ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵓⴼⵜ ⵏ ⵎⴰⵍⵉ: ⵜⵉⵎⴻⵜⵜⵉ ⵏ ⵎⴰⵍⵉ ⵜⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⵏ ⵍⴷⵣⴰⵢⴻⵔ

ⴱⴰⵎⴰⴽⵧ – ⵜⴰⵇⴰⵄⴻⵜ ⵏ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵏ ⵎⴰⵍⵉ, ⵜⵉⵏ ⴰⵢⴷⴻⴳ ⴷⴷⵓⴽⴽⵍⴻⵏ ⵡⵉⴷ ⵉⵅⴻⴷⴷⵎⴻⵏ ⴷⴻⴳ ⴷⴷⵉⵏ, ⵜⵓⴷⴷⵙⵉⵡⵉⵏ ⵏ ⵜⵍⴰⵡⵉⵏ ⴷ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵍⴻⵎⵥⵉⵢⴻⵏ, ⵜⵡⴻⴽⴽⴻⴷ-ⴷ ⵜⵉⴽⴽⴻⵍⵜ ⵏⵉⴹⴻⵏ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⴰⵎⴻⵇⵔⴰⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⴱⴰⵎⴰⴽⵧ, ⴷⴰⴽⴽⴻⵏ ⴰⵜⵜⴰⵏ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵢ ⵢⴻⵜⵜⵡⴰⵡⴻⵎⵎⵕⴻⵏ ⴷⴻⴳ ⵓⵎⴻⵏⵣⵓ ⵏ ⵎⴻⵖⵔⴻⵙ ⵢⴻⵣⵔⵉⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵟⴰⵙ ⵏ ⵎⴻⴷⴷⴻⵏ ⴰⵢ ⵉⵃⴻⴷⵕⴻⵏ ⵖⴻⵔ ⵢⵉⴷⵉⵙ ⵏ ⵢⵉⵎⴹⴻⴱⴱⵔⴻⵏ ⵉⵙⴻⵔⵜⵉⵢⴻⵏ ⴷ ⵜⵓⴳⵏⵉⵡⵉⵏ (ⵛⵛⴻⵅⵚⴻⵢⵢⴰⵜ) ⵢⴻⵜⵜⵡⴰⵙⵙⵏⴻⵏ ⴷⴻⴳ ⵜⵎⵉⵡⴰ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⴰ ⵡⵉⴷ ⴰⴽⴽ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵓⵎⵢⴰⴳⴻⵔ-ⴰ ⵏⵏⴰⵏ-ⴷ ⴷⴰⴽⴽⴻⵏ ⴰⵜⵏⵉ ⵖⴻⵔ ⵢⵉⴷⵉⵙ ⵏ ⵓⵎⵜⴰⵡⴰ ⵏ ⵍⴷⵣⴰⵢⴻⵔ ⴰⵔⴰ ⵢⴻⵜⵜⵡⴰⵙⵜⴻⵏⵢⵉⵏ ⴷⴻⴳ 15 ⵎⴰⵢⵓ ⴷⴻⴳ ⴱⴰⵎⴰⴽⵧ. « ⵡⴰ ⴷ ⴰⵎⵜⴰⵡⴰ ⴰⵔⴰ ⵉⴹⴻⵎⵏⴻⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ [ⵍⴰⵎⴰⵏ] ⴷⴻⴳ ⵜⵎⵓⵔⵜ ⵏ ⵎⴰⵍⵉ ⵓⵔ ⵉⴱⴻⴹⴹⵓⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

« ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵎⴰⵍⵉ ⵢⴻⵍⵍⴰⵏ ⴷ ⵜⴰⵎⵓⵔⵜ ⵏ ⵜⴳⴰⴷⴷⴰ [ⴰⵄⴷⴰⵍ] ⴷ ⵜⴻⵖⴷⴻⵎⵜ ⵜⴰⵏⵎⴻⵜⵜⵉ », « ⴰⴽⴽⴻⵏ ⵎⴰ ⵏⴻⵍⵍⴰ ⵉ ⵜⵎⵓⵔⵜ ⵏ ⵎⴰⵍⵉ ⵢⴻⴷⴷⵓⴽⴽⵍⴻⵏ, ⵓⵔ ⵉⴱⴻⴹⴹⵓⵏ », « ⵜⴰⵇⴰⵄⴻⵜ ⵏ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵏ ⵎⴰⵍⵉ, ⴰⴽⴽⴻⵏ ⵎⴰ ⵏⴻⵍⵍⴰ ⵉ ⵜⵎⵓⵔⵜ ⵏ ⵎⴰⵍⵉ ⵢⴻⴷⴷⵓⴽⴽⵍⴻⵏ, ⵢⴻⴷⴷⵔⴻⵏ ⴷⴻⴳ ⵜⴰⵍⵡⵉⵜ » ⴷ ⴽⵔⴰ ⵙⴻⴳ ⵢⵉⴱⴻⵔⵔⵉⵃⴻⵏ ⴰⵢ ⴷ-ⵙⴱⴰⵏⴻⵏ ⵎⴻⴷⴷⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵢⴰⴳⴻⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

