ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵍⴰ ⵎⴰ ⵉⵄⴻⴷⴷⴰ ⵡⴰⴽⵓⴷ, ⴼⵕⴰⵏⵙⴰ ⵎⴰⵣⴰⵍ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵃⴰⵙⴻⴱ ⵖⴻⴼ ⵜⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945 (ⵜⵉⵎⵍⵉⵍⵉⵜ)

ⴳⴰⵍⵎⴰ– ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵏ « ⵜⵏⴻⴳⵣⴰⵔⵉⵏ ⵜⵉⵀⴻⵔⵙⴰⵏⵉⵏ: ⵜⵉⵏ ⵏ 8 ⵎⴰⵢⵓ 1945 », ⵏⵏⴰⵏ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴳⴰⵍⵎⴰ ⴷⴰⴽⴽⴻⵏ ⵓⵍⴰ ⵎⴰ ⵉⵄⴻⴷⴷⴰ ⵡⴰⴽⵓⴷ, « ⴰⵏⴰⴱⴰⴹ ⴰⴼⵕⴻⵏⵙⵉⵙ ⵎⴰⵣⴰⵍ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵃⴰⵙⴻⴱ ⵖⴻⴼ ⵡⴰⵢⴻⵏ ⴰⵢ ⵉⴳⴰ ».

ⴰⵄⴻⴷⴷⵉ ⵏ ⵡⴰⴽⵓⴷ ⵓⵔ ⴰⵙ-ⵢⴻⵜⵜⴻⴽⴽⴻⵙ ⴰⵔⴰ ⵉ ⴼⵕⴰⵏⵙⴰ ⵜⴰⵎⴰⵙⵉⵜ-ⵏⵏⴻⵙ ⵜⴰⴳⵔⴰⵖⵍⴰⵏⵜ ⵙⴷⴰⵜ ⵍⵇⴰⵏⵓⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ « ⵜⵉⵊⵔⵉⵎⵉⵏ ⵜⵉⵡⴻⵃⵛⵉⵢⴻⵏ ⴰⵢ ⵜⴳⴰ ⵓⵙⵙⴻⵀⵔⴻⵙ ⴷⴻⴳ ⵡⴰⵙⵙ ⵏ 8 ⵎⴰⵢⵓ 1945 ⴷⴻⴳ ⴳⴰⵍⵎⴰ, ⵙⴹⵉⴼ ⴷ ⵅⴻⵔⵔⴰⵟⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

ⴷⴻⴳ ⵓⵙⴰⵔⴰⴳ-ⵏⵏⴻⵙ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵜ-ⴰ ⴷⴻⴳ ⵜⴻⵙⴷⴰⵡⵉⵜ ⵏ ⴳⴰⵍⵎⴰ ⵙ ⵓⵃⴷⴰⵕ ⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ, ⵎⴰⵙⵙ ⴰⵢⵎⴰⵏⴻ ⵙⴰⵍⴰⵎⴰ, ⴰⵙⴻⵍⵎⴰⴷ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷⴻⴳ ⵜⴻⵙⴷⴰⵡⵉⵜ ⵏ ⵍⵇⴰⵀⵉⵔⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⴰⵙⵉⵜ ⵏ ⴼⵕⴰⵏⵙⴰ ⴷⴻⴳ ⵜⴻⵊⵔⵉⵎⵉⵏ ⵏ ⵢⵉⵖⴰⵍⵍⴻⵏ ⵉⴼⵕⴻⵏⵙⵉⵙⴻⵏ ⵎⴳⴰⵍ ⵢⵉⴷⵣⴰⵢⵔⵉⵢⴻⵏ ⵓⵔ ⵢⴻⵙⵄⵉⵏ ⵍⴻⵙⵍⴰⵃ ⵎⴰⵣⴰⵍ-ⵉⵜⵜ ⵜⴻⵍⵍⴰ « ⵓⵍⴰ ⵎⴰ ⵄⴻⴷⴷⴰⵏ 70 ⵏ ⵢⵉⵙⴻⴳⴳⴰⵙⴻⵏ ».

