ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵍⴰⵖⵎⵓ ⵏ ⵓⵏⴰⴷⵉ ⴷ ⵓⵙⵙⵓⴽⴽⴻⵙ ⵏ ⵢⵉⵎⵚⴰⴼⵔⴻⵏ ⵎⴰ ⵢⴻⵖⵍⵉ-ⴷ ⵓⵙⴰⴼⴰⴳ

ⵡⴻⵀⵕⴰⵏ, 05 ⵎⴰⵢⵓ 2015 – ⵢⴻⵍⵍⴰ-ⴷ ⵢⵉⵡⴻⵏ ⵏ ⵓⵍⴰⵖⵎⵓ (ⴰⵃⴻⵕⵕⴻⴱ) ⵉ ⵓⵏⴰⴷⵉ ⴷ ⵓⵙⵙⵓⴽⴽⴻⵙ ⵏ ⵢⵉⵎⵚⴰⴼⵔⴻⵏ ⵎⴰ ⵢⴻⵖⵍⵉ-ⴷ ⵓⵙⴰⴼⴰⴳ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴻⵀⵕⴰⵏ, ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⴰⵍⵍⴻⵏ ⵏ ⵓⵃⵓⴷⴷⵓ ⵏ ⵢⵉⴳⴻⵏⵏⵉ ⴰⵖⴻⵍⵏⴰⵡ, ⴷ ⴰⵍⴰⵖⵎⵓ ⵓⵎⵉ ⵙⴻⵎⵎⴰⵏ « ⵙⴰⵔⴻⵅ 2015 ».

ⴰⵍⴰⵖⵎⵓ ⵏ « ⵙⴰⵔⴻⵅ 2015 » ⵢⴻⵍⵍⴰ-ⴷ ⴷⴻⴳ ⵡⴰⴽⴰⵍ ⵏ ⵜⴰⵎⴰ ⵜⴰⵙⴻⵔⴷⴰⵙⵉⵜ ⵜⵉⵙ 2, ⵢⴻⵔⵏⴰ ⵜⵜⴻⴽⴽⴰⵏⵜ ⴷⴻⴳ-ⵙ ⵜⴻⵎⵚⵓⴽⵉⵡⵉⵏ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ, ⵜⴰⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷ ⵓⵃⵓⴷⴷⵓ ⴰⵖⴰⵔⵉⵎ, ⴰⵎ ⵡⴰⴽⴽⴻⵏ ⴰⵢ ⵜⵜⴻⴽⴽⴰⵏ ⵡⵓⴷⵓⵙⴻⵏ ⵉⵖⴰⵔⵉⵎⴻⵏ ⴷ ⵢⵉⵎⴰⵏⴰⵢⴻⵏ ⵉⵙⴻⵔⴷⴰⵙⵉⵢⴻⵏ ⵏ ⵙⵒⴻⵏⵢⵓⵍ ⴷ ⵜⵓⵏⴻⵙ.

ⵢⴻⵍⵍⴰ-ⴷ ⵓⵍⴰⵖⵎⵓ-ⴰ ⴷⴻⴳ ⵓⵇⴰⵍⴻⴱ ⵏ ⵢⵉⵃⴻⵣⵣⵉⴱⴻⵏ ⵏ ⵓⵡⴻⵀⵀⵉ ⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⴻⴳⴳⴰⵙ ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵏ ⵢⵉⵖⴰⵍⵍⴻⵏ, ⴷ ⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵎ ⵓⵏⵎⴰⵣⵓⵍ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ, ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⴰⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ, ⵢⴻⵔⵏⴰ ⴰⵢⴰ ⴷ ⴰⵙⵙⴻⴼⵄⴻⵍ ⵏ ⵍⴻⵛⵖⴰⵍ ⴰⵢ ⵢⴻⵙⵙⴻⴼⵔⴰ ⴰⴷ ⵜⴻⵏ-ⵢⴻⴳ ⵓⵏⵣⴰⴹ ⵏ ⵢⵉⵖⴰⵍⵍⴻⵏ ⵏ ⵜⴻⵎⵃⴰⴷⴷⵉⵜ ⵏ ⵢⵉⴳⴻⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴽⵏⴰⵏⴻⵔ ⵙⴰⵔⵀⴰⵏ ⵧⵎⴰⵔ, ⵉⵖⴻⴼ ⵏ ⵓⵎⴻⵥⵍⵓ ⵏ ⵜⴻⵖⵡⴰⵍⵜ ⴷⴻⴳ ⵓⵏⵣⴰⴹ-ⴰ.

