ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵊⴻⵕⵕⴻⴱ ⵏ ⵍⴻⵙⵍⴰⵃ ⵉⵎⵉⵖⴻⵙ ⴷⴻⴳ ⵚⵚⴻⵃⵔⴰ: « ⴷ ⵜⴰⵊⵔⵉⵎⵜ ⵎⴳⴰⵍ ⵜⴰⵍⵙⴰ » (ⴰⵙⴰⵔⴰⴳ)

ⵡⴻⵀⵕⴰⵏ, 5 ⵎⴰⵢⵓ 2015 (ⵏⵙⵍ) – ⴰⵊⴻⵕⵕⴻⴱ ⵏ ⵍⴻⵙⵍⴰⵃ ⵉⵎⵉⵖⴻⵙ ⴷⴻⴳ ⵓⵏⴻⵥⵔⵓⴼ ⴰⵎⴻⵇⵔⴰⵏ ⴷ « ⵜⴰⵊⵔⵉⵎⵜ ⵎⴳⴰⵍ ⵜⴰⵍⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴻⵀⵕⴰⵏ ⵓⴷⵓⴽⵜⵓⵔ ⵀⴰⵙⵙⴰⵏ ⴽⵀⴰⵍⴰⴼ, ⵏ ⵜⴻⵙⴷⴰⵡⵉⵜ ⵏ ⵍⵇⴰⵏⵓⵏ ⴷ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵏ ⴱⵔⵓⵅⴻⵍⵍⴻⵙ (ⴱⵉⵍⵊⵉⴽ).

« ⴰⵊⴻⵕⵕⴻⴱ ⵏ ⵍⴻⵙⵍⴰⵃ ⵉⵎⵉⵖⴻⵙ ⵏ ⴼⵕⴰⵏⵙⴰ ⴷⴻⴳ ⵓⵏⴻⵥⵔⵓⴼ ⴰⵎⴻⵇⵔⴰⵏ ⴷ ⵜⴰⵊⵔⵉⵎⵜ ⵎⴳⴰⵍ ⵜⴰⵍⵙⴰ. ⴼⵕⴰⵏⵙⴰ ⵢⴻⵙⵙⴻⴼⴽ ⴰⴷ ⴰⵙⴻⵏ-ⵜⴻⴼⴽ ⴰⵣⵔⴻⴼ-ⵏⵙⴻⵏ ⵉ ⵡⵉⴷ ⴰⵢ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵎⴻⵣⴷⴰⵖⴻⵏ ⵏ ⵜⵎⵉⵡⴰ ⴰⵢ ⵉⵃⵓⵣⴰ ⵓⵅⴻⵚⵚⴰⵔ ⵏ ⵡⴰⵢⴰ ⵢⴻⵔⵏⴰ ⵎⴰⵣⴰⵍ ⵏⴹⴻⵔⵔⴻⵏ ⴰⵔ ⴰⵙⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴷⴰⵡⴰⵏ-ⴰ ⴰⴼⴰⵍⴻⵙⵟⵉⵏⵉ ⴷⴻⴳ ⵓⵙⴰⵔⴰⴳ-ⵏⵏⴻⵙ ⴷⴻⴳ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵖⴻⴼ « ⵓⵎⵃⴰⵇ ⴷ ⵜⵙⴻⵔⵜⵉⵜ ⵜⴰⵀⴻⵔⵙⴰⵏⵜ ⵏ ⴼⵕⴰⵏⵙⴰ ⴷⴻⴳ ⵍⴷⵣⴰⵢⴻⵔ ⴷⴻⴳ 1830-1962: ⴰⵎⴻⴷⵢⴰ ⵏ ⵜⴻⵎⵙⴰⵍⵜ ⵏ ⵓⵄⴻⵜⵜⴻⴱ », ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵀⵕⴰⵏ.