« ⴰⵇⵍ-ⴰⵖ ⴷⴰ ⴰⵙⵙ-ⴰ ⵉ ⵍⵎⴻⵏⴷ ⵏ ⵎⴰⵍⵉ, ⵎⴰⵛⵉ ⴰⴽⴽⴻⵏ ⴰⴷ ⵏⴻⴳ ⵜⴰⵙⴻⵔⵜⵉⵜ. ⵍⴻⵎⵎⴻⵔ ⴰⴷ ⴼⴻⵀⵎⴻⵏ ⵎⴻⴷⴷⴻⵏ ⴷ ⴰⵛⵓ-ⵜ ⵓⵎⵉⵀⵉ ⴰⵢⵖⴻⴼ ⵍⴰ ⵜⴻⵜⵜⴻⴽⴽ ⵜⵎⵓⵔⵜ ⵏ ⵎⴰⵍⵉ, ⴰⵙⴰⵔⵉⵔ-ⴰ (ⴰⵎⴽⴰⵏ ⴰⵢⴷⴻⴳ ⵎⵙⴻⴳⵔⴰⵡⴻⵏ) ⵓⵔ ⵉⵣⴻⵎⵎⴻⵔ ⴰⵔⴰ ⴰⴷ ⵢⴰⵡⵉ ⴰⴽⴽ ⵍⵖⴰⵛⵉ ⴰⵔⴰ ⴷ-ⵢⴰⵙⴻⵏ ⵖⴻⵔ ⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵙⴻⴳ ⵡⵉⴷ ⵓⵎⵉ ⵢⴻⵜⵜⵓⵏⴻⴼⴽ ⵡⴰⵡⴰⵍ.

ⵏⵏⵉⴳ ⵡⴰⵢⴰ, ⴰⵟⴰⵙ ⵙⴻⴳ ⵡⵉⴷ ⴰⵢ ⴷ-ⵢⴻⵙⵙⴰⵡⵍⴻⵏ ⵏⵏⴰⵏ-ⴷ ⴷⴰⴽⴽⴻⵏ ⴰⵎⵜⴰⵡⴰ ⵏ ⵍⴷⵣⴰⵢⴻⵔ ⴰⴷ ⵢⴻⵔⵥⴻⵎ ⴰⴱⵔⵉⴷ ⵉ ⵓⵏⵇⴰⵙ ⵏ ⵍⵃⵉⴼ ⵖⴻⴼ ⵢⵉⵎⴻⵣⴷⴰⵖⴻⵏ. ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵇⴱⵓⵔ, ⵎⵧⵀⴰⵎⴻⴷ ⴰⴳ ⵀⴰⵎⴰⵏⵉ, ⴷⴰⴽⴽⴻⵏ ⴰⵎⵜⴰⵡⴰ-ⴰ ⴷ ⵜⴰⴳⵏⵉⵜ ⴰⵢ ⵢⴻⵙⵙⴻⴼⴽ ⴰⴷ ⵜⵜ-ⵜⴼⴰⵕⴻⵙ ⵎⴰⵍⵉ.

ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⵖ ⴷⴰⴽⴽⴻⵏ « ⵎⴰⵍⵉ ⴷ ⵜⴰⵎⵓⵔⵜ ⵢⴻⵛⴱⴰⵏ ⵜⵉⵙⵍⵉⵜ ⵏ ⵓⵏⵥⴰⵔ. ⵓⵍⴰⵛ ⵉⵎⵓⵛⴰⵖ ⵏⴻⵖ ⵉⴱⴰⵎⴱⴰⵕⴰⵜⴻⵏ, ⵢⴻⵍⵍⴰ ⴽⴰⵏ ⵓⵖⴻⵔⵎⴰⵏ. ⵉⵎⵓⵛⴰⵖ ⵓⵔ ⵙⵄⵉⵏ ⴰⵔⴰ ⴷⴻⴳ ⵢⵉⴷⴰⵎⵎⴻⵏ-ⵏⵙⴻⵏ ⴽⴰⵕⵓⵀ ⵏ ⵜⵎⵓⵔⵜ ⵏⴻⵖ ⴽⴰⵕⵓⵀ ⵏ ⵢⵉⴱⴻⵔⴽⴰⵏⴻⵏ, ⵎⴰⵛⴰ ⴽⵔⴰ ⵏ ⵜⵎⵓⵔⴰ ⵉⵊⴻⵀⴷⴻⵏ, ⴰⵢ ⵢⴻⵙⵄⴰⵏ ⵏⵏⴼⴻⵄ ⴷⴻⴳ ⵜⴰⵎⴰ-ⴰ ⴰⵢ ⵢⴻⴱⵖⴰⵏ ⴰⴷ ⵙⵇⴻⴷⵛⴻⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵉ ⵍⴼⴰⵢⴷⴰ-ⵏⵙⴻⵏ ».

ⵎⴰ ⴷ ⵜⴰⵙⴻⵍⵡⴰⵢⵜ ⵏ ⵜⵙⴻⵎⵢⵓⴷⴷⴻⵙⵜ ⵏ ⵜⵉⴷⴷⵓⴽⵍⵉⵡⵉⵏ ⴷ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⵏ ⵜⵙⴻⴷⵏⴰⵏ ⴷⴻⴳ ⵎⴰⵍⵉ (ⵛⴰⴼⵧ), ⵎⴰⵙⵙⴰ ⵧⵓⵎⵧⵓ ⵜⵔⴰⵧⵔé, ⵜⴳⴻⵔ-ⴷ ⵜⵉⵖⵔⵉ ⵉ ⵡⵉⴷ ⵉⵃⴻⴷⵕⴻⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⵉ ⵍⵎⴻⵏⴷ ⵏ ⵜⴰⵍⵡⵉⵜ, ⵢⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ « ⵡⴰⵔ ⵜⴰⵍⵡⵉⵜ, ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵏⵏⴻⵔⵏⵉ », ⵎⴰ ⴷ ⴰⴳⴻⵏⵙⴰⵙ ⵏ ⵢⵉⵎⴰⵙⵉⵃⵉⵢⴻⵏ, ⵉⵃⴻⵜⵜⴻⵜ-ⴷ ⵖⴻⴼ « ⵙⵙⵎⴰⵃ, ⴰⵎⵙⵓⵖⴰⵍ ⴷ ⵜⴰⵍⵡⵉⵜ ».

ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉⵙⵍⴰⵎⵉ ⵏ ⵎⴰⵍⵉ, ⵍⵉⵎⴰⵎ ⵎⴰⵀⵎⵧⵓⴷ ⴷⵉⵛⴽⵧ ⵢⴻⵏⵏⴰ-ⴷ ⴷⴰⴽⴽⴻⵏ « ⵙⴻⴳ 2012 ⴰⵢ ⵍⴰ ⵜⴻⵜⵜⵄⴻⴷⴷⵉ ⵎⴰⵍⵉ ⵖⴻⴼ ⵢⵉⵡⴻⵜ ⵏ ⵜⴰⵍⵓⴼⵜ ⴷ ⵜⴰⵡⴻⵄⵕⴰⵏⵜ », ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ « ⴰⴷ ⴼⴻⵀⵎⴻⵏ ⵎⴻⴷⴷⴻⵏ ⴰⵎⵉⵀⵉ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⵜⴰⵎⵓⵔⵜ ».

ⴰⵏⴰⴱⴰⴹ ⴷ ⵢⵉⵎⵓⵙⵙⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵇⴰⵄⴻⵜ ⵏ ⵍⴷⵣⴰⵢⴻⵔ (ⴰⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ [ⴰⵢ ⵢⴻⴱⴹⴰⵏ ⵖⴻⴼ ⵓⵎⵓⵙⵙⵓ ⴰⵏⴻⵚⵍⵉ], ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⴷ ⵜⴻⵔⵏⵉⵡⵉⵏ ⵜⵉⴼⴻⵔⴼⴰⵏⵉⵏ ⵏ ⵓⵣⴱⵓ [ⵛⵎ-ⴼⵒⵔ]) ⵡⴻⵎⵎⵕⴻⵏ ⴰⵎⵜⴰⵡⴰ-ⴰ ⴷⴻⴳ ⵓⵎⴻⵏⵣⵓ ⵏ ⵎⴻⵖⵔⴻⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⴷ ⴰⵛⵓ ⴽⴰⵏ, ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ) ⴰⵢⴷⴻⴳ ⵜⵜⴻⴽⴽⴰⵏ ⵓⵎⵓⵙⵙⵓ ⴰⵖⴻⵍⵏⴰⵡ ⵏ ⵓⵙⵍⴻⵍⵍⵉ ⵏ ⵓⵣⴰⵡⴰⴷ (ⵎⵏⵍⴰ), ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵜⴷⵓⴽⵍⵉ ⵏ ⵓⵣⴰⵡⴰⴷ (ⵀⵛⵓⴰ) ⴷ ⵓⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⵎⴰⴰ) ⵜⴻⵙⵙⵓⵜⴻⵔ « ⵜⴰⵙⴳⵓⵏⴼⵓⵜ » ⴰⴽⴽⴻⵏ ⴰⴷ ⵛⵉⵡⵕⴻⵏ ⵉⵎⴻⵖⵏⴰⵙⴻⵏ-ⵏⵙⴻⵏ ⵓⵇⴱⴻⵍ ⵎⴰ ⵡⴻⵎⵎⵕⴻⵏ ⴰⵎⵜⴰⵡⴰ-ⵏⵏⵉ.