ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴹⴻⵍⵜ ⵏ ⵎⴰⵙⴻⵏⵙⴻⵏ ⴷ ⵍⴻⴱⵏⵉ ⵢⴻⵙⵙⴻⵡⵀⴰⵎⴻⵏ

ⵜⴰⵎⴹⴻⵍⵜ ⵏ ⵉⵎⴻⴷⵖⴰⵙⴻⵏ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴹⴻⵍⵜ ⵜⴰⵏⵓⵎⵉⴷⵉⵜ ⵜⴰⵇⴱⵓⵔⵜ ⴰⴽⴽ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⵢⴻⵔⵏⴰ ⵜⴻⵣⴳⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ, ⵎⴰ ⴷ ⵜⴰⵎⴹⴻⵍⵜ ⵏ ⵓⴳⴻⵍⵍⵉⴷ ⵙⴼⴰⵇⵙ ⵢⴻⵣⴳⴰ-ⴷ ⴷⴻⴳ ⵜⴻⵎⴷⵉⵏⵜ ⵜⴰⵏⵓⵎⵉⴷⵉⵜ ⵏ ⵙⵉⴳⴰ, ⴷⴻⴳ ⵜⵡⵉⵍⴰⵢⵜ ⵏ ⵄⵉⵏ ⵜⵉⵎⵓⵛⴻⵏⵜ ⵜⵜⴻⵎⵛⴰⴱⵉⵏⵜ ⴷⴻⴳ ⵙⵏⴰⵜ ⴷⴻⴳ ⵚⵚⵉⴼⴰ, ⵉⵎⵉ ⴰⵢ ⴷ-ⵍⵍⴰⵏⵜ ⴷ ⵜⵉⵎⴷⴻⵡⵡⵕⵉⵏ, ⵙⵄⴰⵏⵜ ⵜⵉⴳⴻⵊⴷⴰ ⵉ ⵛⵛⴱⴰⵃⴰ ⵎⴰ ⴷ ⵙⵙⵇⴻⴼ-ⵏⵙⴻⵏⵜ ⴷ ⴰⵣⴰⵎⵓⴳ ⵏ ⵓⵥⵔⵓ. ⴷ ⴰⵛⵓ ⴽⴰⵏ, ⵜⴰⵎⴹⴻⵍⵜ ⵏ ⵎⴰⵙⴻⵏⵙⴻⵏ ⵜⴻⵎⴳⴻⵔⵔⴰⴷ ⴼⴻⵍⵍ-ⴰⵙⴻⵏⵜ, ⵜⴻⴱⵏⴰ ⵙ ⵓⵥⵔⵓ ⵢⴻⵜⵜⵡⴰⵏⴻⵇⵛⴻⵏ, ⵜⴻⵙⵄⴰ ⵜⴰⵍⵖⴰ ⴷ ⵜⴰⴳⴰⵙⴰⵙⵜ ⴷⴻⴳ ⵍⵍⵙⴰⵙ-ⵏⵏⴻⵙ ⴷ ⵙⵉⵏ ⵏ ⵢⵉⵖⵔⴰⵏ ⴰⵢ ⵢⴻⵍⵍⴰⵏ ⴷ ⴰⵣⴰⵎⵓⵍ ⵏ ⵓⴳⴻⵍⵍⵉⴷ-ⴰ.

Ɣⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⴻⴼⵜⴰⵔⵜ ⵏ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵙⵉⵔⵜⴰ, ⵏⵓⴷⴰⵏ ⵢⵉⵎⵏⴰⴷⵉⵢⴻⵏ ⵉⴼⵕⴻⵏⵙⵉⵙⴻⵏ ⴳⴰⵔ 1915 ⴷ 1916 ⴷⴻⴳ ⵜⴻⵎⴹⴻⵍⵜ-ⴰ ⵢⴻⵔⵏⴰ ⵏⵏⴰⵏ-ⴷ ⴷⴰⴽⴽⴻⵏ ⴰⵖⴰⵏⵉⴱ ⵏ ⵢⵉⵥⵔⴰ ⵏ ⵜⴻⵎⴹⴻⵍⵜ-ⴰ ⴷ ⵓⵅⵍⵉⴹ ⴳⴰⵔ ⵓⵖⴰⵏⵉⴱ ⴰⴳⵔⵉⴳⵉ ⴷ ⵡⵉⵏ ⵏ ⵢⵉⴼⵉⵏⵉⵇⵉⵢⴻⵏ, ⵢⴻⵔⵏⴰ ⵉⵥⵔⴰ-ⴰ ⴰⴷ ⵉⵍⵉⵏ ⵡⵡⵉⵏ-ⵜⴻⵏ-ⵉⴷ ⵢⵉⵅⴻⴷⴷⴰⵎⴻⵏ ⵉⴳⵔⵉⴳⵉⵢⴻⵏ ⴷ ⵢⵉⵇⴻⵔⵟⴰⵊⵉⵢⴻⵏ ⴰⵢ ⵙⵅⴻⴷⵎⴻⵏ ⵢⵉⴳⴻⵍⵍⵉⴷⴻⵏ ⵏ ⵏⵓⵎⵉⴷⵢⴰ, ⵍⴰⴷⵖⴰ ⵎⴰⵙⴻⵏⵙⴻⵏ ⴷ ⵎⴻⵎⵎⵉ-ⵙ ⴰⵎⴻⵇⵔⴰⵏ, ⵎⴰⴽⴰⵡⵙⴻⵏ (ⵎⵉⵛⵉⵒⵙⴰ) (ⴳⴰⵔ ⵍⴻⵇⵔⵓⵏ ⵡⵉⵙ 3 ⴷ ⵡⵉⵙ 2 ⵓⵇⴱⴻⵍ ⵙⵉⴷⵏⴰ ⵄⵉⵙⴰ).

ⵉⵏⴰⴷⵉⵢⴻⵏ ⵉⵎⴻⵣⵡⵓⵔⴰ ⴽⴻⵛⴼⴻⵏ-ⴷ ⴷⴰⴽⴽⴻⵏ ⵜⴰⵎⴹⴻⵍⵜ ⵏ ⵎⴰⵙⴻⵏⵙⴻⵏ ⵍⵍⴰⵏ ⴷⴻⴳ-ⵙ ⵙⵉⵏ ⵏ ⵢⵉⴷⴻⵔⴱⵓⵣⴻⵏ, ⵢⴰⵍ ⵢⵉⵡⴻⵏ ⵙⴻⴳ-ⵙⴻⵏ ⵢⴻⵙⵄⴰ 2 ⵏ ⵢⵉⵎⵉⵜⵔⴻⵏ ⴷⴻⴳ ⵜⴻⵖⵣⴻⴼ ⴷ 1 ⵏ ⵓⵎⵉⵜⵔ ⴷⴻⴳ ⵜⴻⵀⵔⵉ, ⵡⴻⵀⵀⴰⵏ ⵙⴻⴳ ⵓⴳⴰⴼⴰ-ⴰⴳⵎⵓⴹⴰⵏ ⵖⴻⵔ ⵓⵏⵥⵓⵍ-ⵓⵜⵔⵉⵎ. ⴰⴷⴻⵔⴱⵓⵣ ⴰⵢ ⵢⴻⵍⵍⴰⵏ ⵏⵏⵉⴳ ⵍⵍⵙⴰⵙ, ⵍⵇⴰⵢ 1,12 ⵎ ⵢⴻⵔⵏⴰ ⵉⴷⴻⵍ ⵙ ⵜⵎⴻⴷⵍⵉⵏ ⵣⵓⵔⴻⵏ 40 ⵏ ⵢⵉⵙⴰⵏⵜⵉⵎⵉⵜⵔⴻⵏ, ⵣⵣⵉⵏ-ⴰⵙⴻⵏⵜ-ⴷ ⵢⴻⵥⵔⴰ. ⴰⵍⵇⴰⵄ ⵏ ⵓⴷⴻⵔⴱⵓⵣ-ⵏⵏⵉ ⵢⴻⵙⵄⴰ ⴽⴰⵏ ⵜⵉⵎⴻⴷⵍⵉⵏ ⴷⴻⴳ ⵜⴻⵖⵎⴻⵔⵜ-ⵏⵏⴻⵙ ⵏ ⵓⴳⴰⴼⴰ-ⵓⵜⵔⵉⵎ. ⴰⴷⴻⵔⴱⵓⵣ-ⴰ ⴰⵏⴷⴰ ⴰⵢ ⵍⵍⴰⵏ ⵢⵉⵖⵙⴰⵏ ⵏ ⵓⴳⴻⵍⵍⵉⴷ ⴰⵏⵓⵎⵉⴷⵉ ⵎⴰⵙⴻⵏⵙⴻⵏ (ⴰⵢ ⵉⵃⴻⴽⵎⴻⵏ 60 ⵏ ⵢⵉⵙⴻⴳⴳⴰⵙⴻⵏ) ⵓⵔ ⵢⴻⵙⵄⵉ ⴰⵔⴰ ⴰⴽⴽ ⵜⴰⵡⵡⵓⵔⵜ ⵖⴻⵔ ⴱⴻⵕⵕⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵣⵡⵓⵔⴰ ⴰⵢ ⵉⵏⵓⴷⴰⵏ ⴰⵎⴽⴰⵏ-ⴰ.