ⴰⵍⴰⵖⵎⵓ-ⴰ ⵏ « ⵙⴰⵔⴻⵅ 2015 » ⴳⴰⵏ-ⵜ ⴷⴻⴳ ⵄⵉⵏ ⵍⴽⴻⵕⵎⴰ, ⵙⴷⴰⵜ ⵜⴻⵥⴳⵉ ⵏ ⵙⵉⴷⵉ ⵛⵛⵉⵅ (ⴱⵓⵜⵍⵉⵍⵉⵙ), ⵢⴻⵔⵏⴰ ⵢⴻⴽⵛⴻⵎ ⴷⴻⴳ ⵓⵇⴰⵍⴻⴱ ⵏ ⵓⵎⵄⴰⵡⴻⵏ ⴰⵙⴻⵔⴷⴰⵙⵉ ⴳⴰⵔ ⵍⴷⵣⴰⵢⴻⵔ ⴷ ⵙⵒⴻⵏⵢⵓⵍ, ⵉⵎⵉ ⵓⵍⴰ ⴷ ⵉⵙⵒⴻⵏⵢⵓⵍⵉⵢⴻⵏ ⵜⵜⴻⴽⴽⴰⵏ ⵙ ⵢⵉⵡⴻⵏ ⵏ ⵓⵙⴰⴼⴰⴳ ⴷⴻⴳ ⵓⵍⴰⵖⵎⵓ ⵏ ⵓⵏⴰⴷⵉ ⴷⴻⴳ ⵍⴻⴱⵃⴻⵕ.

ⵉⵙⵡⵉ ⴰⵎⴻⵇⵔⴰⵏ ⵏ « ⵙⴰⵔⴻⵅ 2015 » ⴷ ⴰⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴳⴰⵔ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵍⴰⵖⵎⵓ-ⴰ, ⴷ ⵓⵇⴻⵢⵢⴻⵎ ⵏ ⵛⵛⵖⴻⵍ ⵏ ⵜⴻⴳⵔⴰⵡⵉⵏ ⴷ ⵢⵉⵅⴻⴷⴷⴰⵎⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵓⵏⴰⴷⵉ ⴷ ⵓⵙⵙⵓⴽⴽⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⴷⴻⴳ ⵓⵍⴰⵖⵎⵓ-ⴰ, ⵇⵇⵉⵎⴻⵏⵜ ⵜⴻⴳⵔⴰⵡⵉⵏ ⴰⵢ ⵢⴻⵔⵣⴰ ⵛⵛⵖⴻⵍ ⵓⴽⵉⵏⵜ ⵢⴻⵔⵏⴰ ⵡⴻⵊⴷⴻⵏⵜ ⴰⴽⴽⴻⵏ ⴰⴷ ⴷ-ⴳⵔⴻⵏⵜ ⵉⵎⴰⵏ-ⵏⵙⴻⵏⵜ ⴷⴻⴳ ⵜⴻⴳⵏⵉⵜ ⵏ « ⵜⵓⵄⵊⵉⵍⵜ-ⴰⵏⴰⴷⵉ-ⴰⵙⵙⵓⴽⴽⴻⵙ » ⴰⴽⴽⴻⵏ ⴰⴷ ⴷ-ⵙⵙⵓⴽⴽⵙⴻⵏⵜ ⴰⵙⴰⴼⴰⴳ ⵢⴻⵍⵍⴰⵏ ⴷⴻⴳ ⵓⵎⵉⵀⵉ ⵖⴻⴼ ⵍⴻⵃⵙⴰⴱ ⵏ ⵢⵉⵃⴻⵣⵣⵉⴱⴻⵏ ⴷ ⵜⵜⴰⵡⵉⵍⴰⵜ ⴰⵢ ⵢⴻⵍⵍⴰⵏ ⴷⴻⴳ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵏⴰⴷⵉ ⴷ ⵓⵙⵙⵓⴽⴽⴻⵙ.

