ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵜⵔⴻⵏ ⴰⵃⴱⴰⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵎⴻⴷⴷⴻⵏ ⴷⴻⴳ ⵜⴰⵎⴰ ⵄⴰⴷⴻⵏ

ⵏⴻⵡ ⵢⵧⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – 07 ⵎⴰⵢⵓ 2015 – ⴰⵙⴻⵎⵢⵓⴷⴷⴰⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵎⵓⵔⵜ ⵏ ⵢⴰⵎⴰⵏ, ⵊⵧⵀⴰⵏⵏⴻⵙ ⵠⴰⵏ ⴷⴻⵔ ⴽⵍⴰⴰⵓⵡ, ⵢⴻⵙⵙⵓⵜⴻⵔ ⴰⵙⵙ ⵏ ⵍⴻⵅⵎⵉⵙ ⵉ ⵜⵉⴽⴽⴻⵍⵜ ⵏⵉⴹⴻⵏ « ⴰⵃⴰⴱⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵎⴻⴷⴷⴻⵏ » ⴷⴻⴳ ⵄⴰⴷⴻⵏ ⴰⴽⴽⴻⵏ ⴰⴷ ⵊⵊⴻⵏ ⵜⵉⵏⴻⴳⴳⵉⵡⵉⵏ ⵏ ⵓⵄⴰⵡⴻⵏ ⴰⴷ ⵙⵙⵉⵡⴹⴻⵏⵜ ⵍⴻⵎⵄⴰⵡⵏⴰ ⵉ ⵢⵉⵖⴰⵔⵉⵎⴻⵏ.

« ⵎⴻⴷⴷⴻⵏ ⴷⴻⴳ ⵄⴰⴷⴻⵏ ⴷⴷⵔⴻⵏ ⴷⴻⴳ ⵜⴻⴳⵏⵉⵜ ⵉⵡⴻⵄⵕⴻⵏ ⴰⵟⴰⵙ ⵖⴻⴼ ⵍⵊⴰⵍ ⵏ ⵢⵉⵎⴻⵏⵖⵉ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵙⴹⵉⵙⴻⵜ (6) ⵏ ⵍⴻⴷⵡⴰⵕ ⵜⵉⵏⴻⴳⴳⵓⵔⴰ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴰⴼⴻⵏ ⴰⵎⴻⴽ ⴰⵔⴰ ⴷⴷⵓⵏ ⵖⴻⵔ ⵢⵉⵎⵓⴽⴰⵏ ⴰⵢⴷⴻⴳ ⵢⴻⵍⵍⴰ ⵡⵓⴳⴰⵔ ⵏ ⵍⴰⵎⴰⵏ ⴰⴽⴽⴻⵏ ⴰⴷ ⴷⴰⵡⵉⵏ. ⵜⴰⴽⵔⵉⴹⵜ ⵎⴳⴰⵍ ⵢⵉⵖⴰⵔⵉⵎⴻⵏ ⴷ ⵢⵉⵅⴻⴷⴷⴰⵎⴻⵏ ⵏ ⵍⴻⵎⵄⴰⵡⵏⴰ ⴷ ⵜⵓⵎⵎⵖⴰ ⵖⴻⴼ ⵢⴻⵙⴱⵉⵟⴰⵔⴻⵏ ⴷ ⵜⴻⴷⵓⵎⵚⵉⴽⵉⵡⵉⵏ ⵜⵉⵖⴰⵔⵉⵎⵉⵏ ⵢⴻⵙⵙⴻⴼⴽ ⴰⴷ ⵃⴻⴱⵙⴻⵏⵜ ⵉⵎⵉⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵠⴰⵏ ⴷⴻⵔ ⴽⵍⴰⴰⵓⵡ ⵢⴻⵏⵏⴰ-ⴷ ⴷⴰⴽⴽⴻⵏ ⵙⵙⴰⴳⴷⴻⵏ-ⵜ ⴰⵟⴰⵙ ⵢⵉⵙⴰⵍⴰⵏ ⴰⵢ ⵍⴰ ⴷ-ⵢⴻⵜⵜⴰⵡⴹⴻⵏ ⵙⴻⴳ ⵄⴰⴷⴻⵏ ⴰⵏⴷⴰ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⴷ ⵜⵉⵎⴻⵔⵡⵉⵏ ⵏ ⵎⴻⴷⴷⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵏⴻⵖ ⵊⴻⵔⵃⴻⵏ, ⴳⴰⵔ-ⴰⵙⴻⵏ ⴰⵟⴰⵙ ⵏ ⵢⵉⵖⴰⵔⵉⵎⴻⵏ, ⵢⴻⵔⵏⴰ ⵢⴻⵙⵙⵓⵜⴻⵔ ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵎⴻⴷⴷⴻⵏ.

« ⵍⵍⴰⵏ ⵢⵉⵖⴰⵔⵉⵎⴻⵏ ⴰⵢ ⵢⴻⵜⵜⴻⵡⵜⴻⵏ ⵎⵉ ⵄⴻⵔⴹⴻⵏ ⴰⴷ ⵔⴻⵡⵍⴻⵏ ⵖⴻⵔ ⵢⵉⵎⵓⴽⴰⵏ ⴰⵢⴷⴻⴳ ⵢⴻⵍⵍⴰ ⵡⵓⴳⴰⵔ ⵏ ⵍⴰⵎⴰⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙⴷⴻⴼⴼⵉⵔ ⵎⴰ ⵜⵜⵡⴰⴹⴹⴼⴻⵏ ⴷⴻⴳ ⵄⴰⴷⴻⵏ ⴰⵢ ⵢⴻⵇⵇⵍⴻⵏ, ⴰⵛⵃⴰⵍ ⵏ ⵍⴻⴷⵡⴰⵕ ⴰⵢⴰ, ⴷ ⵜⴰⵎⴷⵉⵏⵜ ⴰⵢⴷⴻⴳ ⵢⴻⵡⵄⴻⵕ ⴰⴷ ⴰⴼⴻⵏ ⵎⴻⴷⴷⴻⵏ ⴰⵎⴰⵏ, ⵓⵛⵛⵉ ⴷ ⵢⵉⵎⵓⴽⴰⵏ ⴰⵏⴷⴰ ⴰⵔⴰ ⴷⴰⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ.

ⴰⵙⴻⵎⵢⴰⴷⴷⴰⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ ⵢⴻⵙⵙⵓⵜⴻⵔ ⵙⴻⴳ ⵡⴰⴽⴽ ⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴰⵍⵓⴼⵜ-ⴰ ⴰⴷ ⵊⵊⴻⵏ ⵉⵖⴰⵔⵉⵎⴻⵏ ⴰⴷ ⴼⴼⵖⴻⵏ ⵙⴻⴳ ⵜⵎⵉⵡⴰ ⵏ ⵢⵉⵎⴻⵏⵖⵉ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵊⵊⴻⵏ ⵉⵎⵉⵔ-ⴰ ⴰⴱⵔⵉⴷ ⴰⴽⴽⴻⵏ ⴰⴷ ⵄⴻⴷⴷⵉⵏ ⵎⴻⴷⴷⴻⵏ ⵢⴻⵃⵡⴰⵊⴻⵏ ⵍⴻⵎⵄⴰⵡⵏⴰ ⴷⴻⴳ ⵍⴰⵎⴰⵏ.

ⴷⴻⴳ ⵙⴹⵉⵙⴻⵜ-ⴰ (6) ⵏ ⵍⴻⴷⵡⴰⵕ ⴰⵢⴷⴻⴳ ⴰⵢ ⵜⵉⵎⵖⵓⵔ ⵜⴰⵍⵓⴼⵜ ⴷⴻⴳ ⵢⴰⵎⴰⵏ, ⵜⵉⵢⵜⵉⵡⵉⵏ ⵏ ⵢⵉⴳⴻⵏⵏⵉ ⴷ ⵢⵉⵎⴻⵏⵖⵉ ⴷⴻⴳ ⵍⴱⴻⵔⵔ ⵢⴻⵙⵙⴻⴳⴳⵔⴰ-ⴷ ⵓⴳⴰⵔ ⵏ 1400 ⵏ ⵢⵉⵎⴻⵜⵜⴰⵏⴻⵏ ⴷ 6000 ⵏ ⵢⵉⵎⴻⵊⵔⴰⵃ.