⴷⵉ ⵏ ⵢⵉⵡⴻⵏ ⵏ ⵓⴼⴻⵜⵔⴰⵡ ⵉⵙⴻⵎ-ⵏⵏⴻⵙ « ⴰⵇⴰⴱⴻⵍ ⵏ ⵟⵟⵔⴰⴷ ⵏ ⵜⵏⴻⴼⵙⵉⵜ ⵏ ⴼⵕⴰⵏⵙⴰ: ⵜⵉⵃⴻⵕⵛⵉ ⵎⴳⴰⵍ ⵓⵎⵙⴰⵎⴻⵕ », ⵢⴻⵔⵏⴰ ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷⴻⴳ ⵓⵇⴰⵍⴻⴱ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 60 ⵏ ⴱⴻⴷⴷⵓ ⵏ ⵜⴻⴳⵔⴰⵡⵍⴰ.
ⵉⵙⵡⵉ ⵏ ⵜⴻⵎⵍⵉⵍⵉⵜ-ⴰ « ⴷ ⴰⴽⵛⴰⴼ ⵏ ⵡⴰⵎⴻⴽ ⴰⵢ ⵜⴻⵙⵙⴻⵇⴷⴻⵛ ⴼⵕⴰⵏⵙⴰ ⵉⵖⵉⵍ ⴷ ⴷ ⵡⴰⵎⴻⴽ ⴰⵢ ⵢⴻⴱⴷⴻⴷ ⵓⵖⵔⴻⴼ ⴰⵣⵣⴰⵢⵔⵉ ⵙ ⵍⴻⴽⵎⴰⵍ-ⵏⵏⴻⵙ ⴷⴻⴳ ⵡⵓⴷⴻⵎ ⵏ ⵍⴱⴰⵟⴻⵍ-ⴰ ⵙ ⵜⵓⴹⴹⴼⴰ ⴷⴻⴳ ⵜⴻⴳⵔⴰⵡⵍⴰ ⴰⵔⵎⵉ ⴷ ⴰⵙⵎⵉ ⴰⵢ ⵜⴻⵡⵡⵉ ⵍⴻⵣⵣⴰⵢⴻⵔ ⴰⵣⴰⵔⵓⴳ ⵢⴻⵔⵏⴰ ⵜⴻⵔⵔⴰ-ⴷ ⵍⵃⴻⵕⵎⴰ-ⵏⵏⴻⵙ ».