ⵙ ⵡⴰⵢⴰ, ⵉⵎⵙⴻⵏⵣⵉⴽⴻⵏ ⵉⴼⵕⴻⵏⵙⵉⵙⴻⵏ ⵏ ⵜⴰⵍⵍⵉⵜ-ⵏⵏⵉ ⴷ ⵜⵓⴽⴽⵙⴰ ⴰⵢ ⴷ-ⴽⴽⵙⴻⵏ ⵉⵥⵔⴰ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⴽⴻⵛⵎⴻⵏ ⵖⴻⵔ ⴷⴰⵅⴻⵍ ⵏ ⵓⴷⴻⵔⴱⵓⵣ-ⵏⵏⵉ. ⵜⴰⵅⵅⴰⵎⵜ-ⵏⵏⵉ ⵏ ⵜⴻⵎⴹⴻⵍⵜ ⵍⵍⴰⵏ ⴷⴻⴳ-ⵙ ⵢⵉⵖⵙⴰⵏ ⴷ ⵜⴻⵛⵎⵓⵅⵉⵏ ⵓⵔ ⵢⴻⵔⵔⵉⵥⴻⵏ ⴰⵔⴰ ⴷ ⵉⵛⴻⵇⵇⵓⴼⴻⵏ ⵏ ⵜⵖⴰⵡⵙⵉⵡⵉⵏ ⵏⵉⴹⴻⵏ ⴰⵢ ⵉⴱⴻⵕⵛⴻⵏ ⵏⴻⵖ ⵔⵔⵥⴻⵏⵜ, ⴳⴰⵔ-ⴰⵙⴻⵏⵜ ⵉⵎⵔⵉⴳⴻⵏ, ⴰⵎⵙⴻⴳⴷⴰⵍ, ⴰⵇⴻⵏⴷⵓⵔ, ⵓⵣⵣⴰⵍⴻⵏ ⵏ ⵢⵉⵅⵜⵓⵛⴻⵏ ⴷ ⵢⵉⵅⵜⵓⵛⴻⵏ.

ⵙⴻⴳ ⵢⵉⴷⵉⵙ ⵏ ⵓⴼⴻⵍⵍⴰ ⵏ ⵜⴻⵎⴹⴻⵍⵜ-ⵏⵏⵉ ⵍⵍⴰⵏⵜ ⵜⴳⴻⵊⴷⴰ, ⵜⵉⵇⵓⵛⴰⵛ ⵏ ⵜⴳⴻⵊⴷⴰ ⴷ ⵜⵉⵡⵡⵓⵔⴰ ⵏ ⵜⴽⴻⵍⵍⴰⵅ, ⵢⴻⵔⵏⴰ ⴰⵏⴻⵛⵜ-ⵏⵏⵉ ⴰⴽⴽ ⵢⴻⴷⵔⴻⵎ.

