ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⴽⵛⵓⵎ ⴰⵖⵓⵔⴱⵉⵣ 2015-2016 : ⴰⴷ ⵜⵉⵍⵉ ⵜⴻⵔⵎⴻⵙⵜ ⵙⵢⴰ ⴷ ⴰⴼⴻⵍⵍⴰ ⵏ ⵜⵖⴻⵙⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴻⴳⵎⵉ ⴷⴻⴳ ⵉⵍⵉⵣⵉ

ⵉⵍⵍⵉⵣⵉ – ⵙⴹⵉⵙ ⵏ ⵜⵖⴻⵙⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴻⴳⵎⵉ ⴰⵔⴰ ⵜⴻⵔⵎⴻⵙ, ⵙⵢⴰ ⴷ ⴰⴼⴻⵍⵍⴰ, ⴷⴻⴳ ⵓⵏⴻⴽⵛⵓⵎ ⴰⵖⵓⵔⴱⵉⵣ ⵜⵡⵉⵍⴰⵢⵜ ⵏ ⵉⵍⵍⵉⵣⵉ, ⵉ ⴷ-ⵏⵏⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⵜⵎⴻⵀⵍⴰ-ⵏⵙⴻⵏ. ⴰⵢⴰ ⵢⴻⵔⵣⴰ ⵙⵏⴰⵜ ⵜⴻⵙⵏⴰⵡⵉⵢⵉⵏ, ⵢⵉⵡⴻⵜ ⴷⴻⴳ ⵜⵖⵉⵡⴰⵏⵜ ⵏ ⴱⵓⵔⴵ ⵍⵃⴰⵡⴻⵙ, ⴰⴷ ⵜⴻⵔⴼⴻⴷ 800 ⵉⵎⴻⴹⵇⴰⵏ, ⵎⴰ ⴷ ⵜⴰⵢⴻⴹ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⴰⵎⴻⵏⴰⵙ ⵙ 1.000 ⵉⵎⴻⴹⵇⴰⵏ, ⵉ ⴷ-ⵢⴻⵏⵏⴰ ⵓⵏⴻⵎⵀⴰⵍ, ⵀⴰⴼⵙⵙⵉ ⴻⵍ ⵣⵉⵏⴻ. ⵎⴰ ⴷ-ⴰⵢⴻⵏ ⵢⴻⵔⵣⴰⵏ ⴰⵙⴻⵍⵎⴻⴷ ⴷⴻⴳ ⵓⵙⵡⵉⵔ ⴰⵍⴻⵎⵎⴰⵙ, ⵀⴻⴳⴳⴰⵏ-ⴷ ⵜⴰⵔⵎⴻⵙⵜ ⵏ ⵙⵉⵏ ⵉⵖⴻⵔⴱⴰⵣⴻⵏ ⵉⵍⴻⵎⵎⴰⵙⴻⵏ, ⵢⵉⵡⴻⵏ ⴷⴻⴳ ⴵⴰⵏⴻⵜ (ⵉⵚⴻⴳⴳⵉⵎⴻⵏ ⵏ ⴱⴻⵔⵔⴰ, ⵇⵔⵉⴱ ⴰⴷ ⴽⴼⵓⵏ), ⵡⴰⵢⴻⴹ ⴷⴻⴳ ⵄⵉⵏ ⴰⵎⴻⵏⴰⵙ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵎⴰⵙⴰⵢ. ⵎⴰ ⴷ ⴰⵙⵡⵉⵔ ⴰⵎⴻⵏⵣⵓ ⴰⴷ ⵜ-ⵙⴵⴻⵀⴷⴻⵏ ⵙ ⵙⵉⵏ ⵉⵖⴻⵔⴱⴰⵣⴻⵏ ⵉⵎⴰⵢⵏⵓⵜⴻⵏ, ⴰⵎⴻⵣⵡⴰⵔⵓ ⴷⴻⴳ ⵓⴳⵎⴰⵎ ⵏ ’’ⴵⵉⴱⵔⵉⵍ’’ ⴷⴻⴳ ⵜⵍⴻⵎⵎⴰⵙⵜ ⵏ ⵜⵡⵉⵍⴰⵢⵜ, ⵎⴰ ⴷ ⴱⵓ ⵙⵉⵏ ⴷⴻⴳ ⵜⴰⴷⴷⴰⵔⵜ ⵏ ⴰⵔⴽⵉⵏ, ⴷⴻⴳ ⵜⵖⵉⵡⴰⵏⵜ ⵏ ⴱⵓⵔⴵ ⵍⵃⴰⵡⴻⵙ, ⵉ ⴷ-ⵏⵏⴰⵏ. ⴰⵣⴰⵍ ⵏ 25 ⵏ ⵜⵏⴻⵖⵔⵉⵢⵉⵏ ⴰⵔⴰ ⵙⴳⴰⵍⴼⴻⵏ ⵙ ⵡⴰⵍⵍⴰⵍⴻⵏ ⵉ ⵢⴻⵙⵙⴻⴼⴽ ⴰⴷ ⵉⵍⵉⵏ ⵙⵢⴰ ⵙ ⴰⵏⴻⴽⵛⵓⵎ ⴰⵖⵓⵔⴱⵉⵣ ⵉ ⴷ-ⵉⵜⴻⴷⴷⵓⵏ ⵉ ⴽⵔⴰⴹ ⵢⴻⵙⵡⵉⵔⴻⵏ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵓⵙⴻⴳⵎⵉ. ⵎⴰ ⴷ ⴰⵢⴻⵏ ⵢⴻⵔⵣⴰⵏ ⴰⴽⴰⵜⴰⵔ, ⵜⴻⴷⴷⵓⵏ ⴰⴷ ⵙⴵⴻⵀⴷⴻⵏ ⴰⵃⵔⵉⵛ-ⴰ ⵙ 98 ⵏ ⵢⵉⵙⴻⵍⵎⴰⴷⴻⵏ, ⴰⵔⴰ ⴱⴹⵓⵏ ⵖⴻⴼ ⴽⵔⴰⴹ ⵢⴻⵙⵡⵉⵔⴻⵏ ⵏ ⵓⵙⴻⴳⵎⵉ, ⴷ ⴰⵢⴻⵏ ⴰⵔⴰ ⵢⴻⴽⵙⴻⵏ ⵍⴻⵅⵚⴰⵚ ⵉ ⵙⴽⴻⵍⵙⴻⵏ ⴷⴻⴳ ⴽⵔⴰ ⵉⴼⵓⵔⴽⴰⵏ ⵏ ⵓⵙⴻⵍⵎⴻⴷ ⵢⴻⵍⵍⴰⵏ ⴷⴻⴳ ⵜⵖⴻⵙⵙⴰ ⵜⴰⵖⵓⵔⴱⵉⵣⵜ ⵏ ⵜⴰⵎⴰ-ⴰ, ⵉ ⵢⴻⵔⵏⴰ ⵓⵎⴰⵙⴰⵢ-ⵏⵏⵉ.