ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵉⵍ ⵏ ⵓⵙⵏⴻⵔⵏⵉ ⵏ ⴷⴻⴼⴼⵉⵔ ⵏ 2015: 6 ⵏ ⵜⵓⵣⵡⵉⵔⵉⵏ ⵉ ⵜⴻⴼⵔⵉⵇⵜ ⵍⴷⵣⴰⵢⴻⵔ ⵜⴰⵎⴰⵏⴻƔⵜ, 03 ⵎⴰⵢⵓ 2015 (ⵏⵙⵍ) – ⵜⵉⵎⵓⵔⴰ ⵏ ⵜⴻⴼⵔⵉⵇⵜ ⵎⵙⴻⴼⵀⴰⵎⴻⵏⵜ ⴰⴽⴽⴻⵏ ⴰⴷ ⵙⵄⵓⵏⵜ ⵢⵉⵡⴻⵏ ⵏ ⵡⴰⴷⴷⵓⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍ ⵏ ⵓⵙⵏⴻⵔⵏⵉ ⵏ ⴷⴻⴼⴼⵉⵔ ⵏ 2915. ⴰⴷⴷⵓⴷ-ⴰ ⵎⵙⴻⴼⵀⴰⵎⴻⵏⵜ ⴼⴻⵍⵍ-ⴰⵙ ⴷⴻⴳ ⵢⴻⵏⵏⴰⵢⴻⵔ ⵏ 2014 ⴷⴻⴳ ⴰⴷⴷⵉⵙ-ⴰⴱⴻⴱⴰ ⴷⴻⴳ ⵜⴻⵎⵍⵉⵍⵉⵜ ⵏ ⵜⵇⴰⵛⵓⵛⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵢⴻⵔⵏⴰ ⵢⴻⴱⵏⴰ ⵖⴻⴼ 6 ⵏ ⵜⴳⴻⵊⴷⴰ ⵢⴻⵍⵍⴰⵏ ⴷ ⵜⵓⵣⵡⵉⵔⵉⵏ ⴷⴻⴳ ⵓⵙⵏⴻⵔⵏⵉ ⵏ ⵜⴻⴼⵔⵉⵇⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵢⵉⵎⴰⵣⵣⴰⵢⴻⵏ ⵖⴻⴼ ⵓⵕⴰⴱⵓⵍ ⵏ 2015 ⵢⴻⵔⵣⴰⵏ ⵜⵉⴽⵍⵉ ⵖⴻⵔ ⵙⴷⴰⵜ ⴷⴻⴳ ⵓⵅⴻⴷⴷⵉⵎ ⵖⴻⴼ ⵢⵉⵙⵡⴰⵏ ⵏ ⵓⵎⴰⴳⵉⵎ ⵉ ⵓⵏⵏⴻⵔⵏⵉ ⴷⴻⴳ ⵜⴻⴼⵔⵉⵇⵜ. Ɣⴻⴼ ⵍⴻⵃⵙⴰⴱ ⵏ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ, ⵜⴰⴼⵜⴰⵔⵜ-ⴰ ⵜⴻⵙⵙⴰⵡⴰⵍ-ⴷ ⵖⴻⴼ ⵓⵄⴻⵡⵡⴻⵍ ⵏ ⵜⴻⴼⵔⵉⵇⵜ ⴰⴽⴽⴻⵏ ⴰⴷ ⴷ-ⵜⴻⵍⵀⵓ ⵙ ⵓⴼⴰⴽⵉ ⵏ ⵢⵉⵅⴻⴷⴷⵉⵎⴻⵏ ⴰⵢ ⵡⴻⵔⵄⴰⴷ ⴼⵓⴽⴻⵏ ⴷⴻⴳ ⵓⵇⴰⵍⴻⴱ ⵏ ⵢⵉⵙⵡⴰⵏ ⵏ ⵓⵎⴰⴳⵉⵎ ⵉ ⵓⵙⵏⴻⵔⵏⵉ, ⵢⴻⵔⵏⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵜⴻⵜⵜⵓⵏⴻⴼⴽ ⵜⵓⵣⵡⵉⵔⵜ ⵉ ⵡⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵔⵔ ⵜⴰⴼⵔⵉⵇⵜ ⴷ ⵜⴰⵎⴰ ⵏ ⵓⵏⵏⴻⵔⵏⵉ ⵏ ⵜⴷⴰⵎⵙⴰ ⴷⴻⴳ ⵓⵎⴰⴹⴰⵍ. ⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵛⵉⵡⴻⵕ ⴰⵢ ⴷ-ⵢⴻⴱⴷⴰⵏ ⴷⴻⴳ ⵡⴰⵎⴱⴻⵕ 2011 ⴷⴻⴳ ⴰⵛⵛⵔⴰ (ⵜⴰⵎⴰⵏⴻⵖⵜ ⵏ ⴳⵀⴰⵏⴰ) ⵙ ⵕⵕⴰⵢ ⴰⵢ ⵢⴻⴷⴷⴻⵎ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵢⵓⵍⵢⵓ ⵏ 2010 ⵉ ⵓⵅⴻⵎⵎⴻⵎ ⵖⴻⴼ ⵡⴰⵎⴻⴽ ⴰⵔⴰ ⴷ-ⵍⵀⵓⵏ ⴷ ⵢⵉⵙⵡⴰⵏ ⵏ ⵓⵎⴰⴳⵉⵎ ⵉ ⵓⵙⵏⴻⵔⵏⵉ ⴷⴻⴼⴼⵉⵔ 2015, ⵢⴻⵔⵏⴰ ⵎⵙⴻⴼⵀⴰⵎⴻⵏ ⴷⴰⴽⴽⴻⵏ ⴰⴽⴻⵎⵎⴻⵍ ⵏ ⵓⵅⴻⴷⴷⵉⵎ ⵖⴻⴼ ⵢⵉⵙⵡⴰⵏ ⵏ ⵓⵎⴰⴳⵉⵎ ⵢⴻⵙⵙⴻⴼⴽ ⴰⴷ ⴷ-ⵉⴳⴻⵔ ⴷⴻⴳ ⵍⴻⵃⵙⴰⴱ ⵜⵉⵎⵙⴰⵍ ⴰⵢ ⵍⴰ ⴷ-ⵢⴻⵜⵜⴱⴰⵏⴻⵏ ⴷ ⵜⵉⵎⴰⵢⵏⵓⵜⵉⵏ ⴰⵎ ⵓⴱⴻⴷⴷⴻⵍ ⵏ ⵓⵏⴻⵣⵡⵓ, ⴰⴱⴻⴷⴷⴻⵍ ⵏ ⵜⴻⵎⵚⵓⴽⴰ ⵏ ⵜⴷⴰⵎⵙⴰ, ⵜⵓⵙⵙⵏⴰ, ⵜⴰⴽⵏⵓⵙⵙⵏⴰ ⴷ ⵓⴱⴷⴰⵄ. ⵙⴹⵉⵙⴻⵜ (6) ⵏ ⵜⴳⴻⵊⴷⴰ ⴰⵢⵖⴻⴼ ⴰⵔⴰ ⵜⴻⴱⵏⵓ ⵜⵎⵓⵖⵍⵉ ⵏ ⵓⵣⴻⴽⴽⴰ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⵉⴷ ⴰⵢ ⵢⴻⵇⵇⵏⴻⵏ ⵖⴻⵔ ⵓⴱⴻⴷⴷⴻⵍ ⵏ ⵜⴻⵎⵚⵓⴽⴰ ⵏ ⵜⴷⴰⵎⵙⴰ ⵉ ⵍⵎⴻⵏⴷ ⵏ ⵓⵏⵏⴻⵔⵏⵉ ⴰⵔⴰ ⵉⵃⴰⵣⴻⵏ ⴰⴽⴽ ⵎⴻⴷⴷⴻⵏ, ⴰⵙⵏⴻⵔⵏⵉ ⵏ ⵜⵓⵙⵙⵏⴰ, ⵏ ⵜⴻⴽⵏⵓⵙⵙⵏⴰ ⴷ ⵓⴱⴷⴰⵄ, ⴰⵙⵏⴻⵔⵏⵉ ⴰⵔⴰ ⴷ-ⵢⴻⵔⵔⴻⵏ ⴰⵎⴷⴰⵏ ⴷⴻⴳ ⵜⵍⴻⵎⵎⴰⵙⵜ, ⴰⵃⵔⴰⵣ ⵏ ⵜⵡⴻⵏⵏⴰⴹⵜ ⴷ ⵓⵙⵙⴻⴼⵔⴻⴽ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ, ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵓⵙⵙⵉⴷⵔⴻⵎ ⴷ ⵜⵉⵛⵛⵓⵔⴽⴰ ⵉ ⵓⵙⵙⴻⴱⴷⴻⴷ ⵏ ⵡⴰⵀⵉⵍ ⵏ ⵓⵏⵏⴻⵔⵏⵉ ⵉ ⵢⵉⵙⴻⴳⴳⴰⵙⴻⵏ ⴰⵔⴰ ⴷ-ⵉⴹⴻⴼⵔⴻⵏ 2015.

D acu kan, iswi iḥaren n Waddud ucrik afriqi, ɣef wakken ay d-nnan kra n yimazzayen ay iḥedṛen deg temlilit-nni n Ldzayer, netta d axeddim akken ad tesɛu Tefriqt lateṛ deg « ukala n unnerni deg umaḍal », ladɣa deg wayen yerzan tagrawt n uxeddim yeldin deg wayen yeqqnen ɣer yiswan n unnerni aduman, yerna aya ad yurar dduṛ deg uheyyi n uṛabul n umaru amatu ɣef wahil n unnerni n deffir 2015.