ⴷⴻⴳ ⵓⵙⵉⵏⴰⵕⵢⵓ ⵏ ⵓⵍⴰⵖⵎⵓ-ⴰ, ⵢⴻⵍⵍⴰ-ⴷ ⵓⵄⵔⴰⵇ ⵏ ⵢⵉⵡⴻⵏ ⵏ ⵓⵙⴰⴼⴰⴳ ⵏ ⴰⵉⵔ ⴰⵍⴳéⵔⵉⴻ ⴰⵜⵔ 130 ⴰⵢ ⴷ-ⵢⴻⵡⵡⵉⵏ 40 ⵏ ⵢⵉⵎⵚⴰⴼⵔⴻⵏ ⵏⵏⵉⴳ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵍⵍⴰⵏ ⴷⴻⴳ-ⵙ, ⴷⵖⴰ ⴽⵔⴰ ⴽⴰⵏ ⵏ ⵜⴻⴷⵇⵉⵇⵉⵏ ⵙⴷⴻⴼⴼⵉⵔ ⵎⴰ ⵢⴻⵇⵍⴻⵄ ⵙⴻⴳ ⵓⵏⴰⴼⴰⴳ ⵏ ⵡⴻⵀⵕⴰⵏ ⴰⴽⴽⴻⵏ ⴰⴷ ⵢⴻⴷⴷⵓ ⵖⴻⵔ ⴰⴷⵔⴰⵔ, ⵢⴻⴳⵣⴻⵎ ⴰⴽⴽ ⵓⵏⴻⵔⵎⵉⵙ ⴳⴰⵔ-ⴰⵙ ⴷ ⵍⴱⵓⵕⵊ ⵏ ⵜⵄⴻⵙⵙⴰⵙⵜ ⵏ ⵢⵉⴳⴻⵏⵏⵉ.

ⵎⵉ ⴷ-ⵢⴻⵡⵡⴻⴹ ⵓⵄⴻⵢⵢⴻⵏ, ⵍⴱⵉⵔⵓ ⵏ ⵓⵙⵙⴻⵎⵢⵓⴷⴷⴻⵙ ⵏ ⵍⴻⵛⵖⴰⵍ ⵏ ⵓⵏⴰⴷⵉ ⴷ ⵓⵙⵙⵓⴽⴽⴻⵙ ⵏ ⵓⵏⵣⴰⴹ ⵏ ⵢⵉⵖⴰⵍⵍⴻⵏ ⵏ ⵜⴻⵎⵃⴰⴷⴷⵉⵜ ⵏ ⵢⵉⴳⴻⵏⵏⵉ ⵢⵓⵣⴻⵏ ⴰⵄⴻⵢⵢⴻⵏ-ⴰ ⵉ ⵢⵉⴷⵉⵙⴰⵏ ⵉⵖⴰⵔⵉⵎⴻⵏ ⴷ ⵢⵉⵙⴻⵔⴷⴰⵙⵉⵢⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ.

