ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 3000 ⵏ ⵍⵎⵉⵏⴰⵜ ⵏ ⵜⴰⵍⵍⵉⵜ ⵏ ⴼⵕⴰⵏⵙⴰ ⴰⵢ ⵢⴻⵜⵜⵡⴰⴽⴽⵙⴻⵏ ⴷⴻⴳ ⵢⴻⴱⵔⵉⵔ ⵏ 2015

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵓⴳⴰⵔ ⵏ 3000 ⵏ ⵍⵎⵉⵏⴰⵜ ⵏ ⵜⴰⵍⵍⵉⵜ ⵏ ⴼⵕⴰⵏⵙⴰ ⴰⵢ ⴷ-ⵓⴼⴰⵏ ⵢⴻⵔⵏⴰ ⵔⵥⴰⵏ-ⵜⴻⵏⵜ ⴷⴻⴳ ⵢⴻⴱⵔⵉⵔ ⵏ 2015 ⴷⴻⴳ ⵓⵇⴰⵍⴻⴱ ⵏ ⵓⵅⴻⴷⴷⵉⵎ ⵏ ⵜⵓⴽⴽⵙⴰ ⵏ ⵍⵎⵉⵏⴰⵜ ⴰⵢⵢⴻⵙ ⴷ-ⵢⴻⵍⵀⴰ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⴻⴳ ⵜⵍⵉⵙⴰ ⵏ ⵓⴳⵎⵓⴹ (ⵛⵛⴻⵔⵇ) ⴷ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⵓⵏⵚⵉⴱⵜ.

ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ, 3061 ⵏ ⵍⵎⵉⵏⴰⵜ, ⴳⴰⵔ-ⴰⵙⴻⵏⵜ 249 ⵏ ⵍⵎⵉⵏⴰⵜ ⵎⴳⴰⵍ ⵢⵉⵜⴻⵔⵔⴰⵙⴻⵏ ⴷ 214 ⵏ ⵍⵎⵉⵏⴰⵜ ⵎⴳⴰⵍ ⵜⴻⴳⵔⴰⵡⵉⵏ, ⵓⴼⴰⵏ-ⵜⴻⵏⵜ-ⵉⴷ ⵢⴻⵔⵏⴰ ⵔⵥⴰⵏ-ⵜⴻⵏⵜ ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ ⵙⵏⴰⵜ.

ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 5, 2586 ⵏ ⵍⵎⵉⵏⴰⵜ ⵎⴳⴰⵍ ⵢⵉⵜⴻⵔⵔⴰⵙⴻⵏ, 9 ⵏ ⵍⵎⵉⵏⴰⵜ ⵎⴳⴰⵍ ⵜⴻⴳⵔⴰⵡⵉⵏ ⴷ 3 ⵏ ⵍⵎⵉⵏⴰⵜ ⵏ ⵜⴰⴼⴰⵜ ⴰⵢ ⴷ-ⵓⴼⴰⵏ ⵢⴻⵔⵏⴰ ⵔⵥⴰⵏ-ⵜⴻⵏⵜ.

ⵙ ⵡⴰⵢⴰ, ⴷⴻⴳ ⵡⴰⵙⵙ ⵏ 30 ⵢⴻⴱⵔⵉⵔ 2015, ⴰⵊⴻⵎⵎⴰⵍ ⴰⵎⴰⵜⵓ ⵏ ⵍⵎⵉⵏⴰⵜ ⴰⵢ ⴷ-ⵓⴼⴰⵏ ⵢⴻⵔⵏⴰ ⵔⵥⴰⵏ-ⵜⴻⵏⵜ ⵢⵓⵡⴻⴹ ⵖⴻⵔ 771.427, ⴳⴰⵔ-ⴰⵙⴻⵏⵜ 650.000 ⵏ ⵍⵎⵉⵏⴰⵜ ⵎⴳⴰⵍ ⵢⵉⵜⴻⵔⵔⴰⵙⴻⵏ, 115.950 ⵏ ⵍⵎⵉⵏⴰⵜ ⵎⴳⴰⵍ ⵜⴻⴳⵔⴰⵡⵉⵏ ⴷ 4711 ⵏ ⵍⵎⵉⵏⴰⵜ ⵏ ⵜⴰⴼⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.