ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵣⴳⵓⵏ : ⵜⴰⵎⴻⵣⴳⵓⵏⵜ ⵙⴰⵍⴻⵃ-ⵍⴱⴰⵢ ⵎⵎⵓⴳⵔⴻⵏ-ⵜⵜ ⵙ ⵍⴼⴻⵔⵃ ⴷⴻⴳ ⴵⵉⴵⴻⵍ

ⴵⵉⴵⴻⵍ– ⵜⴰⵎⴻⵣⴳⵓⵏⵜ ⵏ "ⵙⴰⵍⴻⵃ-ⵍⴱⴰⵢ" ⵏ ⵓⵎⴻⵣⴳⵓⵏ ⵏ ⵜⴻⵎⵏⴰⴹⵜ ⵏ ⵇⵚⴻⵏⵟⵉⵏⴰ (ⵜⵔⵛ) ⵎⵎⵓⴳⵔⴻⵏ-ⵜⵜ ⵙ ⵍⴼⴻⵔⵃ, ⴰⵙⵙ ⵏ ⵍⴵⴻⵎⵄⴰ ⵜⴰⵎⴻⴷⴷⵉⵜ, ⵎⵉ ⴷ-ⵜⵄⴻⴷⴷⴰ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵧⵎⴰⵔ-ⵧⵓⵙⵙⴻⴷⵉⴽ ⴷⴻⴳ ⴵⵉⴵⴻⵍ, ⵢⴻⵔⵙ ⵡⴰⵀⵉⵍ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ ⵏ "ⵇⵚⴻⵏⵟⵉⵏⴰ, ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015", ⴹⴻⴼⵔⴻⵏ ⵢⵉⵎⴻⵙⵀⴰⵏⴰⵢⴻⵏ ⵜⴰⵎⴻⵣⴳⵓⵏⵜ-ⴰ ⵙ ⴱⴻⵖⵖⵓ ⴷ ⴰⵎⴻⵇⵔⴰⵏ ⴰⵛⴽⵓ ⴷ ⵉⵎⴷⴰⵏⴻⵏ ⵢⴻⵙⵄⴰⵏ ⵜⴰⵎⵓⵙⵏⵉ ⵏ ⵜⵥⵓⵔⵉ ⵜⵉⵙ ⴽⵓⵥ. ⴷ ‘’ⴰⵎⴻⵔⵔⴻⵃ ⴷⴻⴳ ⵓⴽⵓⴷ ⴷ ⵜⴰⵍⵍⵓⵏⵜ’’, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵢⵉⵡⴻⵏ ⵓⵎⴻⵙⵀⴰⵏⴰⵢ, ⵜⴻⵄⴵⴻⴱ-ⵉⵜ ⴰⵟⴰⵙ ⵜⵓⵔⴰⵔⵜ ⵏ ⵜⴻⴽⵔⵓⵜ ⵏ ⵜⵔⵛ, ⵜⴻⵇⴹⴻⵄ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴱⴰⴹⵏⴰⵜ ⵏ ⵜⵥⵓⵔⵉ ⵏ ⵜⴻⵏⵛⵉⵔⵉⵏ. ⵜⴰⵎⴻⵣⴳⵓⵏⵜ-ⴰ ⴷⴻⴳ-ⵙ 90 ⵏ ⵜⴻⴷⵇⵉⵇⵉⵏ, ⴰⵎⵙⴻⴹⵔⵓ-ⵙ ⴷ ⵎⵧⵀⴰⵎⴻⴷ-ⵜⴰⵢⴻⴱ ⴷⴻⵀⵉⵎⵉ, ⵎⴰ ⴷ ⴰⴹⵔⵉⵙ ⵏ ⵙⴰïⴷ ⴱⵧⵓⵍⵎⴻⵔⴽⴰ, ⵜⴻⵣⵣⴰⴽⴰⵏ-ⴷ ⴰⵡⴰⴷⴻⵎ ⵏ ⵙⴰⵍⴻⵃ, ⵢⴻⵙⵄⴰⵏ ⴷⴻⴳ ⵍⴻⵄⵎⴻⵔ-ⵉⵙ 16 ⵉⵙⴻⴳⴳⴰⵙⴻⵏ, ⵢⴻⵔⵙ-ⴷ ⵙⴻⴳ ⵓⵖⴻⵔⵔⴰⴱⵓ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵉ ⴷ-ⵢⴻⴽⴽⴰⵏ ⵙⴻⴳ ⵉⵣⵎⵉⵔ (ⵟⵟⴻⵔⴽ). ⵙⴰⴽⵉⵏ ⵢⴻⵎⵍⴰⵍ ⴷ ⵜⴳⴻⵣⵣⴰⵏⵜ ⵉ ⵉⵕⴻⴳⵎⴻⵏ ⵉⵎⴰⵍ ⵉⴳⴻⵔⵣⴻⵏ, ⵢⴻⵜⵜⴼⴻⴵⴵⵉⴵⴻⵏ ⵉ ⵡⵉⵏ ⴰⵔⴰ ⵢⵓⵖⴰⵍⴻⵏ ⴷ ⴷⴷⴰⵢ ⵏ ⵇⵚⴻⵏⵟⵉⵏⴰ. ⵡⴰ ⴷ " ⴰⵎⴻⵣⵔⵓⵢ ⵏ ⵙⴰⵍⴻⵃ ⵍⴱⴰⵢ ⵉ ⵓⵎⵉ ⵓⵍⵙⴻⵏ ⵜⴰⵖⵓⵔⵉ " ⵓⵎⵙⴻⴹⵔⵓ ⴷ ⵓⵎⴻⵙⴽⴰⵔ ⵏ ⵓⴹⵔⵉⵙ ⵢⴻⵙⵅⴻⵍⴹⴻⵏ ⴰⵎⴻⵣⵔⵓⵢ ⴷ ⵜⵎⴰⵛⴰⵀⵓⵜ ⴰⴽⴽⴻⵏ ⴰⴷ ⵙⴻⵎⵍⴻⵏ ⴰⵎⴰⵀⵉⵍ ⴰⵥⵓⵔⴰⵏ ⵉ ⵢⴻⴷⴷⴰⵏ ⴷ ⵜⴻⵏⵛⵉⵔⵉⵏ, ⵉ ⴷ-ⵢⴻⵏⵏⴰ ⵎⴰⵙⵙ ⴷⴻⵀⵉⵎⵉ ⵉ ⵜⵏⴻⴳⴳⴰ. ⵎⴰ ⵢⴻⵍⵍⴰ ⴷ ⴰⵢⴻⵏ ⵢⴻⵔⵣⴰⵏ ⴰⵎⴻⵃⴵⴰⴱ ⴰⴱⴻⵔⴽⴰⵏ (ⵎⵍⴰⵢⴰ), ⵉ ⵜⵜⵍⵓⵙⵓⵏⵜ ⵜⵓⵍⴰⵡⵉⵏ ⵏ ⵇⵚⴻⵏⵟⵉⵏⴰ ⴷ ⵜⴻⵎⵏⴰⴹⵜ ⵏ ⵓⴳⵎⵓⴹ ⵏ ⵜⵎⵓⵔⵜ ⵉ ⵍⵎⴻⵏⴷ, ⵉ ⴷ-ⵇⵇⴰⵔⴻⵏ, ⵏ ⵍⴻⵃⵣⴻⵏ ⵃⴻⵣⵏⴻⵏ ⵙⴻⴳ ⵏⵖⴰⵏ ⵍⴱⴰⵢ, ⵢⴻⵏⵏⴰ-ⴷ ⵓⵎⵙⴻⴹⵔⵓ ⴰⵢⴰ ⴷ ’’ⵜⵉⴽⴻⵔⴽⴰⵙ ⵓⵍⴰ-ⵉⵜ ⴷⴻⴳ ⵓⵎⴻⵣⵔⵓⵢ’’. Ɣⵓⵔ ⴷⴻⵀⵉⵎⵉ, ⵡⴻⵔⴵⵉⵏ ⵃⴻⵣⵏⴻⵏⵜ ⵜⴻⵇⵚⴻⵏⵟⵉⵏⵉⵢⵉⵏ ⵖⴻⴼ ⵙⴰⵍⴻⵃ ⵍⴱⴰⵢ ⴰⵛⴽⵓ ⴰⵎⴻⵃⴵⴰⴱ-ⴰ ⴰⴱⴻⵔⴽⴰⵏ ‘’ⵢⵓⵙⴰ-ⴷ ⴷⴻⴼⴼⵉⵔ ⵍⴱⴰⵢ, ⴰⵙⵎⵉ ⵢⴻⵍⵍⴰ ⵓⵡⴰⵏⴻⴽ (ⴷⴷⵓⵍⴰ) ⴰⴼⴰⵟⵉⵎⵉ’’. ‘’ⴰⵟⴰⵙ ⵉ ⴰⵖ-ⵛⵛⴻⵞⵞⴻⵏ ⵏ ⵜⴽⴻⵔⴽⴰⵙ ⴷ ⵜⵎⵓⵛⵓⵀⴰ, ⵢⴻⵡⵡⴻⴹ-ⴷ ⵡⴰⴽⵓⴷ ⵜⵓⵔⴰ ⴰⴽⴽⴻⵏ ⴰⴷ ⵏⴻⵍⵀⵉ ⴷ ⵜⵎⵓⵛⵓⵀⴰ ⵏⵏⵉⴹⴻⵏ ⵉ ⵉⴳⴻⵣⵎⴻⵏ ⴰⵙⵙⴰⵖ ⴷ ⵓⵎⴻⵣⵔⵓⵢ ⵏ ⵜⴻⵎⴷⵉⵏⵜ ⵏ ⵜⵇⴻⵏⵜⵔⵉⵏ’’, ⵉ ⴷ-ⵢⴻⵏⵏⴰ ⴷⴻⴳ ⵓⵡⴻⵏⵏⵉⵜ-ⵉⵙ ⵡⴻⵔⴳⴰⵣ ⵓⵎⴻⵣⴳⵓⵏ ⴰⵇⵚⴻⵏⵟⵉⵏⵉ, ⵡⵉⵏ ⵉ ⵢⴻⵙⵎⴻⵔⴽⴰⵏⵜⵉⵏ ⵙ ⵜⵎⴻⵣⴳⵓⵏⵜ-ⵉⵙ ⵓⵎⵓⵖ ⵏ ⵜⵎⴻⵣⴳⵓⵏⵉⵏ ⵏ ⵓⵎⴻⵣⴳⵓⵏ ⵏ ⵙⵉⵔⵟⴰ ⵏ ⵣⵉⴽ-ⵏⵏⵉ. ⴰⵢⴰ ⴷ ⴰⵙⵎⴻⴽⵜⵉ, ⴰⵅⵅⴰⵎ ⵏ ⵢⵉⴷⵍⴻⵙ ⵏ ⴵⵉⴵⴻⵍ ⴰⴷ ⵢⴻⵙⵄⴻⴷⴷⵉ, ⴰⵙⵙ ⵏ ⵍⵍⴻⵜⵏⵉⵢⴻⵏ ⵙⴷⴰⵜ ⵉⵎⴻⴽⵍⵉ, ⵢⵉⵡⴻⵜ ⵏ ⵜⵎⴻⵣⴳⵓⵏⵜ ⴰⵣⵡⴻⵍ-ⵉⵙ "ⴻⵜⵜⴰⵃⴰⵡⵓⵍⴰⵜ" (ⵉⴱⴻⴷⴷⵉⵍⴻⵏ), ⴷ ⵢⵉⵡⴻⵏ ⵏ ⵓⴼⴰⵔⴻⵙ ⵏ ⵓⵎⴻⵣⴳⵓⵏ ⵏ ⵜⴻⵎⵏⴰⴹⵜ ⵏ ⵙⵙⵓⵇ ⴰⵀⵔⴰⵙ. (ⵜⴰⵏⴻⴳⴳⴰ)