ⴰⵎⴽⴰⵏ ⵏ ⵓⵖⴻⵍⵍⵓⵢ ⵏ ⵓⵙⴰⴼⴰⴳ-ⵏⵏⵉ ⵏ ⵢⵉⵎⵚⴰⴼⵔⴻⵏ ⴰⴷ ⵢⵓⴼⴰ-ⵜ-ⵉⴷ ⵓⵙⴰⴼⴰⴳ ⴰⴷⵣⴰⵢⵔⵉ ⵏ ⵚⵚⴻⵏⴼ ⵏ « ⵛ 130 », ⴷⵖⴰ ⵙⴻⴳ ⵢⵉⵎⵉⵔ-ⵏⵏⵉ ⴰⵔⴰ ⵢⴻⴱⴷⴰ ⵓⵏⴰⴷⵉ ⴷ ⵓⵙⵙⵓⴽⴽⴻⵙ ⵙ ⵓⵎⵄⴰⵡⴻⵏ ⴳⴰⵔ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⴰ ⴰⴽⴽ ⵉⵎⴷⴰⵏⴻⵏ ⴷ ⵜⵜⴰⵡⵉⵍⴰⵜ ⵉⵡⴰⵜⴰⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⴰⵢⴰ.

ⴰⵡⴰⵍⵉ ⵢⵓⵎⴻⵕ, ⵙⴻⴳ ⵢⵉⴷⵉⵙ-ⵏⵏⴻⵙ, ⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⴼⵄⴻⵍ ⵓⵖⴰⵡⴰⵙ ⵏ ⵧⵔⵙⴻⵛ ⵢⴻⵔⵏⴰ ⵢⴻⴹⴼⴻⵔ ⴰⵙⵙⴻⴼⵄⴻⵍ-ⵏⵏⴻⵙ ⴷⴻⴳ ⵓⵏⵔⴰⵔ.

ⵏⵏⵉⴳ ⵏ ⵙⵉⵏ-ⵏⵏⵉ ⵏ ⵢⵉⵙⴰⴼⴰⴳⴻⵏ (ⴰⴷⵣⴰⵢⵔⵉ ⴷ ⵓⵙⵒⴻⵏⵢⵓⵍⵉ) ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵏⴰⴷⵉ ⴷ ⵓⵙⵙⵓⴽⴽⴻⵙ, ⵜⵜⴻⴽⴽⴰⵏ ⴷⴰⵖ ⵙⵉⵏ ⵏ ⵢⵉⴽⵓⴱⵟⵉⵔⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵓⵙⵙⵓⴽⴽⴻⵙ ⴷ ⵓⵙⵙⵉⵡⴻⴹ ⵏ ⵢⵉⵎⴻⵊⵔⴰⵃ ⴷ ⵢⵉⵎⴻⵜⵜⴰⵏⴻⵏ ⵖⴻⵔ ⵢⵉⵎⵓⴽⴰⵏ ⵉⵡⴰⵜⴰⵏ. ⵡⵉ ⴷ ⵉⵎⴻⵊⵔⴰⵃ ⴰⵢ ⵢⴻⵏⴹⴻⵔⵔⴻⵏ ⵏⴻⵖ ⵎⵎⵓⵜⴻⵏ ⴰⵎⴰ ⴳⴰⵔ ⵢⵉⵎⵚⴰⴼⵔⴻⵏ ⵏⴻⵖ ⵉⵅⴻⴷⴷⴰⵎⴻⵏ ⵏ ⵓⵙⴰⴼⴰⴳ, ⵖⴻⴼ ⵍⴻⵃⵙⴰⴱ ⵏ ⵓⵙⵉⵏⴰⵕⵢⵓ-ⴰ.

ⵙⴷⴻⴼⴼⵉⵔ ⵓⵙⵙⵉⵡⴻⴹ ⵏ ⵢⵉⵎⴻⵊⵔⴰⵃ ⴷ ⵢⵉⵎⴻⵜⵜⴰⵏⴻⵏ, ⵉⵎⴻⴳⴳⵉⵢⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⵄⵉⵏ ⵟⵟⴻⵔⴽ, ⵍⵄⴻⵏⵚⴻⵔ ⴷ ⴱⵓⵜⵍⵉⵍⵉⵙ, ⴳⵔⴻⵏ-ⴷ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵖⴻⵍⵇⴻⵏ ⵢⴻⵔⵏⴰ ⴰⴷ ⵄⴰⵙⵙⴻⵏ ⴰⵎⴽⴰⵏ-ⵏⵏⵉ ⵏ ⵓⵖⴻⵍⵍⵓⵢ ⵏ ⵓⵙⴰⴼⴰⴳ.

