ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ: « ⵊⵊⵉⵖ ⵜⵉⴽⴻⴱⴱⴰⵏⵉⵢⵉⵏ ⵜⵜⴻⴷⴷⵓⵏⵜ ⵎⵍⵉⵃ ⵢⴻⵔⵏⴰ ⵓⵔ ⴼⵍⵉⵙⴻⵏⵜ ⴰⵔⴰ ⵓⵇⴱⴻⵍ ⵎⴰ ⴼⴼⵖⴻⵖ ⵙⴻⴳ ⵍⴷⵣⴰⵢⴻⵔ »

ⵍⴻⴱⵍⵉⴷⴰ, 6 ⵎⴰⵢⵓ 2015 (ⵏⵙⵍ) – ⴰⵎⴻⵜⵜⵀⵓⵎ ⴰⵎⴻⵇⵔⴰⵏ ⴰⴽⴽ ⴷⴻⴳ ⵜⴻⵎⵙⴰⵍⵜ ⵏ ⵓⵙⴻⵏⴷⵓⵇ ⴰⴳⴻⵊⴷⴰⵏ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⴰⴱⴷⴻⵍⵎⵧⵓⵎⴻⵏⴻ ⴽⵀⴰⵍⵉⴼⴰ, ⵢⴻⵏⵏⴰ-ⴷ ⴷⴻⴳ ⵓⴱⵃⴰⵜ-ⵏⵏⴻⵙ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ ⴷⴰⴽⴽⴻⵏ ⵢⴻⵊⵊⴰ-ⴷ ⵜⵉⴽⴻⴱⴱⴰⵏⵉⵢⵉⵏ « ⵜⵜⴻⴷⴷⵓⵏⵜ ⵎⵍⵉⵃ ⵢⴻⵔⵏⴰ ⵓⵔ ⴼⵍⵉⵙⴻⵏⵜ ⴰⵔⴰ » ⵓⵇⴱⴻⵍ ⵎⴰ ⵢⴻⴼⴼⴻⵖ ⵙⴻⴳ ⵍⴷⵣⴰⵢⴻⵔ ⴷⴻⴳ 2003.

ⵢⴻⵏⵏⴰ-ⴷ ⴷⴰⴽⴽⴻⵏ ⵉⵃⵓⵍⴼⴰ « ⵢⴻⵍⵍⴰ-ⴷ ⵓⵖⴰⵡⴰⵙ ⴰⴽⴽⴻⵏ ⴰⴷ ⴰⵙ-ⵖⴻⵍⵇⴻⵏ ⵜⴰⴱⴰⵏⴽⴰ ⴷ ⵜⴽⴻⴱⴱⴰⵏⵉⵢⵉⵏ-ⵏⴻⵏⵙ » ⵙⴻⴳ ⵛⵜⴻⵎⴱⴻⵕ 2002, ⴰⵙⴻⴳⴳⴰⵙ ⴰⵏⴷⴰ ⴰⵢ ⵢⴻⵄⵣⴻⵎ « ⴰⴷ ⵢⴻⴼⴼⴻⵖ ⵙⴻⴳ ⵜⵎⵓⵔⵜ ⴰⴽⴽⴻⵏ ⵓⵔ ⴷ-ⵉⵡⴻⵃⵃⴻⵍ ⴰⵔⴰ ⴷⴻⴳ ⵜⴻⴳⵏⵉⵜ ⵢⴻⵔⵡⵉⵏ, ⵉⵎⵉ ⴰⵢ ⵢⴻⵙⵙⴻⵅⴷⴻⵎ ⵓⴳⴰⵔ ⵏ 22.000 ⵏ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵍⵍⴰⵏ ⵜⵜⴻⴷⴷⵓⵏ ⴰⴷ ⴷ-ⴰⴼⴻⵏ ⵉⵎⴰⵏ-ⵏⵙⴻⵏ ⵡⴰⵔ ⴰⵅⴻⴷⴷⵉⵎ ».