ⵜⵉⵖⴰⵡⵙⵉⵡⵉⵏ-ⴰ ⵜⵜⵡⴰⵊⴻⵔⵔⴷⴻⵏⵜ ⵢⴻⵔⵏⴰ ⵔⵙⴻⵏⵜ ⴷⴻⴳ ⵓⵎⴽⴰⵏ-ⵏⵏⵉ ⵖⴻⴼ ⵍⵇⴰⵄⴰ, ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⵜⴻⵏⵜ-ⵚⴻⴳⴳⵎⴻⵏ.

ⵎⴰⵙⴻⵏⵙⴻⵏ, « ⴰⵎⴻⵇⵔⴰⵏ ⵏ ⵜⴻⵎⴷⵉⵏⵉⵏ »

ⵎⴰⵙⴻⵏⵙⴻⵏ ⵢⴻⵍⵍⴰ ⵢⴻⵥⵡⴻⵔ ⴷⴻⴳ ⵢⵉⵎⴻⵏⵖⵉ ⴰⵙⴻⵔⴷⴰⵙⵉ ⴰⵎ ⵡⴰⴽⴽⴻⵏ ⴰⵢ ⵢⴻⵥⵡⴻⵔ ⴷⴻⴳ ⵜⴷⵉⵒⵍⵓⵎⴰⵜⵉⵜ. ⵡⴰ ⴷ ⵎⴻⵎⵎⵉ-ⵙ ⵏ ⴳⴰⵢⴰ ⴰⵢ ⵢⴻⵙⵙⴰⵡⴹⴻⵏ ⴰⴷ ⵉⴱⴻⴷⴷⴻⵍ ⴰⵎⴻⵣⵔⵓⵢ ⵏ ⵙⵏⴰⵜ ⵏ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ, ⵕⵓⵎⴰ ⴷ ⵇⴻⵔⵟⴰⵊ, ⴰⵢ ⵢⴻⵍⵍⴰⵏ ⵜⵜⵏⴰⵖⴻⵏⵜ ⴰⴽⴽⴻⵏ ⴰⴷ ⵃⴻⴽⵎⴻⵏⵜ ⴰⵎⴰⴹⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⵎⴻⵣⵔⵓⵢⴻⵏ.

ⵎⴰⵙⴻⵏⵙⴻⵏ ⴷ ⴰⵎⴳⴰⵔⴰⵢ ⵢⴻⵙⵄⴰⵏ ⵜⴰⴱⵖⴻⵙⵜ, ⵢⴻⵔⵏⴰ ⵉⵄⴰⵡⴻⴷ ⵢⴻⴽⴽⴻⵙ-ⴷ ⴰⴽⴰⵍ ⵏ ⵜⴳⴻⵍⴷⴰ-ⵏⵏⴻⵙ ⵙⴻⴳ ⵢⵉⴼⴰⵙⵙⴻⵏ ⵏ ⵢⵉⵛⴻⵏⴳⴰ-ⵏⵏⴻⵙ. ⴷⴻⴳ ⵜⴰⵍⵍⵉⵜ ⵡⴻⵣⵣⵉⵍⴻⵏ, ⵢⴻⵙⵙⴰⵡⴻⴹ ⴰⴷ ⵢⴻⴹⴹⴻⴼ 70 ⵏ ⵜⴻⵎⴷⵉⵏⵉⵏ ⴷ ⵢⵉⵃⵚⵉⵏⴻⵏ, ⵢⴻⵔⵏⴰ ⵢⴻⵙⴷⵓⴽⴽⴻⵍ ⵇⵔⵉⴱ ⴰⴽⴽ ⵜⵉⵎⵉⵡⴰ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ ⵢⵉⵡⴻⵏ ⵏ ⵓⵡⴰⵏⴰⴽ ⵉⵚⴻⴳⴳⵎⴻⵏ ⵢⴻⵔⵏⴰ ⴷ ⴰⵏⴰⵢⴰⵏ.

ⵎⴰⵙⴻⵏⵙⴻⵏ ⵢⴻⵃⴽⴻⵎ ⵇⵔⵉⴱ 70 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵢⴻⵅⴷⴻⵎ ⴷⴻⴳ ⵜⴰⵍⵍⵉⵜ-ⵏⵏⵉ ⴰⴽⴽ ⴰⴽⴽⴻⵏ ⴰⴷ ⵢⴻⴳ ⵉⴼⴰⴷⴷⴻⵏ ⵉ ⵢⵉⵎⴰⵣⵉⵖⴻⵏ ⴰⴷ ⵣⴻⴷⵖⴻⵏ ⴷⴻⴳ ⵢⵉⵎⵓⴽⴰⵏ ⵉⵔⴻⴽⴷⴻⵏ ⵢⴻⵔⵏⴰ ⴰⴷ ⴳⴻⵏ ⵜⴰⴼⴻⵍⵍⴰⵃⵜ, ⴷⵖⴰ ⴷ ⴰⵢⴰ ⴰⵔⴰ ⵜⴻⵏ-ⵢⴻⵊⵊⴻⵏ ⴰⴷ ⴹⴹⴼⴻⵏ ⴷⴻⴳ ⵡⴰⴽⴰⵍ-ⵏⵙⴻⵏ. ⵎⴰⵙⴻⵏⵙⴻⵏ ⵢⴻⵙⵏⴻⵔⵏⴰ ⴰⵎⴱⴰⴷⴷⴻⵍ ⵏ ⵜⵜⵊⴰⵕⴰ ⴷ ⵡⴰⴽⴽ ⵜⵉⵎⵓⵔⴰ ⴰⵢ ⴷ-ⵉⴹⴰⵍⵍⴻⵏ ⵖⴻⴼ ⵢⵉⵍⴻⵍ ⴰⴳⵔⴰⴽⴰⵍ, ⵢⴻⵔⵏⴰ ⵜⴻⵇⵇⴻⵍ ⵏⵓⵎⵉⴷⵢⴰ ⴷ ⵜⴰⵎⵓⵔⵜ ⵉⵊⴻⵀⴷⴻⵏ ⴷⴻⴳ ⵜⵜⵊⴰⵕⴰ, ⵢⴻⵔⵏⴰ ⵜⴻⵙⵄⴰ ⵓⵍⴰ ⴷ ⵜⴰⵏⴰⵡⵜ ⵏ ⵢⵉⵖⴻⵔⵔⵓⴱⴰ ⵏ ⵟⵟⵔⴰⴷ, ⵜⴻⵜⵜⵡⴰⵇⴰⴷⴰⵔ ⵢⴻⵔⵏⴰ ⵜⴻⵜⵜⵡⴰⴳⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ ⴷⴻⴳ ⵜⴻⴼⵜⴰⵔⵉⵏ ⵏ ⵓⵎⴻⵣⵔⵓⵢ. ⵉⴷⵔⵉⵎⴻⵏ ⴰⵢ ⴷ-ⴳⴰⵏ ⵙ ⵜⵓⴳⵏⴰ ⵏ ⵎⴰⵙⴻⵏⵙⴻⵏ ⵣⴻⵔⵄⴻⵏ ⵢⴻⵔⵏⴰ ⴷⴷⴰⵏ ⴷⴻⴳ ⵡⴰⴽⴽ ⵜⵉⵎⵓⵔⴰ ⴰⵢ ⴷ-ⵢⴻⵣⵣⵉⵏ ⵉ ⵢⵉⵍⴻⵍ ⴰⴳⵔⴰⴽⴰⵍ.