ⵀⴰⵙⵙⴰⵏ ⴽⵀⴰⵍⴰⴼ ⵢⴻⵙⵙⴰⵡⴻⵍ-ⴷ ⵖⴻⴼ ⵍⴰⵜⴻⵕ ⵢⴻⵜⵜⴹⵓⵔⵔⵓⵏ ⵉⵎⴷⴰⵏⴻⵏ ⴷⴻⴳ ⵔⴻⴳⴳⴰⵏ ⴷ ⵉⵏ ⵉⴽⴽⴻⵔ, ⴷⴻⴳ ⵜⴰⵎⴰ ⵏ ⴰⴷⵔⴰⵔ, ⵢⴻⵔⵏⴰ ⵍⴰⵜⴻⵕ-ⴰ « ⵎⴰⵣⴰⵍ-ⵉⵜ ⵇⴻⵙⵙⴻⵃ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴳⴳⵔⴰ ⵉⵅⴻⵚⵚⴰⵔⴻⵏ ⴷ ⵉⵎⴻⵇⵔⴰⵏⴻⵏ ⴷⴻⴳ ⵜⵡⴻⵏⵏⴰⴹⵜ ⴷ ⵜⴷⴰⵡⵙⴰ [ⵜⴰⵣⵎⴻⵔⵜ] ⵏ ⵓⵎⴷⴰⵏ, ⵉⵎⵉ ⴰⵢ ⵍⴰ ⵜⵜⴰⴹⵏⴻⵏ ⴷⵉⵏ ⵎⴻⴷⴷⴻⵏ ⴰⴹⴹⴰⵏⴻⵏ ⵢⴻⵎⴳⴻⵔⵔⴰⴷⴻⵏ ⴰⵎ ⵓⴽⴻⵏⵙⵉⵔ ⴷ ⵓⵣⵍⴰⴳ ⵏ ⵜⴼⴻⴽⴽⴰ ».

ⴰⵎⴰⵔⵓ ⵏ ⵓⵡⴰⵏⴰⴽ ⵏ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⴻⵎⵃⴰⴷⴷⵉⵜ ⴰⵢ ⴷ-ⵢⴻⵍⵀⴰⵏ ⵙ ⵢⵉⵎⴻⵏⵖⴰⵏ ⵉⵇⴱⵓⵔⴻⵏ ⴷ ⵛⵛⴼⴰⵡⴰⵜ, ⵊⴻⴰⵏ-ⵎⴰⵔⵛ ⵜⵧⴷⴻⵙⵛⵀⵉⵏⵉ, ⵢⴻⵏⵏⴰ-ⴷ ⴷⴻⴳ ⵢⴻⴱⵔⵉⵔ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵖⴻⴼ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵉⵏⴰⴱⴰⴹⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⵎⵙⴻⴼⵀⴰⵎⴻⵏⵜ, ⵙⴻⴳ ⴷⵓⵊⴻⵎⴱⴻⵕ ⵏ 2014, ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵢⵉⵡⴻⵜ ⵏ ⵜⴻⵎⵚⵓⴽⴰ ⵜⵓⵅⵍⵉⴹⵜ ⴰⴽⴽⴻⵏ ⴰⴷ ⵅⴻⵎⵎⴻⵎⴻⵏ ⵖⴻⴼ ⵡⴰⵎⴻⴽ ⴰⵔⴰ ⵙⵙⵉⴼⴻⵙⵙⴻⵏ ⵉ ⵡⵉⴷ ⵢⴻⵏⴹⴻⵔⵔⴻⵏ ⴰⴽⴽⴻⵏ ⴰⴷ ⵙⵙⴻⵔⵙⴻⵏ ⵉⴽⴰⵔⴰⵎⴻⵏ ⵏ ⵓⵙⵙⵓⵜⴻⵔ ⵏ ⵓⵖⵔⴰⵎ ⵏ ⵢⵉⴷⵔⵉⵎⴻⵏ.

ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵜⴻⵎⵚⵓⴽⴰ-ⴰ « ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵜⵉⵍⵉ, ⵢⴻⵔⵏⴰ ⴰⴷ ⴷ-ⵜⵉⵍⵉ ⵓⵇⴱⴻⵍ ⵜⴳⴰⵔⴰ ⵏ 2015 ».