ⵜⴰⴽⴻⴱⴱⴰⵏⵉⵜ ⵏ ⵡⴰⴼⴼⵓⴳ ⵏ « ⴽⵀⴰⵍⵉⴼⴰ ⴰⵉⵔⵡⴰⵢⵙ » ⵜⴻⵍⵍⴰ ⵜⴻⵙⵄⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴽⵀⴻⵍⵉⴼⴰ, 4 ⵏ ⵢⵉⵙⴰⴼⴰⴳⴻⵏ ⴰⵢ ⵢⴻⵍⵍⴰⵏ ⵙⵙⴻⴽⵛⴰⵎⴻⵏ-ⴷ « ⵉⴷⵔⵉⵎⴻⵏ ⴷ ⵉⵎⴻⵇⵔⴰⵏⴻⵏ ». ⵜⴰⴽⴻⴱⴱⴰⵏⵉⵜ-ⴰ ⵜⴻⵍⵍⴰ ⵜⴻⵙⵄⴰ 93 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵍⴷⵣⴰⵢⴻⵔ ⴻⴷ 10 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⵣⵖⴰⵔ. ⵓⵍⴰ ⴷ ⵜⴰⴱⴰⵏⴽⴰ-ⵏⵏⵉ ⵜⴻⵍⵍⴰ « ⵜⴻⵜⵜⴻⴷⴷⵓ ⵎⵍⵉⵃ » ⵢⴻⵔⵏⴰ ⵜⴻⵊⵊⴰ-ⴷ 97 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⴷⵖⴰ ⵏⴻⵜⵜⴰ ⵢⴻⵜⵜⵡⴰⵍⵉ ⴷⴰⴽⴽⴻⵏ ⴰⵅⴻⴱⴱⴻⵔ ⵙ ⵓⴼⵍⴰⵙ ⵏ ⵜⴽⴻⴱⴱⴰⵏⵉⵜ-ⴰ ⴷ « ⵜⵓⴽⴻⵔⴹⴰ ⵢⴻⵜⵜⵡⴰⵙⵙⵓⴷⴷⵙⴻⵏ ⵏ ⵢⴻⴷⵔⵉⵎⴻⵏ ⵏ ⵜⴱⴰⵏⴽⴰ-ⴰ ».

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⵓⵔ ⵢⴻⴼⵀⵉⵎ ⴰⵔⴰ ⵕⵕⴰⵢ ⵏ ⵜⴱⴰⵏⴽⴰ ⵜⴰⵍⴻⵎⵎⴰⵙⵜ ⴰⵢ ⵢⴻⵙⴱⴻⵟⵍⴻⵏ ⵜⵜⴻⵙⵔⵉⵃ ⵏ ⵜⵜⵊⴰⵕⴰ ⵜⴰⴱⴻⵕⵕⴰⵏⵉⵜ ⵏ ⵜⴱⴰⵏⴽⴰ [ⵏ ⴽⵀⴰⵍⵉⴼⴰ], ⵢⴻⵔⵏⴰ ⵢⵓⵔⴰ ⵓⵍⴰ ⴷ ⵜⴰⴱⵕⴰⵜ ⵉ ⵓⵖⵍⵉⴼ ⵏ ⵜⴻⴷⵔⵉⵎⵜ ⵖⴻⴼ ⵡⴰⵢⴰ, ⵎⴰⵛⴰ ⵓⵔ ⴰⵙ-ⴷ-ⵜⴻⵜⵜⵓⵏⴻⴼⴽ ⴰⵔⴰ ⵜⵔⵉⵔⵉⵜ ».

ⴰⵕⴰⴱⵓⵍ ⴰⵏⴻⴳⴳⴰⵔⵓ ⵏ ⵜⵙⴻⵇⵇⴰⵎⵓⵜ ⵜⴰⴱⴰⵏⴽⴰⵏⵜ ⵓⵔ ⴷ-ⵢⵓⴼⵉ ⴰⵔⴰ ⴽⵔⴰ ⵏ ⴷⵉⵔⵉ ⵢⴻⵔⵏⴰ « ⵓⵔ ⴷ-ⵢⴻⴱⴷⵉⵔ ⴰⵔⴰ ⵜⵓⴼⴼⵖⴰ ⵉ ⵍⵇⴰⵏⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. « ⵍⵍⴰⵏⵜ ⵜⵖⴰⵡⵙⵉⵡⵉⵏ ⵓⵔ ⵣⵎⵉⵔⴻⵖ ⴰⵔⴰ ⴰⴷ ⵜⴻⵏⵜ-ⵉⴷ-ⵉⵏⵉⵖ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵔⵏⴰ ⵢⴻⵙⵙⴻⵎⵄⴻⵏ-ⴷ ⵙ ⵡⴰⵢⴰ ⴰⵚⴻⴼⴼⵉ ⵏ ⵍⴻⵃⵙⴰⴱⴰⵜ. ⴽⵀⴻⵍⵉⴼⴰ ⵢⴻⵜⵜⵀⴻⵎ « ⵉⴼⵕⴻⵏⵙⵉⵙⴻⵏ » ⴷⴻⴳ ⵜⴻⵎⵙⴰⵍⵜ-ⴰ, ⵉⵎⵉ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴷ ⴼⵕⴰⵏⵙⴰ ⴰⵢ ⵢⴻⵍⵍⴰⵏ ⵜⴻⴱⵖⴰ ⴰⴷ ⵜⴻⵙⵙⵉⵡⴻⴹ ⵜⴰⴱⴰⵏⴽⴰ ⵜⴰⴷⵣⴰⵢⵔⵉⵜ ⵖⴻⵔ ⵓⴼⵍⴰⵙ ⴰⴽⴽⴻⵏ ⴰⴷ ⵜⴻⵔⵥⴻⵎ ⵜⵉⴱⴰⵏⴽⵉⵡⵉⵏ ⵜⵉⴼⵕⴻⵏⵙⵉⵙⵉⵏ ⴷⴻⴳ ⵍⴷⵣⴰⵢⴻⵔ.

ⴽⵀⴻⵍⵉⴼⴰ ⵢⴻⵏⴽⴻⵕ ⴷⴰⴽⴽⴻⵏ ⵢⴻⵔⴹⴻⵍ ⵉⴷⵔⵉⵎⴻⵏ ⵉ ⵎⴻⴷⴷⴻⵏ ⵙ « ⵢⵉⵛⵛⴻⵔ ⴽⴰⵏ ⵏ ⵍⴽⴰⵖⴻⴹ » ⵏⴻⵖ ⵙ ⵓⵙⴰⵡⴰⵍ ⵡⴰⵔ ⵎⴰ ⵜⵜⵡⴰⵅⴻⴷⵎⴻⵏ-ⴷ ⵍⴻⴽⵡⴰⵖⴻⴹ ⵉⴷⴻⴱⵍⴰⵏⴻⵏ ⵉⵡⴰⵜⴰⵏ, ⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵕⵕⴰⵢ ⵏ ⵓⵡⴻⵅⵅⴻⵔ. ⴷⵖⴰ ⴷ ⵍⵇⴰⴹⵉ ⴰⵢ ⴰⵙ-ⴷ-ⵢⴻⵖⵔⴰⵏ ⵉ ⴽⵀⴻⵍⵉⴼⴰ ⴽⵔⴰ ⵙⴻⴳ ⵢⵉⵃⵔⵉⵛⴻⵏ ⵏ ⵕⵕⴰⵢ-ⴰ ⵏ ⵓⵡⴻⵅⵅⴻⵔ, ⵢⴻⵔⵏⴰ ⵢⴻⵙⵙⵓⵜⴻⵔ-ⴰⵙ-ⴷ ⴰⴷ ⴷ-ⵢⴻⵙⵙⴻⴼⵀⴻⵎ ⴷ ⴰⵛⵓ ⴰⵢ ⴷ-ⵢⴻⴷⴷⴰⵏ ⴷⴻⴳ-ⵙ.

