ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⵏ ⵜⴰⵏⵣⴰⵏⵢⴰ ⵢⴻⵙⵙⴰⵡⴻⴹ ⵕⵕⴻⵃⵎⴰ ⵉ ⵢⵉⵎⴻⵖⵔⵓⵙⴻⵏ ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵏ ⵜⴰⵏⵣⴰⵏⵢⴰ, ⵊⴰⴽⴰⵢⴰ ⵎⵔⵉⵙⵀⵧ ⴽⵉⴽⵡⴻⵜⴻ, ⵢⴻⵙⵙⴰⵡⴻⴹ ⵕⵕⴻⵃⵎⴰ ⴰⵙⵙ ⵏ ⵙⵙⴻⴱⵜ, ⴷⴻⴳ ⵜⴳⴰⵔⴰ ⵏ ⵜⵎⴻⴷⴷⵉⵜ ⴷⴻⴳ ⵓⵎⵇⴰⵎ ⵏ ⵢⵉⵎⴻⵖⵔⵓⵙⴻⵏ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ) ⵉ ⵢⵉⵎⴻⵖⵔⵓⵙⴻⵏ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.
ⵎⴰⵙⵙ ⴽⵉⴽⵡⴻⵜⴻ ⵢⴻⴷⴷⴰ-ⴷ ⴷ ⵓⵏⴻⵖⵍⴰⴼ ⴰⵏⴻⵙⵎⵉⴳⴰⵍ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.
ⵓⵇⴱⴻⵍ ⵡⴰⵢⴰ, ⴰⵙⴻⵍⵡⴰⵢ ⵏ ⵜⴰⵏⵣⴰⵏⵢⴰ ⵉⵡⴰⵍⴰ ⴰⵎⵙⵓⴷⴻⵖ ⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⵄⴻⵙⵙⴰⵙⵜ ⵏ ⵜⴻⴳⴷⵓⴷⴰ ⵢⴻⵔⵏⴰ ⵢⴻⵔⵔⴰ-ⴰⵙ ⵜⴰⵊⵎⵉⵍⵜ, ⵙⴰⴽⴽⵉⵏ ⵢⴻⵙⵙⴻⵔⵙ ⵜⴰⵎⴻⵇⵇⵓⵏⵜ ⵏ ⵜⵊⴻⵊⵊⵉⴳⵉⵏ ⵙⴷⴰⵜ ⵓⵎⵇⴰⵎ ⵢⴻⵜⵜⴰⵔⵔⴰⵏ ⵜⴰⵊⵎⵉⵍⵜ ⵉ ⵢⵉⵎⴻⵖⵔⵓⵙⴻⵏ ⴰⵎ ⵡⴰⴽⴽⴻⵏ ⴰⵢ ⵢⴻⴱⴷⴻⴷ ⵜⴰⴷⵇⵉⵇⵜ ⵏ ⵜⵙⵓⵙⵎⵉ ⵉ ⵍⵎⴻⵏⴷ ⵏ ⵢⵉⵎⴻⵖⵔⵓⵙⴻⵏ ⵏ ⵜⴻⴳⵔⴰⵡⵍⴰ.
ⴰⵙⴻⵍⵡⴰⵢ ⴽⵉⴽⵡⴻⵜⴻ ⵢⴻⵔⵣⴰ ⵙⴰⴽⴽⵉⵏ ⵖⴻⴼ ⵓⵙⴰⵍⴰⵢ ⵏ ⵓⵎⵊⴰⵀⴻⴷ ⴰⵏⴷⴰ ⴰⵢ ⴰⵙ-ⴷ-ⵙⴼⴻⵀⵎⴻⵏ ⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵎⴻⵣⵔⵓⵢ ⵏ ⵍⴷⵣⴰⵢⴻⵔ, ⵍⴰⴷⵖⴰ ⵜⴰⵍⵍⵉⵜ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.
ⴰⵙⴻⵍⵡⴰⵢ ⵏ ⵜⴰⵏⵣⴰⵏⵢⴰ ⵢⵓⵙⴰ-ⴷ ⵛⵡⵉⵟ ⵓⵇⴱⴻⵍ ⵖⴻⵔ ⵍⴷⵣⴰⵢⴻⵔ ⴷⴻⴳ ⵜⴻⵔⵣⵉ ⵏ ⵓⵡⴰⵏⴰⴽ ⵏ ⴽⵔⴰⴹ (3) ⵏ ⵡⵓⵙⵙⴰⵏ ⵙ ⵓⵏⴻⵄⵔⵓⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
