ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ: ⴷⴰ ⵜⴻⵜⵜⴰⵥ, ⴷⴰ ⵜⴻⵃⴱⴻⵙ ⵙⵖⵓⵔ ⵔⴻⴱⵉⵀⴰ ⴰⴽⵔⵉⵛⵀⴻ ⴰⵟⴰⵙ ⵏ ⵢⵉⵖⵉⵙⴰⵏ ⴰⵢ ⵉⵡⵜⴻⵏ ⴷⴻⴳ ⵍⵉⴱⵢⴰ ⴰⵢⴷⴻⴳ ⴰⵢ ⵢⴻⵔⵡⵉ ⴽⵓⵍⵍⴻⵛ ⵙⴻⴳ 2011. ⵍⴻⵎⵛⴰⵡⵕⴰⵜ ⴰⵢ ⴷ-ⵢⴻⴱⴷⴰⵏ ⴷⴻⴳ ⵍⴷⵣⴰⵢⴻⵔ ⴷ ⴰⵙⵓⵔⵉⴼ ⴰⵢⴷⴻⴳ ⵢⴻⵍⵍⴰ ⵓⵙⵙⵉⵔⴻⵎ, ⵎⴰⵛⴰ ⴷⴻⴳ ⵜⵉⴷⴻⵜ, ⴰⴱⵔⵉⴷ ⵏ ⵓⵎⵙⵓⵖⴰⵍ ⴰⴷ ⵢⵉⵖⵣⵉⴼ ⵙⴽⵓⴷ ⵜⵉⴳⵔⴰⵡⵉⵏ ⴰⵢ ⵢⴻⵎⵛⴻⵡⵡⴰⵍⴻⵏ ⴳⴰⵔ-ⴰⵙⴻⵏⵜ ⵓⵔ ⵎⵙⴻⴼⵀⴰⵎⴻⵏⵜ ⴰⵔⴰ ⵖⴻⴼ ⵓⵎⵜⴰⵡⴰ ⴰⵢⴷⴻⴳ ⴰⵔⴰ ⵙⵄⵓⵏⵜ ⵜⴰⵎⵓⵖⵍⵉ ⵜⵓⵛⵔⵉⴽⵜ ⵖⴻⴼ ⵓⵣⴻⴽⴽⴰ ⵏ ⵜⵎⵓⵔⵜ. ⵜⴻⵍⵍⴰ-ⴷ ⵜⴻⴱⴷⴰⵎⵎⴰⵙⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵍⴻⵎⵛⴰⵡⵕⴰⵜ ⴳⴰⵔ ⵜⴻⴳⵔⴰⵡⵉⵏ ⵢⴻⵎⵛⴻⵡⵡⴰⵍⴻⵏ, ⵢⴻⵔⵏⴰ ⵜⵉⴷⴷⵉⵜ ⵏ ⵍⴻⵎⵛⴰⵡⵕⴰⵜ-ⴰ ⵖⴻⵔ ⵙⴷⴰⵜ ⴷ ⵜⵉⵏ ⴰⵢ ⵢⴻⵊⵊⴰⵏ « ⴰⴷ ⴷ-ⵢⴻⵏⵏⵓⵍⴼⵓ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴰⵔⴰ ⵙⵙⴻⴷⴷⵓⵏⵜ ⵜⵓⴳⵏⵉⵡⵉⵏ [ⵛⵛⴻⵅⵚⴻⵢⵢⴰⵜ] ⵜⵉⵎⵣⵉⵔⴳⵉⵏ, ⴰⴷ ⴷ-ⵢⵉⵍⵉ ⵓⵏⴰⴱⴰⴹ [ⵍⵃⵓⴽⵓⵎⴰ] ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷ ⵓⵎⵏⵉ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⵢⵉⴳⴻⵏⵙⴰⵙⴻⵏ ⵏ ⵡⴰⴽⴽ ⵉⵍⵉⴱⵉⵢⴻⵏ ». ⵍⴷⵣⴰⵢⴻⵔ, ⴰⵢ ⵢⴻⵍⵍⴰⵏ ⴷ ⵜⴰⵎⵓⵔⵜ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴷⵓⵕ ⴷⴻⴳ ⵓⵙⵙⵉⴼⵙⴻⵙ ⵏ ⵍⴻⵎⵛⴰⵡⵕⴰⵜ-ⴰ, ⵜⴻⵜⵜⴻⴽⴽⴰ ⴷⴰⵖ ⴷⴻⴳ ⵓⵀⴻⵢⵢⵉ ⵏ ⵢⵉⵡⴻⵜ ⵏ ⵜⴻⵡⵔⵉⵇⵜ ⵏ ⵓⴱⵔⵉⴷ ⴰⵔⴰ ⴹⴻⴼⵔⴻⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵓⴽⴰⵍⴰ-ⴰ ⵏ ⵓⵎⵙⵓⵖⴰⵍ. ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵓⵎⵛⵉⵡⴻⵕ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵙⴻⵔⵜⵉⵜ-ⵜⴰⵖⴻⵍⵍⵉⵙⴰⵏⵜ ⴷⴻⴳ ⵍⵉⴱⵢⴰ ⵜⴻⵍⵍⴰ-ⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⵜⴻⵊⵊⴰ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⴷ ⴷⴻⵇⵇⴻⵇⴻⵏ ⵜⴰⵎⵓⵖⵍⵉ ⴷⴻⴳ ⵍⴽⴰⵖⴻⴹ-ⴰ (ⴰⵢ ⵢⴻⵜⵜⵡⴰⵇⴻⴷⴷⵎⴻⵏ ⴷⴰⵖ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ), ⵢⴻⵔⵏⴰ ⵜⴻⵍⵍⴰ-ⴷ « ⵜⴷⵓⴽⵍⵉ ⴷ ⵜⴰⵎⴻⵇⵔⴰⵏⵜ ⴷⴻⴳ ⵜⵎⵓⵖⵍⵉⵡⵉⵏ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ. « ⵓⵍⴰ ⵎⴰ ⵎⴰⵣⴰⵍ ⵎⴳⴻⵔⵔⴰⴷⴻⵏⵜ ⵜⵎⵓⵖⵍⵉⵡⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴽⵔⴰ ⵏ ⵜⴻⵎⵙⴰⵍ ⵏ ⵍⴽⴰⵖⴻⴹ-ⴰ ⴰⵢⵖⴻⴼ ⴷ-ⵢⴻⵍⵍⴰ ⵓⵙⵇⴻⵔⴷⴻⵛ, ⵍⵍⵙⵉⵙⴰⵏ ⵉⵎⴻⵇⵔⴰⵏⴻⵏ ⵏ ⵡⴰⵢⴻⵏ ⴰⵢ ⴷ-ⵢⴻⴷⴷⴰⵏ ⴷⴻⴳ-ⵙ ⵜⵜⵡⴰⵇⴻⴱⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ ⵏ ⵜⵓⵖⴷⴰⴹⵜ ⵏ ⵓⵄⴰⵡⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ (ⵓⵏⵙⵎⵉⵍ), ⴱⴻⵔⵏⴰⵔⴷⵉⵏⵧ ⵍⴻⵧⵏ. ⵉⴷⵉⵙⴰⵏ ⵉⵍⵉⴱⵉⵢⴻⵏ, ⵎⴻⵏⵖⵉⵔ ⵜⵉⴳⵔⴰⵡⵉⵏ ⴰⵢ ⵉⴱⴰⵏⴻⵏ ⴷ ⵜⵉⵔⴻⴱⵔⴰⴱⵉⵏ, ⵓⴳⵉⵏ ⴰⴽⴽ ⵍⴻⵚⵏⴰⴼ ⵏ ⵜⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ ⵢⴻⵔⵏⴰ ⵎⵄⴰⵀⴰⴷⴻⵏ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜ ⵉ ⵜⴰⵍⵓⴼⵜ-ⴰ ⵢⴻⵔⵏⴰ ⴰⴷ ⵃⴻⵔⵣⴻⵏ ⵜⴰⵏⴰⵢⴰ ⵏ ⵍⵉⴱⵢⴰ, ⵜⴰⴷⵓⴽⵍⵉ-ⵏⵏⴻⵙ ⵜⴰⵖⴻⵍⵏⴰⵡⵜ ⴷ ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ. Ɣⴻⴼ ⵍⵊⴰⵍ ⵏ ⵢⵉⵙⵓⵔⵉⴼⴻⵏ-ⴰ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⴰⵢ ⵔⵔⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴰⵊⵎⵉⵍⵜ ⵉ ⵍⴷⵣⴰⵢⴻⵔ ⵖⴻⴼ ⴷⴷⵓⵕ-ⵏⵏⴻⵙ. « ⵙⵏⴻⵎⵎⵉⵔⴻⵖ ⵍⴻⵣⵣⴰⵢⴻⵔ ⵖⴻⴼ ⵓⴱⴷⴰⴷ-ⵏⵏⴻⵙ ⵉ ⵍⵎⴻⵏⴷⴰⴷ, ⴰⵙⵙⴻⴷⴷⵓ ⵏ ⵍⴻⵛⵖⴰⵍ ⴷ ⵓⵎⵄⴰⵡⴻⵏ ⴰⵎⴻⵇⵔⴰⵏ, ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵔⵏⴰ ⵍⴻⵎⵎⴻⵔ ⵎⴰⵛⵉ ⴷ ⴰⵢⴰ ⴰⴽⴽ, ⴰⴽⴰⵍⴰ-ⴰ ⵏ ⵜⴰⵍⵡⵉⵜ ⵓⵔ ⵢⴻⵙⵙⴰⵡⴰⴹ ⴰⵔⴰ ⵖⴻⵔ ⴷⴰ, ⴰⵛⴽⵓ ⵍⴰ ⵏⴻⵜⵜⵡⴰⵍⵉ ⴷⴰⴽⴽⴻⵏ ⵓⵔ ⵏⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵏⴰⵡⴻⴹ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴷⴻⴳ ⵍⵉⴱⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴻⵧⵏ. ⵎⴰⵛⴰ ⵢⴻⵙⵙⴻⴼⴽ ⴰⴷ ⵏⴻⵙⵜⴻⵄⵕⴻⴼ ⴷⴰⴽⴽⴻⵏ ⵡⴻⵔⵄⴰⴷ ⵓⵔ ⵢⴻⵙⵙⴰⵡⴻⴹ ⴰⵔⴰ ⵓⵎⵛⵉⵡⴻⵕ-ⴰ ⴰⴷ ⴷ-ⵢⴻⵊⵎⴻⵄ ⴰⴽⴽ ⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⴽⵉⴼⴽⵉⴼ ⵙⴽⵓⴷ ⵡⴻⵔⵄⴰⴷ ⵓⵔ ⴷⴷⵓⴽⴽⵍⴻⵏ ⴰⵔⴰ ⴷⴻⴳ ⵓⵏⵔⴰⵔ. « ⵙⴻⴳ-ⴰ ⵖⴻⵔ ⴷⴰ ⴰⴷ ⴷ-ⵢⵉⵏⵉ ⴱⴻⵔⵏⴰⵔⴷⵉⵏⵧ ⵍⴻⵧⵏ ⴷⴰⴽⴽⴻⵏ ⵇⵔⵉⴱ ⴰⴷ ⵜⴻⴼⵔⵓ ⵜⴰⵍⵓⴼⵜ. ⵎⴰⵛⴰ ⵓⵍⴰ ⵎⴰ ⵢⴻⵜⵜⴻⴷⴷⵓ, ⵢⴻⵜⵜⴻⵇⵇⴰⵍ, ⵓⵔ ⵢⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵢⴻⵊⵎⴻⵄ ⵖⴻⵔ ⵢⵉⵡⴻⵏ ⵏ ⵓⵎⴽⴰⵏ ⵉⵎⴹⴻⴱⴱⵔⴻⵏ ⵏ ⵓⴳⵎⵓⴹ [ⵛⵛⴻⵔⵇ] ⴷ ⵓⵜⴰⵔⴰⵎ [ⵍⵖⴻⵔⴱ] ⵏ ⵍⵉⴱⵢⴰ. ⵎⴰ ⴷⴻⴳ ⵓⵏⵔⴰⵔ, ⵙⵉⵎⴰⵍ ⵍⴰ ⵜⵔⴻⵏⵏⵓ ⵜⵔⴻⵡⵡⵉ ⵜⴻⴳⵏⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵏⵛⴻⴼ ⴷⵊⴰⵣⵉⵔⵉ, ⴷ ⴰⵎⵏⴰⴷⵉ ⴷⴻⴳ ⵜⴻⵙⴷⴰⵡⵉⵜ ⵏ ⵍⴰⵓⵙⴰⵏⵏⴻ. ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵍⴰ ⴷ-ⵜⵜⴰⵍⵉⵏⵜ: ⴷ ⴰⵎⵉⵀⵉ ⵏ ⵜⵉⴷⴻⵜ ⵜⵉⵎⵓⵔⴰ ⵏ ⵓⵎⴰⴹⴰⵍ ⵜⵜⵡⴰⵍⵉⵏⵜ ⴷⴰⴽⴽⴻⵏ ⴰⵎⵉⵀⵉ ⴰⵎⴻⵇⵔⴰⵏ ⴷⴻⴳ ⵍⵉⴱⵢⴰ ⵏⴻⵜⵜⴰ ⴷ ⴰⵍⵍⵓⵢ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ (ⴷⴰⵄⴻⵛ, ⴰⵏⵚⴰⵔ ⴰⵍ ⵛⵀⴰⵔⵉⴰ, ⵍⵇⴰⵄⵉⴷⴰ). ⵜⵉⴳⵔⴰⵡⵉⵏ-ⴰ ⵙⵄⴰⵏⵜ ⵡⵉⴷ ⵢⴻⴷⴷⴰⵏ ⵢⵉⴷ-ⵙⴻⵏⵜ ⵙ ⵜⵓⴼⴼⵔⴰ ⴷⴻⴳ ⵢⴰⵍ ⵜⴰⵎⴷⵉⵏⵜ, ⵢⴻⵔⵏⴰ ⵙⵄⴰⵏⵜ ⵉⴼⴰⴷⴷⴻⵏ ⴰⴽⴽⴻⵏ ⴰⴷ ⵏⵏⴰⵖⴻⵏⵜ ⵉⵎⵉ ⴰⵢ ⴽⴽⴰⵜⴻⵏⵜ ⴰⴽⴽⴻⵏ ⴰⴷ ⴹⴹⴼⴻⵏⵜ ⴰⵒⵉⵜⵕⵓⵍ ⵢⴻⵔⵏⴰ ⴰⴷ ⵙⵎⴻⵖⵔⴻⵏⵜ ⴰⴽⴰⵍ-ⵏⵙⴻⵏⵜ. ⵉⵔⴻⴱⵔⴰⴱⴻⵏ-ⴰ ⵜⵜⴻⴷⴷⵓⵏ, ⵜⵜⴻⵇⵇⴰⵍⴻⵏ ⴰⴽⴽⴻⵏ ⴰⵢ ⴰⵙⴻⵏ-ⵢⴻⵀⵡⴰ ⴷⴻⴳ ⵜⵎⵉⵡⴰ ⴷ ⵜⵉⵎⴻⵇⵔⴰⵏⵉⵏ, ⵏⵏⵉⴳ ⵡⴰⵢⴰ, ⵙⵄⴰⵏ ⵍⴻⵙⵍⴰⵃⴰⵜ ⵙⴻⴳ ⵢⴰⵍ ⵚⵚⴻⵏⴼ. ⴷⵖⴰ ⴷ ⴰⵢⴰ ⴰⵢ ⵢⴻⵙⵡⴰⵖⴻⵏ ⵜⴰⴳⵏⵉⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ). ⵜⵉⵎⴻⵏⵖⵉⵡⵜ ⵏ 28 ⵏ ⵢⵉⵜⵢⵓⵒⵉⵢⴻⵏ ⴷ ⵜⵜⴱⵓⵜ ⴷⴰⴽⴽⴻⵏ ⴰⵍⴰ ⴷ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴰⵔⴰ ⵉⵏⴻⴼⵄⴻⵏ ⴷⴻⴳ ⵍⵉⴱⵢⴰ. ⵜⵉⵎⴻⵏⵖⵉⵡⵜ-ⴰ ⵙⵙⴰⵥⵔⴻⵏⵜ-ⵜⵜ ⵜⵎⵓⵔⴰ ⵏ ⵓⵎⴰⴹⴰⵍ, ⵢⴻⵔⵏⴰ ⴰⵢⴰ ⵢⴻⵙⵎⴻⴽⵜⴰⵢ-ⴷ ⴷⴰⴽⴽⴻⵏ ⵓⵔ ⵜⴻⵣⵎⵉⵔ ⴰⵔⴰ ⴰⴽⴽ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⴱⵏⵓ ⵜⵎⵓⵔⵜ ⵎⴰ ⵓⵔ ⵢⴻⴽⴽⵉⵙ ⴰⵔⴰ ⵔⵔⴻⴱⵔⴰⴱ. ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⴼⴽ ⵓⵍⴰ ⴷ ⵉⵎⴻⵏⴽⴰⵔⴻⵏ ⵉⵎⵙⴻⵍⵍⵃⴻⵏ (ⵓⵔ ⵢⴻⵍⵍⵉⵏ ⴰⵔⴰ ⴷ ⵉⵎⴻⴹⴹⵓⵔⴼⴰ) ⴰⴷ ⵜⵜⴻⴽⴽⵉⵏ ⴷⴻⴳ ⵓⵎⵛⵉⵡⴻⵕ. ⴰⵜⵜⴻⴽⴽⵉ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⵣⴰⵢⴻⵏ, ⴷ ⵛⵛⴻⵔⴹ ⵉ ⵓⵙⵙⴻⵔⴽⴻⴷ ⵏ ⵜⵎⵓⵔⵜ, ⵢⴻⵔⵏⴰ ⴰⵢⴰ ⴰⴷ ⵢⴻⵙⵙⵉⵡⴻⴹ ⴷⴰⵖ ⵖⴻⵔ ⵜⵓⴽⴽⵙⴰ ⵏ ⵍⴻⵙⵍⴰⵃ ⵉ ⵜⴻⵎⵍⵉⵛⵉⵏ ⵜⵉⵎⵙⴻⵍⵍⵃⵉⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⵙⵙⴻⴱⵄⴻⴷ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵏ ⵜⴻⴳⵔⴰⵡⵍⴰ ⵖⴻⴼ ⵢⵉⵎⴻⴹⴹⵓⵔⴼⴰ ⵉⵎⵙⴻⵍⵍⵃⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵎⴻⵍⵎⵉ ⴽⴰⵏ ⵖⴻⵔ ⵍⵉⴱⵢⴰ. Ɣⴻⴼ ⵡⴰⵢⴰ, ⵜⵓⵕⵓⴼⵜ ⴻⴷ ⵜⴻⴼⵔⵉⵇⵜ « ⵛⴻⵔⴹⴻⵏⵜ-ⴷ » ⴰⴷ ⴷ-ⵜⵉⵍⵉ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴳⴰⵔ ⵜⴻⴳⵔⴰⵡⵉⵏ ⵜⵉⵅⵚⵉⵎⵉⵏ ⵏ ⵍⵉⴱⵢⴰ ⵉ ⵍⵎⴻⵏⴷ ⵏ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵓⵡⴰⵏⴰⴽ (ⴷⴷⵓⵍⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵜⵓⵕⵓⴼⵉⵜ, ⵊⴻⴰⵏ-ⵛⵍⴰⵓⴷⴻ ⵊⵓⵏⵛⴽⴻⵔ. « ⵏⴻⵛⵔⴻⴹ-ⴷ, ⵖⴻⵔ ⵢⵉⴷⵉⵙ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴷⴰⴽⴽⴻⵏ ⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⴽⴰⵍⴰ ⵏ ⵓⵎⵙⵓⵖⴰⵍ ⴷⴻⴳ ⵍⵉⴱⵢⴰ ⴰⴷ ⵎⵙⴻⴼⵀⴰⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵊⵓⵏⵛⴽⴻⵔ ⵎⵉ ⵢⴻⵙⵇⴻⵔⴷⴻⵛ ⴷ ⵜⴻⵎⵜⵉⵍⵜ-ⵏⵏⴻⵙ ⵜⴰⴼⵔⵉⵇⵉⵜ, ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ-ⵣⵓⵎⴰ. « ⵏⴻⵃⵡⴰⵊ ⵉⴷⵉⵙ ⴰⵢⵖⴻⴼ ⵢⴻⵍⵍⴰ ⵍⴻⵜⵜⴽⴰⵍ ⵢⴻⵔⵏⴰ ⵢⴻⵔⴽⴻⴷ ⴷⴻⴳ ⵍⵉⴱⵢⴰ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵛⵉⵡⴻⵕ ⵢⵉⴷ-ⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ. ⴷⵖⴰ ⴰⵢⴻⵏ ⵉⴳⴻⵔⵔⵣⴻⵏ ⴰⴽⴽ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙⴰ ⵣⵓⵎⴰ, ⵏⴻⵜⵜⴰ ⴷ ⴰⵎⵙⴻⴼⵀⴰⵎ ⴳⴰⵔ ⵢⵉⵖⴰⵍⵍⴻⵏ ⵉⵍⵉⴱⵉⵢⴻⵏ ⵓⵔ ⵢⴻⵍⵍⵉⵏ ⴷ ⵉⵎⴻⴹⴹⵓⵔⴼⴰ, ⴰⵛⴽⵓ « ⵎⵉ ⴰⵔⴰ ⴷ-ⵢⵉⵍⵉ ⵢⵉⵍⴻⵎ, ⴰⴷ ⵜ-ⵛⵛⴰⵕⴻⵏ ⵡⵉⵢⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ. « ⵓⵔ ⵏⵣⴻⵎⵎⴻⵔ ⴰⵔⴰ ⴰⴷ ⵏⴻⴼⵔⵓ ⵓⴳⵓⵔ ⵏ ⵍⵉⴱⵢⴰ ⵙ ⴽⵔⴰ ⴽⴰⵏ ⵏ ⵜⵢⵉⵜⵉⵡⵉⵏ ⵏ ⵢⵉⴷⵕⵓⵏⴻⵏ ⵏⴻⵖ ⵙ ⴽⵔⴰ ⵏ ⵍⴻⵛⵖⴰⵍ ⵉⵙⴻⵔⴷⴰⵙⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⴰⵔⴰⵛⴽ ⵧⴱⴰⵎⴰ ⴷⴻⴳ ⵡⴰⵙⵙ ⵏ 17 ⵢⴻⴱⵔⵉⵔ, ⵎⵉ ⴷ-ⵢⴻⵔⵣⴰ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵟⴰⵍⵢⴰⵏⵉ ⵎⴰⵜⵜⴻⵧ ⵔⴻⵏⵣⵉ ⵖⴻⴼ ⵡⴰⵙⵀⵉⵏⴳⵜⵧⵏ. « ⵢⴻⵙⵙⴻⴼⴽ ⴰⴷ ⴷ-ⵏⴻⵔⵔ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ [ⵍⴰⵎⴰⵏ] ⴷⴻⴳ ⵜⵎⵓⵔⵜ-ⴰ (…), ⵍⵉⴱⵢⴰ ⴷ ⵓⴳⵓⵔ ⴰⴳⵔⴰⵖⵍⴰⵏ ⴰⵢ ⵢⴻⵃⵡⴰⵊⴻⵏ ⴰⴷ ⵢⴻⴼⵔⵓ ⵙ ⵓⵙⴰⵔⴰⴳ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴰⵎⵅⴰⵚⴻⵎ ⴷⴻⴳ ⵓⴷⴰⴱⵓ ⵜⴰⵎⵓⵔⵜ ⴰⵜⵜⴰⵏ ⵉⵎⵉⵔ-ⴰ ⵜⴻⴱⴹⴰ ⵖⴻⴼ ⵙⵉⵏ ⵏ ⵢⵉⵏⴰⴱⴰⴹⴻⵏ ⴷ ⵙⵉⵏ ⵏ ⵢⵉⵎⵏⴰⵏ, ⵢⵉⵡⴻⵏ ⵏ ⵓⵏⴰⴱⴰⴹ ⴰⵜⴰⵏ ⴷⴻⴳ ⵜⵎⴰⵏⴻⵖⵜ [ⵟⵔⴰⴱⵍⴻⵙ], ⵡⴰⵢⴻⴹ ⴰⵜⴰⵏ ⴷⴻⴳ ⵜⵓⴱⵔⵓⴽ, ⵖⴻⴼ ⵜⵍⵉⵙⴰ ⵏ ⵎⴰⵚⴻⵔ, ⵢⴻⵔⵏⴰ ⵢⴰⵍ ⵢⵉⵡⴻⵏ ⵙⴻⴳ-ⵙⴻⴳ ⵢⴻⵃⵙⴻⴱ ⵉⵎⴰⵏ-ⵏⵏⴻⵙ ⴷ ⵏⴻⵜⵜⴰ ⴽⴰⵏ ⴰⵢ ⵢⴻⵙⵄⴰⵏ ⴰⵣⵔⴻⴼ ⴰⴷ ⵢⵉⵍⵉ. ⴰⵔⴽⴰⴷ ⵏ ⵓⴷⴰⴱⵓ ⵜⵜⵡⴰⵍⵉⵏⵜ-ⵜⵜ ⵜⵎⵓⵔⴰ ⵏ ⵓⵎⴰⴹⴰⵍ ⴷ ⴰⵙⵓⵔⵉⴼ ⵙ ⵡⴰⵣⴰⵍ-ⵏⵏⴻⵙ ⵉ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵓⵡⴰⵏⴰⴽ (ⴷⴷⵓⵍⴰ) ⵢⴻⵔⵏⴰ ⴷ ⴰⵢⴻⵏ ⴰⵔⴰ ⵉⵃⴻⴱⵙⴻⵏ ⵉⵎⴻⵏⵖⵉ ⴷⴻⴳ ⵜⵎⵓⵔⵜ. ⴷ ⴰⵛⵓ ⴽⴰⵏ, ⴰⵙⵙⴻⵎⵇⴰⵔⴰⴱ ⵏ ⵙⵉⵏ-ⴰ ⵏ ⵢⵉⵏⴰⴱⴰⴹⴻⵏ ⴳⴰⵔ-ⴰⵙⴻⵏ ⴷ ⵛⵛⵖⴻⵍ ⵉⵡⴻⵄⵕⴻⵏ ⴰⵟⴰⵙ. ⵢⵉⵡⴻⵏ ⵙⴻⴳ ⵢⵉⵏⴰⴱⴰⴹⴻⵏ-ⴰ ⴰⵜⴰⵏ ⴷⴻⴳ ⵟⵔⴰⴱⵍⴻⵙ ⵢⴻⵔⵏⴰ ⵢⴻⵇⵇⴻⵏ ⵖⴻⵔ ⵜⴻⵎⵍⵉⵛⵉⵏ ⵏ « ⴼⴰⵊⵔ ⵍⵉⴱⵢⴰ », ⵎⴰ ⴷ ⵡⴰⵢⴻⴹ, ⵡⵉⵏ ⴰⵢⵢⴻⵙ ⵙⵜⴻⵄⵕⴼⴻⵏ ⵍⴻⵊⵏⴰⵙ, ⴰⵜⴰⵏ ⵉⵎⵉⵔ-ⴰ ⴷⴻⴳ ⵜⴻⵎⴷⵉⵏⵜ ⵏ ⴰⵍ-ⴱⴰⵉⴷⴰ (1200 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⵎⵓⴹ ⵏ ⵟⵔⴰⴱⵍⴻⵙ) ⴰⵢ ⴷ-ⵢⴻⵣⴳⴰⵏ ⵙⴷⴰⵜ ⵜⵓⴱⵔⵓⴽ. ⵙ ⵡⴰⵢⴰ, ⵜⴰⵡⴻⵏⵏⴰⴹⵜ ⵜⴰⵙⴻⵔⵜⵉⵜ ⵏ ⵍⵉⴱⵢⴰ ⵜⴻⴼⵜⵓⵜⴻⵙ ⵢⴻⵔⵏⴰ ⴰⵢⴰ ⵢⴻⵍⵍⴰ-ⴷ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵙⵉⵎⴰⵍ ⵍⴰ ⴷ-ⵔⴻⵏⵏⵓⵏⵜ ⵜⴻⵏⵟⴰⴳⵉⵏ ⵜⵉⵔⴻⴱⵔⴰⴱⵉⵏ. ⴷⵖⴰ, ⴰⴽⴽⴻⵏ ⴰⴷ ⵢⴻⴼⵔⵓ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵎⵄⴰⵡⴰⵏⴻⵏ ⵢⵉⵅⵚⵉⵎⴻⵏ ⴷⴻⴳ ⵓⵏⵏⴰⵔ ⴰⴽⴽⴻⵏ ⴰⴷ ⴽⴽⵙⴻⵏ ⵔⵔⴻⴱⵔⴰⴱ.