« ⴷⴻⴳ ⵜⴻⴳⵏⵉⵜ ⴰⵎ ⵜⴰ », ⵓⵔ ⵢⴻⵜⵜⵄⴻⴷⴷⵉ ⴰⵔⴰ ⵡⴰⴽⵓⴷ ⵖⴻⴼ ⵓⵙⵙⵓⵜⴻⵔ ⵏ ⵓⵃⴰⵙⴻⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴼⵕⴰⵏⵙⴰ, ⵓⵍⴰ ⵎⴰ ⵍⴰ ⵜⵄⴻⵔⵔⴻⴹ ⴰⴷ ⵜⴻⵙⵙⴻⴱⵄⴻⴷ ⵖⴻⴼ ⵢⵉⵎⴰⵏ-ⵏⵏⴻⵙ ⵜⵜⴻⵀⵎⴰⵜ ⵏ ⵜⴻⵊⵔⵉⵎⵜ ⵎⴳⴰⵍ ⵜⴰⵍⵙⴰ ⴷ ⵓⵙⵙⴻⵏⴳⴻⵔ ⵏ ⵎⴻⴷⴷⴻⵏ, ⵍⴰ ⵜⴻⵜⵜⴻⴳ ⴰⵢⴰ ⵡⴰⵔ ⵎⴰ ⵜⴻⵙⵜⴻⵄⵕⴻⴼ ⵙ ⵍⵇⴰⵏⵓⵏ.

« ⵓⵍⴰ ⵎⴰ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⵙⵔⵉⴷ ⴷⴻⴳ ⵜⵎⴻⵏⵖⵉⵡⵉⵏ-ⴰ ⵎⵎⵓⵜⴻⵏ ⵢⴻⵔⵏⴰ ⵜⵜⵡⴰⵎⴻⴹⵍⴻⵏ, ⴰⵏⴰⴱⴰⴹ ⴰⴼⵕⴻⵏⵙⵉⵙ ⵎⴰⵣⴰⵍ-ⵉⵜ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⵖⵔⴻⵎ ⵉ ⵡⵉⴷ ⵢⴻⵏⴹⴻⵔⵔⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵢⴻⵙⵜⴻⵄⵕⴻⴼ ⵢⴻⵔⵏⴰ ⴰⴷ ⵢⴻⵙⵙⵓⵜⴻⵔ ⵙⵙⵎⴰⵃ ⵙ ⵓⴱⵔⵉⴷ ⵓⵏⵚⵉⴱ, ⵢⴻⵔⵏⴰ ⴰⴷ ⵉⵅⴻⵍⵍⴻⵚ ⵉⴷⵔⵉⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴷⴰⵡⴰⵏ-ⴰ.

ⵙⴻⴳ ⵢⵉⴷⵉⵙ-ⵏⵏⴻⵙ ⴳⵉⵍⵍⴻⵙ ⵎⴰⵏⵛⴻⵔⵧⵏ ⴰⵢ ⵉⵅⴻⴷⴷⵎⴻⵏ ⴷ ⴰⵏⵎⴻⵣⵔⵓⵢ, ⴷ ⴰⵏⴻⵖⵎⴰⵙ ⵢⴻⵔⵏⴰ ⴷ ⴰⵎⴻⵖⵏⴰⵙ ⵏ ⵜⴻⵎⵖⵓⵏⵜ ⵜⴰⴼⵕⴻⵏⵙⵉⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵢⴻⵙⵙⴰⵡⴻⵍ-ⴷ ⵖⴻⴼ « ⵡⵓⵏⵊⵓⴳⴻⵏ ⵢⴻⵍⵍⴰⵏ ⴷⴻⴳ ⵓⵏⵔⴰⵔ, ⴷⴻⴳ ⵜⵙⴻⵔⵜⵉⵜ ⴷ ⵍⵇⴰⵏⵓⵏ » ⴰⵢ ⴷ-ⵎⴰⵣⴰⵍ ⵔⴻⴳⵍⴻⵏ ⴰⴱⵔⵉⴷ ⵉ ⴼⵕⴰⵏⵙⴰ ⴰⴽⴽⴻⵏ ⴰⴷ ⵜⴻⵙⵜⴻⵄⵕⴻⴼ ⵙ ⵜⴻⵊⵔⵉⵎⵉⵏ-ⵏⵏⴻⵙ ⵏ ⵡⴰⵙⵙ ⵏ 8 ⵎⴰⵢⵓ 1945 ⴷⴻⴳ ⵍⴷⵣⴰⵢⴻⵔ.