Ɣⴻⴼ ⵍⴻⵃⵙⴰⴱ ⵏ ⴽⵀⴻⵍⵉⴼⴰ, ⴰⵙⵙⵓⴼⴼⴻⵖ ⵏ ⵢⵉⴷⵔⵉⵎⴻⵏ ⵙⴻⴳ ⵢⵉⵙⴻⵏⴷⵢⴰⵇ ⵉⴳⴻⵊⴷⴰⵏⴻⵏ ⵏ ⵜⴱⴰⵏⴽⴰ ⵙⴻⴳ ⵜⵏⴻⴳⴳⵉⵡⵉⵏⵏ ⵜⴱⴰⵏⴽⴰ-ⴰ ⵏ ⵃⵓⵙⵉⵏ ⴷⴰⵢ, ⵍⵃⴻⵕⵕⴰⵛ ⴻⴷ ⵡⴻⵀⵕⴰⵏ « ⵙ ⵜⵓⴼⴼⵔⴰ ⵢⴻⵔⵏⴰ ⴷⴻⴳ ⵢⵉⵛⴻⴽⴽⴰⵕⴻⵏ ⵉⴱⴻⵔⴽⴰⵏⴻⵏ » ⴷ ⵜⴰⵖⴰⵡⵙⴰ « ⵎⴰⵛⵉ ⴷ ⵚⵚⵡⴰⴱ ⵢⴻⵔⵏⴰ ⴷ ⵜⴰⵣⵓⵍⴰⵍⵜ », ⵉⵎⵉ ⴰⵢⴰ « ⴷ ⴰⵡⴻⵣⵖⵉ ⵙⴻⴳ ⵢⵉⴷⵉⵙ ⴰⵜⴻⴽⵏⵉ ».

Ɣⴻⴼ ⵍⴻⵃⵙⴰⴱ ⵏ ⵓⵎⴻⵜⵜⵀⵓⵎ, ⵉⵏⴻⵎⵀⴰⵍⴻⵏ ⵏ ⵜⵏⴻⴳⴳⵉⵡⵉⵏ ⵏ ⵜⴱⴰⵏⴽⴰ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⵙⵓⴼⴻⵍⵍⴰ-ⴰ ⵛⴻⵀⴷⴻⵏ-ⴷ « ⵛⵛⵀⴰⴷⴰ ⵏ ⵜⴽⴻⵍⵍⴰⵅ ⵏⴻⵖ ⵓⵔ ⵜⴻⵜⵜⵡⴰⴼⵀⴻⵎ ⴰⵔⴰ ⵛⵛⵀⴰⴷⴰ-ⵏⵙⴻⵏ, ⴰⵛⴽⵓ ⵛⵛⵖⴻⵍ ⵏ ⵓⵏⴻⵎⵀⴰⵍ ⵏ ⵜⵏⴻⴳⴳⴰ ⴷ ⵛⵛⵖⴻⵍ ⴰⴷⴻⴱⵍⴰⵏ, ⴷⵖⴰ ⵙ ⵡⴰⵢⴰ, ⵓⵔ ⵢⴻⵙⵄⵉ ⴰⵔⴰ ⴰⵣⵔⴻⴼ ⴰⴷ ⵢⴻⵏⵏⴰⵍ ⵙⵔⵉⴷ ⵉⴷⵔⵉⵎⴻⵏ ».

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⴱⴷⴻⵔ-ⴷ ⵢⵉⵡⴻⵜ ⵏ ⴷⴷⵉⵄⴰⵢⴰ ⴰⵢ ⴷ-ⵢⴻⴼⴼⵖⴻⵏ ⴼⴻⵍⵍ-ⴰⵙ ⴷⴰⴽⴽⴻⵏ ⵢⵓⵣⴻⵏ ⵉⴷⵔⵉⵎⴻⵏ ⵙⴻⴳ ⵜⵏⴻⴳⴳⴰ ⵏ ⵜⴻⵇⵍⵉⵄⵜ ⵖⴻⵔ ⵜⴱⴰⵏⴽⴰ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵏ-ⵢⴻⵙⵙⴻⵔⵙ ⴷⴻⴳ ⵓⵎⵉⴹⴰⵏ ⵏ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⵏ ⵢⵉⵎⵉⵔ-ⴰ, ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ.

