ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵃⴻⴷⴷ, 03 ⵎⴰⵢⵓ 2015 1511

ⵜⴰⵍⵓⴼⵜ ⵏ ⵎⴰⵍⵉ: ⴰⵙⴻⵇⵇⴰⵎⵓ ⵓⵏⵏⵉⴳ ⵉⵙⵍⴰⵎⵉ ⵏ ⵎⴰⵍⵉ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵍⴷⵣⴰⵢⴻⵔ

ⴱⴰⵎⴰⴽⵧ – ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉⵙⵍⴰⵎⵉ ⵏ ⵎⴰⵍⵉ, ⵍⵉⵎⴰⵎ ⵎⴰⵀⵎⵧⵓⴷ ⴷⵉⵛⴽⵧ, ⵉⴳⴻⵔ-ⴷ ⵜⵉⵖⵔⵉ ⵉ ⵜⴻⴳⵔⴰⵡⵉⵏ ⵜⵉⵙⴻⵔⵜⵉⵢⵉⵏ-ⵜⵉⵙⴻⵔⴷⴰⵙⵉⵢⵉⵏ ⵏ ⵓⴳⴰⴼⴰ ⵏ ⵎⴰⵍⵉ ⴰⴽⴽⴻⵏ ⴰⴷ ⵙⵙⴻⵔⵙⴻⵏⵜ ⵍⴻⵙⵍⴰⵃ ⵓⵢⴻⵔⵏⴰ ⴰⴷ ⵣⴻⵎⵍⴻⵏⵜ (ⴰⴷ ⵙⵜⴻⵏⵢⵉⵏⵜ) ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⴷ ⵡⵉⵏ ⴰⵢ ⵢⴻⵜⵜⵡⴰⵡⴻⵎⵎⵕⴻⵏ ⴷⴻⴳ 1 ⵎⴻⵖⵔⴻⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

Deg yiwen n umyager deg Bamako ay d-tga tmetti taɣarimt deg tgara n dduṛt yezrin, nnan-d ttawilat n yisalan dakken limam Dicko « iger-d tiɣri s lḥir, d tiɣri seg wul i waytmaten n Umussu aɣelnaw n uslelli n Uzawad, Aseqqamu unnig n tdukli n Uzawad d Umussu aɛṛab n Uzawad akken ad asen-yini beṛkat-aɣ, beṛkat-aɣ idammen, beṛkat-aɣ lḥif ».
« Neẓẓel-asen afus n tegmat, afus n usaruf d umsuɣal », ɣef wakken ay d-yenna. Azmal unṣib n umtawa n talwit gar Yimaliyen ssefran ad d-yili ass n 15 Mayu deg Bamako ».

ⴰⵏⴰⴱⴰⴹ ⴷ ⵢⵉⵎⵓⵙⵙⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵍⴻⵎⵛⴰⵡⵕⴰⵜ ⵏ ⵍⴷⵣⴰⵢⴻⵔ ⵏⵉⵜⵏⵉ ⴷ ⴰⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⵢⴻⴱⴹⴰⵏ ⵖⴻⴼ ⵓⵎⵓⵙⵙⵓ ⴰⵏⴻⵚⵍⵉ), ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ (ⵛⵒⴰ) ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⴰ ⴷ ⵜⴻⵔⵏⵉⵡⵉⵏ ⵜⵉⴼⴻⵔⵏⴰⵏⵉⵏ ⵏ ⵓⵣⴱⵓ (ⵛⵎ-ⴼⵒⵔ) ⵢⴻⵔⵏⴰ ⵡⴻⵎⵎⵕⴻⵏⵜ ⴰⴽⴽ ⴰⵎⵜⴰⵡⴰ-ⴰ ⴰⵙⵙ ⵏ 1 ⵎⴻⵖⵔⴻⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

D acu kan, Tasemyuddest n yimussa n Uzawad (CMA) aydeg yettekka Umussu aɣelnaw n uslelli n Uzawad, Aseqqamu unnig n tdukli n Uzawad d Umussu aɛṛab n Uzawad ssutren « tasgunfut » akken ad ciwṛen imeɣnasen-nsen uqbel ma wemmṛen amtawa-a.
Ɣef leḥsab n Mass Dicko, amtawa n Ldzayer « yemgerrad ɣef yimtawayen niḍen acku deg umtawa-a d aɣref amakli ara yilin d ḍḍamen n uqader n umtawa-a, d aɣref ara iḍemnen assefɛel n umtawa-a ». Yenna-d daɣ dakken amtawa-a « d tagnit ur yesɛin tamtilt » ay yessefk ad tt-tfaṛes Tsemyuddest n yimussa n Uzawad.
« Aɣref amali yesɛedda aṭas n lqerḥ, yella-d waṭas n lḥif. Yessefk ad aɣ-ɣaḍen yigerdan, irgazen d tlawin ay yellan deg tegnit-a n lḥif deg yigriren n yizruzaɣ », ɣef wakken ay d-yenna.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⴻⵖⵍⴰⴼ ⴰⵎⴻⵏⵣⵓ ⴰⵇⴱⵓⵔ ⵏ ⵎⴰⵍⵉ, ⴰⵀⵎⴻⴷ ⵎⵧⵀⴰⵎⴻⴷ ⴰⴳ ⵀⴰⵎⴰⵏⵉ, ⵢⴻⵙⵙⴰⵡⴻⵍ-ⴷ ⴷⴰⵖ ⴷⴻⴳ ⵓⵎⵢⴰⴳⴻⵔ-ⴰ, « ⵍⵍⴰⵏⵜ ⴽⵔⴰ ⵏ ⵙⵙⴻⴱⴱⴰⵜ ⴰⵔⴰ ⴰⵖ-ⵢⴻⵊⵊⴻⵏ ⴰⴷ ⴷ-ⵏⵉⵏⵉ ⴷⴰⴽⴽⴻⵏ ⴰⵎⵜⴰⵡⴰ-ⴰ ⴷ ⵜⴰⴳⵏⵉⵜ ⴰⵢ ⵢⴻⵙⵙⴻⴼⴽ ⴰⴷ ⴼⴰⵕⵙⴻⵏ ⴰⴽⴽ ⵉⵎⴰⵍⵉⵢⴻⵏ ⴰⵢ ⵉⵃⴻⵎⵎⵍⴻⵏ ⵜⴰⵍⵡⵉⵜ ⴷ ⵜⴻⵖⴷⴻⵎⵜ ⵢⴻⵔⵏⴰ ⴱⵖⴰⵏ ⴰⴷ ⴷ-ⵙⵙⵓⴽⴽⵙⴻⵏ ⵜⴰⵎⵓⵔⵜ ⵏ ⵎⴰⵍⵉ ».

« Teqqim-aɣ-d yiwet n tɣawsa, d tadukli timqeddest n yiferfanen imaliyen, wid n tidet », ay d-yenna.