ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴰⴱⴰⴹ ⵢⴻⴼⴽⴰ ⵜⵜⴻⵙⵔⵉⵃ ⵉ ⵍⴻⴱⵏⵉ ⵏ 35.000 ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴰⴱⴰⴹ ⵢⴻⵇⴱⴻⵍ ⵢⵉⵡⴻⵏ ⵏ ⵡⴰⵀⵉⵍ ⵉ ⵍⴻⴱⵏⵉ ⵏ 35.500 ⵏ ⵜⵏⴻⵣⴷⵓⵖⵉⵏ ⵏ ⵚⵚⴻⵏⴼ ⵏ ⵍⴻⴽⵔⴰ-ⴰⵙⵙⴻⵏⵣⵉ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵉ ⵓⵙⵙⴻⵍⵀⵓ ⴷ ⵜⵏⴻⴼⵍⵉⵜ ⵏ ⵜⵏⴻⵣⴷⵓⵖⵜ (ⴰⴰⴷⵍ) ⴰⴽⴽⴻⵏ ⴰⴷ ⵉⴼⴰⴽ ⵉⵙⴻⵏⴼⴰⵔⴻⵏ ⵏ ⵜⵏⴻⴳⴳⴰ-ⴰ ⴷⴻⴳ ⵡⴰⴽⵓⴷ ⵉⵡⴰⵜⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ ⴰⵙⵙ ⵏ ⵍⴻⵅⵎⵉⵙ ⵙⵖⵓⵔ ⵓⵖⵍⵉⴼ ⵏ ⵜⵏⴻⵣⴷⵓⵖⵜ, ⴰⵙⵙⴻⵇⵄⴻⴷ ⵏ ⵜⴻⵎⴷⵉⵏⵜ.

Ɣⴻⴼ ⵍⴻⵃⵙⴰⴱ ⵏ ⵓⵖⵍⵉⴼ-ⴰ, « ⴰⵙⴻⵇⵇⴰⵎⵓ ⵏ ⵓⵏⴰⴱⴰⴹ ⵢⴻⵎⵙⴻⴳⵔⴰⵡ ⴰⵙⵙ ⵏ ⵍⴰⵕⴻⴱⵄⴰ 13 ⵎⴰⵢⵓ, ⵢⴻⵔⵏⴰ ⵢⴻⵇⴱⴻⵍ ⵍⴻⵄⵇⵓⴷⴰⵜ ⵙ ⵓⵎⵙⴻⴼⵀⴰⵎ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ 35.500 ⵏ ⵜⵏⴻⵣⴷⵓⵖⵉⵏ ⵏ ⵡⴰⵀⵉⵍ ⴰⵢ ⵢⴻⵜⵜⵡⴰⵡⴻⴽⴽⵍⴻⵏ ⵉ ⴰⴰⴷⵍ ».

ⵍⴻⵄⵇⵓⴷⴰⵜ-ⴰ ⵓⴷⴼⴻⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⴷⴻⴳ ⵓⵇⴰⵍⴻⴱ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍⴻⵏ ⵏ ⴰⴰⴷⵍ ⵉ ⵍⴻⴱⵏⵉ ⵏ 230.000 ⵏ ⵜⵏⴻⵣⴷⵓⵖⵉⵏ ⵙⴻⴳ ⵓⵊⴻⵎⵎⴰⵍ ⵏ 630.000 ⴰⵔⴰ ⵢⴻⵜⵜⵡⴰⴱⵏⵓⵏ ⴷⴻⴳ ⵡⴰⵀⵉⵍ ⵏ ⵙⴻⵎⵎⵓⵙ (5) ⵏ ⵢⵉⵙⴻⴳⴳⴰⵙⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉⵎⵉⵔ-ⴰ.

ⴷⵖⴰ ⵢⴻⵜⵜⵡⴰⴷⴷⴻⵎ ⵓⵃⴻⵣⵣⵉⴱ-ⴰ ⵉ ⵍⵎⴻⵏⴷ ⵏ ⵓⵙⵙⴻⵄⵊⴻⵍ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⴰⴰⴷⵍ ⴰⴽⴽⴻⵏ ⴰⴷ ⴷ-ⵢⴻⵊⵡⴻⴷ ⴷⴻⴳ ⵡⴰⴽⵓⴷ.