ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵏ ⵓⴳⵔⴰⴽⴰⵍ-2021: ⵉⵎⵓⴽⴰⵏ ⴰⴷ ⴷ-ⵡⴻⵊⴷⴻⵏ ⴷⴻⴳ ⵍⴰⵡⴰⵏ (ⴰⵙⴻⵇⵇⴰⵎⵓ ⵓⵍⵉⵎⵒⵉ ⴰⴷⵣⴰⵢⵔⵉ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴷ ⵡⴻⵀⵕⴰⵏ ⴰⵢ ⴷ-ⵢⴻⵙⵙⴻⵔⵙⴻⵏ ⵉⵎⴰⵏ-ⵏⵏⴻⵙ ⴷ ⵜⴰⵎⴰⵣⵡⴰⵔⵜ ⵉ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ 2021, ⵢⴻⵔⵏⴰ ⵉⵎⵓⴽⴰⵏ ⴰⵢⴷⴻⴳ ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⴷ-ⵉⵍⵉⵏ ⵡⵓⵔⴰⵔⴻⵏ-ⴰ ⴰⴷ ⴷ-ⵡⴻⵊⴷⴻⵏ ⴷⴻⴳ ⵡⴰⴽⵓⴷ, ⵖⴻⴼ ⵍⴻⵃⵙⴰⴱ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ.

ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴷⴻⴳ ⵡⴻⵀⵕⴰⵏ, ⴷⴻⴳ ⵓⵇⴰⵍⴻⴱ ⵏ ⵓⴹⴼⴰⵔ ⵏ ⵓⴽⴰⵔⴰⵎ ⵏ ⵜⵉⵎⵎⴰⵣⵡⴻⵔⵜ ⵏ ⵡⴻⵀⵕⴰⵏ ⵉ ⵍⵎⴻⵏⴷ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ 2021, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴰⴷⵣⴰⵢⵔⵉ ⵎⵓⵙⵜⴰⵒⵀⴰ ⴱⴻⵔⵔⴰⴼ ⵢⴻⵏⵏⴰ-ⴷ ⵖⴻⴼ ⵢⵉⵛⴰⵏⵟⵉⵢⴻⵏ ⴰⵢⵖⴻⴼ ⵢⴻⵔⵣⴰ ⴷⴰⴽⴽⴻⵏ « ⵉⵅⴻⴷⴷⵉⵎⴻⵏ ⵍⴰ ⵜⵜⴻⴷⴷⵓⵏ ⴰⴽⴽⴻⵏ ⵉⴳⴻⵔⵔⴻⵣ ⵖⴻⵔ ⵙⴷⴰⵜ, ⵢⴻⵔⵏⴰ ⴰⵢⴰ ⵢⴻⵜⵜⴰⵊⵊⴰ-ⴰⵖ ⴰⴷ ⵏⴻⵙⵙⵉⵔⴻⵎ ⴰⴷ ⴷ-ⴼⴰⴽⴻⵏ ⵢⵉⵅⴻⴷⴷⵉⵎⴻⵏ ⴷⴻⴳ ⵡⴰⴽⵓⴷ ».

ⴷⴻⴳ ⵜⴻⵔⵣⵉ-ⴰ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴰⴷⵣⴰⵢⵔⵉ ⵢⴻⵙⵙⵓⴽⴽ-ⴷ ⵜⵉⵟ ⴷ ⵢⵉⴷⵓⴱⴰ ⵉⴷⵉⴳⴰⵏⴻⵏ ⵖⴻⴼ « ⵢⵉⵅⴻⴷⴷⵉⵎⴻⵏ ⵏ ⵓⵙⵎⴰⵍ ⴰⵔⴰ ⵢⴻⵜⵜⵡⴰⵅⴻⴷⵎⴻⵏ » ⵉ ⵍⵎⴻⵏⴷ ⵏ ⵜⴻⴷⵢⴰⵏⵜ-ⴰ.

Ɣⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⵜⵜⵡⴰⴷⴷⵎⴻⵏ ⴰⴽⴽ ⵢⵉⵃⴻⵣⵣⵉⴱⴻⵏ ⵉ ⵍⵎⴻⵏⴷ ⵏ ⵓⵎⵎⴰⴳⴻⵔ ⵏ ⵢⵉⵙⴻⵇⵇⵓⵎⴰ ⵓⵍⵉⵎⵒⵉⵢⴻⵏ ⵉⵖⴻⵍⵏⴰⵡⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⴷⴻⴳ ⵡⴻⵀⵕⴰⵏ ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵜⵎⴰⵏⴻⵖⵜ ⵏ ⵓⵜⴰⵔⴰⵎ ⵏ ⵜⵎⵓⵔⵜ.

ⵜⵉⵎⵎⴰⵣⵡⴻⵔⵜ (ⴰⵕⴻⵛⵛⴻⵃ) ⵏ ⵜⴻⵎⴷⵉⵏⵜ ⵏ ⵡⴻⵀⵕⴰⵏ ⴰⴽⴽⴻⵏ ⴰⴷ ⴷ-ⵉⵍⵉⵏ ⴷⴻⴳ-ⵙ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ 2021 ⵢⴻⵇⴱⴻⵍ-ⵉⵜⵜ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⴷⴻⴳ ⵢⴻⴱⵔⵉⵔ ⵏ 2015. ⵜⴰⵎⴷⵉⵏⵜ ⴰⵔⴰ ⴷ-ⵢⴻⵜⵜⵡⴰⴼⴻⵔⵏⴻⵏ ⴰⴽⴽⴻⵏ ⴰⴷ ⴷ-ⵜⵉⵍⵉ ⴷⴻⴳ-ⵙ ⵜⴻⵥⵔⵉⴳⵜ ⵜⵉⵙ 19 ⵏ ⵡⵓⵔⴰⵔⴻⵏ ⴰⴷ ⵜⴻⵜⵜⵡⴰⵙⵙⴻⵏ ⴰⵙⵙ ⵏ 27 Ɣⵓⵛⵜ ⴷⴻⴳ ⵒⴻⵙⵛⴰⵔⴰ (ⵟⵟⴰⵍⵢⴰⵏ).

ⵜⴰⵎⴷⵉⵏⵜ ⵏ ⵡⴻⵀⵕⴰⵏ ⴰⴷ ⵜⴻⵎⵙⵉⵣⵣⴻⵍ ⴷ ⵜⴻⵎⴷⵉⵏⵜ ⵜⴰⵜⵓⵏⵙⵉⵜ ⵏ ⵙⴼⴰⵇⵙ ⵉ ⵍⵎⴻⵏⴷ ⵏ ⵡⴰⵢⴰ.

ⵍⴷⵣⴰⵢⴻⵔ ⵜⴻⵙⵙⵓⴷⴷⴻⵙ ⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ 1975.