ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴽⵓⴱⵟⵉⵔⴻⵏ ⴷⴻⴳ ⵓⵙⵙⴻⵖⵙⵉ ⵏ ⵜⵎⴻⵙ ⵏ ⵜⵥⴻⴳⵡⴰ (ⵜⴰⵎⴻⵀⵍⴰ ⵏ ⵜⵥⴻⴳⵡⴰ)

ⵜⵉⵣⵉ ⵡⴻⵣⵣⵓ, 05 ⵎⴰⵢⵓ 2015 – ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵥⴻⴳⵡⴰ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⵇⵇⴻⵍ ⴰⴷ ⵜⴻⵙⵙⴻⵇⴷⴰⵛ ⵉⴽⵓⴱⵟⵉⵔⴻⵏ ⴷⴻⴳ ⵓⵙⵙⴻⵖⵙⵉ ⵏ ⵜⵎⴻⵙ ⵏ ⵜⵥⴻⴳⵡⴰ ⴷⴻⴳ ⵓⵇⴰⵍⴻⴱ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵓⵃⴻⵣⵣⴻⴱ ⴷ ⵓⵙⵙⴻⵖⵙⵉ ⵏ ⵜⵎⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵉⵣⵉ ⵡⴻⵣⵣⵓ ⵢⵉⵎⴹⴻⴱⴱⴻⵔ ⴰⵎⴻⵣⵡⴰⵔⵓ ⵏ ⵜⵎⴻⵀⵍⴰ-ⴰ, ⵎⵧⵀⴰⵎⴻⴷ ⵙⴻⴳⵀⵉⵔ ⵏⵧⵓⴰⵍ.

ⵎⴰⵙⵙ ⵏⵧⵓⴰⵍ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵢⴰⴳⴻⵔ ⴰⴳⵔⴰⴽⴰⵍ ⵡⵉⵙ 3 ⵖⴻⴼ « ⵓⵙⵙⴻⴼⵔⴻⴽ ⴰⴷⵓⵎⴰⵏ ⵏ ⵜⵥⴻⴳⵡⴰ ⵏ ⵢⵉⴳⴳⵉ ⴷ ⵜⵖⴰⵔⴰ ⵏ ⵢⵉⴼⴻⵔⴽⵉ », ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵙⴻⵇⴷⴻⵛ ⵏ ⵢⵉⴽⵓⴱⵟⵉⵔⴻⵏ ⵉ ⵓⵙⵙⴻⵖⵙⵉ ⵏ ⵜⵎⴻⵙ ⵙⴻⴳ ⵢⵉⴳⴻⵏⵏⵉ ⵢⴻⵣⵎⴻⵔ « ⴰⴷ ⴷ-ⵢⵉⵍⵉ ⴰⵙⴻⴳⴳⴰⵙ-ⴰ ⵏⴻⵖ ⵖⴻⴼ ⵣⵉⴽ ⵍⵃⴰⵍ », ⴰⴽⴽⴻⵏ ⴰⴷ ⵉⵄⴰⵡⴻⵏ ⵡⴰⵢⴰ ⵡⵉⴷ ⴰⵢ ⵢⴻⵙⵙⴻⵖⵙⴰⵢⴻⵏ ⵜⵉⵎⴻⵙ ⴷⴻⴳ ⵡⴰⴽⴰⵍ, ⵢⴻⵔⵏⴰ ⵉⴽⵓⴱⵟⵉⵔⴻⵏ-ⴰ ⴰⴷ ⵙⵙⴰⵡⴰⴹⴻⵏ ⴰⵎⴰ ⴷ ⵉⵅⴻⴷⴷⴰⵎⴻⵏ, ⴰⵎⴰ ⴷ ⴰⵎⴰⵏ ⵉ ⵍⵎⴻⵏⴷ ⵏ ⵓⵙⵙⴻⵖⵙⵉ ⵏ ⵜⵎⴻⵙ ⴷⴻⴳ ⵢⵉⵎⵓⴽⴰⵏ ⴰⵢⴷⴻⴳ ⴰⵔⴰ ⴷ-ⵜⴻⴱⴷⵓ.

ⵉ ⵍⵎⴻⵏⴷ ⵏ ⵡⴰⵢⴰ, ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵃⵓⴷⴷⵓ ⴰⵖⴰⵔⵉⵎ ⵜⵓⵖ-ⴷ ⵢⴰⴳⵉ ⵉⴽⵓⴱⵟⵉⵔⴻⵏ, ⴳⴰⵔ-ⴰⵙⴻⵏ ⵙⵉⵏ ⵏⴻⵖ ⴽⵔⴰⴹ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵓⵙⵙⴻⵖⵙⵉ ⵏ ⵜⵎⴻⵙ ⵏ ⵜⵥⴻⴳⵡⴰ, ⵢⴻⵔⵏⴰ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ ⵜⵎⴻⵀⵍⴰ-ⴰ ⴰⵙⵙⵉⵍⴻⵖ ⵉ ⵢⵉⵏⴻⵀⵀⴰⵕⴻⵏ (ⴳⴰⵔ-ⴰⵙⴻⵏ ⵓⵍⴰ ⴷ ⵜⵉⵍⴰⵡⵉⵏ) ⴰⴽⴽⴻⵏ ⴰⴷ ⵜⵜⴻⴷⴷⵓⵏ ⴰⴷ ⵙⵙⴻⵖⵙⵉⵏ ⵜⵉⵎⴻⵙ ⴷⴻⴳ ⵢⵉⵎⵓⴽⴰⵏ ⵓⴱⵄⵉⴷⴻⵏ ⵏⴻⵖ ⵡⵓⵖⵓⵔ ⵢⴻⵡⵄⴻⵕ ⴰⴷ ⴰⵡⴹⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵙⵙⴰⵡⴰⴹⴻⵏ ⵉⵅⴻⴷⴷⴰⵎⴻⵏ ⵖⴻⵔ ⵓⵎⴽⴰⵏ ⵏ ⵜⵎⴻⵙ, ⴰⴷ ⵙⵙⴰⵡⴰⴹⴻⵏ ⵉⵎⴻⵊⵔⴰⵃ ⵖⴻⵔ ⵢⵉⵎⵓⴽⴰⵏ ⵏ ⵓⴷⴰⵡⵉ ⵏⴻⵖ ⴰⴷ ⴷ-ⵙⵙⵓⴽⴽⵓⵙⴻⵏ ⵎⴻⴷⴷⴻⵏ ⵙⴻⴳ ⵢⵉⵎⵓⴽⴰⵏ ⵉⵎⵉⵀⴰⵡⴻⵏ.

ⵉⴽⵓⴱⵟⵉⵔⴻⵏ-ⴰ ⴰⴷ ⵄⴰⵡⵏⴻⵏ ⵜⵜⴰⵡⵉⵍⴰⵜ ⴰⵢ ⵜⴻⵙⵄⴰ ⵢⴰⴳⵉ ⵜⵎⵓⵔⵜ ⵉ ⵓⵙⵙⴻⵖⵙⵉ ⵏ ⵜⵎⴻⵙ ⴷⴻⴳ ⵍⵇⴰⵄⴰ, ⴷ ⵡⵉⴷ ⴰⵢⴷⴻⴳ ⵍⵍⴰⵏⵜ 500 ⵏ ⵜⴻⴳⵔⴰⵡⵉⵏ ⵏ ⵜⴳⴻⵔⵎⴰⵏⵜ ⵜⵓⵄⵊⵉⵍⵜ ⴷ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴻⵣⴷⴰⵖⴻⵏ ⵉⵅⴻⴷⴷⵎⴻⵏ ⵖⴻⴼ ⵓⵃⴻⵣⵣⴻⴱ ⵖⴻⴼ ⵜⵎⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵏⵧⵓⴰⵍ.

ⴰⵙⵙⴻⵇⴷⴻⵛ ⵏ ⵢⵉⵙⴰⴼⴰⴳⴻⵏ ⵏ ⵓⵙⵙⴻⵖⵙⵉ ⵏ ⵜⵎⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵢⴻⵜⵜⵡⴰⴱⵟⴻⵍ ⵉⵎⵉ ⵉⵙⴰⴼⴰⴳⴻⵏ-ⴰ ⵃⵡⴰⵊⴻⵏ ⴰⴷ ⴷ-ⵄⴻⵎⵎⵕⴻⵏ ⴰⵎⴰⵏ ⵙⴻⴳ ⵢⵉⵎⵓⴽⴰⵏ ⵉⵡⴻⵙⵄⴰⵏⴻⵏ ⴰⵢⴷⴻⴳ ⵍⵍⴰⵏ ⵡⴰⵎⴰⵏ. « ⵎⴰ ⵢⴻⵍⵍⴰ ⵜⴰⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⵜⴻⵙⵄⴰ ⵓⴳⴳⵓⴳ ⵏ ⵜⴻⵇⵚⴻⴱⵜ ⴰⵢⵙⴻⴳ ⵣⴻⵎⵔⴻⵏ ⵢⵉⵙⴰⴼⴰⴳⴻⵏ-ⴰ ⴰⴷ ⴷ-ⵄⴻⵎⵎⵕⴻⵏ ⴰⵎⴰⵏ, ⵜⵉⵡⵉⵍⴰⵢⵉⵏ ⵏⵉⴹⴻⵏ ⵓⵔ ⵙⵄⵉⵏⵜ ⴰⵔⴰ ⴰⵎⴽⴰⵏ ⴰⵎ ⵡⴰ, ⵖⴻⴼ ⵡⴰⵢⴰ, ⴰⴷ ⵜⵜⵡⴰⵙⵇⴻⴷⵛⴻⵏ ⵢⵉⴽⵓⴱⵟⵉⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵄⴻⵎⵎⵕⴻⵏ 600 ⵏ ⵍⵍⵉⵜⵔⴰⵜ ⵏ ⵡⴰⵎⴰⵏ », ⴰⵢ ⴷ-ⵢⴻⵏⵏⴰ ⴷⴻⴳ ⵜⴳⴰⵔⴰ ⵏ ⵡⴰⵡⴰⵍ-ⵏⵏⴻⵙ.