ⴷ ⴰⵅⴻⴷⴷⵉⵎ ⴰⵎⴻⵇⵔⴰⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵢⵉⵍⵉ ⴰⴽⴽⴻⵏ « ⴰⴷ ⵙⵙⵉⵡⴹⴻⵏ ⴽⵔⴰ ⵏ ⵢⵉⵖⴰⵍⵍⴻⵏ ⵉⵙⴻⵔⵜⵉⵢⴻⵏ ⵏ ⴼⵕⴰⵏⵙⴰ - ⴰⵢ ⵢⴻⵜⵜⴻⴽⴽⴰⵏ ⴰⵎⴰ ⵙⴻⴳ ⵍⵇⴻⵔⴱ ⵏⴻⵖ ⵙⴻⴳ ⵍⴱⴻⵄⴷ ⴷⴻⴳ ⵜⴻⵊⵔⵉⵎⵉⵏ-ⴰ – ⴰⴽⴽⴻⵏ ⴰⴷ ⴷ-ⵉⵏⵉⵏ ⵜⵉⴷⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵏⵛⴻⵔⵧⵏ ⴰⵢ ⵢⴻⵙⵜⴻⵄⵕⴼⴻⵏ ⴷⴰⴽⴽⴻⵏ ⵍⵍⴰⵏ ⴷⴻⴳ ⴼⵕⴰⵏⵙⴰ « ⴰⵟⴰⵙ ⵏ ⵢⵉⵛⴻⵏⴳⴰ ⵏ ⵜⵉⴷⴻⵜ ».

Ɣⴻⴼ ⵍⴻⵃⵙⴰⴱ ⵏ ⵓⵏⵎⴻⵣⵔⵓⵢ-ⴰ, ⵓⵍⴰ ⵎⴰ ⵄⴻⴷⴷⴰⵏ « 70 ⵏ ⵢⵉⵙⴻⴳⴳⴰⵙⴻⵏ ⵖⴻⴼ ⵜⴻⴷⵢⴰⵏⵉⵏ-ⴰ, ⵎⴰⵣⴰⵍ ⵉⵎⵃⴰⴷⴷⵉⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵍⴰ ⵜⵜⴽⴻⵎⵎⵉⵍⴻⵏ ⴰⵅⴻⴷⴷⵉⵎ ⴷⴻⴳ ⴼⵕⴰⵏⵙⴰ ⴰⴽⴽⴻⵏ ⴰⴷ ⵃⴻⵕⵙⴻⵏ ⴰⵏⴰⴱⴰⴹ ⴰⴷ ⴷ-ⵢⵉⵏⵉ ⵜⵉⴷⴻⵜ ⵢⴻⵔⵏⴰ ⴰⴷ ⵢⴻⵙⵜⴻⵄⵕⴻⴼ ⵙ ⵜⴻⵊⵔⵉⵎⵉⵏ-ⵏⵏⴻⵙ ». ⴰⵅⴻⴷⴷⵉⵎ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ « ⴰⴷ ⵉⴽⴻⵎⵎⴻⵍ ⴰⴽⴽⴻⵏ ⴰⴷ ⵜⵜⵡⴰⵙⵙⵏⴻⵏⵜ ⵜⴻⴷⵢⴰⵏⵉⵏ-ⴰ, ⵍⴰⴷⵖⴰ ⵙ ⵓⵏⴰⴷⵉ ⴷⴻⴳ ⵜⴻⵕⵛⵉⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ.

