ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

3 ⵎⴰⵢⵓ 2015 ⵜⴰⵖⴰⵎⵙⴰ ⵜⴻⵜⵜⴻⴷⴷⵓ ⴷⴻⴳ ⵍⴻⵣⵣⴰⵢⴻⵔ ⵡⴰⵔ ⴰⵃⵔⴰⵙ

ⵇⵚⴻⵏⵟⵉⵏⴰ,– ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⵢⴻⵏⵏⴰ-ⴷ, ⴰⵙⵙ ⵏ ⵍⵃⴻⴷ ⴷⴻⴳ ⵇⵚⴻⵏⵟⵉⵏⴰ, ⵜⴰⵖⴰⵎⵙⴰ ‘’ⵜⴻⵜⵜⴻⴷⴷⵓ ⴷⴻⴳ ⵜⵎⵔⵓⵜ-ⵏⵏⴻⵖ ⵡⴰⵔ ⴰⵃⵔⴰⵙ’’.

ⴷⴻⴳ ⵢⵉⵡⴻⵏ ⵓⵙⴰⵔⴰⴳ ⵉ ⵜⵖⴰⵎⵙⴰ, ⵉ ⴷ-ⵙⵙⵓⴷⴷⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⵙⴼⵓⴳⴻⵍ ⵓⵏⵚⵉⴱ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵍⴻⵍⵍⵉ ⵏ ⵡⴰⵡⴰⵍ, ⵢⴻⵔⵏⴰ ⵢⴻⵏⵏⴰ-ⴷ ⵎⴰⵙⵙ ⴳⵔⵉⵏⴻ, ⵏⴻⵜⵜⴰ ⵙ ⵜⵉⵎⵎⴰⴷ-ⵉⵙ ⴷ ⵢⵉⵎⴰⵙⴰⵢⴻⵏ ⵓⵏⵏⵉⴳⴻⵏ ⵏ ⵓⵡⴰⵏⴻⴽ ’’ⵜⵜⵡⴰⵛⴻⵎⵜⴻⵏ, ⵜⵉⴽⵡⴰⵍ ⴷ ⴰⵔⴳⴰⵎ ⵉ ⵜⴻⵏ-ⵔⴻⴳⵎⴻⵏ ⴷⴻⴳ ⵢⵉⵣⴻⵡⵍⴻⵏ ⵏ ⵢⴻⵖⵎⵉⵙⴻⵏ ⵡⴰⵔ ⵎⴰ ⵢⴻⵍⵍⴰ ⵉⵄⴻⴷⴷⴰ ⵓⵏⴻⵖⵎⴰⵙ-ⵏⵏⵉ ⴷⴻⴳ ⵜⴻⵖⴷⴻⵎ ⵏⴻⵖ ⴰⵃⴽⴰⵎ ⴼⴻⵍⵍ-ⴰⵙ ⴰⴽⴽⴻⵏ ⴰⴷ ⵉⵅⴻⵍⵍⴻⵚ ⵍⴻⵖⵔⴰⵎⴰ ⴰⵎ ⵡⴰⴽⴽⴻⵏ ⵉ ⵍⴰ ⵜⴹⴻⵔⵔⵓ ⴷⴻⴳ ⵜⵎⵓⵔⴰ ⴰⵏⴷⴰ ⵉ ⴰⴽ-ⵜⵜⵉⵏⵉⵏ ⵜⵜⵃⴰⵔⴰⴱⴻⵏ ⵖⴻⴼ ⵜⵍⴻⵍⵍⵉ ⵏ ⵡⴰⵡⴰⵍ.

ⵎⴰⵛⴰ ⵢⴻⵙⵟⴻⵄⵔⴻⴼ ⵓⵏⴻⵖⵍⴰⴼ ⴱⴻⵍⵍⵉ ⴰⵏⴻⵖⵎⴰⵙ ‘’ⴷⴻⴳ ⵜⵎⵓⵔⵜ-ⵏⵏⴻⵖ ⵜⵉⴽⵡⴰⵍ ⵢⴻⵏⵃⴰⴼ’’ ⴰⵛⴽⵓ ‘’ⵓⵔ ⵢⴻⵙⵄⴰ ⴰⵔⴰ ⵙ ⵓⵎⴰⵜⴰ ⴰⵍⵍⴰⵍⴻⵏ ⵉ ⵢⴻⵙⵙⴻⴼⴽ ⴰⴷ ⵉⵍⵉⵏ ⴰⴽⴽⴻⵏ ⴰⴷ ⵢⴻⵣⵎⴻⵔ ⴰⴷ ⵢⴻⵅⴷⴻⵎ ⴰⵎⴰⵀⵉⵍ-ⵙ.

ⵉⵃⴻⵜⵜⴻⵜ ⵎⴰⵙⵙ ⴳⵔⵉⵏⴻ, ⴷⴻⴳ ⵍⵉⵃⴰⵍⴰ-ⴰ, ⵖⴻⴼ ‘’ⵓⵣⴰⵍ ⴰⵎⴻⵇⵔⴰⵏ ⵢⴻⵙⵄⴰ ⵓⵙⴻⴳⴳⴻⵎ ⵏ ⵢⵉⵍⵓⴳⴰⵏ ⵏ ⵓⵅⴻⴷⴷⵉⵎ ⴷ ⵜⵓⴷⴻⵔⵜ ⵏ ⵢⵉⵏⴻⵖⵎⴰⵙⴻⵏ.

ⵢⴻⵙⵎⴻⴽⵜⵉ-ⴷ ⴱⴻⵍⵍⵉ ⴰⴳⴻⵣⴷⵓ-ⵙ ‘’ⵓⵔ ⵢⴻⵙⵙⴻⴽⵛⴰⵎ ⴰⵔⴰ ⵉⵎⴰⵏ-ⵉⵙ ⴷⴻⴳ ⵓⵙⴻⴼⵔⴻⴽ ⵏ ⴷⴰⵅⴻⵍ ⵏ ⵢⴻⵖⵎⵉⵙⴻⵏ’’, ⵢⴻⵏⵏⴰ-ⴷ ⵓⵏⴻⵖⵍⴰⴼ, ⴰⵏⴻⵖⵎⴰⵙ ‘’ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵅⴻⵍⵍⴰⵚ ⴰⴽⴽⴻⵏ ⵢⴻⵍⵀⴰ, ⴰⴷ ⵢⴻⵙⵄⵓ ⴰⴽⴽ ⴰⵍⵍⴰⵍⴻⵏ ⵉ ⵢⴻⵙⵙⴻⴼⴽ ⴰⴷ ⵢⴻⵙⵄⵓ ⴰⴱⴰⵄⴷⴰ ⵙⴻⴳ ⵜⴰⵎⴰ ⵜⴰⵜⵉⴽⵏⵓⵍⵓⵊⵉⵜ ⴰⴽⴽⴻⵏ ⴰⴷ ⵢⴻⴼⴽ ⵜⵉⴽⵛⵉ ⵜⵓⵏⵏⵉⴳ ⴷⴻⴳ ⵓⵅⴻⴷⴷⵉⵎ-ⵉⵙ.