Ɣⴻⴼ ⵍⴻⵃⵙⴰⴱ ⵏ ⵓⵎⴻⵜⵜⵀⵓⵎ-ⴰ, ⵜⵉⴱⵕⴰⵜⵉⵏ ⴰⵢ ⵎⴱⴰⴷⴷⴰⵍⴻⵏⵜ ⴽⵔⴰ ⵏ ⵜⵏⴻⴳⴳⵉⵡⵉⵏ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴷ ⵓⵙⴻⵏⴷⵓⵇ ⴰⴳⴻⵊⴷⴰⵏ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⴷ-ⵔⵔⴻⵏ ⴰⵢⴻⵏ ⵉⵅⵓⵚⵚⴻⵏ ⴷ ⵉⴷⵔⵉⵎⴻⵏ « ⵎⴳⴻⵔⵔⴰⴷⴻⵏⵜ ». ⴷⵖⴰ ⵢⴻⵔⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵓⵔ ⵢⴻⵥⵔⵉ ⴰⵛⴻⵎⵎⴰ ⵖⴻⴼ ⵡⴰⵏⴻⵛⵜ-ⴰ ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⴻⵏⴷⵓⵇ ⴰⴳⴻⵊⴷⴰⵏ ⵏ ⴽⵀⴰⵍⵉⴼⴰ ⴱⴰⵏⴽ « ⵓⵔ ⴷ-ⵢⴻⵍⵍⵉ ⴰⵔⴰ ⴷⴻⴳ-ⵙ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵡⴻⵜ-ⴷ ⴷⴻⴳ ⵏⴰⴷⵊⵉⴰ ⴰⵉⵡⴰⵣ ⴰⵢ ⴷ-ⵉⵛⴻⵀⴷⴻⵏ, ⴷⴻⴳ ⵓⵃⵜⴰⵛ ⴷ ⵛⵛⵕⴻⵄ ⴰⵢ ⴷ-ⵢⴻⵍⵍⴰⵏ ⴷⴻⴳ 2007 ⴷⴰⴽⴽⴻⵏ ⴷ ⵏⴻⵜⵜⴰⵜ ⴰⵢ ⵢⴻⵍⵍⴰⵏ ⴷ ⵜⴰⵎⴰⵔⵓⵜ-ⵏⵏⴻⵙ ⵜⵓⴷⵎⴰⵡⴰⵏⵜ. ⴰⵎⴻⵜⵜⵀⵓⵎ ⵢⴻⵏⴽⴻⵕ ⴷⴰⴽⴽⴻⵏ ⴷ ⵏⴻⵜⵜⴰⵜ ⴰⵢ ⵢⴻⴹⴹⴼⴻⵏ ⴰⵎⴽⴰⵏ-ⵏⵏⵉ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵏⴻⵜⵜⴰⵜ ⵜⴻⵏⵏⴰ-ⴷ ⴰⵢⴰ ⴰⴽⴽⴻⵏ ⴽⴰⵏ « ⴰⴷ ⵜⴻⴼⴽ ⵛⵛⵉⵄⴰ ⵉ ⵢⵉⵎⴰⵏ-ⵏⵏⴻⵙ ».