ⵎⴰⵙⴻⵏⵙⴻⵏ ⵢⴻⵍⵍⴰ ⴷ ⴰⴳⴻⵍⵍⵉⴷ ⵢⴻⵇⵇⵏⴻⵏ ⵖⴻⵔ ⵜⵖⴻⵔⵎⴰ, ⵢⴻⵔⵏⴰ ⴷ ⵎⴻⵎⵎⵉ-ⵙ ⵏ ⵢⵉⵡⴻⵜ ⵏ ⵜⴻⵙⵍⴰⵍⵜ ⵢⴻⵙⵄⴰⵏ ⵛⵛⵉⵄⴰ, ⴷ ⵜⵉⵏ ⵏ ⵢⵉⴳⴻⵍⵍⵉⴷⴻⵏ ⵉⵎⴰⵙⵉⵍⵉⵢⴻⵏ. Ɣⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⵎⴻⵣⵔⵓⵢⴻⵏ, ⴰⴳⴻⵍⵍⵉⴷ-ⴰ ⵉⴳⴰ ⵉⴼⴰⴷⴷⴻⵏ ⵉ ⵓⵙⵏⴻⵔⵏⵉ ⵏ ⵜⵙⴻⴽⵍⴰ ⴷ ⵜⵥⵓⵔⵉⵢⵉⵏ, ⵢⴻⵔⵏⴰ ⵢⴻⵍⵍⴰ ⵢⴻⵙⵄⴰ ⴷⴻⴳ ⵍⴻⵇⵚⴻⵔ-ⵏⵏⴻⵙ ⵏ ⵙⵉⵔⵜⴰ ⴰⵟⴰⵙ ⵏ ⵢⵉⵎⵓⵔⴰ ⴷ ⵢⵉⵏⴰⵥⵓⵔⴻⵏ ⵉⴱⴻⵕⵕⴰⵏⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵍⵍⴰ ⵉⵃⴻⵎⵎⴻⵍ ⴰⵙⵏⵓⵍⴼⵓ ⵙⴻⴳ ⵢⴰⵍ ⵚⵚⴻⵏⴼ.

ⴰⵎⴻⵣⵔⵓⵢ ⵎⴰⵣⴰⵍ ⴷⴰⵖ ⵢⴻⵛⴼⴰ ⴷⴰⴽⴽⴻⵏ ⵎⴰⵙⴻⵏⵙⴻⵏ, ⵓⵍⴰ ⴰⵙⵎⵉ ⴰⵢ ⵢⴻⵙⵄⴰ 88 ⵏ ⵢⵉⵙⴻⴳⴳⴰⵙⴻⵏ, ⵎⴰⵣⴰⵍ-ⵉⵜ ⵢⴻⵜⵜⴹⴻⴱⴱⵉⵔ ⴷⴻⴳ ⵢⵉⵙⴻⵔⴷⴰⵙⴻⵏ-ⵏⵏⴻⵙ ⴷⴻⴳ ⵓⵏⵔⴰⵔ, ⵙ ⵜⴻⴱⵖⴻⵙⵜ ⴷ ⵜⵣⵉⵜⵍⴰ, ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵢⵉⵇⴻⵔⵟⴰⵊⵉⵢⴻⵏ.

ⴰⵙⵙ-ⴰ, ⵎⴰⵙⴻⵏⵙⴻⵏ ⵏⴻⵜⵜⵡⴰⵍⵉ-ⵜ ⴷ « ⵢⵉⵡⴻⵏ ⵙⴻⴳ ⵢⵉⴳⴻⵍⵍⵉⴷⴻⵏ ⵉⵎⴻⵇⵔⴰⵏⴻⵏ ⵏ ⵜⵎⴰⵣⵖⴰ ». ⴰⵄⴰⵡⴻⴷ ⵏ ⵍⴻⴱⵏⵉ ⵏ ⵜⴻⵎⴹⴻⵍⵜ-ⵏⵏⴻⵙ ⴷ ⵓⵙⵙⴻⴽⴼⴻⵍ ⵏ ⵡⴰⴽⴽ ⴰⵢⴻⵏ ⵢⴻⵇⵇⵏⴻⵏ ⵖⴻⵔ ⵜⴻⵍⵍⵉⵜ-ⵏⵏⴻⵙ ⵏ ⵍⴻⵃⴽⴻⵎ ⴷ ⵍⵡⴰⵊⴻⴱ ⴰⴽⴽⴻⵏ ⴰⴷ ⴰⵙ-ⵜⴻⵇⵇⴻⵍ ⵜⴻⵊⵎⵉⵍⵜ ⵢⴻⵔⵏⴰ ⴰⴷ ⴷ-ⵏⴻⵔⵔ ⴰⵃⵔⵉⵛ ⵙⴻⴳ ⵛⵛⴼⴰⵡⴰⵜ-ⵏⵏⴻⵖ ⵜⵓⵛⵔⵉⴽⵜ.