ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷⴻⴳ ⵡⴻⴱ ⵙ ⵜⵓⵜⵍⴰⵢⵜ ⵏ ⵜⵎⴰⵣⵉⵖⵜ: ⴰⵏⴻⴳⵎⵓ ⵏ ⵜⵓⵜⵍⴰⵢⵜ-ⵏⵏⴻⵖ ⵜⴰⵖⴻⵍⵏⴰⵡⵜ ⵙⵖⵓⵔ ⵜⴰⵡⴰⴽⵍⴰ ⵜⴻⵙⵏⴻⵎⵔ-ⴰⵙ ⴷⴷⴻⵡⵍⴰ
ⵇⵚⴻⵏⵜⵉⵏⴰ- ⴰⵏⴻⴳⵎⵓ ⵏ ⵜⵓⵜⵍⴰⵢⵜ-ⵏⵏⴻⵖ ⵜⴰⵖⴻⵍⵏⴰⵡⵜ ⵜⴰⵎⴰⵣⵉⵖⵜ ⵙⵖⵓⵔ ⵜⴰⵡⴰⴽⵍⴰ ⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵙ ⵡⴻⵕⵥⴰⵎ-ⴰⴳⵉ ⵏ ⵡⴰⴷⴻⴳ ⴰⵎⴰⵣⵉⵖ ⵙ ⵡⵓⴷⴻⵎ ⵓⵏⵚⵉⴱ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴰⵎⵓⵇⵕⴰⵏ ⵖⴻⴼ ⵜⴻⵙⵏⴻⵎⵎⴻⵔ ⴷⴷⴻⵡⵍⴰ, ⵉⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ ⵎⴰⵙ ⵃⴰⵎⵉⴷ ⴳⵔⵉⵏ. ⵢⴻⵔⵏⴰ ⵢⴻⵙⵙⴰⵡⴻⵍ ⴷ ⴰⵖⴻⵏ ⵓⵏⴻⵖⵍⴰⴼ, ⴷⴻⴼⴼⵉⵔ ⵏ ⵡⴻⵕⵥⴰⵎ ⵓⵏⵚⵉⴱ ⵏ ⵡⴰⴷⴻⴳ-ⴰⴳⵉ ⵢⴻⵍⵍⴰⵏ ⵙ ⵉⵙⴻⴽⴽⵉⵍⴻⵏ ⵏ ⵜⵍⴰⵜⵉⵏⵉⵜ, ⵏ ⵜⴰⵄⵕⴰⴱⵜ ⴰⴽⴽ ⴷ ⵜⴼⵉⵏⴰⵖ, ⵉ ⵜⵡⴰⵛⵓⵍⵜ ⵉⵙⴰⵍⵍⴻⵏ ⵙ ⵓⵎⴰⵜⴰ ⴰⴽⴽⴻⵏ ⴰⴷ ⴷ-ⴳⵔⴻⵏ ⵉⵎⴰⵏ-ⵙⴻⵏ ⴷⴻⴳ ⵓⵙⵓⵔⵔⵉⴼ-ⴰⴳⵉ ⵓⵏⴻⴳⵎⵓ ⵏ ⵜⵓⵜⵍⴰⵢⵜ ⵏ ⵜⵎⴰⵣⵉⵖⵜ, ⵢⴻⵍⵍⴰⵏ ⴷ ⵢⵉⵡⴻⵜ ⴳⴻⵔ ⵜⴳⴻⵊⴷⴰ ⵏ ⵜⵏⴻⵜⵜⵉⵜ-ⵏⵏⴻⵖ. ⵉⵙⴰⵍⵍⴻⵏ ⴰⵔⴰ ⴷ-ⵢⴻⴼⴼⵖⴻⵏ ⵙⵖⵓⵔ ⵜⴰⵡⴰⴽⵍⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⴷⴻⴳ-ⵉⵏⴻⵙ ⵏ ⵜⵎⴰⵣⵉⵖⵜ, ⴰⴷ ⵙⵙⴰⵀⵍⴻⵏ ⵜⴰⵄⴽⴻⵎⵜ ⵖⴻⴼ ⵡⵉⴷ ⵢⴻⴱⵖⴰⵏ ⴰⴷ ⴷ-ⵙⵙⵉⵥⴻⵕⴳⴻⵏ ⵉⵖⵎⵉⵙⴻⵏ ⵙ ⵜⵓⵜⵍⴰⵢⵜ-ⴰⴳⵉ, ⵉⴷ-ⵢⴻⵏⵏⴰ ⵓⵏⴰⵎⵀⴰⵍ ⴰⵎⴰⵜⵓ ⵏ ⵜⵡⴰⴽⵍⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⵎⴰⵙ ⴽⴰⵛⵀⴰ ⵀⴰⵎⵉⴷ, ⵉⴽⴻⵎⵎⵍⴻⵏ ⵢⴻⵏⵏⴰ ⴱⴻⵍⵍⵉ « ⴷ ⵉⵎⴰⵡⵍⴰⵏ ⵏ ⵢⴻⵖⵎⵉⵙⴻⵏ-ⴰⴳⵉ ⴰⵔⴰ ⵢⴻⴷⴷⵎⴻⵏ ⵕⵕⴰⵢ ⴰⴽⴽⴻⵏ ⴰⴷ ⴷ-ⵙⵙⵉⵥⴻⵕⴳⴻⵏ ⵙ ⵜⵎⴰⵣⵉⵖⵜ ».
ⴰⵎⴰⵔⴰⵢ ⴰⵎⴰⵜⵓ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ ⵎⴰⵙ ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ, ⵉⵡⴻⴽⴽⴻⴷ-ⴷ ⵙ ⵉⴵⵉⵀⴰ-ⵙ, ⴱⴻⵍⵍⴻ ⴰⵙⵉⵥⵕⴻⴳ ⵏ ⵡⴻⵖⵎⵉⵙ ⵙⵖⵓⵔ ⵜⴰⵡⴰⴽⵍⴰ ⴷ ⵉⵣⴻⵏ ⵢⴻⵙⵄⴰⵏ ⴰⵣⴰⵍ ⴰⵎⵓⵇⵔⴰⵏ ⵉ ⵜⵖⴰⵎⵙⴰ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ.