ⵢⴻⵏⵏⴰ-ⴷ ⴷⴰⵖ ⵓⵎⴻⵜⵜⵀⵓⵎ ⴷⴰⴽⴽⴻⵏ ⵉⴷⵔⵉⵎⴻⵏ ⴰⵢ ⵢⴻⵜⵜⵡⴰⵔⴻⴹⵍⴻⵏ ⵉ ⵢⵉⵅⴻⴷⴷⴰⵎⴻⵏ ⵏ ⵜⴽⴻⴱⴱⴰⵏⵉⵜ-ⵏⵏⴻⵙ ⵍⵍⴰⵏ-ⴷ ⴷ ⴰⵄⴰⵡⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⴼⴽⴰ ⵉⴷⵔⵉⵎⴻⵏ ⵉ ⵜⴻⵖⵍⴰⵎⵉⵏ ⵜⵉⵏⴰⴷⴷⴰⵍⵉⵏ ⵙ ⵜⵉⵏ ⵏ « ⵓⵃⴻⵎⵎⴻⵍ ⵏ ⵜⵎⵓⵔⵜ ». ⴽⵀⴻⵍⵉⴼⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵢⴻⵙⵄⴻⴷⴷⴰ ⵜⵉⵙⵡⵉⵄⵉⵏ ⵉⵡⴻⵄⵕⴻⵏ ⵎⵉ ⵢⴻⵍⵍⴰ ⴷⴻⴳ ⵍⴰⵏⴳⵍⵉⵣ ⵓⵇⴱⴻⵍ ⵎⴰ ⵢⴻⵜⵜⵡⴰⴹⴹⴻⴼ, ⵢⴻⵔⵏⴰ ⵢⴻⵍⵍⴰ ⵢⴻⴷⴷⴻⵔ ⵙ ⵓⵄⴰⵡⴻⵏ ⵏ ⵡⵉⵢⴰⴹ.

ⴽⵀⴰⵍⵉⴼⴰ ⴱⴰⵏⴽ ⵜⴻⵏⵏⵓⵍⴼⴰ-ⴷ ⴷⴻⴳ 1998, ⵢⴻⵔⵏⴰ ⴷ ⴰⵍⵉ ⴽⴰⵛⵉ ⴰⵢ ⵢⴻⵍⵍⴰⵏ ⵢⴻⵙⵙⴻⴷⴷⴰⵢ-ⵉⵜⵜ ⴷⴻⴳ ⵜⴰⵣⵡⴰⵔⴰ, ⵙⴰⴽⴽⵉⵏ ⴰⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴱⴰⵏⴽⴰ-ⴰ ⵉⵙⴻⵎⵎⴰ-ⴷ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⴷ ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴱⴰⵏⴽⴰ ⵢⴻⵔⵏⴰ ⵢⴻⵙⵙⴻⴷⴷⴰ-ⵜⵜ ⵙⴻⴳ 1999 ⴰⵔⵎⵉ ⴷ 2003. ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵍⴰ ⵢⴻⵜⵜⵄⴻⴷⴷⵉ ⴷⴻⴳ ⵛⵛⵕⴻⵄ ⵖⴻⴼ ⵜⴻⵎⵙⴰⵍⵜ ⵏ ⵓⵙⴻⵏⴷⵓⵇ ⴰⴳⴻⵊⴷⴰⵏ ⵏ ⴽⵀⴰⵍⵉⴼⴰ ⴱⴰⵏⴽ ⵢⴻⵔⵏⴰ ⵢⴻⵜⵜⵡⴰⵜⵜⵀⴻⵎ ⵙ « ⵓⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵉ ⵓⵙⵙⴻⴼⵙⴻⴷ, ⵜⵓⴽⴻⵔⴹⴰ, ⵓⵛⵛⵉ ⵏ ⵢⵉⴷⵔⵉⵎⴻⵏ ⵏ ⵡⵉⵢⴰⴹ, ⴰⴽⴻⵍⵍⴻⵅ, ⴰⵀⴻⵢⵢⵉ ⴷ ⵓⵙⵙⴻⵇⴷⴻⵛ ⵏ ⵍⴻⴽⵡⴰⵖⴻⴹ ⵏ ⵍⵇⴰⵏⵓⵏ ⴷ ⵜⴱⴰⵏⴽⴰ ⵏ ⵜⴽⴻⵍⵍⴰⵅ, ⴰⴼⵍⴰⵙ ⵏ ⵜⴽⴻⵍⵍⴰⵅ, ⵜⵓⴽⵛⵉ ⵏ ⵜⵊⵓⵄⴰⵍ ⴷ ⵓⵙⵙⴻⵇⴷⴻⵛ ⵏ ⵜⵎⵓⵙⵙⵏⵉ ⵉ ⵓⵙⵙⴻⴼⵙⴻⴷ.