ⴷⴻⴳ ⵜⴼⴰⴳⵍⴰ ⵏ ⵓⵔⵥⴰⵎ ⵏ ⵜⴻⵎⵍⵉⵍⵉⵜ-ⴰ, ⴰⵎⴰⵔⵓ ⴰⵎⴰⵜⵓ ⵏ ⵓⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵎⵧⵀⴰⵎⴻⴷ ⵙⴰⵍⴰⵀ-ⴻⴷⴷⵉⵏⴻ ⵙⴻⴷⴷⵉⴽⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵏⴻⴳⵣⴰⵔⵉⵏ ⵏ 8 ⵎⴰⵢⵓ 1945 ⴷ « ⴰⵃⵔⵉⵛ ⵢⴻⵜⵜⵡⴰⵏⴻⵇⵛⴻⵏ ⵢⴻⵔⵏⴰ ⵓⵔ ⵢⴻⵜⵜⵡⴰⵙⴼⴰⴹ ⵙⴻⴳ ⵛⵛⴼⴰⵡⴰⵜ ⴷ ⵡⵓⵍ ⵏ ⵓⵖⵍⴰⵏ, ⵉⵎⵉ ⴰⵙⵙ-ⵏⵏⵉ ⴷ ⵔⵔⴻⴱⵔⴰⴱ ⴰⵎⴻⵇⵔⴰⵏⴰ ⵢ ⴷ-ⵢⴻⵖⵍⵉⵏ ⵖⴻⴼ ⵓⵖⵔⴻⴼ ⴰⴷⵣⴰⵢⵔⵉ ».

ⵉⵎⴹⴻⴱⴱⴻⵔ ⵏ ⵜⴻⵙⴷⴰⵡⵉⵜ ⵏ ⴳⴰⵍⵎⴰ, ⵎⵧⵀⴰⵎⴻⴷ ⵏⴻⵎⴻⵎⵛⵀⴰ, ⵢⴻⵇⵇⴻⵏ ⵜⴰⵥⵔⵉⴳⵜ-ⴰ ⵜⵉⵙ 13 ⵏ ⵜⴻⵎⵍⵉⵍⵉⵜ-ⴰ ⵖⴻⵔ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵕⴰⴱ 2015 », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⴰⴷ ⵜⴽⴻⵎⵎⴻⵍ ⴷⴻⴳ ⵙⴹⵉⴼ ⴰⵙⵙ ⵏ ⵙⵙⴻⴱⵜ, ⵙⴰⴽⴽⵉⵏ ⴰⴷ ⵜⴽⴻⵎⵎⴻⵍ ⴷⴻⴳ ⴱⴳⴰⵢⴻⵜ ⴰⵙⵙ ⵏ ⵍⵃⴻⴷⴷ, ⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵇⵙⴻⵏⵟⵉⵏⴰ.

ⴷⴻⴳ ⵓⵎⵢⴰⴳⴻⵔ-ⴰ, ⵙⵙⴻⴼⵔⴰⵏ ⴰⴷ ⴷ-ⵉⵍⵉⵏ 22 ⵏ ⵢⵉⵙⴰⵔⴰⴳⴻⵏ ⴰⵔⴰ ⴷ-ⴳⴻⵏ ⵢⵉⵎⵏⴰⴷⵉⵢⴻⵏ ⴷ ⵢⵉⵎⵓⵣⵣⴰⴳ ⵙⴻⴳ ⵍⴷⵣⴰⵢⴻⵔ, ⴼⵕⴰⵏⵙⴰ, ⵟⵟⴻⵔⴽ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ, ⵎⴰⵚⴻⵔ, ⵜⵓⵏⴻⵙ, ⴼⴰⵍⴻⵙⵟⵉⵏ, ⵙⵉⵏⵉⴳⴰⵍ ⴷ ⴽⴰⵎⵔⵓⵏ.