ⵡⵡⴹⴻⵏ-ⴷ ⴷⴰⵖ ⵢⵉⵎⴻⴳⴳⵉⵢⴻⵏ ⵏ ⵓⵙⵙⴻⵊⵀⴻⴷ, ⵜⵉⴳⴳⴻⵜ ⵜⴰⵜⴻⴽⵏⵉⵜ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴰⵢ ⴷ-ⵢⴻⵍⵀⴰⵏ ⴷ ⵜⵡⵓⵖⴰ ⴷ ⵜⴻⵖⵍⴰⵎⵉⵏ ⵏ ⵓⵙⵓⴷⵓ ⴰⵖⴻⵍⵏⴰⵡ ⵏ ⵜⵓⵙⵙⵏⴰ ⵏ ⵜⴻⵊⵔⵉⵎⵉⵏ ⵏ ⴱⵓⵛⴰⵡⵉ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⴰⴽⴽⴻⵏ ⴰⴷ ⵄⴻⵇⵍⴻⵏ ⵉⵎⴻⵜⵜⴰⵏⴻⵏ.

ⵜⵉⴳⴳⵜⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⵓⵙⴰⵏⵜ-ⴷ ⵙⴻⴳ ⵢⴰⵍ ⵜⴰⵎⴰ ⵏ ⵜⵡⵉⵍⴰⵢⵜ, ⵢⴻⵔⵏⴰ ⵍⵀⴰⵏⵜ-ⴷ ⴷ ⵓⵙⵙⵓⴽⴽⴻⵙ ⵏ ⵢⵉⵎⴻⵊⵔⴰⵃ ⴷ ⵡⵉⴷ ⵢⴻⵎⵎⵓⵜⴻⵏ ⵖⴻⵔ ⵢⵉⵎⵓⴽⴰⵏ ⵏ ⵓⴷⴰⵡⵉ.

ⵉⵖⴻⴼ ⵏ ⵜⵎⴰⴳⵍⴰ ⵜⴰⵙⵒⴻⵏⵢⵓⵍⵉⵜ ⴷ ⵢⵉⵖⴻⴼ ⵏ ⵓⵎⴻⵥⵍⵓ ⵏ ⵓⵏⴰⴷⵉ ⴷ ⵓⵙⵙⵓⴽⴽⴻⵙ ⵏ ⵙⵒⴻⵏⵢⵓⵍ, ⴰⴽⵏⴰⵏⴻⵔ ⵜⴰⵍⴰⵠⴻⵔⴰ ⴳⵓⵉⵍⵍⴻⵔⵎⵧ, ⵢⴻⵔⵔⴰ ⵜⴰⵊⵎⵉⵍⵜ ⵉ ⵓⵙⵡⵉⵔ ⵏ ⵓⵎⵄⴰⵡⴻⵏ ⴳⴰⵔ ⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵓⵍⴰⵖⵎⵓ-ⴰ, ⵢⴻⵔⵏⴰ ⵙⴷⴻⴼⴼⵉⵔ ⵎⴰ ⵢⴻⴹⴼⴻⵔ ⴰⴽⴽ ⵉⵙⵓⵔⵉⴼⴻⵏ-ⵏⵏⴻⵙ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵍⴰⵖⵎⵓ-ⴰ « ⵢⴻⵍⵍⴰ-ⴷ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ ⵢⴻⵔⵏⴰ ⵢⴻⵔⴱⴻⵃ ».