ⵜⴰⴳⵔⴰⵡⵜ ⵜⴰⴼⵔⵉⵇⵉⵜ ⵏ ⵢⵉⵎⴻⵙⵜⴰⴳⴻⵏ ⵙⵄⴰⵏⵜ ⵛⵛⵖⴻⵍ ⵏ ⵜⴻⴱⴷⴰⵎⵎⴰⵙⵜ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⴰⴷ ⵅⴻⴷⵎⴻⵏ ⵖⴻⴼ ⵜⵓⵣⵡⵉⵔⵉⵏ ⵜⴻⴼⵔⵉⵇⵜ ⴷⴻⴳ ⵜⵉⴽⵍⵉ ⵏ ⵓⵎⵄⴰⵡⴻⵏ ⴳⴰⵔ ⵢⵉⵏⴰⴱⴰⴹⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉⵎⵉⵔ-ⴰ, ⵢⴻⵔⵏⴰ ⴰⵢⴰ ⴰⴷ ⴷ-ⵢⵉⵍⵉ ⴷ « ⵜⴰⵏⴻⵣⴳⴰⵔⵜ ⵙ ⵡⴰⵣⴰⵍ-ⵏⵏⴻⵙ » ⴳⴰⵔ ⵡⴰⴷⴷⵓⴷ ⵓⵛⵔⵉⴽ ⴰⴼⵔⵉⵇⵉ ⴷ ⵓⵅⴻⴷⴷⵉⵎ ⵏ ⵜⴻⴳⵔⴰⵡⵜ ⵏ ⵓⵅⴻⴷⴷⵉⵎ ⵢⴻⵍⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⵣⴰⵢⴻⵏ. « ⵓⵍⴰ ⵎⴰ ⴽⵔⴰ ⵏ ⵜⵓⵣⵡⵉⵔⵉⵏ ⴰⵢ ⴷ-ⵢⴻⴱⴷⴻⵔ ⵡⴰⴷⴷⵓⴷ ⵓⵛⵔⵉⴽ ⵏ ⵜⴻⴼⵔⵉⵇⵜ ⵜⵜⵡⴰⴱⴻⴷⵔⴻⵏ-ⴷ ⵢⴰⴳⵉ ⴷⴻⴳ ⵢⵉⵕⴰⴱⵓⵍⴻⵏ ⵉⵎⴻⵣⵡⵓⵔⴰ ⵏ ⵜⴻⴳⵔⴻⵡⵜ ⵏ ⵓⵅⴻⴷⴷⵉⵎ ⵢⴻⵍⴷⵉⵏ, ⵎⴰⵣⴰⵍ ⴰⵟⴰⵙ ⵏ ⵛⵛⵖⴻⵍ ⴰⴽⴽⴻⵏ ⴰⴷ ⵢⴻⴽⵛⴻⵎ ⴰⴽⴽ ⵡⴰⵢⴰ ⴷⴻⴳ ⵜⵉⴽⵍⵉ ⵏ ⵓⵏⵏⴻⵔⵏⵉ ⵙ ⵓⵎⴰⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

Anemhal amatu n wassaɣen idamsanen d umɛawen agraɣlan n uɣlif n tɣawsiwin n uzɣar, Merzak Belhimeur, yenna-d deg tezwara n temlilit dakken yessefk timura tifriqiyin « ad sɛunt addud ucrik, ad xedment akken deg umaḍal yerna ad beddent idis s idis deg yistagen [lemcawṛat] gar yinabaḍen ».

ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⵜⵉⵎⵓⵔⴰ ⵏ ⵜⴻⴼⵔⵉⵇⵜ ⴰⴷ ⵅⴻⴷⵎⴻⵏⵜ ⵓⴳⴰⵔ ⵙ ⵓⵎⵄⴰⵡⴻⵏ ⴷ ⵜⴻⴳⵔⴰⵡⵉⵏ ⵏⵉⴹⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⵜⴰⴳⵔⴰⵡⵜ ⵏ 77, ⵛⵛⵉⵏⵡⴰ ⴷ ⵓⵎⵓⵙⵙⵓ ⵏ ⵜⵎⵓⵔⴰ ⵓⵔ ⵉⴷⴻⵔⵔⴻⵔⴻⵏ ⴰⴽⴽⴻⵏ « ⴰⴷⵃⵓⴷⴷⴻⵏⵜ ⵅⵉⵔ ⵏⵏⴼⴻⵄ-ⵏⵙⴻⵏⵜ ⴷ ⵓⵃⵔⴰⵣ ⵏ ⵓⵎⵜⴰⵡⴰ ⵏ ⵜⵎⵓⵔⴰ ⴰⵢ ⵍⴰ ⵢⴻⵜⵜⵏⴻⵔⵏⵉⵏ ».